29/12/2024
གཉིས་པ་ཐེག་ཆེན་གྱི་གྲུབ་མཐའ་སྨྲ་བ།
༡)) སེམས་ཙམ་པ།
ཀུན་མཁྱེན་ཇིགས་མེད་གླིང་པས།
གཟུང་འཛིན་གཉིས་སུ་སྣང་བའི་ཡུལ་ཡུལ་ཅན། །
ཀུན་རྫོབ་བདེན་པ་ཉིད་དེ་གང་ལས་གཞན།།
གཉིས་མེད་ཤེས་པ་དོན་དམ་བདེན་པ་རུ།།
འདོད་པ་སེམས་ཙམ་པ་ཡི་གྲུབ་པའི་མཐའ།།
མཁན་ཆེན་ཡོན་ཏན་རྒྱ་མཚོའི་ཡོན་ཏན་རིན་པོ་ཆེའི་མཛོད་འགྲེལ་ལས།
ཕྱི་དོན་མི་འདོད་ཅིང་རང་རིག་བདེན་གྲུབ་ཏུ་ཁས་ལེན་པའི་ཐེག་ཆེན་གྱི་གྲུབ་མཐའ་སྨྲ་བའི་གང་ཟག་དེ་སེམས་ཙམཔའིམཚན་ཉིད་ཡིན་ལ།
ཞེལ་པ་ལྟར་ཐེག་ཆེན་གྱི་གྲུབ་མཐའ་སྨྲ་བའི་གང་ཟག་གང་ཞིག་ གཉིས་སྟོང་གི་ཤེས་པ་རང་རིག་རང་གསལ་དོན་དམ་པར་ཁས་ལེན་པ་སེམས་ཙམ་པའི་གྲུབ་མཐའ་སྨྲ་བའི་མཚན་ཉིད།
དབྱེ་ན
ཡང་དེ་ཉིད་ལས།
༡ སོ་སོ་སྐྱེ་བོའི་རྒྱུད་ཀྱི་དབང་པོའི་མངོན་སུམ་ལ་སྣང་བའི་གཟུགས་སོགས་རགས་པར་སྣང་བ་འདི་དག་སྣང་བ་ལྟར་ཕྱི་དོན་དུ་མ་གྲུབ་ཀྱང་སེམས་སུ་བདེན་པར་འདོད་པ((་རྣམ་བདེན་པ་དང་། ))
༢ དེ་འདྲའི་རྣམ་པ་དེ་ཕྱི་དོན་དུའང་མ་གྲུབ་ནང་སེམས་སུ་ཡང་མ་གྲུབ་པར་མེད་སྣང་དུ་འདོད་པ་((རྣམ་རྫུན་པ་གཉིས།)) ཞེས་པ་ལྟར་རོ།
སེམས་ཙམ་པའི་བདེན་གཉིས་འདོད་ཚུལ།
མངོན་པ་ཀུན་བཏུས་ལས།
གང་ལ་དམིགས་ནས་ཀུན་ནས་ཉོན་མོངས་འཕེལ་བར་གྱུར་བའི་དམིགས་པ་ནི་ཀུན་རྫོབ་ཏུ་ཡོད་པའོ། །
གང་ལ་དམིགས་ནས་རྣམ་པར་བྱང་བ་འཕེལ་བར་ འགྱུར་བའི་དམིགས་པ་ནི་དོན་དམ་ཡོད་པའོ། །
ཞེས་གསུངས་པ་ལྟར་གང་ལ་དངོས་སུ་དམིགས་ན་ཀུན་ནས་ཉོན་མོངས་པ་རྒྱུས་སུ་རུང་བའི་ཆོས་ཀུན་རྫོབ་བདེན་པའི་མཚན་ཉིད།
མཚན་གཞི་ནི་བུམ་པ་ལྟ་བུའོ།
གང་ལ་དངོས་སུ་དམིགས་ནས་རྣམ་པར་སྦྱང་བའི་ཆོས་རྒྱས་སུ་རུང་བའི་གཞིར་གྱུར་པ་དོན་དམ་བདེན་པའི་མཚན་ཉིད།
མཚན་གཞི་ནི་གཉིས་སྟོང་གི་ཤེས་པ་རང་རིག་རང་གསལ་ལྟ་བུ།
((གཉིས་པ་དབུ་མ་པའི་གྲུབ་མཐའ་བཤད་པ་ནི།))
ཀུན་མཁྱེན་འཇིགས་མེད་གླིང་པས།::
ཇི་ལྟར་སྣང་བ་ཐམས་ཅད་ཀུན་རྫོབ་ཏུ། །
གྲུབ་པ་སྒྱུ་མ་ལྟ་བུའི་མཚན་ཉིད་དེ།།
དོན་དམ་གྲུབ་པ་མེད་པ་ནམ་མཁའ་ལྟར།།
འདོད་པ་དབུ་མ་རང་རྒྱུད་པ་ཡི་ལུགས།།
མཁན་པོ་ཡོན་ཏན་རྒྱ་མཚོའི་ཡོན་ཏན་རིན་པོ་ཆེའི་མཛོད་འགྲེལ་ལས།::
གཟུང་འཛིན་གཉིས་ཀ་དོན་དམ་པར་མ་གྲུབ་པར་རྟོགས་ནས་ཕྱི་ དོན་རང་རིག་གཉིས་ཀ་བདེན་གྲུབ་ཏུ་མི་འདོད་པའི་ཐེག་ཆེན་གྱི་ གྲུབ་མཐའ་འཛིན་པའི་གང་ཟག་དེ་དབུ་མ་པའི་ མཚན་ཉིད།
དབྱེ་ན།
ཚུལ་གསུམ་རང་ངོས་ནས་གྲུབ་པའི་རྟགས་ཡང་དག་ལ་བརྟེན་ ནས་བདེན་དངོས་འགོག་པར་བྱེད་པ་རང་རྒྱུད་པ་དང།
ཐལ་འགྱུར་ཙམ་གྱིས་ཕྱིར་རྒོལ་གྱི་རྒྱུད་ལ་བསྒྲུབ་བྱ་རྟོགས་པའི་རྗེས་ དཔག་སྐྱེ་བར་འདོད་པ་ཐལ་འགྱུར་བ་གཉིས་སོ། ཞེས་གསུངས་ཞིང།
ཡང་ཀུ་མཁྱེན་མི་ཕམ་རིན་པོ ཆེའི་དབུ་མ་རྒྱན་འགྲེལ་ལས།::
དེས་ན་རྣམ་གྲངས་པའི་དོན་དམ་ཁས་ལེན་དང་བཅས་པ་དེ་རྩལ་དུ་བཏོན་ནས་འཆད་པ་རང་རྒྱུད་པའི་མཚན་ཉིད་ཡིན་ལ། རྣམ་གྲངས་མ་ཡིན་པའི་དོན་དམ་ཁས་ལེན་ཀུན་བྲལ་རྩལ་དུ་བཏོན་ནས་འཆད་པ་ཐལ་འགྱུར་བ་ཡིན་པ་ཤེས་པར་བྱའོ།
{ དབུ་མའི་ལུགས་ཀྱི་བདེན་གཉིས་འདོད་ཚུལ། }
དེ་ལའང་གཉིས་ཏེ།
༡ དབུ་མ་རང་རྒྱུད་པའི་བདེན་གཉིས་འདོད་ཚུལ།
༢ དབུ་མ་ཐལ་འགྱུར་བའི་བདེན་འདོད་ཚུལ།
༡] དང་པོ་རང་རྒྱུད་པའི་བདེན་གཉིས་འདོད་ཚུལ།
གྲུབ་མཐའ་རིན་པོ་ཆེའི་མཛོད་ལས།
དབུ་མ་རང་རྒྱུད་པའི་ལུགས་ལ།
ཀུན་རྫོབ་ཀྱི་བདེན་པའི་མཚན་ཉིད་ནི། ཆོས་ཅན་གང་ཞིག་རིགས་པས་དཔྱད་མི་བཟོད་པ། ཞེས་སོ།
དེ་ལ་དབྱེ་ན།
བདེན་གཉིས་ལས།
སྣང་དུ་འདྲ་ཡང་དོན་བྱེད་དག །
ནུས་པའི་ཕྱིར་དང་མི་ནུས་ཕྱིར།
ཡང་དག་ཡང་དག་མ་ཡིན་ཏེ། །
ཀུན་རྫོབ་ཀྱི་ནི་དབྱེ་བའང་བྱས། །ཞེས་གསུངས་པ་ལྟར།
གྲུབ་མཐའ་མཛོད་ལས། དཔྱད་མི་བཟོད་པའི་ཤེས་བྱ་དོན་བྱེད་ནུས་པ་ཡང་དག་པའི་ཀུན་རྫོབ་ཀྱི་མཚན་ཉིད་ཡིད་ལ།
དཔྱད་མི་བཟོད་པའི་ཤེས་བྱ་དོན་བྱེད་མི་ནུས་པ་ལོག་པའི་ཀུན་རྫོབ་ཀྱི་མཚན་ཉིད་དོ། །ཞེས་གསུངས་པ་ལྟར་རོ། །
1 ཡང་དག་ཀུན་རྫོབ་དང། དཔེར་ན་བུམ་པ་ལྟ་བུ།
2 ལོག་པའི་ཀུན་རྫོབ་། དཔེར་ན་ནམ་མཁའ་ལྟ་བུའོ།
གྲུབ་མཐའ་མཛོད་ལས།
དོན་དམ་བདེན་པའི་མཚན་ཉིད། གང་ཞིག་རིགས་པས་དཔྱད་བཟོད་པའོ། །ཞེས་གསུངས་པ་ལྟར་རོ།
དབྱེ་ན།
དབུ་མ་རྒྱན་ལས་།
དམ་པའི་དོན་དང་མཐུན་པའི་ཕྱིར།
དེ་ནི་དམ་པའི་དོན་ཞེས་བྱ་།
ཞེས་དང་ཀུན་མཁྱེན་ཆེན་པོའི་དབུ་མ་རྒྱན་འགྲེལ་ལས།
དོན་དམ་ལ་རྣམ་གྲངས་དང་རྣམ་གྲངས་མ་ཡིན་པ་གཉིས་སུ་ཕྱེ་བ། ཞེས་གསུངས་པ་ལྟར།
1 མཐའ་དང་པོ་ཙམ་བཀག་པའི་སྟོང་ཉིད་མེད་དགག་རྣམ་གྲངས་པའི་དོན་དམ་བདེན་པ་དང།
དཔེར་ན་གང་ཟག་བདག་མེད་ལྟ་བུ།
2 སྤྲོས་པའི་མཐའ་ཐམས་ཅད་དང་བྲལ་བའི་མཐར་ཐུག་གི་གནས་ལུགས་རྣམ་གྲངས་མ་ཡིན་པའི་དོན་དམ་བདེན་པ།
དཔེར་ན། བུམ་པའི་སྟེང་གི་ཆོས་ཉིད་ལྟ་བུ།
[ གཉིས་པ་དབུ་མ་ཐལ་འགྱུར་བའི་བདེན་གཉིས་འདོད་ཚུལ། ]
ཀློང་ཆེན་པས་་གྲུབ་མཐའ་མཛོད་ལས།
ཀུན་རྫོབ་ཀྱི་མཚན་ཉིད། གཟུང་འཛིན་སྤྲོས་པ་དང་བཅས་པའི་རྣམ་པར་སྣང་བ། དེ་ཡང་སྒྲིབ་པའི་རྣམ་པར་སྐྱེས་པ་སྟེ།
ཞེས་དང་ཡང་དེ་ཉིད་ལས།
གཏི་མུག་རང་བཞིན་སྒྲིབ་ཕྱིར་ཀུན་རྫོབ་སྟེ། །
དེ་གང་བཅོས་མ་བདེན་པར་སྣང་དེ་ནི། །
ཀུན་རྫོབ་བདེན་ཞེས་ཐུབ་པས་དེ་གསུངས་སོ། །
ཞེས་སོ་ཞེས་དང།
ཡང་དེ་ཉིད་ལས། དེའང་བློ་འཁྲུལ་བའི་ངོ་ནཤེས་བྱ་སྣ་ཚོགས་སུ་སྣང་བ་ཀུན་རྫོབ་ལ། ཞེས་གསུངས་སོ།
དབྱེ་ན།
༡ ཡང་དག་ཀུན་རྫོབ་། བུམ་པ་ལྟ་བུ།
༢ ལོག་པའི་ཀུན་རྫོབ་། རྟག་པ་རྣམས།
དབྱེ་ན་དེ་དག་གི་མཚན་ཉིད་ནི་གོངརང་རྒྱུད་པར་་བཀོད་པ་དེ་དང་མཚུངས་སོ།
གྲུབ་མཐའ་རིན་པོ་ཆེའི་མཛོད་ལས།
དོན་དམ་བདེན་པའི་མཚན་ཉིད་ནི། གཟུང་འཛིན་སྤྲོས་པ་དང་བྲལ་བའི་ངོ་བོ་སྟེ།
ཞེས་དང་། བློ་མ་ཁྲུལ་བའི་ངོ་བོར་ཅི་ཡང་བསམ་བརྗོད་ལས་འདས་པར་གནས་པ་ནི་དོན་དམ་ཞེས་གསུངས་ཏེ། ཞེས་པ་ལྟར་རོ།
དེ་ལ་རྣམ་གྲངས་མ་ཡིན་པ་ལས་གཞན་མེད་པས་རང་རྒྱུད་པ་བཞིན་དོན་དམ་བདེན་པ་ལ་དབྱེ་བ་མི་བཞེད་དོ།
![༡))ཕམ་པའི་མཚན་ཉིད།[མཚོ་ཊཱིཀ་ཉི་མའི་འོད་ཟེར་ལས།]= བསྙེན་རྫོགས་ཀྱི་བཅས་པ་ལས་འདས་པའི་ལྟུང་བ་དངོས་གཞི་རྫོགས་པ་ཡིན་ཞིང་རང་གི་...](https://img5.schoolandcollegelistings.com/044/193/355939780441931.jpg)
