07/10/2019
नमस्कार,
आज दसरा. सर्वांना शुभेच्छा 💐💐
परवा गांधी जयंती झाली आणि आमच्याकडून more@गांधी ही स्पर्धा कांही तांत्रिक कारणाने पुढे ढकलली. आज ती परीक्षा घेण्यात आली.
या स्पर्धेत सहभागी प्रत्येक विद्यार्थाला इंग्रजीतून गांधीजींच्या विषयी कांही प्रश्न विचारण्यात आले होते. यातून मुलांचं वाचन, प्रश्नाचं आकलन, योग्य उत्तर निवडण्यासाठी तार्किक बुद्धी व वेळेचं बंधन पाळत यशस्वी होणं हे सगळं अजमावण्यासाठी या परीक्षेचं आयोजन केलं होतं. दुर्दैवाने या परीक्षेला दुसऱ्या कुठल्याही शाळेची मुलं बसली नाहीत. हे जग फार मोठं आहे, आपल्यापेक्षा कितीतरी चांगल्या भव्य दिव्य गोष्टी इथे भरून उरल्या आहेत. ते आपण मुलांना दाखवायला हवं हे पालकांनी लक्षात न घेतलेंन म्हणा किंवा पालकांनी अट्टाहास न धरलेने म्हणा. असो. जेवायला घातलं, चांगले कपडे दिले, गावाला नेलं किंवा लाड पुरवले किंवा फी भरली म्हणजे जबाबदारी संपत नाही. शिक्षण हा एकमेव उपाय आहे जे आपला वृद्धापकाळात सुंसंस्कृत शिक्षित मुलाच्या रूपाने कामाला येऊ शकेल.
माझ सर्व पालकांना आवाहन आहे आम्हाला अशा दुसऱ्या शाळेतील नाविन्यपूर्ण उपक्रमांची माहिती देत चला. आम्ही आमची मुलं नक्की पाठवुन देऊ. आम्ही कमी पडलो तर परत जिद्दीने प्रयत्न करून यशस्वी होऊ. दुसऱ्याच्या यशाचा आनंद साजरा करण्याची खिलाडी वृत्ती आपल्या मुलांच्यात आहे. आपल्या सर्वच मुलांनी कमीत कमी कालावधीत परीक्षा दिली.
या यशस्वी विद्यार्थ्यांच कौतुक करण्यासाठी सोनाळी गावचे सुपुत्र व नेहमी शैक्षणिक कार्याला शक्य ती सर्वतोपरी मदत करणारे श्री रमेश म्हातुगडे, अपूर्वा मेडिकल बिद्री चे श्री संजय खाडे यां दोघांनीही स्वतः उपस्थित राहून मुलांना प्रोत्साहन दिले. यशस्वी विद्यार्थ्यांना बक्षीस व प्रमाणपत्र मान्यवरांच्या हस्ते दिले. संस्थेचे अध्यक्ष मा श्री सर्जेराव म्हातुगडे सर यांच्या मार्गदर्शनाखाली प्राचार्या सौ म्हातुगडे मॅडम, सुपरवायझर कोंडेकर मॅडम व त्यांची संपूर्ण टीम अशा सर्वांच्या एकत्रित साधनेतून आपल्या मुलांच्या भविष्याला आकार देण्याचं काम इंटिटी मध्ये सातत्याने सुरू आहे. आमच्या अशा उपक्रमांना नेहमीच साथ देणाऱ्या पालकांचं मनापासून आभार व्यक्त करत आहे.
या वर्षी आम्ही मुलांच्या लिखाणातून वाचनाकडे लक्ष देऊन आहोत. इतकंच नाही तर त्यांचा शब्द संग्रह वाढत राहील याची काळजी घेत आहोत. उच्चार स्पष्ट व योग्यच व्हायला हवा याची काळजी घेत आहोत.
पालकांनी जागरूकपणे सतत आम्हाला मार्गदर्शन करत रहावे.
आजच्या कार्यक्रमाची कांही क्षणचित्रे .....
प्रथम क्रमांक -
स्वरांजली संतोष रानमाळे 7 वी
दुसरा क्रमांक -
देवराज दिनकर लाळगे 7 वी
तिसरा क्रमांक -
प्रणव तानाजी डावरे 7 वी
चौथा क्रमांक -
विनायक तानाजी परीट 8 वी
पाचवा क्रमांक
यशराज दत्तात्रय खोळंबे 7 वी
