ആറു പതിറ്റാണ്ടുകളായി പാനൂരിലും പരിസര പ്രദേശങ്ങളിലും അറിവിന്റെ വസന്തം വിരിയിക്കുകയും ,സാമൂഹിക സാംസ്കാരിക രംഗത്തു പുതുവെളിച്ചമായി മാറുകയും ചെയ്ത വിദ്യാലയമാണ് പി ആർ എം കൊളവല്ലൂർ എച്ച് എസ് എസ്.1963 -ൽ ആണ് മുൻ മന്ത്രിയും നാടിന്റെ സാംസ്കാരിക നായകനുമായ ശ്രി:പി ആർ കുറുപ്പ് ഈ അക്ഷരദീപം തെളിയിച്ചത്.പിന്നീട് അദ്ദേഹത്തിന്റെ മകൻ കെ പി ദി
വാകരൻ സ്കൂളിന്റെ മാനേജറായി.ഇന്ന് അദ്ദേഹത്തിന്റെ ഭാര്യ ശ്രീമതി: പി.കെ സരള
സാരഥ്യം ഏറ്റെടുത്തിരിക്കുന്നു.1998 ൽ ആണ് ഹയർസെക്കൻഡറി വിഭാഗം പ്രവർത്തനമാരംഭിച്ചത്. ആറ് ബാച്ചുകളിലായി 720 ഓളം വിദ്യാർത്ഥികളാണ് ഇവിടെ പഠനം നടത്തുന്നത്. കണ്ണൂർ ജില്ലയിൽ തന്നെ വിജയ ശതമാനത്തിൽ എന്നും മുൻപന്തിയിലാണ് നമ്മുടെ വിദ്യാലയം.ഇവിടെ നിന്നും പഠിച്ചിറങ്ങിയ വിദ്യാർഥികൾ ലോകമെമ്പാടും വിവിധ മേഖലകളിൽ പ്രഗത്ഭരാണ്.
പാഠ്യനുബന്ധ പ്രവർത്തനങ്ങളിലും സ്കൂൾ ശ്രദ്ധേയമായ നേട്ടങ്ങൾ കൈവരിച്ചിട്ടുണ്ട്. സംസ്ഥാന തല സ്കൂൾ കല, ശാസ്ത്ര ,സാമൂഹ്യശാസ്ത്ര പ്രവൃത്തി പരിചയ മേഖലകളിൽ സ്ഥിരസാന്നിധ്യമായി വിജയം കൈവരിക്കുവാൻ നമുക്ക് സാധിച്ചിട്ടുണ്ട്.ഒപ്പം നിരവധി സേവന പ്രവർത്തനങ്ങളിലൂടെ സ്കൂൾ പലർക്കും കൈത്താങ്ങായി നിന്നിട്ടുണ്ട്.
സ്കൂളിന്റെ സുഗമമായ പ്രവർത്തനങ്ങൾക്ക് ശക്തി പകരുന്ന മാനേജ്മെന്റും പി ടി എ യും പൂർവ്വവിദ്യാർത്ഥികളും നാട്ടുകാരും തന്നെയാണ് എന്നും ഞങ്ങൾക്ക് ശക്തിപകരുന്നത്.
സ്കൂളിലെ വാർത്തകളും
കുട്ടികളുടെ കലാ കായിക പരമായ കഴിവുകളും പാഠ്യപാഠ്യേതര പ്രവർത്തന മികവും
നിങ്ങളിലേക്ക് എത്തിക്കാൻ വേണ്ടി പി ആർ എം കെ എച്ച് എസ് എസ്
ഹയർസെക്കൻഡറി വിഭാഗം ഒഫീഷ്യലായി രൂപീകരിച്ച
ഫേസ്ബുക്ക് പേജ് ആണ് ഇത്.
എല്ലാവരുടെയും പിന്തുണയും സ്നേഹവും പ്രതീക്ഷിക്കുന്നു
