ABVP Gadchiroli

15/08/2026

🚩अखिल भारतीय विद्यार्थी परिषद, जिल्हा गडचिरोली
शाखा : वडसा

🇮🇳 वडसा येथे भव्य तिरंगा यात्रा उत्साहात संपन्न 🇮🇳

स्वातंत्र्यदिनाच्या पार्श्वभूमीवर अखिल भारतीय विद्यार्थी परिषद, जिल्हा गडचिरोली, शाखा वडसा यांच्या वतीने आज आदर्श महाविद्यालय, वडसा ते तहसील कार्यालय क्रीडा संकुल मैदान या मार्गावर भव्य तिरंगा यात्रेचे आयोजन करण्यात आले होते.

या तिरंगा यात्रेचा शुभारंभ मोतीलालजी कुकरेजा यांच्या हस्ते अखिल भारतीय विद्यार्थी परिषदेचा ध्वज दाखवून करण्यात आला. यावेळी विद्यार्थ्यांनी हातात तिरंगा ध्वज घेऊन देशभक्तीपर घोषणांनी परिसर दुमदुमून टाकला.

यावेळी संकेत मस्के, विकास बोदलकर, प्रा देवेंद्र शिवणकर सर, आकाश बांगरे यांच्यासह आदर्श महाविद्यालयातील विद्यार्थी, विद्यार्थिनी प्राध्यापक गण आणि अखिल भारतीय विद्यार्थी परिषदेचे कार्यकर्ते व नागरिक मोठ्या संख्येने उपस्थित होते.

🇮🇳“भारत माता की जय” आणि “वंदे मातरम्” च्या जयघोषात तिरंगा यात्रा उत्साहात संपन्न झाली.🇮🇳

15/08/2026

08/08/2026

*विद्यार्थ्यांच्या विविध शैक्षणिक समस्यांसाठी अखिल भारतीय विद्यार्थी परिषदेचे गोंडवाना विद्यापीठावर आंदोलन*

अखिल भारतीय विद्यार्थी परिषद, गडचिरोली विभागाच्या वतीने गोंडवाना विद्यापीठातील विद्यार्थ्यांच्या विविध प्रलंबित शैक्षणिक समस्यांच्या निराकरणासाठी आज गोंडवाना विद्यापीठावर आंदोलन करून कुलगुरूंना निवेदन सादर करण्यात आले.

या निवेदनामध्ये परीक्षा निकाल वेळेत जाहीर करणे, Withheld निकाल तात्काळ घोषित करणे, निकालावरील चुकीच्या तारखा दुरुस्त करणे, उपस्थित विद्यार्थ्यांना अनुपस्थित दाखविण्याच्या प्रकाराची उच्चस्तरीय चौकशी करणे, उत्तरपत्रिका तपासणीतील त्रुटी दूर करणे, पुनर्मूल्यांकनातील अनियमितता, डिजिटल उत्तरपत्रिकांमधील चुका, "कमवा व शिका" योजनेचे मानधन वेळेवर देणे, विद्यार्थी विकास विभागाच्या कार्यक्रमांची माहिती वेळेत देणे, PET परीक्षा, संशोधकांच्या समस्या तसेच NEP संदर्भातील विविध मागण्या मांडण्यात आल्�

06/08/2026

भारतीय विद्यार्थी परिषद गडचिरोली विभाग

विद्यार्थ्यांच्या न्याय हक्कांसाठी, परीक्षेतील अनागोंदी थांबवण्यासाठी आणि वेळेत निकाल, प्रमाणपत्र व प्रवेश प्रक्रियेसाठी अखिल भारतीय विद्यार्थी परिषद गडचिरोलीच्या वतीने आक्रोश मोर्चाचे आयोजन करण्यात आले आहे.

🗓️ दिनांक: ७ ऑगस्ट २०२६
⏰ वेळ: सकाळी ११:०० वाजता
📍 स्थळ: गोंडवाना विद्यापीठ, गडचिरोली

विद्यार्थ्यांच्या प्रश्नांवर आवाज बुलंद करण्यासाठी मोठ्या संख्येने सहभागी व्हा

31/07/2026

दिनांक 31 जुलै 2026, अखिल भारतीय विद्यार्थी परिषद गडचिरोली नगर द्वारा गोंडवाना विद्यापीठ गडचिरोली तर्फे घेण्यात आलेल्या उन्हाळी 2026 परीक्षेचे प्रलंबित निकाल तात्काळ जाहर करणे तसेच विद्यार्थ्याना आवश्यक प्रमाणपत्रे विहित कालावधीत उपलब्ध करून द्यावे असे निवेदन देण्यात आले.

या प्रसंगी गडचिरोली नगर मंत्री संकेत म्हस्के, नगर सह- मंत्री सौरव ढवळे, तन्मय कोडपे, अनिरुद्ध गद्दामवार, रितेश बुरमवार व इतर विद्यार्थी कार्यकर्ता उपस्थित होते.

29/07/2026

अखिल भारतीय विद्यार्थी परिषद, गडचिरोली नगराच्या वतीने गुरुपौर्णिमेच्या पावन निमित्ताने गोंडवाना विद्यापीठातील कुलगुरू, प्र-कुलगुरू, परीक्षा नियंत्रक, सर्व प्राध्यापकवृंद तसेच कर्मचारीवर्ग यांना गुरुपौर्णिमेच्या शुभेच्छा पत्रक देण्यात आले.

भारतीय संस्कृतीतील गुरु-शिष्य परंपरेचे जतन व ज्ञानदान करणाऱ्या गुरुजनांप्रती कृतज्ञता व्यक्त करण्याच्या उद्देशाने हा उपक्रम आयोजित करण्यात आला. यावेळी विद्यापीठातील शिक्षक व कर्मचाऱ्यांप्रती आदर व्यक्त करत त्यांना गुरुपौर्णिमेच्या शुभेच्छा देण्यात आल्या.

या प्रसंगी अखिल भारतीय विद्यार्थी परिषद गडचिरोली नगर मंत्री संकेत म्हस्के , विकास बोदलकर तसेच परिषदेचे इतर कार्यकर्ते उपस्थित होते.

22/07/2026

पूर्णवेळ कार्यकर्त्यांचा शुभेच्छा समारंभ उत्साहात संपन्न !

दि. २१ जुलै २०२६ रोजी संघ कार्यालय, गडचिरोली येथे अखिल भारतीय विद्यार्थी परिषद, विदर्भ प्रांताच्या प्रांत अभ्यासवर्गानंतर गडचिरोली जिल्ह्यातून पूर्णवेळ कार्याची जबाबदारी स्वीकारलेल्या तीन कार्यकर्त्यांच्या सन्मानार्थ शुभेच्छा समारंभ उत्साहपूर्ण वातावरणात संपन्न झाला.

या कार्यक्रमात राष्ट्रीय स्वयंसेवक संघाचे गडचिरोली जिल्हा संघचालक मा. श्री. घिसुलाल काबरा, गोंडवाना विद्यापीठाचे माजी कुलगुरू डॉ. प्रशांत बोकारे, अखिल भारतीय विद्यार्थी परिषदेचे विदर्भ प्रांत विशेष निमंत्रित सदस्य प्रा. योगेश येणारकर तसेच गडचिरोली विभाग प्रमुख प्रा. धर्मेंद्र मुनघाटे यांची प्रमुख उपस्थिती लाभली.
यावेळी रोहित श्रीरामवार (आलापल्ली), ओमप्रकाश तरार (कुरखेडा) आणि केतन भुसारी (आरमोरी) या तीन पूर्णवेळ कार्यकर्त्यांनी राष्ट्रकार्याची स्वीकारलेली जबाबदारी व समर्पणाचा संकल्प याबद्दल उपस्थित मान्यवरांनी त्यांचे अभिनंदन करून भावी कार्यासाठी मनःपूर्वक शुभेच्छा दिल्या.

याच प्रसंगी भंडारा विभाग संघटन मंत्री राहुलजी श्यामकुवर यांनाही त्यांच्या नवीन कार्यकेंद्रासाठी शुभेच्छा देण्यात आल्या. तसेच सुमित बरांडे यांनाही त्यांच्या वैयक्तिक जीवनाच्या पुढील वाटचालीसाठी शुभेच्छा व्यक्त करण्यात आल्या. मार्गदर्शन करताना मान्यवरांनी पूर्णवेळ कार्यकर्त्यांनी राष्ट्रहित, समाजहित आणि विद्यार्थीहिताची भावना जपत समर्पित वृत्तीने कार्य करावे, असे आवाहन केले. राष्ट्रनिर्माणासाठी समर्पित जीवन जगण्याची प्रेरणा देणारा हा शुभेच्छा समारंभ उत्साहपूर्ण आणि प्रेरणादायी वातावरणात संपन्न झाला.

19/07/2026

अखिल भारतीय विद्यार्थी परिषद, गडचिरोली नगर यांच्या नवनिर्वाचित कार्यकारिणीतील सर्व दायित्वधारी कार्यकर्त्यांचे मनःपूर्वक अभिनंदन! 💐

आपल्या नेतृत्वातून विद्यार्थीहित, राष्ट्रहित आणि संघटन कार्याला नवी दिशा व अधिक बळ मिळो, हीच सदिच्छा.

पुढील वाटचालीसाठी हार्दिक शुभेच्छा! 🚩🇮🇳

18/07/2026

अखिल भारतीय विद्यार्थी परिषद, गडचिरोली नगर यांच्या सत्र २०२६–२७ च्या नगर कार्यकारिणीची घोषणा उत्साहपूर्ण वातावरणात करण्यात आली.

यावेळी निर्वाचन अधिकारी म्हणून जिल्हाप्रमुख प्रा. विकास चित्ते सर, सुमितजी बरांडे तसेच विभाग छात्रा प्रमुख दीक्षा पिपरे उपस्थित होते.

प्रा. अनंता गावंडे सर यांची नवनिर्वाचित नगर अध्यक्ष म्हणून घोषणा करण्यात आली, तर संकेत म्हस्के यांची नगर मंत्री म्हणून पुनर्निवड करण्यात आली. तसेच सत्र २०२६–२७ साठीच्या संपूर्ण नगर कार्यकारिणीची घोषणा करण्यात आली.

यावेळी सर्व नवनिर्वाचित दायित्वधरी कार्यकर्त्यांचे हार्दिक अभिनंदन करण्यात 💐🚩

16/07/2026

अखिल भारतीय विद्यार्थी परिषद, गडचिरोली
पत्रकार परिषद संपन्न
आज दिनांक १६ जुलै २०२६ रोजी अखिल भारतीय विद्यार्थी परिषद, गडचिरोली नगराच्या वतीने विद्यार्थ्यांच्या प्रलंबित प्रश्नांबाबत राज्य शासनातील विविध मंत्र्यांसोबत झालेल्या बैठकीची माहिती प्रसारमाध्यमांपर्यंत पोहोचविण्यासाठी पत्रकार परिषदेचे आयोजन करण्यात आले.
यावेळी अभाविपचे विदर्भ प्रांत सहमंत्री सुजाण चौधरी यांनी विद्यार्थ्यांच्या विविध शैक्षणिक, प्रशासकीय व उच्च शिक्षणाशी संबंधित प्रश्नांबाबत शासनासमोर मांडण्यात आलेल्या मागण्या, संबंधित मंत्र्यांसोबत झालेली चर्चा तसेच शासनाने दिलेल्या आश्वासनांची सविस्तर माहिती पत्रकारांना दिली.
या पत्रकार परिषदेस अभाविप राष्ट्रीय कार्यकारिणी सदस्य राहुल श्यामकुवर तसेच गडचिरोली नगर मंत्री संकेत मस्के यांची प्रमुख उपस्थिती होती.
विद्यार्थ्यांच्या न्याय्य हक्कांसाठी अखिल भारतीय विद्यार्थी परिषद सातत्याने संघर्ष करत असून, प्रलंबित प्रश्न मार्गी लागावेत यासाठी भविष्यातही संघटनेचा पाठपुरावा सुरू राहील, असा विश्वास यावेळी व्यक्त करण्यात आला.