24/09/2026
கணினிக் கல்விக்காக அரசு பள்ளிகளில் போடப்பட்ட ஒப்பந்தம் மறைக்கப்பட்டுள்ளதா?
தனியார் நிறுவனத்திற்கு வழங்கிய 1076 கோடி ரூபாய் ஒப்பந்தம் ஏன் மறைக்கப்பட்டது ?
அறப்போர் இயக்கம் சரமாரி கேள்வி!
அரசுப் பள்ளிகளில் 1ஆம் வகுப்பு முதல் 10ஆம் வகுப்பு வரை கணினிக் கல்வி மற்றும் கணினி ஆய்வகங்கள் தொடர்பாக மேற்கொள்ளப்பட்ட ஒப்பந்தங்கள், பணியாளர் நியமனம் மற்றும் கல்வித் தகுதிகள் குறித்து பல்வேறு கேள்விகள் எழுந்துள்ளன.
குறிப்பாக, அரசு பள்ளிகளில் கணினி ஆய்வகங்களுக்காக நியமிக்கப்பட்டதாகக் கூறப்படும் கணினி ஆசிரியர்கள் / பணியாளர்களின் கல்வித் தகுதி என்ன? அவர்களை நியமிப்பதற்கான தகுதி விதிமுறைகள் என்ன? எந்த நிறுவனத்துடன் ஒப்பந்தம் மேற்கொள்ளப்பட்டது? ஒப்பந்தத்தின் நிபந்தனைகள் என்ன? போன்ற கேள்விகள் எழுப்பப்பட்டுள்ளன.
இந்த விவகாரம் தொடர்பாக அறப்போர் இயக்கத்தைச் சேர்ந்த ராதாகிருஷ்ணன் அவர்கள், பள்ளிக்கல்வித்துறையில் 2024ஆம் ஆண்டு நடைபெற்றதாகக் கூறப்படும் கணினிக் கல்வி தொடர்பான முறைகேடுகள் குறித்து தமிழ் ஜனனம் தொலைக்காட்சிக்கு அளித்த பேட்டியில், தகவல் அறியும் உரிமைச் சட்டத்தின் மூலம் தகவல்கள் கோரப்பட்டபோது ஒப்பந்தம் தொடர்பான தகவல்கள் முழுமையாக வழங்கப்படவில்லை என்றும், ஒப்பந்தம் தொடர்பான தகவல்கள் மறைக்கப்பட்டதாகவும் கேள்வி எழுப்பியுள்ளார்.
முக்கியமாக எழும் கேள்விகள்:
🔹 1 முதல் 10ஆம் வகுப்பு வரை கணினிக் கல்விக்காக மேற்கொள்ளப்பட்ட ஒப்பந்தத்தின் முழு விவரங்கள் என்ன?
🔹 கணினி ஆய்வகங்களில் பணியாற்ற நியமிக்கப்பட்ட பணியாளர்களின் குறைந்தபட்ச கல்வித் தகுதி என்ன?
🔹 நியமிக்கப்பட்ட ஒவ்வொரு பணியாளரின் கல்வித் தகுதி மற்றும் சான்றிதழ்கள் சரிபார்க்கப்பட்டனவா?
🔹 எந்த அரசு துறை / அமைப்பு மூலம் ஒப்பந்தம் மேற்கொள்ளப்பட்டது?
🔹 ஒப்பந்தம் செய்யப்பட்ட தனியார் நிறுவனத்தின் தேர்வு எவ்வாறு நடைபெற்றது?
🔹 ஒப்பந்தத்தின் நகல் மற்றும் அதனுடன் தொடர்புடைய Work Order, Tender மற்றும் Qualification Criteria ஆகியவை பொதுமக்களுக்கு ஏன் முழுமையாக வழங்கப்படவில்லை?
🔹 2024ஆம் ஆண்டு நடைபெற்ற நியமனங்கள் மற்றும் கல்வித் தகுதி சரிபார்ப்பு தொடர்பான பதிவுகள் என்ன?
கணினிக் கல்வி என்பது அரசுப் பள்ளி மாணவர்களின் எதிர்காலத்துடன் நேரடியாக தொடர்புடையது. எனவே, ஒப்பந்தம், பணியாளர் கல்வித் தகுதி, நியமன நடைமுறை மற்றும் அரசு நிதி பயன்படு
