Dr Mufti Mahmood Hasan Tawalvi

25/07/2026

نہایت
رنج و غم کے ساتھ
یہ اطلاع دی جاتی ہے کہ
مولانا عطارعبدالرؤف صاحب قاسمی
(سید کالونی، دیوبند) کا تقریباً 10 بجے رات میں
حرکت قلب کے بند ہوجائے کی وجہ سے انتقال ہوگیا ہے۔
انا للہ وانا الیہ راجعون۔ اللہ تعالیٰ مرحوم کی مغفرت فرمائے، ان کی کامل بخشش فرمائے جنت الفردوس میں اعلیٰ مقام عطا فرمائے، اور تمام اہلِ خانہ، متعلقین اور پسماندگان کو صبرِ جمیل عطا فرمائے۔ آمین۔ نمازِجنازہ ان شآءاللہ تعالیٰ آج 25 جولائی بروز ہفتہ دوپہر 3 بجے احاطہ مولسری دارالعلوم دیوبند میں ادا کی جائے گی۔ تمام احباب سے، مرحوم کے لئے دعائے مغفرت کی مؤدبانہ درخواست ہے: محمد شاہد قاسمی، دارالعلوم وقف، دیوبند 25/07/2026 ( )

17/07/2026

اعمال کا ثواب آخرت میں کیوں?

15/07/2026

کوئی کسی کا جینا حرام کرے تو اللہ تعالی اس کا مرنا حرام کردیتے ہیں۔
کوئی کسی کی زندگی برباد کرے تو حقیقت میں وہ خود کی آخرت برباد کرتا ہے۔
✍️: مفتی محمود حسن تاؤلوی
#علم

13/07/2026

پیاس اگر شدت بھی پکڑ لے، تب بھی زہر ملا پانی نہیں پیا جاتا۔

زندگی میں ایسے لمحے ضرور آتے ہیں جب انسان محبت، توجہ، سہارا یا اپنائیت کا شدید محتاج ہوتا ہے۔ لیکن ضرورت کبھی بھی غلط انتخاب کا جواز نہیں بنتی۔

جس طرح کوئی سمجھدار انسان شدید پیاس کے باوجود زہر ملا پانی نہیں پیتا، اسی طرح دل کی تنہائی، جذباتی کمزوری یا مشکل حالات میں بھی ایسے لوگوں کو اپنی زندگی میں جگہ نہیں دینی چاہیے جو ہماری عزتِ نفس، سکون اور کردار کو نقصان پہنچائیں۔

بعض لوگ محبت کا چہرہ اوڑھ کر آتے ہیں، مگر ان کے الفاظ، رویّے اور ارادے آہستہ آہستہ انسان کے اعتماد، خوشیوں اور دل کے سکون کو زہر آلود کر دیتے ہیں۔

یاد رکھیے!
ہر مسکراہٹ اخلاص نہیں ہوتی، ہر وعدہ وفا نہیں ہوتا، اور ہر چمکتی ہوئی چیز سونا نہیں ہوتی۔

اگر کبھی انتخاب صرف دو راستوں میں ہو—
ایک طرف وقتی سہارا، مگر زہریلا تعلق…
اور
دوسری طرف باوقار تنہائی…

تو تنہائی کا انتخاب کیجیے۔

کیونکہ زہر، چاہے سونے کے جام میں پیش کیا جائے، آخرکار زہر ہی رہتا ہے۔

اپنی عزتِ نفس، اپنے سکون اور اپنے کردار کی حفاظت کیجیے۔ یہی ایک باوقار انسان کی اصل پہچان ہے۔

✍️ مفتی محمود حسن تاؤلوی

***iMahmoodHasan

12/07/2026

ایک عالمِ دین کی تربیت

ایک عالمِ دین کی تربیت ایسی ہوتی ہے کہ فقیر کے ساتھ بیٹھ کر کھا لیتا ہے، اور خودداری ایسی ہوتی ہے کہ بادشاہوں کو ٹھکرا دیتا ہے۔
یہ جملہ ایک سچے عالمِ دین کی شخصیت کا حسین نقشہ پیش کرتا ہے۔ عالمِ دین صرف علم کا خزانہ نہیں ہوتا بلکہ وہ اخلاق، تواضع، ایثار، عزتِ نفس اور اللہ پر کامل بھروسے کا عملی نمونہ بھی ہوتا ہے۔
اسلام نے عالم کو یہ تعلیم دی ہے کہ وہ ہر انسان کے ساتھ حسنِ اخلاق سے پیش آئے۔ اس کے نزدیک غریب و امیر، چھوٹا و بڑا، کالا و گورا سب برابر ہیں۔ وہ اگر کسی فقیر کے ساتھ دسترخوان پر بیٹھ کر کھانا کھاتا ہے تو اس میں اسے کوئی عار محسوس نہیں ہوتی، کیونکہ اس کے پیشِ نظر دنیاوی مرتبہ نہیں بلکہ تقویٰ اور انسانیت ہوتی ہے۔ یہی تو رسولِ اکرم ﷺ کی سنت تھی کہ آپ غلاموں، مسکینوں اور کمزوروں کے ساتھ محبت اور شفقت سے پیش آتے تھے۔
دوسری طرف، ایک حقیقی عالم کی خودداری بھی بے مثال ہوتی ہے۔ وہ دین کے بدلے دنیا کا سودا نہیں کرتا، نہ اقتدار کے سامنے جھکتا ہے اور نہ دولت کے لالچ میں حق بات چھوڑتا ہے۔ اگر کوئی بادشاہ یا صاحبِ اقتدار دین میں مداخلت کرے یا حق کو دبانے کی کوشش کرے تو سچا عالم پوری جرات کے ساتھ اس کی مخالفت کرتا ہے، چاہے اسے قید و بند، مصیبت یا جان کا خطرہ ہی کیوں نہ برداشت کرنا پڑے۔
تاریخِ اسلام ایسے بے شمار علماء سے بھری پڑی ہے جنہوں نے بادشاہوں کے درباروں میں حق کا کلمہ بلند کیا، لیکن کبھی اپنے ضمیر اور دین کا سودا نہیں کیا۔ ان کے کردار نے امت کو یہ سبق دیا کہ عزت صرف اللہ کے ہاتھ میں ہے، نہ کہ حکمرانوں کی خوشنودی میں۔
ایک عالم کی عظمت اس کے لباس یا منصب سے نہیں بلکہ اس کے کردار سے پہچانی جاتی ہے۔ وہ غرباء کے درمیان بیٹھ کر بھی عزت پاتا ہے اور اگر ضرورت پڑے تو بادشاہوں کے سامنے بھی حق کی خاطر ڈٹ جاتا ہے۔ یہی وہ تربیت ہے جو قرآن و سنت نے علماء کو عطا کی ہے۔
آج امت کو ایسے ہی علماء کی ضرورت ہے جو عوام کے غم میں شریک ہوں، مسکینوں کے ساتھ محبت کریں، مظلوموں کی آواز بنیں، اور ہر حال میں حق و انصاف کا پرچم بلند رکھیں۔ ایسے علماء ہی معاشرے کی حقیقی رہنمائی کرتے ہیں اور امت کی اصلاح کا ذریعہ بنتے ہیں۔
اللہ تعالیٰ ہمیں ایسے باعمل، مخلص اور باکردار علماء کی قدر کرنے، ان سے علم حاصل کرنے اور ان کے نقشِ قدم پر چلنے کی توفیق عطا فرمائے۔ آمین۔
✍️ مفتی محمود حسن تاؤلوی

#اسلام #قرآن #حدیث #سنت #خودداری #تواضع

11/07/2026

10/07/2026

خواب اتنا بڑا دیکھو کہ دنیا تمہیں پاگل کہے۔

08/07/2026

ہمارا کوئی درسی ساتھی یا کوئی جامعہ محمود کا طالب علم اگر دبئی میں ہو تو بتائیں۔
https://wa.me/message/KV2XPSFPF2GFC1