Farook ALP School farook college

Big thanks to Manoj Kumar Chevalil

for all your support! Congrats for being top fans on a streak 🔥!

*അന്താരാഷ്ട്ര ലഹരി വിരുദ്ധ ദിനം ആചരിച്ചു..*

ഫറോക്ക്: അന്താരാഷ്ട്ര ലഹരി വിരുദ്ധ ദിനത്തിന്റെ ഭാഗമായി ഫാറൂഖ് എ എൽ പി സ്കൂളിലെ ഭാരത് സ്കൗട്ട്സ് ആൻഡ് ഗൈഡ്സിന്റെ നേതൃത്വത്തിൽ ലഹരി വിരുദ്ധ ദിനം ആചരിച്ചു. സ്റ്റാഫ് സെക്രട്ടറി ജഹാംഗീർ കബീർ മാസ്റ്റർ ഉദ്ഘാടനം ചെയ്‌തു. യുവതലമുറയെ കാർന്നു തിന്നുകൊണ്ടിരിക്കുന്ന ലഹരിയിൽ നിന്ന് മാറിനിൽക്കണമെന്നും അതിനെതിരെ നിങ്ങളാൽ കഴിയുന്ന പ്രവർത്തനങ്ങൾ ചെയ്യണമെന്നും അതുവഴി നല്ലൊരു സമൂഹത്തെ വാർത്തെടുക്കുവാൻ നിങ്ങൾ മുന്നിട്ടിറങ്ങണമെന്നും അദ്ദേഹം കുട്ടികളെ ഓർമ്മപ്പെടുത്തി.

ദിനത്തോടനുബന്ധിച്ച് സ്‌കൂളിലെ കബ്ബ് ബുൾബുൾ കുട്ടികൾ ചേർന്ന് ലഹരി വിരുദ്ധ പ്രതിജ്ഞയും, റാലിയും നടത്തി.

ഫ്ലോക്ക് ലീഡർ എം. ഷെറീന, കബ്ബ് മാസ്റ്റർ കെ.അഹമ്മദ് അമീൻ, മുഹമ്മദലി മാസ്റ്റർ, ഹനാൻ മാസ്റ്റർ, അഷറഫ് എന്നിവർ സംസാരിച്ചു.

വായന വാരം സമാപനം

എഴുത്തുകാരിയുമായി മുഖാമുഖം.

നൂറ,
ഒരെഴുത്തുകാരിയുടെ മുഖപടമില്ലാതെ പ്രൈമറി സ്കൂൾ അധ്യാപികയായി കുരുന്നുകളുടെ ഹൃദയത്തിലേറി.

എറേനാൾ ചെറിയ ക്ലാസ്സുകളിൽ കുട്ടികളെ കൈകാര്യം ചെയ്ത ടീച്ചർക്ക് അനായാസം അത് സാധ്യമായി എന്ന് പറയാം.

സ്വന്തം അനുഭവങ്ങൾ ഹൃദ്യമായ ഭാഷയിൽ കുട്ടികളിലേക്ക് പകരുമ്പോൾ, അവരറിയാതെ ഒരു മായാജാലക്കാരിയെപ്പോലെ എഴുത്തിന്റെ കൈവഴികളിലേക്ക് വഴി നടത്തുകയായിരുന്നു.

മത്സര വിജയികൾക്ക് സമ്മാനദാനം നടന്നു. ബുൾബൾ ടീമിന്റെ വായനാഗാനവും അധ്യാപകരുടെ ഹൃദ്യമായ പ്രസംഗങ്ങളും ചടങ്ങിന് ആവേശമായി.

വായനാവാരവുമായി ബന്ധപ്പെട്ട് ക്ലാസ്സ് തലത്തിൽ വൈവിധ്യമർന്ന പരിപാടികൾ സംഘടിപ്പിച്ച മുഴുവൻ അധ്യാപകർക്കും സ്കൂൾ തല മത്സരങ്ങൾ നടത്തിയ സുഹൈൽ മാസ്റ്റർ, സിറാജ് മാസ്റ്റർ ശിഹാബ് മാസ്റ്റർ, ജംഷീന ടീച്ചർ, ഷാന ടീച്ചർ, എന്നിവർക്കും പ്രതേക നന്ദി.

വിദ്യാരംഗത്തിന് താങ്ങും തണലുമായ ലൈബ്രറി ടീമിന്റെ പ്രവർത്തനങ്ങൾ ഹൃദയത്തോട് ചേർക്കുന്നു.

നിമ്മി ടീച്ചറുടെയും ഹനാൻ മാഷുടെയും പ്രവർത്തനങ്ങൾ പ്രശംസനീയമാണ്.

അറബിക് ടീം കൃത്യമായി മത്സരങ്ങൾ നടത്തി വിജയികളെ കണ്ടെത്തിയിരുന്നു.
പ്രത്യേക നന്ദി.

ഇത്തവണത്തെ വയനാവാരം ' ലളിതം സുന്ദരം ' എന്ന് ഒറ്റവാക്കിൽ സംഗ്രഹിക്കുന്നു.

❤️ ടീം വിദ്യാരംഗം

പ്രവേശനോത്സവം

I❤️falps

ഫാറൂഖാബാദിൻ്റെ അക്ഷര മുറ്റത്തേക്കവർ
ചിത്ര ശലഭങ്ങളെപ്പോലെ പറന്നെത്തി

ഫറോക്ക് :
സ്കൂൾ പ്രവേശനത്തിൻ്റെ ആദ്യ ദിനം
അറിവിൻ്റെ ആദ്യാക്ഷരം നുണയാൻ കുഞ്ഞുങ്ങൾ ഫാറൂഖ് എ എൽ പി സ്കൂളിലേക്ക് ചിത്രശലഭങ്ങളായി പറന്നെത്തി. കുരുത്തോലയും ബാലൂണുകളും' l Love FALP ' സെൽഫി കോർണറും
ഒരുക്കിയലങ്കരിച്ച അങ്കണത്തിൽ വിദ്യാർത്ഥികളും രക്ഷിതാക്കളും അധ്യാപകരും ചേർന്ന് അവരെ ആവേശപൂർവം വരവേറ്റു. പി.ടി. എ പ്രസിഡൻ്റ് പി. പി ഹാരിസ് അദ്ധ്യക്ഷത വഹിച്ച പരിപാടിയിൽ രാമനാട്ടുകര മുൻസിപ്പൽ ചെയർ പേഴ്സൺ
വി.എം പുഷ്പ കുട്ടികൾക്ക് സ്നേഹ പൂമ്പാറ്റ നൽകി പ്രവേശനോത്സവം ഉത്ഘാടനം ചെയ്തു. ഹെഡ്മാസ്റ്റർ സി.പി സൈഫുദ്ദീൻ സ്കൂൾ പ്രവർത്തനങ്ങളുടെ ആമുഖ രേഖ സ്വാഗത ഭാഷണത്തിൽ പരാമർശിച്ചു..വിദ്യാഭ്യാസ സ്റ്റാൻ്റിംഗ് കമ്മറ്റി ചെയർ പേഴ്സൺ സഫ റഫീഖ് , വാർഡ് കൗൺസിലർ സി അബ്ദുൽ ഹമീദ് എന്നിവർ കുട്ടികൾക്ക് ബാഡ്ജുകൾ നൽകി. പഠന പാഠ്യേതര മികവുകൾക്ക് ഊന്നൽ നൽകുന്ന 'ഉയരെ ' സീസൺ 3 ലോഗോ ഫാറൂഖ് ഹയർ സെക്കൻ്ററി പ്രിൻസിപ്പൽ പി അഷ്റഫലി പ്രകാശിപ്പിച്ചു. 2025 - 26 അദ്ധ്യയന വർഷം നടപ്പിലാക്കുന്ന പരിപാടികളുടെ മാസ്റ്റർ പ്ലാൻ സലാം തറമ്മൽ അവതരിപിച്ചു. സ്റ്റാഫ് സെക്രട്ടറി ജഹാംഗീർ കബീർ, എം പി ടി എ പ്രസിഡൻ്റ് റസിയാബി, പി.ടി എ വൈസ് പ്രസിഡൻ്റ് സി.വി. റമീസ്, , എം ഷറീന എന്നിവർ പ്രസംഗിച്ചു
പ്രോഗ്രാം കോർഡിനേറ്റർ എൻ.കെ ഫൈസൽ അബ്ദുള്ള ചടങ്ങിന് നന്ദി പറഞ്ഞു. വിദ്യാർത്ഥികൾ അവതരിപ്പിച്ച പ്രവേശനോത്സവ ഗാനത്തിൻ്റെ നൃത്താവിഷ്കാരം, ഡാൻസുകൾ ,ഒപ്പന കരോക്ക ഗാനമേള തുടങ്ങിയവ ഉത്സവത്തിന് കൊഴുപ്പേകി. മൈൻ്റ് & ബോഡി ഫിറ്റ്നസ് സെൻ്ററിലെ ട്രെയ്നേഴ്സ് രജനീഷ് , ബിന്ദു എന്നിവർ അവതരിപ്പിച്ച സുംബ ഡാൻസിനൊത്ത് വിദ്യാർത്ഥികളും അധ്യാപകരും രക്ഷിതാക്കളും ചുവടുകൾ വെച്ചപ്പോൾ ഫാറൂഖ് എ എൽ പി സ്കൂളിൻ്റെ പ്രവേശനോത്സവം അക്ഷരാർത്ഥത്തിൽ വർണാഭ ലഹരിയിലായി.
ഫറോക്ക് എ ഇ ഒ , ബി.പി സി എന്നിവർ കലപരിപാടികൾക്കിടയിൽ കുട്ടികളെ അനുഗ്രഹിക്കാനെത്തിയത് കൗതുകമായി.

SurabhiMall Ramanattukara

𝙵𝚊𝚖𝚒𝚕𝚢 / 𝚃𝚎𝚊𝚌𝚑𝚎𝚛𝚜