DYFI Nalgonda

22/08/2026

22/08/2026

https://youtu.be/P0P8mgJFTb0?si=2c2el1cbFvQ7JMij

22/08/2026

22/07/2026

ప్రచురణార్థం
తేది: 22-07-2026
ధర్మేంద్ర ప్రధాన్ రాజీనామా చేయాలి
విద్యార్థులపై లాఠీచార్జీకి బాధ్యత వహిస్తూ ప్రధాని విద్యార్థులకు బేషరతుగా క్షమాపణ చెప్పాలి
భారత విద్యార్థి ఫెడరేషన్ (ఎస్‌ఎఫ్‌ఐ), భారత ప్రజాతంత్ర యువజన సమాఖ్య (డివైఎఫ్‌ఐ) ఆధ్వర్యంలో కేంద్ర ప్రభుత్వ దిష్టిబొమ్మను దహనం చేసి నిరసన వ్యక్తం చేశారు.
ఈ సందర్భంగా డివైఎఫ్‌ఐ జిల్లా కార్యదర్శి మల్లం మహేష్, ఎస్ఎఫ్ఐ జిల్లా అధ్యక్షులు ఆకారపు నరేష్ మాట్లాడుతూ, నీట్ ప్రశ్నాపత్రం లీకేజీ, ఎన్‌టీఏను రద్దు చేయడం, ఆత్మహత్య చేసుకున్న నీట్ విద్యార్థులకు న్యాయం చేయడం వంటి డిమాండ్లతో ఢిల్లీలో శాంతియుతంగా ర్యాలీ నిర్వహించిన విద్యార్థులపై పోలీసులు లాఠీచార్జీ చేయడం ప్రజాస్వామ్య విలువలకు విరుద్ధమని అన్నారు. ఈ ఘటనకు రాజకీయ బాధ్యత వహిస్తూ కేంద్ర ప్రభుత్వం స్పందించాలని వారు డిమాండ్ చేశారు.
నీట్ ప్రశ్నాపత్రం లీకేజీకి బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని, పరీక్షల నిర్వహణలో జరిగిన వైఫల్యాలపై సమగ్ర దర్యాప్తు జరిపి బాధ్యులపై కఠిన చర్యలు తీసుకోవాలని కోరారు. జంతర్ మంతర్ వద్ద విద్యార్థి, యువజన సంఘాలు, సామాజిక కార్యకర్తలు అనేక రోజులుగా శాంతియుతంగా ఆందోళన చేస్తున్నప్పటికీ వారితో చర్చలు జరపకుండా, శాంతియుత ర్యాలీని బలప్రయోగంతో అణచివేయడం ప్రజాస్వామ్యానికి విరుద్ధమని విమర్శించారు.
భారత రాజ్యాంగం ప్రతి పౌరుడికి శాంతియుత నిరసన తెలిపే హక్కును కల్పించిందని, ఆ హక్కును హరించే చర్యలు ప్రజాస్వామ్య స్ఫూర్తికి విరుద్ధమని పేర్కొన్నారు. విద్యార్థులపై జరిగిన దాడికి బాధ్యులపై చర్యలు తీసుకోవాలని, భవిష్యత్తులో పారదర్శకంగా, నిష్పాక్షికంగా జాతీయ స్థాయి ప్రవేశ పరీక్షలను నిర్వహించేలా కేంద్ర ప్రభుత్వం చర్యలు తీసుకోవాలని డిమాండ్ చేశారు.
ఈ కార్యక్రమంలో ఎస్‌ఎఫ్‌ఐ నకిరేకల్ డివిజన్ కార్యదర్శి ముస్కు రవీందర్, డివిజన్ అధ్యక్షులు అరూరి ప్రణీత్, డివైఎఫ్‌ఐ, ఎస్‌ఎఫ్‌ఐ నాయకులు అదిమల్ల సుజిత్, వీరేష్, రోహిత్, సురేష్, గోపి, విష్ణు, శ్రీశాంత్, వేణు, శివ, గణేష్ తదితరులు పాల్గొన్నారు.

04/07/2026

ప్రచురణార్థం నల్గొండ
తేది: 04-07-2026
తెలంగాణ సాయుధ రైతాంగ పోరాట తొలి అమరుడు దొడ్డి కొమురయ్యకు ఘన నివాళులు
డివైఎఫ్ఐ – ఎస్ఎఫ్ఐ ఆధ్వర్యంలో నల్గొండలో వర్ధంతి కార్యక్రమం
తెలంగాణ సాయుధ రైతాంగ పోరాట తొలి అమరుడు దొడ్డి కొమురయ్య వర్ధంతి సందర్భంగా డివైఎఫ్ఐ, ఎస్ఎఫ్ఐ ఆధ్వర్యంలో నల్గొండలోని దొడ్డి కొమురయ్య విగ్రహానికి పూలమాలలు వేసి ఘనంగా నివాళులర్పించారు.
ఈ సందర్భంగా డివైఎఫ్ఐ జిల్లా కార్యదర్శి మల్లం మహేష్, ఎస్ఎఫ్ఐ జిల్లా కార్యదర్శి ఖమ్మంపాటి శంకర్ మాట్లాడుతూ, తెలంగాణ సాయుధ రైతాంగ పోరాటానికి దొడ్డి కొమురయ్య తొలి అమరుడని పేర్కొన్నారు. ఆయన అమరత్వం తెలంగాణ ప్రజల్లో పోరాట స్ఫూర్తిని రగిలించిందని, నాటి నైజాం పాలన, రజాకారులు, దొరల అణచివేతకు వ్యతిరేకంగా ప్రజలు ఆయుధాలు చేపట్టి పోరాడేందుకు దొడ్డి కొమురయ్య త్యాగం ప్రేరణగా నిలిచిందన్నారు.
ఆంధ్ర మహాసభ స్ఫూర్తితో వెట్టి చాకిరి, దోపిడీ, అణచివేతలకు వ్యతిరేకంగా పోరాడిన దొడ్డి కొమురయ్య అతి చిన్న వయసులోనే అమరుడయ్యారని తెలిపారు. నాటి నైజాం పాలనలో దొరలు ప్రజలపై అమానుష హింసలు, అక్రమ పన్నులు విధిస్తూ, ప్రశ్నించిన వారిని హతమార్చేవారని గుర్తు చేశారు.
తెలంగాణ సాయుధ రైతాంగ పోరాటంలో సుమారు 4 వేల మంది అమరులయ్యారని, లక్షల ఎకరాల భూమిని పేదలకు పంచిపెట్టే చారిత్రాత్మక మార్పులకు ఈ పోరాటం దోహదపడిందన్నారు. జనగామ జిల్లా కడివెండి గ్రామానికి చెందిన సామాన్య రైతు కుటుంబంలో జన్మించిన దొడ్డి కొమురయ్య అమరత్వం తెలంగాణ రైతాంగ ఉద్యమాన్ని ఉవ్వెత్తున ఎగిసేలా చేసిందన్నారు.
దొడ్డి కొమురయ్య ఆశయాలు, పోరాట స్ఫూర్తిని కొనసాగిస్తూ విద్యార్థి, యువజన, ప్రజా సమస్యల పరిష్కారం కోసం డివైఎఫ్ఐ, ఎస్ఎఫ్ఐ నిరంతరం ఉద్యమాలు నిర్వహిస్తాయని తెలిపారు.
ఈ కార్యక్రమంలో డివైఎఫ్ఐ, ఎస్ఎఫ్ఐ నాయకులు గుండాల నరేష్, మారుపాక కిరణ్,యం డి అదిల్, కార్లపూడి రాము,గోపి చందు, బాలరాజు,రోహిత్, ముకేశ్, సాయి, హరీష్,మాధవ్ యాదగిరి, నాగయ్య తదితరులు పాల్గొన్నారు.