Jorhat Sangeet Vidyalay

Admission is going on for Sitar course

আমি জনাবলৈ পাই বৰ আনন্দিত হৈছো যে বহু দিনৰ পৰা ভাবি থকা এটা পৰিকল্পনা আজি সাৰ্থক হল। আজি আমাৰ বিদ্যালয়ত চেটাৰৰ শ্ৰেণী শুভাৰম্ভ কৰা হয়। অনুস্থানটিত উপস্থিত থাকে মোৰ লগতে পৰিচালনা সমিতিৰ সদস্যা শ্ৰী যুতা মামণি গগৈ বৰুৱা, শিক্ষক শ্ৰী প্ৰকাশ শৰ্মা, শিক্ষা বিষয়া শ্ৰী যুত পৰশ গোস্বামী, চেটাৰ শিক্ষয়িত্ৰী শ্ৰী মতী তুলিকা হাজৰিকা, চেটাৰৰ ছাত্ৰী শ্ৰী মতী তমস্বিনী বৰুৱা আৰু অন্যান্য সকল।

যোৰহাটত সংগীত শিক্ষাৰ এক বাতাবৰণ সৃষ্টি কৰাত অৰিহণা যোগোৱা কেই গৰাকী মান বিশিষ্ট ব্যক্তিৰ আশাসুধীয়া প্ৰচেষ্টাত গঢ় লৈ উঠা যোৰহাট সংগীত বিদ্যালয় আজি চাৰিকুৰি বছৰীয়া সফল সংগীত শিক্ষাৰ অনুষ্ঠান। বিদ্যালয়খনিৰ ১৯৪৬ চনত জন্মলগ্নৰ লগত জৰিত বৰেণ্য ব্যক্তি কেইগৰাকীৰ প্ৰতি শ্ৰদ্ধা আৰু কৃতজ্ঞতা জনাই বিদ্যালয় কৰ্তৃপক্ষই, তেখেত সকলৰ প্ৰতিমূৰ্তি নিৰ্মাণৰ বাবে এক চিন্তা চৰ্চা কৰি, যোৰহাটৰ সন্মানীয় বিধায়ক গৰাকীৰ সৈতে আলোচনা কৰে। বিদ্যালয় কৰ্তৃপক্ষৰ এই বিবেচনাত বিধায়ক শ্ৰী হিতেন্দ্ৰ নাথ গোস্বামী ডাঙৰীয়াই অতি আনন্দ সহকাৰে বিত্তীয় সহযোগিতা আগবঢ়াব বুলি সন্মতি প্ৰকাশ কৰে ।এই সন্মতি প্ৰদানৰ স্বৃকীতি হিচাবে আজি ১৫ মাৰ্চ, ২০২৬ তাৰিখৰ দিনা অনুমোদিত ৪ লাখ টকাৰ প্ৰথম কিস্তি ২ লাখ ৯২ হাজাৰ টকাৰ ধনাদেশ বিদ্যালয় কৰ্তৃপক্ষক আনুষ্ঠানিক ভাবে অৰ্পন কৰে।
বিদ্যালয়ৰ সামগ্ৰিক উন্নয়নত স্হানীয় বিধায়ক গৰাকীৰ এই পদক্ষেপক বিদ্যালয়ৰ পৰিয়াল বৰ্গই আন্তৰিক কৃতজ্ঞতা আৰু ধন্যবাদ জ্ঞাপন কৰিছে।

যোৰহাট সংগীত বিদ্যালয় প্ৰাংগনত আজি ১০ জানুৱাৰী তাৰিখে বিদ্যালয়ৰ প্ৰাক্তন অধ্যক্ষ, সংগীত প্ৰাণ ইন্দ্ৰেশ্বৰ শৰ্মাৰ ৯৭ সংখ্যক জন্ম দিনত তেখেতলৈ ওপজা দিনৰ শ্ৰদ্ধাৰ্ঘ্য নিবেদন কৰা হয়। বিদ্যালয়ৰ সভাপতি শ্ৰী গিৰীশ চন্দ্ৰ বৰদলৈ দেৱে এগছি বন্তি প্ৰজ্বলনৰে সংগীত প্ৰাণ গৰাকীৰ স্মৃতি চাৰণ কৰা আজিৰ অনুষ্ঠানত ইন্দ্ৰেশ্বৰ শৰ্মাৰ পুত্ৰ শ্ৰী আশীষ শৰ্মাকে প্ৰমূখ্যে কৰি বিদ্যালয়ৰ সদস্যা সদস্যা সকল, শিক্ষক শিক্ষয়িত্ৰী সকল, সংগীত শিক্ষাৰ্থী সকল, অভিভাৱক সকল উপস্থিত থাকে। অতি সীমিত ভাবে আয়োজন কৰা সংগীত অনুষ্ঠানত বিদ্যালয়ৰ সংগীত শিক্ষাৰ্থী সকলে ইন্দ্ৰেশ্বৰ শৰ্মাৰ ৰচিত, সুৰাৰোপিত গীত, তবলা লহৰা পৰিবেশন কৰাৰ লগতে শিক্ষয়িত্ৰী সকলে ভক্তিগীত আৰু বেহেলা বাদন পৰিবেশন কৰে।
সমগ্ৰ অনুষ্ঠানটোৰ আঁত ধৰে বেহেলাৰ শিক্ষয়িত্ৰী তথা পৰিচালনা সমিতিৰ সদস্যা শ্ৰীমতী সাবিত্ৰী বৰদলৈয়ে।

New Admission '2026, Jorhat Sangeet Vidyalay 👍👍

সংগীত বিদ্যালয়ৰ প্ৰতিষ্ঠা দিৱস উপলক্ষে "দৈনিক জনমভূমি" ত প্ৰকাশ পোৱা বিদ্যালয় পৰিচালনা সমিতিৰ সম্পাদক শ্ৰীযুত প্ৰনৱ বৰঠাকুৰ দেৱৰ লিখনিত বিদ্যালয়ৰ চমু ইতিবৃত্ত।

১৬ জুলাই (২০২৫) তাৰিখে যোৰহাট সংগীত বিদ্যালয়ৰ ৮০ সংখ্যক প্ৰতিস্থা দিৱস পালন কৰা হয়।

যোৰহাট সংগীত বিদ্যালয়ৰ সংগীত শিক্ষা পাঠ্যক্ৰমত আজি খোল বাদ্য বিষয়টো অন্তৰ্ভূক্ত কৰা হয়। বিদ্যালয়ৰ সত্ৰীয়া নৃত্যৰ শিক্ষক, যশস্বী সংগীত শিল্পী, সংগীত নাটক একাডেমি বঁটা প্ৰাপক বৰবায়ন টংকেশ্বৰ হাজৰিকা দেৱে এগছি বন্তি প্ৰজলনৰে এই অনুষ্ঠান শুভাৰম্ভ কৰে। বিদ্যালয়ৰ অধ্যক্ষ ড০ কৰুণা কান্ত শৰ্মাই আঁত ধৰা এই অনুষ্ঠানত পৰিচালনা সমিতিৰ সম্পাদক শ্ৰীযুত প্ৰণব বৰঠাকুৰ, সদস্যা শ্ৰীমতী সাবিত্ৰী বৰদলৈ আৰু বিদ্যালয়ৰ শিক্ষক শিক্ষয়িত্ৰী, ছাত্ৰ ছাত্ৰী আৰু অভিভাৱক সকল উপস্থিত থাকে।
নামভৰ্ত্তিৰ বাবে ইচ্ছুক ছাত্ৰ-ছাত্ৰীয়ে শুনিবলৈ পাই ভাল পাব যে এই বছৰৰ বাবে কোনো নামভৰ্তি মাচুল লোৱা নহয়, কেৱল মাহেকীয়া মাচুল হে লোৱা হ'ব।
আশাকৰোঁ আপোনালোক সকলোৱে আমাৰ এই নতুন যাত্ৰাত সহযোগ কৰিব।