Nutan Vidhyalay, Radhu

04/09/2022

નૂતન વિદ્યાલય રઢુ તેમજ રઢુ ગ્રુપ વિદ્યામંદિરમાં લાયન્સ ક્લબ ઓફ અમદાવાદ, હરવા ફાઉન્ડેશન તથા ત્રિશા મલ્ટી સ્પેશિયાલિટી હોસ્પિટલ ના સહયોગથી વિનામૂલ્ય નેત્ર નિદાન તેમજ હાડકાના દુખાવાની શિબિરનું આયોજન કરવામાં આવ્યું હતું.

આ શિબિરનો આશરે 700 જેટલા દર્દીઓ દ્વારા લાભ લેવામાં આવ્યો હતો. જમા 400 જેટલા દર્દીઓને આંખની તપાસ કરીને ચશ્મા વિતરણ કરવામાં આવેલ હતું.

300 જેટલા દર્દીઓ ના વિવિધ પ્રકારના હાડકાના, સાંધાના તેમજ ઘૂંટણના એવા વિવિધ પ્રકારના દુખાવા ની તપાસ કરી જરૂરિયાતોને એક્સરે કરવામાં આવ્યા હતા. તથા દવા સાથે વિવિધ સલાહ સૂચન કરી યોગ્ય માર્ગદર્શન આપવામાં આવેલ હતું.

16/08/2021

આજ રોજ ભારત નાં 75 મા સ્વાતંત્ર્ય દિન નિમત્તે શ્રી રઢુ ગ્રુપ વિદ્યા મંદિર તથા નૂતન વિદ્યાલય રઢુ શાળા માં ધ્વજવંદન નો કાર્યક્રમ રાખવામાં આવેલ હતો. આ શાળાના ભૂતપૂર્વ વિદ્યાર્થીઓ ડૉ. નિષ્ઠાબેન સી. કા. પટેલ તથા ડૉ. યોગીકુમાર સી. કા. પટેલ નાં વરદ હસ્તે તથા શાળા નાં પ્રમુખ શ્રી નરેન્દ્ર સિંહ પી. વાઘેલા ની અધ્યક્ષતા માં ધ્વજવંદનનો કાર્યક્રમ યોજવામાં આવ્યો. જેમાં બન્ને વિદ્યાર્થીઓ નાં માતા- પિતા બન્ને શાળાના શિક્ષકો તથા અન્ય ગ્રામજનો ઉપસ્થિત રહ્યા હતા.

આ ધ્વજવંદન કાર્યક્રમમાં બન્ને શાળાઓ તથા રઢુ સેવા સમર્પણ ટ્રસ્ટ દ્વારા કોરોનાં મહામારીનાં કોરોના વોરિયર્સ તથા ફ્રન્ટ લાઈન વર્કર્સ નું મોમેન્ટમ, પ્રમાણપત્ર તેમજ શાલ ઓઢાડીને સન્માન કરવામાં આવ્યું હતું.

જેમાં કોરોના મહામારીમાં પોતાની ઉત્કૃષ્ઠ સેવા બદલ PHC સેન્ટર રઢુ ના તમામ સ્ટાફ, ગ્રામ પંચાયત રઢુ નાં સ્ટાફ, હોમ ગાર્ડ સ્ટાફ, કોવિડ આઇસોલેશન સેન્ટર નાં આયોજકશ્રીઓ નું કોરોના મહામારીમાં સમાજસેવા રૂપી ઉત્કૃષ્ઠ કામગીરીને બિરદાવતાં સન્માન કરવામાં આવ્યું હતું.

04/06/2021

આથી નૂતન વિદ્યાલય માં અભ્યાસ કરતા તમામ વિદ્યાર્થીઓ તથા સંબંધિત વાલીઓ ને જણાવવાનું કે નવા શૈક્ષણિક વર્ષ 2021-22 માટે શાળામાં જુનિયર કે જી થી ધોરણ 8 માટે નવા પ્રવેશ ની પ્રક્રિયા શરુ થઈ ગયેલ છે. તો આપની આસપાસ આવા કોઈ બાળકને પ્રવેશ મેળવવો હોય તો સત્વરે શાળા કાર્યાલય નો સંપર્ક કરવો.

નવા વર્ષે પણ સરકાર શ્રી ની ગાઈડ લાઈન મુજબ વિદ્યાર્થીઓ ને ઓનલાઈન શિક્ષણ આપવામાં આવશે. સાથેજ વિદ્યાર્થીઓને શૈક્ષણિક કીટ આપવામાં આવશે. જેથી લાગતા વળગતા વિર્ધાર્થીઓ ને તથા વાલીશ્રી ને જાણ કરવા વિનંતી.

આ સિવાય જે વિદ્યાર્થીઓ હાલમાં શાળામાં અભ્યાસ કરે છે તેવા તમામ વિદ્યાર્થીઓ તથા વાલિશ્રી ને જણાવવાનું કે આપના વિદ્યાર્થી નું ગત વર્ષ નું પરિણામ પત્રક શાળાએથી લઇને નવા વર્ષ માટે વિદ્યાર્થી ની શૈક્ષણિક ફી ભરીને નવા વર્ષ ની શૈક્ષણિક કીટ લઈ જવી.

સ્થળ:
નૂતન વિદ્યાલય રઢુ
શાળાનો સમય: સવારે 9:00 થી 12:00 સુધી.

19/05/2021

શ્રી રઢુ ગ્રુપ કેળવણી મંડળ સંચાલિત શ્રી રઢુ ગ્રુપ વિદ્યા મંદિર

તથા

શ્રી નુતન એજયુકેશન ટ્રસ્ટ સંચાલિત
નુતન વિદ્યાલય રઢુ.

નુતન વિદ્યાલય રઢુ તેમજ શ્રી રઢુ ગૃપ વિદ્યા મંદિર રઢુ કે જે બન્ને શાળા તેમજ તેને સંલગ્ન ટ્રસ્ટ દ્વારા વર્ષો થી રઢુ તેમજ આસપાસના તમામ ગામ આર્થિક, શૈક્ષણિક તેમજ સામાજિક પ્રશ્નોના નિવારણ માટે પ્રયત્નશીલ રહેલ છે.

બન્ને સંસ્થાઓ દ્વારા વખતો વખત વિવિધ નિશુલ્ક મેડિકલ કેમ્પ, રોજગારી ને લગતા કેમ્પ, મહિલા સશક્તિકરણ માટે સંસ્થા દ્વારા મહીલાઓ માટે નિશુલ્ક સીવણ, કંપનીઓ માં ઓપન ઇન્ટરવ્યૂ દ્વારા રોજગાર વગેરે જેવા કાર્યો હાથ ધરેલ છે.

ત્યારે આવી મહામારી નાં કપરા સમયમાં પણ નુતન વિદ્યાલય ખાતે કોરોના નાં દર્દીઓ માટે નિશુલ્ક આઇસોલેષન સેન્ટર શરુ કરવામાં આવેલ છે. ત્યારે શાળા દ્વારા વિદ્યાર્થીઓ નાં હિત માટે પણ લાગણીસભર નિર્ણય લેવામાં આવેલ છે. બન્ને સંસ્થા નાં પ્રમુખ શ્રી નરેન્દ્રસિંહ વાઘેલા નાં અધ્યક્ષ સ્થાને થયેલ મિટિંગ માં જે વિદ્યાર્થી નાં માતા- પિતા નું કોરોના મહામારી નાં કારણે અવસાન થયેલ છે તેવા વિદ્યાર્થીઓ માટે સરાહનીય નિર્ણય લેવામાં આવેલ છે.

આથી જાહેર કરવામાં આવે છે કે જે વિદ્યાર્થી નાં માતા પિતા નું કોરોના મહામારી નાં કારણે અવસાન થયેલ હોય તથા આવા વિદ્યાર્થીઓ આ સંસ્થામાં અભ્યાસ કરતા હોય કે પ્રવેશ મેળવવા ઉત્સુક હોય તેવા વિદ્યાર્થીઓની આ સંસ્થામાં ધોરણ 12 મા સુધી ફિ ભરવામાં થી માફી આપવાનો સંસ્થા દ્વારા નિર્ણય લેવામાં આવ્યો છે. સાથેજ આવા વિદ્યાર્થીઓને કારકિર્દી ઘડવા માટે ઉચિત માર્ગદર્શન પણ આપવામાં આવશે.

આવી જરૂરિયાત વાળા વિદ્યાર્થીઓને આજેજ શાળાનો સંપર્ક કરવા તેમજ જો આપની આસ પાસ કોઈ બાળક આવું હોય તો તેના ભવિષ્ય ને ઉજ્જવળ બનાવવા તેમને શાળાએ પ્રવેશ અપાવી આપ પણ આ ઉત્કૃષ્ટ કાર્ય માં સહભાગી થાઓ એવી અમારી આપને વિનંતી.

શ્રી નરેન્દ્રસિંહ પી. વાઘેલા
પ્રમુખ શ્રી
શ્રી રઢુ ગૃપ વિદ્યા મંદિર રઢુ
નુતન એજયુકેશન ટ્રસ્ટ રઢુ

Mo-9913960848

14/04/2020

આજરોજ નુતન વિદ્યાલય રઢુ દ્વારા રઢુ ગામમાં ગરીબી રેખા હેઠળ જીવતા વૃદ્ધાઓ તેમજ નીસહાય પરિવારોને અનાજની કીટનું વિતરણ કરવામાં આવ્યું હતું. નુતન વિદ્યાલય દ્વારા ગામમાં આશરે 100 જેટલી અનાજની કીટનું વિતરણ કરવામાં આવ્યું હતું.
જેમાં ગામમાં વસતા ગરીબ પરિવારના વૃદ્ધ દંપતીઓને, તેમજ જે પરિવાર નીસહાય છે કે જેઓના પરિવારમાં રોજીરોટી કમાનાર કોઈ નથી. તેમજ પરિવાર ગરીબી રેખા હેઠળ જીવી રહી છે આવા જરૂરિયાત મંદોને lockdown ની કપરી પરિસ્થિતિમાં નુતન વિદ્યાલય રઢુ દ્વારા જીવનનિર્વાહની જરૂરી સામગ્રી રૂપે અનાજની કીટનું વિતરણ કરવામાં આવ્યું હતું.

12/04/2020

25/01/2020

આવતી કાલ તારીખ = 26-01-2020 ને રવિવાર ના રોજ નૂતન એડયુકેશન ટ્રસ્ટ તથા રુદ્રાક્ષ હોસ્પિટલ દ્વારા સર્વ રોગ નિદાન કેમ્પ નું આયોજન કરેલ છે તો સર્વ ગ્રામજનો ને લાભ લેવા વિંનતી..
સ્થળ : નૂતન વિદ્યાલય રઢુ.
સમય : સવારે 10:00 થી 12:00

03/01/2020

નુતન વિદ્યાલય રઢુ દ્વારા ૨ દિવસના શૈક્ષણિક પ્રવાસનું આયોજન કરવામાં આવ્યું હતું. આ શૈક્ષણિક પ્રવાસ માં વિદ્યાર્થીઓને વઘાઈ, ઉનાઈ, સાપુતારા હિલ સ્ટેશન, નાસિક પંચવટી દર્શન, મુક્તિધામ, ત્રંબકેશ્વર જ્યોતિર્લિંગ દર્શન, તેમજ શેરડી જેવા સ્થળોએ મુલાકાત લીધી હતી. શિક્ષકો દ્વારા વિદ્યાર્થીઓને વિવિધ સ્થળોના અંગે ભૌગોલિક તેમજ ઐતિહાસિક જાણકારી આપવામાં આવી હતી. તથા વિદ્યાર્થીઓ ને પ્રવાસ થકી ગમ્મત સાથે જ્ઞાન આપવામાં આવ્યુ હતું. વિદ્યાર્થીઓ ઐતિહાસિક સ્થળોની મુલાકાત લઇ શૈક્ષણિક પ્રવાસની મજા માણી હતી.

23/07/2019

આજરોજ તારીખ 23 જુલાઇ 2019 ના રોજ નુતન વિદ્યાલય રઢુ ના ધોરણ 5 થી 8 ના વિદ્યાર્થીઓ માટે બેંકની વિઝીટ નો કાર્યક્રમ રાખવામાં આવ્યો. જમા રઢુ ગામ ની યુનિયન બેન્ક ની શાખા માં વિદ્યાર્થીઓને બેંક ની કાર્યશૈલી વિસ્તૃત જાણકારી આપવામાં આવી હતી. જેમાં બેંકના મેનેજર શ્રી દ્વારા વિદ્યાર્થીઓને બેંકમાં લેવડ દેવડ ની માહિતી આપવામાં આવી હતી. સાથે બેંકમાં અલગ અલગ યોજના તેમજ તેના ફાયદા વિશે પણ વિદ્યાર્થીઓને માહિતી આપવામાં આવી હતી.

05/07/2019

આજે તારીખ 05/07/2019 ને શુક્રવારના રોજ રઢુ ગૃપ વિદ્યામંદિર તથા નુતન વિદ્યાલય નો શાળા પ્રવેશોત્સવ કાર્યક્રમ યોજાયો. જેમાં કાર્યક્રમનો મુખ્ય ઉદ્દેશ્ય બાળકો તથા વાલીઓમાં વૃક્ષો તેમજ પાણીની જાળવણી તેમજ તેના મહત્વ વિશે સમજાવવાનો હતો. બંને શાળાના વિદ્યાર્થીઓ દ્વારા ગામમાં વૃક્ષો બચાવો તેમજ પાણી બચાવો ના નારા સાથે રેલી કાઢવામાં આવી હતી. સાથે જ શાળાના પ્રાંગણમાં નવા પ્રવેશ લીધેલ બાળકોના હસ્તે વૃક્ષારોપણ કરાવવામાં આવ્યું હતું. તેમજ શાળા ના દરેક વિદ્યાર્થી ને ભવિષ્યમાં વૃક્ષો સમાજ પાણીની જાળવણી માટે સંકલ્પ લેવડાવવામાં આવ્યો હતો.

આ પ્રસંગે શાળાના વિદ્યાર્થીઓ દ્વારા વૃક્ષો તેમજ પાણી ના મહત્વ અંગે સમજાવવા બે નાટક ભજવવામાં આવ્યા હતા. વિદ્યાર્થીઓ તથા ગ્રામજનોમાં આ વિષે જાગૃતિ લાવવા સમજૂતી આપવામાં આવી હતી.

આ કાર્યક્રમમાં ઉપસ્થિત મહેમાનશ્રીઓ જેમાં યોગેશભાઈ શુક્લા સાહેબ એક્ઝિક્યુટિવ ડાયરેક્ટર શ્રી jti પથાપુરા તેમજ જયેશભાઈ પટેલ સાહેબ jti શ્રીપદ સાહેબ jti, આર એસ પટેલ સાહેબ રેન્જ ફોરેસ્ટ ઓફિસર ખેડા વગેરે એ શાળાના આ કાર્ય ને તથા વિદ્યાર્થીઓને બીરદાવી પ્રશંસા કરી હતી. તેમજ પર્યાવરણ બચાવવાના આ ભગીરથ કાર્યને શરૂ કરવા બદલ બંને શાળાને અભિનંદન પાઠવ્યા હતા. શાળા પ્રમુખ શ્રી નરેન્દ્ર સિંહ વાઘેલા એ મહેમાનશ્રીઓ ને કાર્યક્રમમાં ઉપસ્થિત રહેવા બદલ આભાર માન્યો હતો. તથા આ કાર્યક્રમ થકી ગ્રામજનો તેમજ વિદ્યાર્થીઓમાં આ અંગે જાગૃતતા આવે એવી આશા વ્યક્ત કરી હતી.

05/03/2019

એસએસસી અને એચએસસી માં પરીક્ષા આપતા તમામ વિદ્યાર્થીઓને બેસ્ટ ઓફ લક તથા ભવિષ્યમાં પણ સફળતા મેળવો તેવી શુભકામના,

પ્રમુખશ્રી
નરેન્દ્રસિંહ પી વાઘેલા
રઢુ ગ્રુપ વિદ્યામંદિર રઢુ
નુતન વિદ્યાલય રઢુ.