Sarupathar College

১ ডিচেম্বৰ, ২০২৫ তাৰিখে সৰুপথাৰ মহাবিদ্যালয়ত বিশ্বজিৎ খাকলাৰীয়ে কনিষ্ঠ বৰ্গৰ সহায়ক(Junior Assistant) হিচাপে নিযুক্তি লাভ কৰি যোগদান কৰে। মহাবিদ্যালয় পৰিয়ালৰ হৈ তেওঁলৈ আন্তৰিক অভিনন্দন আৰু শুভেচ্ছা জ্ঞাপন কৰিলোঁ ।

নতুনক আদৰিবলৈ প্ৰস্তুত হৈছে ৫৫ বছৰীয়া দুৰন্ত তৰুণ জীৱন গঢ়াৰ কমাৰশাল "সৰুপথাৰ মহাবিদ্যালয়" । কলা আৰু বাণিজ্য শাখাত উচ্চতৰ মাধ্যমিকৰ প্ৰথম বাৰ্ষিক তথা স্নাতক প্ৰথম ষান্মাসিকত নামভৰ্তি কৰিবলৈ ইচ্ছুকসকলৰ বাবে.....

২৭ মাৰ্চ, ২০২৫... 💕
কোকৰাঝাৰ চৰকাৰী মহাবিদ্যালয়ৰ অসমীয়া বিভাগে আয়োজন কৰা বক্তৃতানুষ্ঠানত "ৰামধেনু যুগৰ গল্পৰ বিষয় আৰু বৈচিত্ৰ্য" শীৰ্ষক বক্তৃতা প্ৰদান কৰোঁ। কালিৰ দিনটো এইকাৰণেও উল্লেখযোগ্য যে সৰুপথাৰ মহাবিদ্যালয় আৰু কোকৰাঝাৰ চৰকাৰী মহাবিদ্যালয়ৰ লগত এখন বুজাবুজিৰ চুক্তিত সন্মানীয় অধ্যক্ষ ড. ডিমাছা দৈব্ৰাং মুছাহাৰীৰ উপস্থিতিত স্বাক্ষৰ কৰা হয়। এই সমগ্ৰ যাত্ৰাত মোলৈ আন্তৰিক সহযোগিতা আগবঢ়োৱা অন্তৰংগ বন্ধু ড.নিৰ্মালি দাসলৈ হিয়াভৰা মৰমৰ লগতে অধ্যক্ষ সমন্বিতে কোকৰাঝাৰ চৰকাৰী মহাবিদ্যালয়ৰ অসমীয়া বিভাগলৈ আন্তৰিক ধন্যবাদ আৰু কৃতজ্ঞতা জ্ঞাপন কৰিলোঁ ।

২৭ মাৰ্চ, ২০২৫
স্মৰণীয় অভিজ্ঞতা... 💕
আজি বড়োলেণ্ড বিশ্ববিদ্যালয়ৰ অসমীয়া বিভাগৰ আমন্ত্ৰণ ক্ৰমে "ৰামধেনু যুগৰ গল্পৰ গতি-প্ৰকৃতি" শীৰ্ষক বক্তৃতা প্ৰদান কৰাৰ লগতে স্নাতকোত্তৰ মহলাৰ ছাত্ৰ-ছাত্ৰী আৰু গৱেষকসকলৰ সৈতে মত বিনিময় কৰোঁ। বিশ্ববিদ্যালয়ৰ পঞ্জীয়ক ড.সুবুং বসুমতাৰী ডাঙৰীয়াৰ সৈতে বিদ্যায়তনিক আলোচনাৰ জৰিয়তে উপকৃত হওঁ। এই আপাহতে অসমীয়া বিভাগৰ মুৰব্বী অধ্যাপিকা ড. চুমী কলিতাৰ লগতে বিভাগীয় শিক্ষকসকললৈ মোৰ আন্তৰিক ধন্যবাদ আৰু কৃতজ্ঞতা জ্ঞাপন কৰিলোঁ। মোৰ সৈতে ছাঁৰ দৰে থাকি মোক উৎসাহিত কৰা অন্তৰংগ বন্ধু ড.নিৰ্মালি দাসলৈ মৰম! 💕

৬/৩/২০২৫
আজি সৰুপথাৰ মহাবিদ্যালয়ৰ ২৭গৰাকী ছাত্ৰ-ছাত্ৰীৰ লগতে বৰপথাৰ মহাবিদ্যালয়ৰ ১০ জনীয়া ছাত্ৰৰ এটি দলে অসম বিধান সভাৰ বাজেট অধিবেশনৰ আজিৰ দিনটোৰ কাৰ্য্য ক্ৰমণিকা প্ৰত্যক্ষ কৰেগৈ। সভাৰ শেষত তেওঁলোকে বিধান সভাৰ সন্মানীয় অধ্যক্ষ শ্ৰীযুত বিশ্বজিৎ দৈমাৰী,বিত্তমন্ত্ৰী অজন্তা নেওগ ডাঙৰীয়ানী আৰু খাদ্য তথা অসামৰিক যোগান বিভাগৰ মন্ত্ৰী শ্ৰীযুত কৌশিক ৰয় ডাঙৰীয়াৰ সৈতে মত বিনিময় কৰে। ছাত্ৰ-ছাত্ৰীসকলক এই সুবিধা প্ৰদান কৰাৰ বাবে স্হানীয় বিধায়ক শ্ৰীযুত বিশ্বজিৎ ফুকন ডাঙৰীয়াক মহাবিদ্যালয় পৰিয়ালৰ হৈ আন্তৰিক কৃতজ্ঞতা আৰু ধন্যবাদ জ্ঞাপন কৰিলোঁ। লগতে ছাত্ৰ-ছাত্ৰীসকলৰ তত্ত্বাৱধায়ক শিক্ষক শ্ৰীৰূপজ্যোতি গগৈলৈও ধন্যবাদ জনালোঁ ।

যোৱা ২৫ জানুৱাৰী, ২০২৫ৰ পৰা ১ ফেব্ৰুৱাৰীলৈকে অনুষ্ঠিত বাৰ্ষিক 'সৰুপথাৰ মহাবিদ্যালয় সপ্তাহ'ৰ কিয়দংশ.. 💕

যাত্ৰা অসীম অনন্ত💕
ছাত্ৰ-ছাত্ৰীৰ সাফল্য....
২১ জানুৱাৰীৰ পৰা ২৪ জানুৱাৰীলৈকে শ্বহীদ পিয়লি ফুকন মহাবিদ্যালয়ত অনুষ্ঠিত ২০২৫ বৰ্ষৰ ডিব্ৰুগড় বিশ্ববিদ্যালয়ৰ আন্ত:মহাবিদ্যালয় যুৱ মহোৎসৱত সৰুপথাৰ মহাবিদ্যালয়ৰ ছাত্ৰ-ছাত্ৰীয়ে সাতোটিকৈ পুৰস্কাৰ অৰ্জন কৰি মহাবিদ্যালয়ৰ লগতে সমগ্ৰ অঞ্চলটোলৈ গৌৰৱ কঢ়িয়াই আনিছে। দুলেশ্বৰ শইকীয়াই অসমীয়া কবিতা আবৃত্তিত ২য় স্থান,আনন্দ তাঁতীয়ে আধুনিক গীতত ৩য় স্থান,দুলেশ্বৰ শইকীয়া আৰু দ্বিজু গগৈয়ে কুইজত ২য় শ্ৰেষ্ঠ দলৰ সন্মান লাভ কৰিবলৈ সক্ষম হয়। যুৱ মহোৎসৱৰ সৈতে সংগতি ৰাখি ডিব্ৰুগড় বিশ্ববিদ্যালয়ৰ ছাত্ৰ একতা সভাই আয়োজন কৰা সাহিত্য প্ৰতিযোগিতাত দুলেশ্বৰে শইকীয়াই প্ৰবন্ধ প্ৰতিযোগিতাত প্ৰথম, চলচ্চিত্ৰ সমালোচনা আৰু গ্ৰন্থ সমালোচনাত দ্বিতীয়, প্ৰিয়ংকা বৰাই গল্প সংকলনত দ্বিতীয় স্থান অধিকাৰ কৰি আমাক গৌৰৱান্বিত কৰিছে। ছাত্ৰ-ছাত্ৰীসকলৰ এই সফলতাত তেওঁলোকলৈ আন্তৰিক অভিনন্দন জ্ঞাপন কৰি সন্মানীয় তত্ত্বাৱধায়ক শিক্ষকদ্বয় শ্ৰীপ্ৰশান্ত পোদ্দাৰ আৰু ড.তানিশ্বা গগৈলৈ আন্তৰিক ধন্যবাদ আৰু কৃতজ্ঞতা জ্ঞাপন কৰিলোঁ।

যোৱা ২১ জানুৱাৰীৰ পৰা ২৪ জানুৱাৰীলৈকে শ্বহীদ পিয়লি ফুকন মহাবিদ্যালয়ত অনুষ্ঠিত ডিব্ৰুগড় বিশ্ববিদ্যালয়ৰ আন্ত:মহাবিদ্যালয় যুৱ মহোৎসৱত ডিব্ৰুগড় বিশ্ববিদ্যালয়ৰ 'ক্ৰীড়া পৰিষদ'ৰ এগৰাকী উপ-সভাপতি হিচাপে উপস্থিত থাকোঁ। বিশ্ববিদ্যালয় আৰু মহাবিদ্যালয় পৰ্যায়ৰ ছাত্ৰ-ছাত্ৰীৰ বৃহৎ প্ৰতিভা সমাৰোহ এই যুৱ মহোৎসৱৰ সৈতে বহু বছৰ ধৰি জড়িত হৈ প্ৰতিবাৰেই লাভ কৰিছোঁ নতুন অভিজ্ঞতা। শ্বহীদ পিয়লি ফুকন মহাবিদ্যালয়ৰ সন্মানীয় অধ্যক্ষ ড. ধ্ৰুৱজ্যোতি নাথ, ডিব্ৰুগড় বিশ্ববিদ্যালয়ৰ যুৱ মহোৎসৱৰ সমন্বয়ক সন্মানীয় ড. সুৰজিৎ বৰকটকী, ড. দীপজ্যোতি গগৈ প্ৰমুখ্যে সংশ্লিষ্ট সকলোলৈকে আন্তৰিক কৃতজ্ঞতা আৰু ধন্যবাদ জ্ঞাপন কৰিলোঁ।

সৰুপথাৰ মহাবিদ্যালয়ত শিক্ষক, কৰ্মচাৰী আৰু ছাত্ৰ-ছাত্ৰী সমন্বিতে ৭৬ সংখ্যক গণৰাজ্য দিৱস উদযাপন!
গণৰাজ্য দিৱস উপলক্ষে সৰুপথাৰ সমজিলা প্ৰশাসনে আয়োজন কৰা পেৰেড প্ৰতিযোগিতাত সৰুপথাৰ মহাবিদ্যালয়ৰ এন চি চি গোটে 'শ্ৰেষ্ঠ দল' আৰু ছাত্ৰ ইমন বৰাই 'শ্ৰেষ্ঠ কামাণ্ডাৰ'ৰ সন্মান লাভ কৰিবলৈ সক্ষম হয়।

যাত্ৰা অসীম অনন্ত...
শ্ৰেষ্ঠ দল - সৰুপথাৰ মহাবিদ্যালয় 💕💕
আজি গোলাঘাটৰ হেমপ্ৰভা বৰবৰা ছোৱালী মহাবিদ্যালয়ত অনুষ্ঠিত গোলাঘাট মাণ্ডলিক কলেজ শিক্ষক সংস্থাৰ বাৰ্ষিক সমাৰোহত সৰুপথাৰ মহাবিদ্যালয়ে ১১টি পদকেৰে "শ্ৰেষ্ঠ দল"ৰ সন্মান লাভ কৰিবলৈ সক্ষম হয়।এই সাফল্যত আমাৰ মহাবিদ্যালয় পৰিয়ালৰ প্ৰতিগৰাকী সন্মানীয় সদস্যলৈ মোৰ হিয়াভৰা অভিনন্দন, ওলগ আৰু শুভেচ্ছা জ্ঞাপন কৰিলোঁ। খুব সুন্দৰকৈ এই সমাৰোহ সম্পন্ন কৰাৰ বাবে আয়োজক কলেজখনিৰ লগতে সংশ্লিষ্ট সকলোলৈকে আন্তৰিক ধন্যবাদ যাচিলোঁ।

ড০ প্ৰাপ্তিৰ ঠাকুৰ বাইদেউলৈ অফুৰন্ত শুভকামনা.....

DrPrapti Thakur