Ilmu-Noor Virtual Academy

31/03/2026

*🔲 REMINDER 🔲*

*മാസത്തിലെ 3 നോമ്പ് കൊണ്ടുള്ള ഉദ്ദേശം 'അയ്യാമുൽ ബീദ്' (ايام البيض) മാത്രമാണോ?*

•┈┈┈┈•✿❁✿•┈┈┈┈•

*✆ WhatsApp channel*
https://whatsapp.com/channel/0029VafdpwV1Hspslm4dYV3u

*⌲ Telegram Channel:*
https://t.me/al_ilmunnoor

🔅🔅🔅🔅🔅🔅🔅🔅🔅🔅
❓ _*ചോദ്യം: താങ്കൾക്ക് അറിയുന്നത് പോലെ തന്നെ സാധാരണ മാസങ്ങളിൽ, (റമദാനും,ദുൽഹിജ്ജയിലും അല്ലാത്ത) ആ മാസത്തിലേക്ക് പ്രവേശിക്കുന്നത് ഒരാൾ അറിയാറില്ല. അപ്പോൾ എങ്ങനെയാണ് ആ മാസങ്ങളിൽ 'അയ്യാമുൽ ബീദിലെ' നോമ്പ് ഒരാൾ അനുഷ്ഠിക്കുക. അഥവാ എങ്ങനെയാണ് ആ ദിവസങ്ങളെ പറ്റി കൃത്യത വരുത്തുക?*_

✍ *ശൈഖ് ഇബ്നു ബാസ് رَحِمَـﮧُ اللَّـﮧُ നൽകുന്ന മറുപടി:*
➖➖➖➖➖➖➖➖➖➖
❝ കലണ്ടറിൽ വരുന്ന തിയ്യതിയുടെ അടിസ്ഥാനത്തിൽ ഒരാൾക്ക് നോമ്പ് എടുക്കാവുന്നതാണ്.
ഇനി ഒരാൾ 'അയ്യാമുൽ ബീദ്' അല്ലാത്ത ദിവസങ്ങളിലാണ് നോമ്പ് എടുക്കുന്നതെങ്കിൽ അവന് അത് മതിയായതാണ്. കാരണം നബി-ﷺ-എല്ലാ മാസവും (മൂന്ന്) നോമ്പ് എടുക്കാൻ പ്രേരിച്ചിട്ടുണ്ടെങ്കിലും അയ്യാമുൽ ബീദിൽ തന്നെ എടുക്കണം എന്ന് പറഞ്ഞിട്ടില്ല. ബുഖാരിയിലും മുസ്ലിമിലും വന്നത് പോലെ നബി-ﷺ-അംറ് ബിൻ അൽ ആസ്-رَضِيَ اللَّه عَنْهُ-വിനോട് പറഞ്ഞു: "നീ മാസത്തിൽ മൂന്ന് നോമ്പനുഷ്ഠിക്കുക,കാരണം നന്മകളക്ക് പത്തിരട്ടി പ്രതിഫലമാണ്.കൊല്ലം മുഴുവൻ നോമ്പെടുക്കുന്നവനെ പോലെയാണത്. "

അതുപോലെ ബുഖാരിയിലും മുസ്ലിമിലും അബൂഹുറൈറ-رَضِيَ اللَّه عَنْهُ- നിന്ന് ഉദ്ധരിക്കുന്ന ഹദീസിൽ കാണാം. അദ്ദേഹം പറഞ്ഞു: "അല്ലാഹുവിന്റെ റസൂൽ-ﷺ-എനിക്ക് മൂന്ന് വസിയ്യത്തുകൾ നൽകിയിട്ടുണ്ട്;എല്ലാ മാസവും മൂന്ന് നോമ്പനുഷ്ടിക്കുക, രണ്ട് റകഅത് ദുഹാ നിസ്കരിക്കുക, ഉറങ്ങുന്നതിന് മുമ്പായി വിത്ർ നിസ്കരിക്കുക എന്നിവയാണവ."

ഈ വിഷയത്തിൽ ധാരാളം ഹദീസുകൾ വന്നിട്ടുണ്ട്. അതിനാൽ ഒരാൾക്ക് അത് ഒരുമിച്ച് എടുക്കുകയോ വേറെ വേറെ എടുക്കുകയോ ചെയ്യാം, കാരണം ഹദീസുകളിൽ തുടർച്ചയായി എന്ന് നിശ്ചയിക്കാതെ നിരുപാധികമായാണ് വന്നിട്ടുള്ളത്. അല്ലാഹുവാണ് തൗഫീഖ് നൽകുന്നവൻ.❞

📚[മജ്മൂ ഫതാവ ഇബ്നു ബാസ് (15/ 282)]
(എന്നാൽ അയ്യാമുൽ ബീദിലാകുക എന്നതാണ് ഉത്തമം എന്ന് ശൈഖിന്റെ മറ്റു ഫത്'വകളിൽ കാണാം)

✍ *ശൈഖ് ഇബ്നു ഉസൈമീൻ رَحِمَـﮧُ اللَّـﮧُ പറഞ്ഞു:*

❝ മാസത്തിൽ മൂന്ന് നോമ്പനുഷ്ഠിക്കുക എന്നത് സുന്നത്താണ്. നബി-ﷺ-മാസത്തിൽ മൂന്ന് നോമ്പനുഷ്ഠിക്കുന്നത് കൊല്ലം മുഴുവൻ നോമ്പെടുക്കുന്നത് പോലെയാണ് എന്ന് പറഞ്ഞിട്ടുണ്ട്. പക്ഷെ അയ്യാമുൽ ബീദിൽ അഥവാ 13,14,15 ദിവസങ്ങളിൽ എടുക്കുന്നതാണ് ഉത്തമം.

ഇനി ഒരാൾക്ക് യാത്രയോ രോഗമോ അല്ലെങ്കിൽ അതിഥി ഉണ്ടാകുകയോ സ്ത്രീകൾക്ക് ആർത്തവം ഉണ്ടാകുകയോ പോലുള്ള കാരണങ്ങൾ കൊണ്ട് മറ്റു ദിവസങ്ങളിൽ നോമ്പ് എടുത്താലും അവർക്ക് അതിനുള്ള പ്രതിഫലം ലഭിക്കുന്നതാണ്.

ആയിഷ-رَضِيَ اللَّه عَنْهَا- പറഞ്ഞു: "നബി-ﷺ- എല്ലാ മാസവും മൂന്ന് നോമ്പ് അനുഷ്ഠിക്കാറുണ്ട്. അവിടുന്ന് അത് അതിന്റെ ആദ്യത്തിലാണെന്നോ മധ്യത്തിലാണെന്നോ അവസാനത്തിലാണെന്നോ ഗൗനിക്കാറില്ല."

അതിനാൽ ഇതൊരു വിശാലമായ വിഷയമാണ്. ഒരാൾക്ക് മാസത്തിന്റെ ആദ്യത്തിലോ മധ്യത്തിലോ അവസാനത്തിലോ നോമ്പെടുക്കാം. എന്നാൽ അയ്യാമുൽ ബീദിലാകുക എന്നതാണ് ഉത്തമം. ഇനി പതിവായി നോമ്പെടുക്കുന്ന ആരെങ്കിലും എന്തെങ്കിലും ഒരു ഒഴിവുകഴിവ്‌ കൊണ്ടോ മറ്റ്‌ ആവശ്യം കാരണത്താലോ അത് ഒഴിവാക്കിയാൽ അയാൾക്ക് അതിനുള്ള പ്രതിഫലം അല്ലാഹു രേഖപ്പെടുത്തുമെന്ന് നമ്മൾ പ്രതീക്ഷിക്കുന്നു. പക്ഷെ, അവൻ ഉപേക്ഷിച്ചത് ഒരു ഒഴിവ്കഴിവ് ഉണ്ടായത് കൊണ്ടാവണം.❞

📚(ഫതാവ നൂറുൻ അലാ ദർബ്)

📝വിവർത്തനം:
*ഹംറാസ് ബിൻ ഹാരിസ് وفقه الله*
🌐https://alfurqan.in/sowm-ayyamul-beedh/

28/03/2026

14/03/2026

റമദാൻ 25

എന്നാണ് ലൈലത്തുൽ ഖദ്ർ ❓

ഒരിക്കൽ നബി ﷺ എന്നാണ് ലൈലത്തുൽ ഖദ്റെന്ന് സ്വഹാബത്തിനെ പഠിപ്പിക്കാൻ തുനിഞ്ഞിറങ്ങിയിരുന്നു. പക്ഷെ പിന്നീട് ആ അറിവ് മറക്കപ്പെടുകയും ഉയർത്തപ്പെടുകയുമാണുണ്ടായത്. എന്നാൽ അതേസമയം അതിനെ പ്രതീക്ഷിക്കാവുന്ന ദിവസങ്ങളുടെ സൂചനകൾ നബി ﷺ നൽകിയിട്ടുണ്ട്.

💎ഉബാദത്തുബ്നു സ്വാമിത്തില്‍(റ) നിന്ന് നിവേദനം: "ലൈലത്തുൽ ഖദ്റിനെ കുറിച്ച് ഞങ്ങളെ അറിയിക്കുവാൻ നബി ﷺ ഒരിക്കൽ പുറപ്പെട്ടു. അപ്പോൾ മുസ്ലിംകളിൽപ്പെട്ട രണ്ടു പേർ തമ്മിൽ വഴക്ക് കൂടുകയുണ്ടായി. നബി ﷺ പറഞ്ഞു: 'ലൈലത്തുൽ ഖദ്റിനെ കുറിച്ച് നിങ്ങളെ അറിയിക്കുവാൻ വേണ്ടി ഞാൻ പുറപ്പെടുകയുണ്ടായി. അപ്പോൾ ഇന്നവനും ഇന്നവനും തമ്മിൽ വഴക്ക് കൂടുകയുണ്ടായി. അങ്ങനെ ആ വിജ്ഞാനം ഉയർത്തപ്പെട്ടു. ഒരു പക്ഷേ അതു നിങ്ങൾക്ക് ഗുണകരമായിരിക്കാം. അതുകൊണ്ട് നിങ്ങൾ അതിനെ ഒമ്പതിലും ഏഴിലും അഞ്ചിലും അന്വേഷിക്കുക'."
(ബുഖാരി : 2023).

💎ഇബ്നു ഉമറി(റ)ൽ നിന്ന് നിവേദനം: അല്ലാഹുവിന്റെ റസൂൽ ﷺ പറഞ്ഞു: "നിങ്ങൾ ലൈലത്തുൽ ക്വദ്‌റിനെ അവസാനത്തെ പത്തിൽ അന്വേഷിക്കുക. അവസാന പത്തിലെ ആദ്യ ദിനങ്ങളിൽ നിങ്ങൾക്ക്‌ ദുർബലത ബാധിച്ചുവെങ്കിൽ അവസാനത്തെ ഏഴ്‌ ദിനങ്ങൾ കൈവിടാതെ നോക്കുക."
(മുസ്‌ലിം :1165)

💎ഇബ്നു ഉമറില്‍(റ) നിന്ന് നിവേദനം: നബി ﷺ യുടെ സ്വഹാബിമാരില്‍ ചിലർക്ക് ലൈലത്തുൽ ഖദ്ർ അവസാനത്തെ ഏഴു ദിവസങ്ങളിൽ വരുന്നതായി സ്വപ്നദർശനമുണ്ടായി. അപ്പോൾ നബി ﷺ പറഞ്ഞു: "അത് അവസാനത്തെ ഏഴു ദിവസങ്ങളിൽ വരുന്നതായി നിങ്ങളുടെ സ്വപ്നം ഒത്തുവന്നിട്ടുണ്ട് എന്ന് ഞാൻ മനസ്സിലാക്കുന്നു. അതിനാൽ അതിനെ ആരെങ്കിലും പ്രതീക്ഷിച്ച് ഒരുങ്ങിയിരിക്കുന്നുവെങ്കിൽ അവസാനത്തെ ഏഴുനാളുകളിൽ കാത്തിരിക്കട്ടെ."
(ബുഖാരി: 2015)

14/03/2026

റമദാൻ 24

അബ്ദുല്ലാഹിബ്നു അബ്ബാസ് (رضي الله عنه) പറയുന്നു:

“അല്ലാഹുവിന്റെ റസൂൽ ﷺ ജനങ്ങളിൽ വെച്ചേറ്റവും ഉദാരനായിരുന്നു. ജിബ്‌രീൽ റമദാനിൽ നബിﷺയെ കണ്ടുമുട്ടുന്ന സന്ദർഭത്തിൽ അവിടുന്ന് ഏറ്റവും ഉദാരത കാണിക്കുമായിരുന്നു. റമദാനിൽ എല്ലാ രാത്രിയിലും ജിബ്‌രീൽ നബിﷺയുമായി കൂടിക്കാഴ്ച നടത്തുകയും എന്നിട്ട് ഖുർആൻ പഠിപ്പിക്കുകയും ചെയ്യുമായിരുന്നു. ധനം ദാനം ചെയ്യുന്ന കാര്യത്തിൽ അല്ലാഹുവിന്റെ റസൂൽ ﷺ അയച്ചുവിട്ട കാറ്റിനേക്കാൾ ഉദാരനായിരുന്നു”.
(متفق عليه)

14/03/2026

റമദാൻ 23

അബൂഹുറൈറ رَضِيَ اللَّهُ عَنْهُ വിൽ നിന്ന് നിവേദനം: നബി ﷺ പറഞ്ഞു: "ഈമാനോടും പ്രതിഫലേച്ഛയോടും കൂടി ആരെങ്കിലും ലൈലത്തുൽ ഖദ്‌റിൽ നമസ്കരിച്ചാൽ അവന്റെ കഴിഞ്ഞുപോയ പാപങ്ങൾ പൊറുക്കപ്പെടുന്നതാണ്."
[സ്വഹീഹുൽ ബുഖാരി – 1901, സ്വഹീഹ് മുസ്‌ലിം – 760]

ഈ ഹദീസിൽ രണ്ട് പ്രധാന പാഠങ്ങളുണ്ട്:

ഒന്ന്: ലൈലത്തുൽ ഖദ്‌റിൽ ആവശ്യപ്പെടുന്ന കർമ്മം ഏതാണെന്ന് വ്യക്തമാക്കുന്നു.

മറ്റൊന്ന്: അതിനുള്ള പ്രതിഫലം എന്താണെന്ന് വ്യക്തമാക്കുന്നു.

ആവശ്യപ്പെടുന്ന കർമ്മം നബി ﷺ യുടെ “ആരെങ്കിലും ലൈലത്തുൽ ഖദ്‌റിൽ നമസ്കരിച്ചാൽ” എന്ന വചനത്തിലുണ്ട്. നമസ്കരിക്കുക (ഖിയാം) എന്നതുകൊണ്ട് ഉദ്ദേശിക്കുന്നത് നമസ്കാരം മുഖേന ആ രാത്രിയെ സജീവമാക്കുക എന്നാണ്. അതായത് ഒരു അടിമ ലൈലത്തുൽ ഖദ്‌റിൽ നമസ്കരിക്കുന്നു. നമസ്കാരത്തോടനുബന്ധിച്ച് നിർവ്വഹിക്കപ്പെടുന്ന ഖുർആൻ പാരായണം, പ്രാർത്ഥനകൾ, പള്ളിയിലുള്ള ഇഅ്തികാഫ് തുടങ്ങിയവയെല്ലാം ഇതിൽ ഉൾപ്പെടുന്നു. ഇതെല്ലാം “ആരെങ്കിലും ലൈലത്തുൽ ഖദ്‌റിൽ നമസ്കരിച്ചാൽ” എന്ന വചനത്തിന്റെ പരിധിയിൽ വരുന്നതാണ്.

രണ്ടാമത്തെ കാര്യം പ്രതിഫലമാണ്. അത് നബി ﷺ യുടെ “അവന്റെ കഴിഞ്ഞുപോയ പാപങ്ങൾ പൊറുക്കപ്പെടുന്നതാണ്” എന്ന വചനത്തിലുണ്ട്. അതായത്, അല്ലാഹു ﷻ അവന്റെ മുൻ കഴിഞ്ഞ പാപങ്ങൾ പൊറുത്തുകൊടുക്കും എന്നതാണ് അവനുള്ള പ്രതിഫലം.

ചുരുക്കത്തിൽ, ലൈലത്തുൽ ഖദ്‌റിലെ ഉന്നതമായ പ്രതിഫലം വ്യക്തമാക്കുന്നതിലൂടെ ആ രാവിന്റെ ശ്രേഷ്ഠതയാണ് ഈ ഹദീസ് വിളിച്ചോതുന്നത്. അതോടൊപ്പം അതിൽ കൽപ്പിക്കപ്പെട്ടിട്ടുള്ള കർമ്മം ഏതാണെന്നും ഇത് നിർണ്ണയിച്ചു നൽകുന്നു. അല്ലാഹു ﷻ വിലേക്ക് സാമീപ്യം തേടിക്കൊണ്ട് സുന്നത്ത് നമസ്കാരങ്ങൾ അധികരിപ്പിച്ച് ആ രാവിനെ ഒരു വിശ്വാസി സജീവമാക്കുക എന്നതാണ് ആ കർമ്മം.

Source: https://kanzululoom.com/lail-qadr/

14/03/2026

റമദാൻ 22

عَنْ عَائِشَةُ رضى الله عنها قَالَتْ كَانَ رَسُولُ اللَّهِ صلى الله عليه وسلم يَجْتَهِدُ فِي الْعَشْرِ الأَوَاخِرِ مَا لاَ يَجْتَهِدُ فِي غَيْرِهِ

ആയിശ(റ) യിൽ നിന്ന് നിവേദനം : അല്ലാഹുവിന്റെ റസൂൽ (ﷺ) അവസാന പത്തില്‍ മറ്റൊരു കാലത്തും ചെയ്യാത്ത വിധത്തില്‍ ആരാധനാ ക൪മ്മങ്ങളില്‍ കഠിനാധ്വാനം ചെയ്യാറുണ്ടായിരുന്നു. (മുസ്‌ലിം:1175)

14/03/2026

റമദാൻ 21

❓ ലൈലത്തുൽ ക്വദ്റിൽ ചൊല്ലേണ്ട വല്ല പ്രത്യേക പ്രാർത്ഥനയുമുണ്ടോ?

ഉത്തരം:
🎙️ ശൈഖ് ഉഥ്മാൻ അൽ ഖമീസ് (ഹഫിള്വഹുല്ലാഹ്) പറയുന്നു:

🔳 ആഇഷ(റ) നബിﷺയോട് ചോദിച്ചു: "അല്ലാഹുവിന്റെ റസൂലേ! ലൈലത്തുൽ ക്വദ്‌റിന്റെ രാത്രിയിൽ ഞാനെന്താണ് ചൊല്ലേണ്ടത്?"

🔳 നബിﷺ പറഞ്ഞു: "നീ
اللَّهُمَّ إنّكَ عَفُوٌّ تُحِبُّ الْعَفْوَ فَاعْفُ عَنِّي
എന്ന് ചൊല്ലുക."
(അല്ലാഹുവേ, നീ ഏറെ മാപ്പ് നൽകുന്നവനാണ്; മാപ്പ് നൽകുന്നതിനെ നീ ഇഷ്ടപ്പെടുന്നു. അതിനാൽ, നീ എനിക്ക് മാപ്പ് നൽകേണമേ.) (തിർമിദി: 3513)

🔳ഇത് വളരെയധികം മഹത്വവും ശ്രേഷ്ഠതയുമുള്ള, അനുഗ്രഹീതമായ പ്രാർത്ഥനയാണ്.

🔳 ലൈലത്തുൽ ക്വദ്റിൽ അല്ലാതെയും ഇങ്ങനെ പ്രാർത്ഥിക്കാവുന്നതാണ്.

🔳 ഇരിക്കുമ്പോഴും നിൽക്കുമ്പോഴും സുജൂദിലും തശഹുദിലും, എന്നുവേണ്ട; എല്ലാ സമയത്തും ഈ പ്രാർഥന നിർവഹിക്കാൻ നമ്മൾ ആവേശം കാണിക്കണം.

🔳 നമ്മുടെ ഉമ്മ ആയിഷ(റ)ക്ക് നബിﷺ പഠിപ്പിച്ചുകൊടുത്ത അനുഗ്രഹീതമായ പ്രാർത്ഥനയാണിത്.
https://youtu.be/2ohsdgkeMtM

🎙️ ശൈഖ് അസീസ് ഫർഹാൻ അൽ അനസി (ഹഫിള്വഹുല്ലാഹ്) പറയുന്നു:

🔳 ഹദീഥിൽ വന്ന പ്രാർഥനയുടെ പദങ്ങൾ (അള്ളാഹുമ്മ ഇന്നക അഫുവ്വുൻ തുഹിബ്ബുൽ അഫ്‌വ ഫഅ്ഫു അന്നീ) എന്നാണ്.

🔳 'അല്ലാഹുമ്മ ഇന്നക അഫുവ്വുൻ കരീമുൻ -
اللَّهُمَّ إِنَّكَ عُفُوٌّ كَرِيمٌ' എന്ന് പറയാൻ ഹദീഥിൽ വന്നിട്ടില്ല.

🔳 'കരീം' എന്നത് അല്ലാഹുവിന്റെ പേരാണെങ്കിലും, ആ പേര് പ്രാർത്ഥനയിൽ വന്നിട്ടില്ല.
📽️https://youtu.be/W8pINsrFKi8
▪️▪️▪️▪️▪️▪️▪️▪️▪️▪️

📝 വിവർത്തകൻ:

🔳 റമദാനിലെ അവസാനത്തെ ദിവസങ്ങളും രാത്രികളുമാണ് നമ്മുടെ മുമ്പിലുള്ളത്.

🔳 മുകളിൽ സൂചിപ്പിച്ച പ്രാർത്ഥന, നമ്മൾ നിരന്തരമായി ആവർത്തിച്ച് കൊണ്ടിരിക്കുക.

🔳 ഹദീഥിൽ വന്ന രൂപത്തിൽ തന്നെ ചൊല്ലാനും ശ്രദ്ധിക്കുക.

➖➖➖➖➖➖➖➖➖➖
📝 ആശയ വിവർത്തനം:
മുജാഹിദ് പറവണ്ണ
(വിദ്യാർത്ഥി,ജാമിഅ അൽ ഹിന്ദ് അൽ ഇസ്‌ലാമിയ്യ - മിനിഊട്ടി)
➖➖➖➖➖➖➖➖➖➖