09/09/2021
വീടു വിദ്യാലയമാകുന്ന കാലത്തെ രക്ഷാകർതൃ ബോധവല്ക്കരണ പരിപാടികൾക്ക് തുടക്കമായി!
💕💕💕💕💕💕💕💕💕💕💕💕💕
മാഹി -ചാലക്കര ഉസ്മാൻ ഗവൺമെന്റ് ഹൈസ്കുളിൽ അധ്യാപക രക്ഷാകർതൃ സമിതിയുടെ നേതൃത്വത്തിൽ രക്ഷാകർതൃ ശാക്തീകരണ പരിപാടികൾക്കു തുടക്കമായി. വിദ്യാലയത്തിൽ ആവിഷ്ക്കരിച്ച
ഉണർവ്വ് 2021പദ്ധതിയുടെ ഭാഗമായാണ് പ്രീ പ്രൈമറി മുതൽ പത്താം ക്ലാസ്സു വരെയുള്ള ക്ലാസ്സിലെ കുട്ടികളുടെ രക്ഷിതാക്കൾക്കായി മൂന്നു ഘട്ടമായി ഓൺലൈനായും ഓഫ് ലൈനായും ബോധവല്ക്കരണ പരിപാടികൾ സംഘടിപ്പിക്കുന്നത്.
ഇതിന്റെ ആദ്യ ഘട്ടമായി പ്രീ പ്രൈമറി വിഭാഗം എൽ.കെ.ജി ക്ലാസ്സിലെ കുട്ടികളുടെ രക്ഷിതാക്കൾക്കായി സംഘടിപ്പിച്ച കുഞ്ഞുങ്ങൾക്കൊപ്പം! രക്ഷാകർതൃ ശാക്തീകരണ പരിപാടി പ്രധാനാധ്യാപകൻ എം. മുസ്തഫ ഉദ്ഘാടനം ചെയ്തു.
വീട്ടിലിരിക്കുന്ന ശിശുക്കളും ചിത്രവായനയും! എന്ന വിഷയത്തിൽ ചിത്രകലാധ്യാപകൻ ടി.എം. സജീവൻ രക്ഷിതാക്കൾക്ക് സോദാഹരണ ക്ലാസ്സു നല്കി.
*ശിശു സൗഹൃദ കളിപ്പാട്ട നിർമ്മാണം* എന്ന വിഷയത്തിൽ
കെ.എം. തങ്കലത ടീച്ചർ ക്ലാസ്സു നയിച്ചു.
ശിശുക്കളുടെ സഹജഭാവങ്ങൾ തിരിച്ചറിയാനും
വീടു വിദ്യാലയമായ സാഹചര്യത്തിൽ ശിശു മനസ്സിന്റെ സവിശേഷതകൾ മനസ്സിലാക്കാനും അതു വഴി ആഹ്ളാദ നിർഭരമായ നിമിഷങ്ങൾ വീട്ടിൽ സൃഷ്ടിക്കാനും കുഞ്ഞുങ്ങളോടൊപ്പം പരിപാടി രക്ഷിതാക്കൾക്കു സഹായകമാവും. മാതൃസമിതി പ്രസിഡണ്ട് കെ. രസ്ന അധ്യക്ഷത വഹിച്ചു.
സഹ പ്രധാനാധ്യാപിക ഏ.ടി. പത്മജ,
കെ.പി.അനിത, എന്നിവർ സംസാരിച്ചു. കെ.വി. സന്ദീവ് സ്വാഗതവും എം. സുനിത നന്ദിയും പറഞ്ഞു.
