Jon Jyoti Anchalik Pragati Sangha

জুবিন গাৰ্গ খেলপথাৰ, ঘিলাকুৰিত আজি অনুষ্ঠিত হোৱা প্ৰীতি ফুটবল খেল খনত জোন জ্যোতি আঞ্চলিক প্ৰগতি সংঘই হৰিশিঙা টাউন ক্লাৱ (ওদালগুৰি)ৰ বিপক্ষে ২-৬ গলৰ ব্যৱধানত পৰাস্ত হয় ।

জোন জ্যোতি আঞ্চলিক প্ৰগতি সংঘৰ উদ্যোগত ৬ জুন, শনিবাৰে আবেলি ৩:০০ বজাত এখন বন্ধুত্বপূৰ্ণ ফুটবল মেচৰ আয়োজন কৰা হৈছে। দৰঙৰ ঘিলকুৰীস্থিত জুবিন গাৰ্গ খেলপথাৰত অনুষ্ঠিত হ’বলগীয়া এই খেলখনত JJAPS আৰু Harisinga Town club (HTC) দলে প্ৰতিদ্বন্দিতা কৰিব।
সকলো ক্ৰীড়াপ্ৰেমী ৰাইজক খেলপথাৰত উপস্থিত থাকি খেলুৱৈসকলক উৎসাহিত কৰিবলৈ সাদৰেৰে নিমন্ত্ৰণ জনালোঁ

🌱 বিশ্ব পৰিৱেশ দিৱস ২০২৬ 🌱
"প্ৰকৃতি ৰক্ষা কৰক, ধৰিত্ৰী জীয়াই ৰাখক।"

আজি জোন জ্যোতি আঞ্চলিক প্ৰগতি সংঘৰ উদ্যোগত বিশ্ব পৰিৱেশ দিৱসটি অতি উলহ-মালহেৰে উদযাপন কৰা হয়। এই বিশেষ দিনটোৰ লগত সংগতি ৰাখি সংঘৰ কাৰ্যালয় প্ৰাংগণ, জুবিন গাৰ্গ খেলপথাৰৰ চৌদিশৰ লগতে অঞ্চলটোৰ বিভিন্ন স্থানত বৃক্ষৰোপণ কাৰ্যসূচী ৰূপায়ণ কৰা হয়।

গছ থাকিলেহে মানুহ থাকিব, আৰু মানুহ থাকিলেহে আমাৰ সমাজখন সুন্দৰ হ’ব। আহক, আমি সকলোৱে মিলি আমাৰ পৰিৱেশ সেউজীয়া আৰু প্ৰদূষণমুক্ত কৰি গঢ়ি তুলিবলৈ সংকল্প লওঁ। কেৱল আজিয়েই নহয়, প্ৰতিটো দিনেই হওক পৰিৱেশ সুৰক্ষাৰ দিন।

"সৎকৰ্মৰ ফল প্ৰাপ্তিৰ বাবে ধৈৰ্য্যৰ প্ৰয়োজন, আৰু এয়াই প্ৰকৃতিৰ নিয়ম। শুভ ফল ক্ষণিকতে লাভ হ’ব বুলি আশা কৰা অনুচিত। প্ৰকৃততে, কোনো বস্তু অনায়াসে বা অকালতে লাভ কৰিলে তাৰ প্ৰকৃত প্ৰমূল্য হ্ৰাস পায়।"— জন উডেন

জোন জ্যোতি আঞ্চলিক প্ৰগতি সংঘৰ সদস্য, সংঘৰ ফুটবল দলৰ বহু জয়ৰ নায়ক, নিৰ্ভৰযোগ্য আক্ৰমণ বিভাগৰ খেলুৱৈ প্ৰিয়ব্ৰত ডেকা(পাৰ্থ)ই কালি ঘোষিত ভাৰতীয় সেনা জোৱানৰ অগ্নিবীৰ শাখাৰ চূড়ান্ত পৰীক্ষাত উত্তীৰ্ণ হৈ নিযুক্তি লাভ কৰিছে । এই গৌৰৱ আৰু আনন্দৰ মুহূৰ্তত আমি প্ৰিয়ব্ৰত ডেকালৈ সংঘৰ মঞ্চৰ পৰা উষ্ম অভিনন্দন আৰু শুভেচ্ছা জ্ঞাপন কৰিলো ।

কবিৰালি উচ্চতৰ মাধ্যমিক বিদ্যালয় খেলপথাৰ(ওদালগুৰি)ত আজি অনুষ্ঠিত এখন বন্ধুত্বমূলক ফুটবল খেলত জোন জ্যোতি আঞ্চলিক প্ৰগতি সংঘই মডাৰ্ণ ফুটবল ক্লাৱ, ওদালগুৰিৰ হাতত ৪-৫ গলৰ ব্যৱধানত পৰাস্ত হয় ।