30/03/2020
কথা খাৰ ভাল লাগিল গতিকে কপি কৰি আপোনালোকলৈ আগবঢ়ালোঁ…
প্ৰত্যেক কামৰে দুটা দিশ থাকে। এটা ভাল আনটো বেয়া। Covid-19 য়ে গোটেই বিশ্বতে মহামাৰীৰ ৰূপ লৈছে। স্বাভাৱিক জীৱন স্তব্ধ হৈ পৰিছে।
#ক'ৰোণাই কেৱল বেয়াই কৰিছেনে?
মানৱ সভ্যতালৈ কঠিন সময় ক'ৰোণাই আনিছে যদিও তাৰ মাজতে বহু ভাল দিশত আমাক নতুনকৈ চিন্তা কৰিবলৈ বাধ্য কৰাইছে।
👉 লকডাউনৰ ফলত পৃথিৱীত শব্দ প্ৰদূষণ, বায়ু প্ৰদূষণ অভূতপূৰ্বভাৱে কমিছে।
👉 গোলকীয় উষ্ণতা বহুপৰিমাণে হ্ৰাস পাইছে।
পৰিভ্ৰমী চৰাইবোৰে মুকলিভাৱে আকাশত উৰি ফুৰিব পাৰিছে।
👉 পাৰমাণৱিক বোমা, মিছাইল, যুদ্ধ বিমান আদিৰে যুদ্ধ যুদ্ধ খেল খেলি ভালপোৱা ৰাষ্ট্ৰনায়কে আজি বুজি উঠিছে—"মানুহ মাৰা সহজ, প্ৰাণ ৰক্ষা কৰা অনেক কঠিন।
👉 সন্ত্ৰাসবাদী কাৰ্যকলাপ গোটেই বিশ্বতে কমিছে। উগ্ৰ নায়কসকলেও মৃত্যু ভয়ত তাপ মাৰিছে।
👉 নাগৰিকত্বৰ প্ৰমাণ অবিহনে দেশৰ প্ৰধানমন্ত্ৰীৰ আহ্বানত সু-নাগৰিকৰ কৰ্তব্য পালনত সহযোগ কৰিছে।
👉 যান-জঁট, দূৰ্ঘটনা হ্ৰাস পাইছে। বতাহত উৰি ফুৰা উদঙীয়া সকলক ক'ৰোণাই নাকী লগাইছে।
👉 হত্যাকাৰী, চোৰ-ডকাইত আদি কয়দীসকলে লাখ লাখ মানুহৰ জীৱন ৰক্ষা কৰিবলৈ এতিয়া মাক্স, চেনিটাইজাৰ প্ৰস্তুত কৰিবলৈ হাত উজান দিছে।
👉 গোটেই বছৰ উচটনিমূলক, প্ৰৰোচনামূলক ভাষণ দিয়া নেতাবোৰৰ সেল্ফ কোয়াৰান্টাইড হৈছে আৰু প্ৰকৃত জননেতাসকল মানুহৰ জীৱন বচোৱাৰ নেতৃত্ব লৈছে।
👉 ঈশ্বৰ, আল্লা, গড্ ৰ নামত ঠিকা লোৱা
ধৰ্মগুৰুসকল মন্দিৰ, মছজিদ, গীৰ্জাৰ দুৱাৰ বন্ধ হোৱাৰ লগে লগে, 'মানৱ ধৰ্ম' ৰ ওচৰত নিজৰ মুখ লুকুৱাইছে।
👉 ঘুষখোৰ পুলিচ বুলি বদনাম থকা পুলিচেও আজি পথত নামি, জীৱনলৈ পৰোৱা নকৰি নিজৰ দায়িত্ব পালন কৰিবলৈ লৈছে।
👉 হিংসা, ধৰ্ষণ, চিলনী-চোৰ, মৰেল পুলিচ, ভূ-মাফিয়াৰ দাদাগিৰি কমিছে ।
👉 নাৰীয়ে নিজকে সুৰক্ষিত কৰিব পৰা হৈছে।
👉 ধনী আঢ্যৱন্ত মানুহেও মিতব্যয়ী হ'বলৈ শিকিছে।
👉 জ্যোতিষীসকলেও ষ্টোন বেচি মানুহৰ জীৱন ৰক্ষা কৰাৰ সলনি নিজৰ স্বাস্থ্যবিধি মানিবলৈ বাধ্য হৈছে।
👉 ৰাজনৈতিক দল, নেতাৰ বোকা পানী ছটিওৱা খেল কমিছে, আৰু ৰাইজক সেৱা কৰিবলৈ সুবিধা পাইছে।
👉 পৰিয়ালৰ সদস্যসকলক সময় দিব নোৱাৰা লোকসকলে পৰিয়ালৰ সৈতে সময় অতিবাহিত কৰিব পাৰিছে।
👉 জাত পাতৰ ৰাজনীতি কমিছে আৰু মানুহৰ পক্ষত মানুহ হিচাপে থিয়হৈ মানৱ সেৱাত ব্ৰতী হৈছে।
#মৃত্যু চিৰন্তন সত্য। মৃত্যু ভয় সকলোৰে আছে। ক'ৰোণাৰ ভয়ত বাঘে-ছাগে একে ঘাটতে পানী খোৱা দেখি অদৃশ্য সৃষ্টিকৰ্তাজনে হয়তো ক্ষন্তেক স্বস্তিৰ নিশ্বাস এৰিছে।
মানৱ সভ্যতা বৰ্তি থাকক শান্তিৰে....
অনন্তকাললৈ......।
- শ্ৰী.শ্ৰী.অ.দে.আ.জা.বিদ্যালয়, কৰ্দৈগুৰি
