08/04/2026
राजारामबापू इन्स्टिट्यूट ऑफ टेक्नॉलॉजी येथील BBA च्या विद्यार्थिनींना M.S. शिक्षणासाठी जर्मनी येथे रवाना.
ईश्वरपूर येथील राजारामबापू इन्स्टिट्यूट ऑफ टेक्नॉलॉजीच्या BBA पदवी प्राप्त दोन विद्यार्थिनी कु. वेदिका विकास गरुड व कु. सानिका उदयसिंह पाटील यांना जर्मनी देशातील Otto Von Guericke University, Magdeburg या पब्लिक रिसर्च युनिव्हर्सिटी मध्ये मेरीट आधारित प्रवेश मिळाला आहे. Master in International Management हा दोन वर्षाचा पदव्युत्तर अभ्यासक्रमासाठी त्यांची निवड झालेली आहे. व नुकत्याच त्या रवाना झाले आहेत. महाविद्यालयामार्फत या विद्यार्थिनींचा व्यवस्थापकीय मंडळामार्फत सत्कार करण्यात आला. महाविद्यालयाचे प्राचार्य डॉ. पी.व्ही.कडोले संस्थेचे सचिव प्राचार्य आर. डी. सावंत सर संस्था सदस्य शामराव (अण्णा) पाटील यांच्या हस्ते शुभेच्छा देण्यात आल्या. प्रा. दिग्विजय पाटील, प्रा. प्रतिभा जगताप, प्रा. अर्जुन थोरात यांनी या विद्यार्थ्यांना परदेशी व इतर सर्व शिक्षकांनी शिक्षणासाठी प्रेरित करून मार्गदर्शन केले.
या महाविद्यालयामध्ये जागतिक दर्जाचे शिक्षण विद्यार्थ्यांना मिळावे यासाठी विशेष उपक्रम राबवले जातात. Global Cell विभागामार्फत विद्यार्थ्यांना मोफत प्रवेश प्रक्रिया मार्गदर्शन वर्ग आयोजित केले जातात.IELTS ,Tofell,GRE सारख्या परीक्षेसाठी मोफत प्रशिक्षण दिले जाते. महाविद्यालयाने विविध आंतरराष्ट्रीय विद्यापीठाशी सामंजस्य करार करून महाविद्यालयाने विद्यार्थी व शिक्षकांना आंतरराष्ट्रीय शैक्षणिक संधी उपलब्ध करून दिल्या आहेत. पदवी व पदवीत्तर Twinning Program द्वारे विद्यार्थ्यांना परदेशात शिक्षण पूर्ण करण्याची संधी प्राप्त झाली आहे.
