𝐍i𝐬i𝐦 𝐇o𝐩i𝐡n𝐚

Na Lungsim khempeuh tawh T**a muang cip lel inla nang theina Suang vetvet ken

𝐍𝐈𝐒𝐈𝐌 𝐇𝐎𝐏𝐈𝐇𝐍𝐀 #𝟎𝟎𝟓
𝑨 𝒔𝒊𝒎𝒕𝒉𝒂𝒎 𝒂 𝑺𝒆𝒑 𝑫𝒊𝒏𝒈 𝑱𝒆𝒔𝒖𝒉 𝑺𝒂𝒘𝒍 𝑲𝒉𝒂𝒕𝒏𝒂
𝗠𝗶 𝗵𝘂𝗵 𝗺𝗶 𝗣𝗮𝗻 𝗽𝗶𝗵𝗻𝗮 𝘁𝗮𝘄𝗵 𝗸𝗶𝘀𝗮𝗶
"𝐴ℎ𝑖 𝑧𝑜𝑛𝑔𝑖𝑛 𝑛𝑜𝑡𝑒 𝑖𝑛 𝑚𝑖 𝑐𝑖𝑚𝑎𝑤ℎ𝑡𝑒 𝑐𝑖𝑡𝑛𝑎 𝑡𝑎𝑤ℎ 𝑛𝑎 ℎ𝑢ℎ 𝑢ℎ 𝑐𝑖𝑎𝑛𝑔𝑖𝑛 𝑛𝑎 𝑙𝑎𝑤𝑚 𝑛𝑎𝑖ℎ𝑢𝑎𝑖 𝑝𝑒𝑛𝑡𝑒 𝑢ℎ 𝑛𝑎𝑛𝑔𝑎𝑤𝑛 𝑖𝑛 ℎ𝑜𝑛𝑔 𝑡ℎ𝑒𝑖ℎ 𝑙𝑜ℎ 𝑛𝑎𝑑𝑖𝑛𝑔𝑢𝑛 𝑝𝑖𝑎 𝑢𝑛𝑙𝑎, 𝑘𝑢𝑎𝑚𝑎ℎ 𝑡ℎ𝑒𝑖𝑠𝑎𝑘 𝑘𝑒𝑖 𝑢𝑛. 𝑇𝑢𝑎 ℎ𝑖𝑙𝑒ℎ 𝑘𝑢𝑎𝑚𝑎 𝑚𝑢ℎ 𝑙𝑜ℎ𝑖𝑛 𝑛𝑎 𝑔𝑎𝑚𝑡𝑎𝑡𝑛𝑎 𝑢ℎ 𝑎 𝑚𝑢 𝑛𝑎 𝑃𝑎 𝑢𝑛 𝑛𝑜𝑡𝑒 𝑡𝑢𝑛𝑔𝑎ℎ 𝑡ℎ𝑎𝑚𝑎𝑛 ℎ𝑜𝑛𝑔 𝑝𝑖𝑎 𝑑𝑖𝑛𝑔 ℎ𝑖".
𝑀𝑎𝑡𝑡ℎ𝑎𝑖 6:3-4

Piakna cih Ciang in mi khat peuh van leh na khat peuhpeuh ihpiak ciang a gen nuam ih hi aa, pia cih ciang in amau tan ding, ngah ding aa piak ahih man in akawm pak bang in kingah sunlo hi. Piakna leh kawmna kilam dang aa, van khat peuh Kawm cih ciang in tan suak ding ahilo neu kha ama kisam tan Azat khitciang piak kikding deihna ahihi. Piakna ciang in tuabang hilo aa mi khat i piak khitnak leh Ei tawh kisai khanawnlo bek hilo in, Eima Thuneihna ding a om nawn vetlo ahihi. Pawl khat in apiaksa ahuhsa uh tung peuh ah kiphat sak pih kha thei mawk uhhi. Mimal tung hileh Biakna sung hita leh tua bang thuneih nop man a piakna huhna cihte zat loh mah Hoih pen khading hi..

Mi huh cileuleu zong thu tuam khat hita leuleu leh mi khat i huh a pian pih leh khat leh khat kihuhtuah ding lai Siangtho in hong han thadawn ahih man in (Gal 6:2) lametna vaneih kik zong khilhna Om tuan kei leh kilawm hi. Himah leh mikhat hong thukkik ding Lamet natawh na Gamtat aa nahuh khak leh, Aman hong na deih bang hong panpih zo kei leh heh in na Khasia ding a, Tua in hong piak ding leh na meetna ding omlo aa, hong thaneem sak lelding ahih man in, na huh vetloh mah hong hoih penpen ding hi. Mi ih huh ciang amau tung aa thuneih Nopna tawh huh hilo zaw in Amau ihuh leh ei zong Pasian in akicing huhna hong pia thei hi cih lametna naneih theih hong thupi mahmah ding hi.

Mi huhna, Mi cimawh khat vapan pihna pen Pasian hong sawlna leh hong kamciam ahih zah khat in vahuh in va panpih sin limlim leng, Mihing lam pan bang mah ngahna leh metna nei kei taleng, Pasian in ama thupiakna hi limlim ahih manin huhna mah hong pia kik zel lel ahihi (Paunak 11:25,22:9 luke 6:28) Ama thupiak zuih photphot naak leh Aman Ama hihna tawh hong huh hong panpih zaw aa, mihing lam pan mihing hihna tawh hilo in, Pasian lam pan Ama Pasian hihna tawh thupha hong pia in hong huh hong pan pih kik Ciang naak liantlua ahih man in sim zawh gual Hilo hi(Pau 10:22, Ep 1:3 Mal 3:10).

Mi hing lampan lametna ihneih lai siah Khasiatna tawh kidim zaw aa, tualai Tua chi Tuachi pan pihna pi kei hun Ciang amau hibang hong bawl cih lungtang kinei khazel aa tua in tua in ih lungsim hong gimsak in, Pasian muanlahna khat zong hipah hi (Late 108:12, Isa 2:22) . Pasian sang mihing amasa sak zaw ih hihna khat in, Pasian zong lungkimlo bek hilo ama deihna zong na hilo pah zel hi. Pasian deihna leh hong thupiak bang in Gamtat in Pasian mah mitsuan in mi huh mi panpih leng, Ih tawldam bek hilo Pasian zong eima tungah alungkim in ih tawldam in ih lung Nuam mahmah hi (Jer 17:7). Banghang nang pen Pasian deihna sungah omna in lungnop khamuan mahmah na hong pia ding hi..

Pasian mit suan in nasem limlim lecin Pasian UKNA sung a nungta mi khat in zong hong guaksuak sak samlo ding a, zong hong maimial sak tuanlo ding hi. banghang hiam cihleh ganhing nangawn in zong an apiapa thei Buang sam hi (Isaiah 1:3). Amau zong Pasian ki UKNA sungah khang khia mi Pasian theimi ahihnak lee, Khat leh khat kihuh tauhna hong thei in hong guaksuak sak samlo ding uh cih Pasian Kammal tungtawn ih ih gen thei hi (Gal 5:2, Heb 13:16, I Thess 5:11)

Bangbang hita leh Pasian deih kihuh Kipan pihnate in mihing mitsuan aa Amau huhkikna panpih kikna cih hisam lo aa, Pasian mah misuan in ama hong huh hong panpihna mah deihzawkna leh Lamet zawkna ahihi. Lai Siangtho in mihuhna hong gen ciang Na taklam in apiak na veilam zong thei sak kei in hong chi. Tuahi a, huhna panpihna thu ihgen Ciang Leitung mi Pasian theilote huhna leh Pasian deih huhna kimu thei hi. Leitung mi Pasian theilote huhna in, mithan nopna leh Mite theih ding lunggulhna tawh huhzaw panpih zaw uh aa, Pasian deih thu um mite Tungpan Pasian deih huhna panpihna in, Kuama theihloh ding taklam tawh ih piak veilam zong theihsak lo ding ahihi (Mat 6:3).

Piakna khatpeuh huhna khat peuh na neih ciang, Pasian sawlna thei a, na Lungsim a hong kilo sawlna khat a om nak leh ngaihsutna nihleh thum naneih ma piasuk in tuh suk Ziau in, tua mun ah thupha om aa, hong gah khia zong limci in Pasian mitsuan ahih man in ih lung zong nuam mahmah lel hi (Pau 3:27-28) Tua bang piak khatna naneih Ciang na veilam Na taklam na zi nata na nu napa na u na nau dot masak kullo hi, Na Neih khempeuh Pasian hong piak cih na up naak leh amau dot sese kullo aa, Thupha hong pia thei hih sang ahoih zaw hong pia theipa dot zawk a ama deih bang aa gamta a na sep ding ahihi..

Lungsim sung nih vei thum vei ngaihsutna in Pasian muan lahna tawh kizom hamtang zaw aa (Deut 15:10) , Satan in ih ngaihsutna sung ama deihna hong nei sak thei hi. Na Piak ciang in zong Leitung mite piak bang in mite huh kikding mite panpih kikding leh amau phat ding minthan nop man hilo in, Asim tham a napiak hong mu Pasian in akilang in thupha Hong piak ding lam Etna tawh nahuh napanpih tapeuh un aw (Matt 6:3)

.C.Samuel Zampu