Selenghat Valley School

প্ৰতি বছৰৰ দৰে, এইবাৰো আমাৰ সংস্থা Karunar Kheti Trust-এ নিজৰ পথচলাৰ এক বছৰ সম্পূৰ্ণ কৰিলে — এটা বছৰ য’ত আশা, চেষ্টাৰ ধাৰাবাহিকতা, আৰু সমাজৰ সৈতে একেলগে আগুৱাই যোৱাৰ দৃঢ় সংকল্প আছিল।

২০২৪-২৫ বৰ্ষটো আমাৰ বাবে কেৱল কামৰ পৰিসংখ্যা নহয়, মানুহৰ জীৱনত হোৱা সৰু-সৰু পৰিৱৰ্তনৰ কাহিনী, দলৰ নিষ্ঠা, আৰু সংস্থা খনত উদ্ভৱ হোৱা আশা-আলোকৰ প্ৰতিচ্ছবি।

Read & download PDF: https://tinyurl.com/KKT-AR-2024-25
Read in browser: https://tinyurl.com/KKT-AR-2024-25-Flipbook

এই প্ৰতিবেদনটোত আমাৰ জীৱিকামূলক প্ৰশিক্ষণ, স্বনিৰ্ভৰ গোটৰ শক্তিশালীকৰণ, শিক্ষামূলক উদ্যোগ, নেতৃত্ব বিকাশ, আৰু মাটিৰ লগত জড়িত কামবোৰৰ বিস্তাৰিত বিৱৰণ আছে।

আমাৰ যাত্ৰাত যিসকল সঙ্গী হৈ ৰ’ল — সংগঠনৰ সদস্যৰ নেতৃত্ব, মহিলা গোট, সমৰ্থক আৰু সংগঠনসমূহ — সকলোৰে অবদান আৰু বিশ্বাসে আজিৰ দিনলৈকে আমাক আগুৱাই আনিছে।

আপোনালোকে অনুৰোধ কৰোঁ — এই প্ৰতিবেদনটো সময় লৈ পঢ়ক, ভাবক, আৰু আপোনাৰ মূল্যবান মতামত দিয়ক। আমাৰ আগুৱাই যাবলৈ আপোনাৰ একোটা শব্দ হ’ব পাৰে এক নতুন অনুপ্ৰেৰণা। 💚

Selenghat Valley School
Karunar Kheti Trust
কৰুণাৰ খেতি ট্ৰাষ্ট (KKT)-ৰ ফালৰ পৰা আমি আপোনালোকলৈ জানুৱাৰী- মার্চ ২০২৫ (২০২৪-২৫ বৰ্ষৰ ৪র্থ ত্ৰৈমাসিক)ৰ ত্ৰৈমাসিক সংবাদপত্ৰ আগবঢ়াবলৈ পাই সুখী অনুভৱ কৰিছোঁ।

এই সংবাদপত্ৰত আমি শিক্ষা আৰু জীৱিকাৰ বিকাশৰ ক্ষেত্ৰত কৌতূহল, সহানুভূতি, সৃষ্টিশীলতা, আত্মবিশ্বাস আৰু সমস্যা সমাধানৰ ক্ষমতা বিকাশ কৰাৰ বাবে অনুকূল পৰিবেশ গঢ়ি তোলাৰ নানা গুৰুত্বপূর্ণ পৰামৰ্শ আৰু গভীৰ দৃষ্টিভংগী শ্বেয়াৰ কৰিছোঁ। আশা কৰিছোঁ আপোনালোকে অকণমান সময় উলিয়াই এই সংবাদপত্ৰ পঢ়ক ।
PDF পঢ়ক আৰু ডাউনলোড কৰক: https://tinyurl.com/KKT-Q4-Newsletter
ব্ৰাউজাৰত পঢ়ক: https://tinyurl.com/KKT-Q4-Newsletter-Flipbook

Karunar Kheti Trust
কৰুণাৰ খেতি ট্ৰাষ্ট ৰ তৰফৰ পৰা আপোনালোকলৈ ২০২৩-২৪ বৰ্ষৰ এই বাৰ্ষিক প্ৰতিবেদন ও জাৰ্ণেল দিবলৈ পাই আমি সংস্থা আৰু চেলেংহাট ভেলী স্কুল ৰ সদস্য সকলে অতি আনন্দিত অনুভৱ কৰিছোঁ।

Browser ত পঢ়ক: https://tinyurl.com/KKT-AR-2023-24-Flipbook
PDF পঢ়ক আৰু ডাউনলোড কৰক: https://tinyurl.com/KKT-AR-2023-24

এই প্ৰতিবেদন আপোনালোকৰ ওচৰলৈ অনাত অকণমান পলম হ'লেও এই প্ৰতিবেদনে নিশ্চয় আমাৰ উদ্দেশ্য আৰু উদ্দেশ্যৰ সৈতে সংগতি ৰাখি আমি কেনেদৰে আগবাঢ়ি যাব পাৰিছো তাৰ বিষয়ে এটা ধাৰণা দিব পাৰিব। শিক্ষা আৰু জীৱিকাৰ মাধ্যম আগত ৰাখি সকলোকে লগত লৈ এটা ৰাজহুৱা সংস্থা গঢ়ি তুলিবলৈ আমাৰ নীতি নিয়মৰ মাজেৰে আগবাঢ়ি গৈছো আৰু বহুখিনি সাফল্য লাভ কৰিছোঁ বুলি ভাবিব পাৰিছো।

কৰুণাৰ খেতি ট্ৰাষ্টে আপোনালোকৰ আশীর্বাদত ২০২৪ চনত ৫ বছৰ সম্পূর্ণ কৰিলে আৰু আমাৰ এই বাৰ্ষিক প্ৰতিবেদন ও জাৰ্ণেলে নিশ্চয় আপোনালোকক আমাৰ উদ্দেশ্য আৰু প্ৰাপ্তিৰ লগতে আমাৰ ভবিষ্যৎ পৰিকল্পনাৰো এক সম্যক জ্ঞান দিব পাৰিব।

আপোনালোকে নিশ্চয় পঢ়ি ভাল পাব আৰু আমি আপোনালোকৰ মতামতৰ বাবে আগ্ৰহেৰে বাট চাই ৰ'ম।

Karunar Kheti Trust
Selenghat Valley School
চেলেংহাট ভেলী স্কুল বৰ্তমান জীৱন্ত সম্প্ৰদায়ত যোগদান কৰিবলৈ উৎসাহী আৰু সমৰ্পিত শিক্ষাবিদসকলৰ সন্ধানত আছে। আমি আউটলাইৰ শিক্ষয়িত্ৰী আৰু পুথিভঁৰাল শিক্ষয়িত্ৰী বিচাৰি আছো যিসকল শিক্ষাৰ্থীসকলক অনুপ্ৰেৰণা আৰু সৱলীকৰণৰ বাবে গভীৰভাৱে প্ৰতিশ্ৰুতিবদ্ধ। যদি আপুনি এক শক্তিশালী উদ্দেশ্যবোধ আৰু যুৱ শিক্ষাৰ্থীসকলৰ জীৱনত অৰ্থপূৰ্ণ প্ৰভাৱ পেলোৱাৰ আকাংক্ষাৰ দ্বাৰা চালিত হয় আমি আপোনাক আমাৰ দলত পাই সন্মানিত হ'ম। ভৱিষ্যত গঢ়ি তোলা আৰু বিকাশ, কৌতূহল আৰু উৎকৰ্ষতাৰ পৰিৱেশ গঢ়ি তোলাত আমাৰ সৈতে যোগ দিয়ক!

আমাৰ Karunar Kheti Trust আৰু Selenghat Valley School ৰ প্ৰথম সংবাদ পত্ৰিকাত উষ্ম সঁহাৰি আৰু মতামত প্ৰাপ্ত কৰিছিলোঁ। এই সঁহাৰি আৰু মতামত সমূহ গভীৰ আৰু উৎসাহজনক আছিল। আমি আশা কৰো যে এই দ্বিতীয় সংবাদ পত্ৰিকাখনে এক মানদণ্ডৰ বিদ্যালয় গঢ়াৰ ক্ষেত্ৰকে ধৰি জীৱিকা বিকাশ, যুৱ-নেতৃত্বৰ পদক্ষেপ আৰু আমাৰ চাৰিওফালে কাৰ্য্যকলাপৰ প্ৰক্ৰিয়াৰ কাম বুজাত অধিক অৰিহণা যোগাব।

যোৱা ৫ বছৰৰ আগৰে পৰা এই সংস্থা খনৰ যোগেদি বাগিছা অঞ্চলৰ গ্ৰাম্য দৃশ্যপটৰ কেন্দ্ৰত এক শক্তিশালী সামূহিক প্ৰতিষ্ঠান গঢ়ি তোলাৰ বাবে আমি সকলোৱে ধৈৰ্য্যসহকাৰে আৰু নিৰন্তৰভাৱে কাম কৰি আছো। আমি গভীৰভাৱে সন্তুষ্ট অনুভৱ কৰোঁ যে আমি এনে এক পৰ্যায়ত বৰ্তমান উপস্থিত হৈছোঁ য'ত আমি আমাৰ কাম কাজ সমূহক প্ৰতিফলিত কৰিব পাৰোঁ আৰু আপোনালোকৰ সৈতে আমাৰ কাম সমূহ শ্বেয়াৰ কৰি বাহিৰৰ জগত খনলৈ ওলাই আহিব পাৰিছো। আমাৰ আশা সকলোৱে যাতে এই পত্ৰিকাখন পঢ়ে।
Browser ত পঢ়ক: https://tinyurl.com/KKT-Q2-2024-Newsletter
PDF পঢ়ক আৰু ডাউনলোড কৰক: https://tinyurl.com/KKT-July-Sept-Newsletter-2024

Selenghat Valley School
Karunar Kheti Trust
কৰম পূজা চাহ- জনগোষ্ঠী লোকসকলৰ প্ৰধান জাতীয় উৎসৱ। কৰম পূজা মূলত: এক কৃষভিত্তিক উৎসৱ। চাহ জনগোষ্ঠী লোকসকলৰ জীৱনৰ লগত কৰম পূজাৰ পৰম্পৰাগত কলা - সংস্কৃতি, ৰীতি - নীতি সমূহ ঐতিহাসিকভাৱে সংপৃক্ত হৈ আছে। সেয়েহে যোৱা ইং- ১৪/০৯/২৪ তাৰিখে কৰম পূজাৰ তাৎপৰ্যৰ এটি আভাস ছাত্ৰ ছাত্ৰী সকলক দিবৰ বাবে চেলেংহাট ভেলী বিদ্যালয়ত এক কৰম পৰৱ অনুষ্ঠানৰ আয়োজন কৰা হয়। কৰম পূজাৰ কাহিনী ভাগ এক ছবি অংকনৰ জৰিয়তে L.K.G ক্লাছৰ শিক্ষয়িত্ৰী পুতলী টণ্ডিয়া আৰু দ্বীপশিখা দত্তই ছাত্ৰ ছাত্ৰী সকলৰ আগত দাঙি ধৰে। অনুষ্ঠানটিত ছাত্ৰ ছাত্ৰীৰ লগতে অভিভাৱক/ অভিভৱিকা, স্কুল পৰিচালনা সমিতি, আত্ম সহায়ক গোটৰ মহিলা সকলৰ লগতে স্থানীয় বয়োজেষ্ঠ ব্যক্তি সকল উপস্থিত থাকে।

Selenghat Valley School
Karunar Kheti Trust
চেলেংহাট ভেলী স্কুলৰ ছাত্ৰ ছাত্ৰী, অভিভাৱক অভিভাৱিকা, শিক্ষক- শিক্ষয়িত্ৰী, কৰ্মচাৰী আৰু বৈছাহাবি চাহ বাগিছাৰ পৰিচালক মহোদয়ৰ সৈতে জড়িত হৈ এক সামূহিক প্ৰচেষ্টাত ৫ জুন তাৰিখে চেলেংহাট ভেলী স্কুলত বিশ্ব পৰিৱেশ দিৱস পালন কৰা হয়। উক্ত দিনা বিদ্যালয়ৰ চৌহদত বিভিন্ন প্ৰকাৰৰ বৃক্ষ ৰোপন কৰা হয় আৰু সকলোৱে মিলি প্ৰৰ্থনা কৰা হয় যাতে প্ৰকৃতিৰ প্ৰাচুৰ্যই অনাগত দিনত আমাক লালন পালন আৰু আশ্ৰয় দিব। ৰোপন কৰা গছ সমুহৰ ভিতৰত আছিল লিচু, কঁঠাল, শিলিখা, আম, আঁহত, নেমু ইত্যাদি। বৃক্ষ ৰোপনৰ আগতে আমি নিমন্ত্ৰণ জনোৱা বৈছাহাবি চাহ বাগিছাৰ পৰিচালক শ্ৰীযুত অশোক ত্ৰিবেদী আৰু তেখেতৰ সহ-ধৰ্মিনী শ্ৰীযুতা পুনম ত্ৰিবেদীয়ে ছাত্ৰ ছাত্ৰীৰ সকলৰ আগত ভূমি, প্ৰথম স্তৰৰ মাটি, কেঁচু, আৰু গছৰ প্ৰয়োজনীয়তা এক আভাস আগবঢ়ায়। যাৰ ফলত ছাত্ৰ ছাত্ৰী সকলে গছ ৰোপন, উদ্ভিদ আৰু মাটিৰ স্বাস্থ্যৰ বুজাবুজিৰ এক ব্যৱহাৰিক জ্ঞানৰ অভিজ্ঞতা লাভ কৰে।

Karunar Kheti Trust
নতুন নাৰ্চাৰী শ্ৰেণীকোঠাৰ উদ্বোধন।
যোৱা ইং-২০ ফেব্ৰুৱাৰী ২০২৪ তাৰিখ মঙ্গলবাৰ দিনা আমাৰ চেলেংহাট ভেলী স্কুলত অনুষ্টুপীয়াকৈ আয়োজন কৰা এক উদ্ধোধনী অনুষ্ঠানত শ্ৰীযুত অৰবিন্দ খৈতানে "জোনঘৰ" উদ্বোধন কৰে। শ্ৰীযুত খৈতান দেৱৰ অৰ্থসাহাৰ্য্যৰে এই জোনঘৰ নিৰ্মাণ কৰি তেখেতৰ স্বৰ্গীয় মাকৰ স্মৃতিত অৰ্পণ কৰা হয়। চেলেংহাট ভেলী স্কুলৰ সমূহ কৰ্মচাৰী, ছাত্ৰ ছাত্রী আৰু অভিভাৱক সকলে খৈতান দেৱৰ সহায়ৰ বাবে কৃতজ্ঞতা জ্ঞাপন কৰে আৰু লগতে এই অনুষ্ঠানত সুদূৰ কলকাতাৰ পৰা আহি আমাক লগ দিয়াৰ বাবে তেখেতক ধন্যবাদ জ্ঞাপন কৰিলো।

বিশেষ ভাৱে সজা এই "জোনঘৰ" ৰ লগতে আমাৰ স্কুলৰ প্ৰত্যেকটো কোঠা বিশেষ আৰ্হিৰে সাজি উলিওৱা বাঁহ,বেত, কাঠৰ কাম কৰা আমাৰ স্থানীয় শিল্পী প্ৰদীপ সিং দাৰ এক কৃতিত্ব। তেখেতে নিজৰ ঐকান্তিক প্ৰচেষ্টাৰে সাজি উলিওৱা এই শ্ৰেণীকোঠাত স্হানীয় ভাৱে পোৱা মাটি, বোকা, বাঁহ আদি ব্যৱহাৰ কৰি লগতে নিজৰ কৌশলেৰে আমাৰ আনবিলাক শ্ৰেণীকোঠাৰ সৈতে মিলি যোৱাকৈ সাজি উলিয়াওঁতে তলৰ কথাকেইটালৈ বিশেষ দৃষ্টি ৰখা হৈছিল।

১) আমাৰ সীমাৰ ভিতৰৰে বোকা, মাটি(rain water harvestingৰ বাবে খন্দা পুখুৰীৰ পৰা) শ্ৰেণীকোঠাটোৰ হাফ-ৱাল বেৰ বনাবলৈ ব্যৱহাৰ কৰা হৈছে৷ এই কথাত আমাক বিশেষভাৱে সহায় কৰিছে আমাৰ আৰ্কিটেক্ট বন্ধু উদয় ৰঞ্জন গোস্বামী আৰু ৰোহন নাহৰে। তেওঁলোকে বোকা আৰু খেৰৰ এটা মিশ্ৰনেৰে এখন সুন্দৰ আৰু বহু দিন টিকিব পৰা বেৰ বনোৱাত সহায় কৰিলে।
২) "জোনঘৰ" নিৰ্মাণত স্কুলৰ প্ৰত্যেকজন সদস্যৰ অৱদান উল্লেখযোগ্য। স্কুলৰ শিক্ষক, কৰ্মচাৰী, ছাত্র ছাত্রী সকলোৱে এই কামত প্ৰদীপ দাক বিভিন্ন ধৰণেৰে সহায় কৰি (বোকা কঢ়িওৱা কে ধৰি) বিভিন্ন উপদেশ, পৰামৰ্শৰে কামটো সম্পূর্ণ কৰি উলিয়ালে।

এই শ্ৰেণীকোঠাটো নিৰ্মাণ কৰোঁতে আমাক বিভিন্ন ধৰণেৰে সহায় কৰা ছাত্র ছাত্রী, শিক্ষক শিক্ষয়িত্ৰী, কাৰ্যনিৰ্বাহক দল, (Management team), আৰ্কিটেক্ট আৰু Early Childhood Care And Education (ECCE) ৰ বিষয়ে আমাক বিভিন্ন উপদেশেৰে সহায় কৰি থকা শ্ৰীমতী পূৰ্ণিমা কণ্ট্ৰেক্টৰক ধন্যবাদ জ্ঞাপন কৰিলোঁ।
আশা কৰিছোঁ এই "জোনঘৰ" নাৰ্চাৰী ক্লাচৰ সকলো কণ কণ ছাত্র ছাত্রীৰ বাবে সুখময় হ'ব আৰু ঘৰৰ পৰা আঁতৰি আহি আন এখন ঘৰত থকাৰ আনন্দ লাভ কৰিব।

Selenghat Valley School
Karunar Kheti Trust
চেলেংহাট ভেলী স্কুলৰ পৰিয়ালবৰ্গই আপোনালোকক জনাবলৈ পাই অত্যন্ত সুখী হৈছো যে আমাৰ স্কুলৰ প্ৰতিস্থাপক অধ্যক্ষ ডঃ অৰ্জুন ত্ৰিবেদী দেৱক তেখেতৰ কামৰ বাবে ৰাষ্ট্ৰীয় পৰ্যায়ত আগবঢ়োৱা "মাৰীচি এডুকেটৰ'চ এৱাৰ্ড" প্ৰদান কৰা হৈছে।

এই পুৰস্কাৰ ২০২৩ চনৰ ডিচেম্বৰ মাহত ইন্দিৰাপুৰম গ্ৰুপ অৱ ইনষ্টিটিউশন/এডুকেশন নেটৱৰ্কে নতুন দিল্লীত আয়োজন কৰা এডুকেটৰ'চ এৱাৰ্ড অনুষ্ঠানত মানৱ সম্পদ উন্নয়ন বিভাগৰ প্ৰাক্তন মন্ত্রী শ্ৰীযুত ৰমেশ প'খৰিয়াল ডাঙৰীয়াই প্ৰদান কৰে।

ইন্দিৰাপুৰম এডুকেশন নেটৱৰ্ক ৰ পৈত্রিক সংস্থা টাপিণ্ডু এডুকেশ্বনেল চ'চাইটিৰ সভানেত্ৰী শ্ৰীমতী শালিনী সিং এ বটাটোৰ সন্দৰ্ভত কয় যে " 'মাৰীচি' নামটো অনা হৈছে, বুদ্ধ দৰ্শনৰ পুৱা আৰু পোহৰৰ দেৱতাৰ নামৰ পৰা। আৰু এই সংগঠনে বিচাৰি উলিয়াইছে ভাৰতৰ এঘাৰখন বিভিন্ন ৰাজ্যত কাম কৰি থকা বিশজন প্ৰাৰ্থীক যি সকলে তেওঁলোকৰ প্ৰচেষ্টা, কৌশল আৰু উদ্ভাৱনী শক্তিৰে সমাজৰ সৰু সৰু গোটলৈ বিপুল পৰিবৰ্তন আনিবলৈ সক্ষম হৈছে৷"

আমাৰ অধ্যক্ষ লৈ আগবঢ়োৱা এই বঁটা নিশ্চয়কৈ চেলেংহাটৰ ৰাইজৰ বাবে শিক্ষাৰ ক্ষেত্ৰত কৰি অহা আমাৰ কামৰ বাবে এক উল্লেখযোগ্য স্বীকৃতি।

আমি, চেলেংহাট ভেলী স্কুলৰ সমূহ সদস্যই আমাৰ স্কুলৰ শিশু সকল, অভিভাবকৰ লগতে সমূহ চেলেংহাটবাসী ৰাইজক অৰ্পণ কৰি কান্ধত কান্ধ মিলাই নতুন বছৰটোত আগবাঢ়ি যাবলৈ সংকল্প লৈছো।