https://www.facebook.com/1082485071626018/

শতিকাৰ যাত্ৰা: বালিগাঁও জগন্নাথ বৰুৱা আৰ্য্য বিদ্যালয়, Baligaon JBAV, Assam, Jorhat (2026)

14/07/2026

🎶 সমূহীয়া কণ্ঠত সুৰৰ অনুপম সমাহাৰ… 🎶

বালিগাঁও জগন্নাথ বৰুৱা আৰ্য্য বিদ্যালয়ৰ প্ৰয়াত প্ৰাক্তন শিক্ষক মাখন চন্দ্ৰ দত্তৰ সোঁৱৰণত অনুষ্ঠিত সংগীত কৰ্মশালাৰ দ্বিতীয় দিনত সকলো অংশগ্ৰহণকাৰীয়ে একেলগে পৰিৱেশন কৰা এই সুমধুৰ সমূহীয়া গীতে সমগ্ৰ পৰিৱেশ সুৰ, শৃংখলা আৰু ঐক্যৰ অনন্য অনুভূতিৰে ভৰাই তোলে।
এই মনোমোহা মুহূৰ্তটো আপোনালোকৰ সৈতে ভাগ-বতৰা কৰিলোঁ। ভিডিঅ'টো সম্পূৰ্ণকৈ চাওক, ভাল লাগিলে Like, Comment আৰু Share কৰি সকলো অংশগ্ৰহণকাৰীক উৎসাহ যোগাওক। 🙏
সংস্কৃতিৰ সাধনা অব্যাহত থাকক, সুৰৰ বন্ধনে সকলোকে একত্ৰিত কৰি ৰাখক। 🌿🎵
#কর্মশালা #দ্বিতীয়_দিন #সমূহীয়া_গীত #সাংস্কৃতিক_পৰিৱেশন #ঐক্যৰ_সুৰ

13/07/2026

🎶 শুভাৰম্ভৰ কিছু মনোমোহা মুহূৰ্ত 🎶
বালিগাঁও জগন্নাথ বৰুৱা আৰ্য্য বিদ্যালয়ৰ শতবৰ্ষ জয়ন্তী উদযাপন সমিতিৰ উদ্যোগত আয়োজিত প্ৰয়াত প্ৰাক্তন শিক্ষক মাখন চন্দ্ৰ দত্তৰ সোঁৱৰণত অনুষ্ঠিত গ্ৰীষ্মকালীন সংগীত প্ৰশিক্ষণ কৰ্মশালাৰ শুভাৰম্ভ অনুষ্ঠানৰ কেইটামান স্মৰণীয় মুহূৰ্ত।
সংগীত, সংস্কৃতি আৰু সৃষ্টিশীলতাক নতুন প্ৰজন্মৰ মাজলৈ আগবঢ়াই নিয়াৰ এই সৰু প্ৰয়াসত সকলোৰে আন্তৰিক সহযোগিতা আৰু উপস্থিতিৰ বাবে কৃতজ্ঞতা জ্ঞাপন কৰিছোঁ।
এই কৰ্মশালাত অংশগ্ৰহণ কৰিবলৈ এতিয়াও ইচ্ছুকসকলক আন্তৰিকভাৱে আমন্ত্ৰণ জনোৱা হৈছে। এই কৰ্মশালা সকলো সংগীতপ্ৰেমীৰ বাবে মুকলি।
🙏 সকলোৰে মৰম, আশীৰ্বাদ আৰু সহযোগিতা সদায় কামনা কৰিলোঁ।

13/07/2026

🎥 আনন্দ, গৌৰৱ আৰু কৃতজ্ঞতাৰ এক বিশেষ মুহূৰ্ত! 🌸
আনন্দৰ সৈতে জনাইছোঁ যে আমাৰ এই প্ৰয়াসে PUHOR LIVE 8-তো বিশেষ সংবাদ হিচাপে স্থান লাভ কৰিছে। এই স্বীকৃতি কেৱল আমাৰ নহয়—ই সকলো শুভাকাঙ্ক্ষী, প্ৰাক্তন ছাত্ৰ-ছাত্ৰী, শিক্ষক-শিক্ষয়িত্ৰী, সহযোগী আৰু সমগ্ৰ অঞ্চলবাসীৰ সন্মিলিত প্ৰচেষ্টাৰ স্বীকৃতি।
এই ভিডিঅ'টোৰ জৰিয়তে PUHOR LIVE 8-ত প্ৰকাশিত সংবাদটো আপোনালোকৰ সৈতে ভাগ-বতৰা কৰিলোঁ।
আমাৰ ওপৰত বিশ্বাস আৰু সহযোগিতা অব্যাহত ৰখাৰ বাবে সকলোলৈ আন্তৰিক কৃতজ্ঞতা। আপোনালোকৰ আশীৰ্বাদ আৰু সমৰ্থনেই আমাৰ আগবাঢ়ি যোৱাৰ শক্তি।
📹 ভিডিঅ'টো চাওক, ভাল লাগিলে Like, Comment আৰু Share কৰি অধিক সংখ্যক লোকৰ ওচৰলৈ কঢ়িয়াই নিয়ক।
🙏 আন্তৰিক ধন্যবাদ।

13/07/2026

🎥 আনন্দৰ আৰু গৌৰৱৰ খবৰ!
আমাৰ এই প্ৰয়াসে Reporter Live অসমৰ সংবাদত স্থান লাভ কৰিছে। এই ভিডিঅ'টোৰ জৰিয়তে সেই বিশেষ মুহূৰ্ত আপোনালোকৰ সৈতে ভাগ-বতৰা কৰিলোঁ।
এই স্বীকৃতি আমাৰ সকলোৰে একেলগে কৰা প্ৰচেষ্টা, সহযোগিতা আৰু শুভেচ্ছাৰ ফল। সকলো শুভাকাঙ্ক্ষী, সহযোগী আৰু সমৰ্থকলৈ আন্তৰিক কৃতজ্ঞতা জ্ঞাপন কৰিলোঁ।
ভিডিঅ'টো চাওক, ভাল লাগিলে শ্বেয়াৰ কৰক আৰু আপোনাৰ মূল্যৱান মতামত জনাবলৈ নাপাহৰিব।
🙏 ধন্যবাদ।

13/07/2026

🎶 গৌৰৱৰ মুহূৰ্ত! 🎶

বালিগাঁও জগন্নাথ বৰুৱা আৰ্য্য বিদ্যালয়ৰ শতবৰ্ষ জয়ন্তী উদযাপন সমিতিৰ উদ্যোগত আয়োজিত তৃতীয় কাৰ্যসূচী প্ৰয়াত প্ৰাক্তন শিক্ষক মাখন চন্দ্ৰ দত্তৰ সোঁৱৰণত আজি গ্ৰীষ্মকালীন সংগীত প্ৰশিক্ষণ কৰ্মশালাৰ শুভাৰম্ভ উপলক্ষে Prime Assam Digital-ত প্ৰকাশিত বাতৰি।

এই সুন্দৰ প্ৰচাৰৰ বাবে Prime Assam Digital-লৈ আন্তৰিক ধন্যবাদ।
সংগীতপ্ৰেমী সকলোকে এই কৰ্মশালাত অংশগ্ৰহণ কৰিবলৈ পুনৰ আন্তৰিক আহ্বান জনাইছোঁ। এই কৰ্মশালা সকলোৰে বাবে মুকলি; বিদ্যালয়ৰ প্ৰাক্তন ছাত্ৰ-ছাত্ৰী বা বিদ্যালয়ৰ সৈতে জড়িত হবই লাগিব বাধ্যতামূলক নহয়।
🙏 অনুগ্ৰহ কৰি বাতৰিটো চাওক, শ্বেয়াৰ কৰক আৰু অধিক সংখ্যক সংগীতপ্ৰেমীৰ ওচৰলৈ এই খবৰটো দিয়াত সহায় কৰক।

29/06/2026

*গভীৰ শোক প্ৰকাশ*

অত্যন্ত দুখ আৰু বেদনাৰে জানিলোঁ যে আমাৰ বিদ্যালয়ৰ গৌৰৱোজ্জ্বল প্ৰাক্তন ছাত্ৰ, বিশিষ্ট ক্ৰীড়া সংগঠক তথা **শতবৰ্ষ জয়ন্তী উদযাপন সমিতিৰ সন্মানীয় উপদেষ্টা শ্ৰী আজিজুৰ ৰহমান (বুবু)* দেৱৰ অকাল বিয়োগ ঘটিছে।
তেখেতে জীৱনজুৰি ক্ৰীড়া জগত আৰু সমাজসেৱাৰ ক্ষেত্ৰত আগবঢ়োৱা অসামান্য অৱদানে তেওঁক সকলোৰে মাজত এক সন্মানীয় আৰু প্ৰেৰণাদায়ক ব্যক্তিত্ব হিচাপে প্ৰতিষ্ঠা কৰিছিল। আমাৰ বিদ্যালয়ৰ শতবৰ্ষ জয়ন্তী উদযাপনৰ বিভিন্ন কাৰ্যসূচীত তেখেতৰৰ আন্তৰিক সহযোগিতা, মূল্যৱান পৰামৰ্শ আৰু শুভেচ্ছা সদায় আমাৰ বাবে প্ৰেৰণাৰ উৎস হৈ থাকিব।
তেখেতৰ এই অপূৰণীয় বিয়োগত আমি গভীৰভাৱে মৰ্মাহত। বিদ্যালয় পৰিয়ালৰ হৈ প্ৰয়াত আত্মাৰ চিৰশান্তি কামনা কৰাৰ লগতে শোকসন্তপ্ত পৰিয়ালবৰ্গ, আত্মীয়-স্বজন আৰু অসংখ্য গুণমুগ্ধলৈ আন্তৰিক সমবেদনা জ্ঞাপন কৰিলোঁ।
*"সকলোৱে এদিন বিদায় লয়, কিন্তু তেওঁৰ কৰ্ম, আদৰ্শ আৰু সুকৃতি যুগে যুগে মানুহৰ হৃদয়ত জীয়াই থাকে। শ্ৰী আজিজুৰ ৰহমান দেৱৰ স্মৃতি আমাৰ মাজত চিৰ অম্লান হৈ থাকিব।"*

বিনম্ৰ শ্ৰদ্ধাঞ্জলি।
– শতবৰ্ষ জয়ন্তী উদযাপন সমিতি
বালিগাঁও জগন্নাথ বৰুৱা আৰ্য্য বিদ্যালয়

29/06/2026

📰 সংবাদপত্ৰৰ শিৰোনামত আমাৰ ফুটবল প্ৰতিযোগিতা ⚽
আমাৰ বালিগাঁও জগন্নাথ বৰুৱা আৰ্য বিদ্যালয়ৰ শতবৰ্ষ উদযাপন উপলক্ষে আয়োজিত *প্ৰয়াত বিমান চন্দ্ৰ শৰ্মা, প্ৰফুল্ল চন্দ্ৰ বৰা আৰু নগেন্দ্ৰ নাথ বৰাৰ* সোঁৱৰণত অনুষ্ঠিত যোৰহাট জিলাভিত্তিক আন্তঃবিদ্যালয় ফুটবল প্ৰতিযোগিতাৰ *মহা ফাইনেল ফুটবল প্ৰতিযোগিতাৰ সফল আয়োজন আৰু ইয়াৰ বিভিন্ন মুহূৰ্তসমূহ অসমৰ বিভিন্ন আগশাৰীৰ সংবাদপত্ৰত স্থান লাভ কৰাটো আমাৰ বাবে অত্যন্ত গৌৰৱৰ বিষয়।
এই সন্মান কেৱল আয়োজক সমিতিৰ নহয়—ই প্ৰতিজন খেলুৱৈ, অতিথি, পৃষ্ঠপোষক, স্বেচ্ছাসেৱক, দৰ্শক আৰু শুভাকাংক্ষীৰ এক উমৈহতীয়া সফলতাৰ প্ৰতিফলন।
আপোনালোকৰ অকৃত্ৰিম মৰম, সহায়-সহযোগিতা আৰু উৎসাহ অবিহনে এই সফলতা সম্ভৱ নহ'লহেঁতেন। আন্তৰিক কৃতজ্ঞতা জনাইছোঁ সকলোলৈ।
আগলৈও আপোনালোকৰ একেই মৰম, আশীৰ্বাদ আৰু সহযোগিতা কামনা কৰিলোঁ। ❤️🙏
বিশেষকৈ এই প্ৰতিযোগিতাখনৰ সফল আয়োজনৰ আঁৰত নীৰৱে, নিষ্ঠাৰে আৰু অক্লান্তভাৱে কাম কৰি যোৱা হেমিদুৰ ৰহমান (পাপু)দালৈ আন্তৰিক কৃতজ্ঞতা জ্ঞাপন কৰিছোঁ। আয়োজক সমিতিয়ে ফুটবল প্ৰতিযোগিতাৰ সম্পূৰ্ণ দায়িত্ব তেওঁৰ ওপৰত ন্যস্ত কৰিছিল আৰু তেওঁ সেই দায়িত্ব দক্ষতা, সততা আৰু আন্তৰিকতাৰে সুচাৰুৰূপে সম্পন্ন কৰি প্ৰতিযোগিতাখন সফল কৰি তুলিবলৈ গুৰুত্বপূৰ্ণ ভূমিকা পালন কৰে।
আপোনাৰ এই নিষ্ঠা, পৰিশ্ৰম আৰু দায়বদ্ধতা আমাৰ বাবে সদায় প্ৰেৰণাৰ উৎস হৈ থাকিব।
আন্তৰিক ধন্যবাদ আৰু শুভেচ্ছা, হেমিদুৰ ৰহমান দা। 🙏⚽

21/06/2026

*বৰ্ণাঢ্য পৰিৱেশত সামৰণি পৰিল আন্তঃবিদ্যালয় ফুটবল প্ৰতিযোগিতা*

বালিগাঁও জগন্নাথ বৰুৱা আৰ্য্য বিদ্যালয়ৰ শতবৰ্ষ উদযাপন উপলক্ষে আয়োজন কৰা প্ৰয়াত প্ৰধান শিক্ষক নগেন্দ্ৰ নাথ বৰা, বিমান চন্দ্ৰ শৰ্মা আৰু প্ৰফুল্ল চন্দ্ৰ বৰা সোঁৱৰণী
আন্তঃবিদ্যালয় ফুটবল প্ৰতিযোগিতাখনৰ আজি এক বৰ্ণাঢ্য অনুষ্ঠানৰ মাজেৰে সফল সামৰণি পৰে। ফাইনেল খেলৰ পূৰ্বে কাকজান আৰু চকলাতিং মহিলা ফুটবল দলৰ মাজত এখন প্ৰদৰ্শনীমূলক খেল অনুষ্ঠিত হয়। অত্যন্ত প্ৰতিদ্বন্দ্বিতাপূৰ্ণ এই খেলখন ১-১ গ'লত অমীমাংসিতভাৱে সমাপ্ত হয়।
অনুষ্ঠানত অসমৰ পৰা ভাৰতীয় মহিলা ফুটবল দলত স্থান লাভ কৰা প্ৰথমগৰাকী মহিলা ফুটবলাৰ তথা ভাৰতীয় মহিলা দলক প্ৰতিনিধিত্ব কৰা অঞ্জনা শইকীয়াক সম্বৰ্ধনা জনোৱা হয়। অনুষ্ঠানত যোৰহাট ফুটবল এছ'চিয়েচনৰ সহ-সম্পাদক দিগন্ত দত্তকে ধৰি কেইবাজনো বিশিষ্ট ব্যক্তি উপস্থিত থাকি প্ৰতিযোগিতাখনৰ গৌৰৱ বৃদ্ধি কৰে।
ইয়াৰ পিছতে অনুষ্ঠিত হোৱা ফাইনেল খেলত কাকজান উচ্চতৰ মাধ্যমিক বালক বিদ্যালয়ে টিয়ক উচ্চ মাধ্যমিক বিদ্যালয়ক ১-০ গ'লৰ ব্যৱধানত পৰাস্ত কৰি চেম্পিয়নৰ সন্মান অৰ্জন কৰে। খেলখন উপভোগ কৰিবলৈ বিপুল সংখ্যক ক্ৰীড়াপ্ৰেমী দৰ্শকৰ সমাগমে সমগ্ৰ খেলপথাৰ মুখৰিত কৰি তোলে।
খেলৰ অন্তত অনুষ্ঠিত বঁটা বিতৰণী সভাত চেম্পিয়ন আৰু ৰাণাৰ্ছ-আপ দলক নগদ ধন, ট্ৰফী আৰু মানপত্ৰৰে সন্মানিত কৰা হয়। প্ৰতিযোগিতাখনৰ Best Player of the Match বঁটা লাভ কৰে কাকজান উচ্চতৰ মাধ্যমিক বালক বিদ্যালয়ৰ অজয় কালিন্দীয়ে। আনহাতে, সমগ্ৰ প্ৰতিযোগিতাখনৰ সৰ্বশ্ৰেষ্ঠ খেলুৱৈ হিচাপে Man of the Series বঁটা লাভ কৰিবলৈ সক্ষম হয় টিয়ক উচ্চ মাধ্যমিক বিদ্যালয়‌দলৰ আকাশ ওৰাং।
সফল আয়োজন, শৃংখলাবদ্ধ পৰিচালনা আৰু ক্ৰীড়াসুলভ মনোভাৱেৰে অনুষ্ঠিত এই প্ৰতিযোগিতাই আমাৰ বিদ্যালয়খনৰ শতবৰ্ষ উদযাপনৰ আনন্দক আৰু অধিক গৌৰৱোজ্জ্বল কৰি তোলে।

#আমাৰ_বিদ্যালয়

#শতবাৰ্ষিকী

#ঐতিহ্য_গৌৰৱ_স্মৃতি
#শতবৰ্ষ_উদযাপন

20/06/2026

For the best viewing experience, please *rotate your screen to landscape mode before starting the video.* 😊
Thank you, and enjoy watching!

শতিকাৰ যাত্ৰা: বালিগাঁও জগন্নাথ বৰুৱা আৰ্য্য বিদ্যালয়, Baligaon JBAV

14/07/2026

13/07/2026

13/07/2026

13/07/2026

13/07/2026

29/06/2026

29/06/2026

21/06/2026

20/06/2026

Address

Website

Alerts

Shortcuts

Share

Category

Listing takedown request