14/08/2026
ബഡ്സ് സ്പെഷ്യൽ സ്കൂൾ & ബഡ്സ് റീഹാബിലിറ്റേഷൻ സെന്റർ ബഡ്സ് വാരാചരണം - 2026 ഭാഗമായി ഗവ: ഹോമിയോ ആശുപത്രി കുറ്റിപ്പുറം - കാരുണ്യ ആയുഷ് പാലിയേറ്റീവ് പദ്ധതിയുമായി സഹകരിച്ച്
ഭിന്നശേഷിക്കാർക്ക് വേണ്ടി മെഡിക്കൽ ക്യാമ്പ് സംഘടിപ്പിച്ചു.ബഡ്സ് ഹാളിൽ നടന്ന പരിപാടിയുടെ ഉദ്ഘാടനം കുറ്റിപ്പുറം ഗ്രാമ പഞ്ചായത്ത് വൈസ് പ്രസിഡന്റ് റിജിത ഷലീജ് നിർവഹിച്ചു. വാർഡ് മെമ്പർ ജസീന ഹമീദ് സ്വാഗതം പറഞ്ഞു.ക്ഷേമകാര്യ സ്റ്റാന്റിങ് കമ്മിറ്റി ചെയർമാൻ അഹമ്മദ്ക്കുട്ടി ചെമ്പിക്കൽ അധ്യക്ഷത വഹിച്ചു.വികസനകാര്യ സ്റ്റാന്റിങ് കമ്മിറ്റി ചെയർമാൻ സകീർ കെ പി,മെമ്പർമാരായ കോമളം ടീച്ചർ, അസീസ് കെ പി, കുടുംബശ്രീ സിഡിഎസ് ചെയർപേഴ്സൺ ഷിനി പി കെ, പിടിഎ പ്രസിഡണ്ട് ചന്ദ്രശേഖരൻ, വികസന മാനേജ്മെന്റ് സമിതി അംഗങ്ങളായ ഇക്ബാൽ എ കെ, അസ്കർ എ എ എന്നിവർ ആശംസകൾ നേർന്ന് സംസാരിച്ചു. ബോധവൽക്കരണ ക്ലാസിനും മെഡിക്കൽ ക്യാമ്പിനും ഡോ.പ്രസീദ ബാലകൃഷ്ണൻ, ഡോ.നജ്മത്ത് ബാനു എന്നിവർ നേതൃത്വം നൽകി.ബഡ്സ് അധ്യാപകനായ മുജീബ് റഹ്മാൻ ടി നന്ദി പറഞ്ഞു.
