05/02/2026
আজি হৈ যোৱা বিদ্যালয়ৰ ২০২৫-২৬ শিক্ষাবৰ্ষৰ বাৰ্ষিক খেল-ধেমালিৰ বঁটা-বিতৰণী আৰু মুকলি সভাৰ কেইটিমান সুন্দৰ মুহুৰ্তৰ ছৱি । উল্লেখ্য যে, সভাৰ আগতে পুৱাৰ ভাগত ভেশচন প্ৰতিযোগিতা অনুষ্ঠিত হৈছিল । ১১-৩০ বজাত আৰম্ভ হোৱা মুকলি সভাত সভাপতিত্ব কৰে বিদ্যালয়ৰ ভাৰপ্ৰাপ্ত প্ৰধান শিক্ষয়িত্ৰী শ্ৰী উষা ডেকা বাইদেৱে । বিশিষ্ট অতিথিৰ আসন শুৱনি কৰি কলাইগাওঁ শিক্ষা খণ্ডৰ অন্তৰ্গত বইনাওজা সমল কেন্দ্ৰৰ সমন্বয়ক শ্ৰী অৱণী কুমাৰ শৰ্মা দেৱে ছাত্ৰ-ছাত্ৰী তথা অভিভাৱকসকলৰ উদ্দেশ্যি বৰ সুন্দৰ আৰু মনোগ্ৰাহী ভাষণ প্ৰদান কৰে । সভাত আমন্ত্ৰিত অতিথি হিচাপে বিদ্যালয় পৰিচালনা সমিতিৰ সভাপতি শ্ৰী অনিমা কলিতা, প্ৰাক্তন সভাপতি দুলুমনি কাকতি বৰুৱা, উপ-সভাপতি গিৰীশ শইকীয়া, সদস্য হিৰণ্য কলিতাকে আদি কৰি বহুকেইগৰাকী বিষয়ববীয়া আৰু বহু সংখ্যক অভিভাৱক উপস্থিত আছিল । সকলোৰে সহযোগত অনুষ্ঠানটি সফলভাৱে সম্পন্ন হোৱাত ছাত্ৰ সংসদৰ কাৰ্যকৰী সভাপতি মঃ আতিকুৰ ৰহমানে সংশ্লিষ্ট সকলোলৈ ধন্যবাদ আৰু কৃতজ্ঞতা জনায় ।
