28/03/2022
മാതൃഭൂമിയും ഇൻസ്പയർ ലേണിങും സംയുക്തമായി അഞ്ചുമുതൽ 10 വരെ ക്ലാസുകളിലെ വിദ്യാർത്ഥികൾക്കായി സംഘടിപ്പിക്കുന്ന സയൻസ് ടാലൻറ് ടെസ്റ്റ് ''സൂപ്പർ സ്കോളർ 2022'' ഏപ്രിൽ മൂന്നിന്. ഓൺലൈനായി നടത്തുന്ന പരീക്ഷയിൽ കുട്ടികൾക്ക് വീട്ടിലിരുന്ന് പങ്കെടുക്കാം.
ശാസ്ത്ര, ഗണിതശാസ്ത്ര വിഷയങ്ങളിലെ അഭിരുചിയും മാനസികശേഷിയും വിലയിരുത്തുന്ന ചോദ്യങ്ങൾ ഇംഗ്ലീഷിലായിരിക്കും.
ഓരോ ക്ലാസിലേയും ആദ്യ 10 റാങ്കുകാർക്ക് കാഷ് അവാർഡും ആദ്യ 20 റാങ്കുകാർക്ക് മാതൃഭൂമി ഇംഗ്ലീഷ് ഇയർ ബുക്കും ആദ്യ 50 റാങ്കുകാർക്ക് സൂപ്പർ സ്കോളർ 2022 മെഡലും, മെറിറ്റ് സർട്ടിഫിക്കറ്റും സമ്മാനമായി നൽകും.
കുട്ടികളുടെ പ്രകടനമികവിന്റെ അടിസ്ഥാനത്തിൽ 3 സ്കൂളുകൾക്ക് ബെസ്റ്റ് പെർഫോമൻസ് അവാർഡും ലഭിക്കുന്നു. ഫലപ്രഖ്യാപനം ഏപ്രിൽ 4 ന് വൈകുന്നേരം ഓൺലൈനിലൂടെയാണ്.
ഇൻസ്പയർ ലേണിംഗ് സെന്ററുകളിലെ 6 മുതൽ 10 വരെ ക്ലാസുകളിലെ വിദ്യാർത്ഥികൾക്കുള്ള Target IIT/MBBS ഫൗണ്ടേഷൻ ക്ലാസിലേക്കുള്ള പ്രവേശനവും സ്കോളർഷിപ്പും, NEET, JEE - Main/Advanced പരീക്ഷാ പരിശീലനത്തിന് വീക്കന്റ് ബാച്ചുകളിലേക്കുള്ള പ്രവേശനവും ഈ പരീക്ഷ അടിസ്ഥാനമാക്കിയാണ്. മികച്ച പ്രകടനം നടത്തുന്ന പത്താം ക്ലാസുകാർക്ക് ഇൻസ്പയർ ബ്രൈറ്റ് സ്കൂളിലെ ഇൻറഗ്രേറ്റഡ് സയൻസ് ഹയർ സെക്കണ്ടറി ബാച്ചുകളിൽ പ്രവേശനം നൽകും.
രജിസ്ട്രേഷന് വിദ്യാർത്ഥിയുടെ പേര്, ക്ലാസ്, സ്കൂളിന്റെ പേര്, രക്ഷിതാവിന്റെ പേര്, പോസ്റ്റൽ അഡ്രസ്സ് (പിൻകോഡ് സഹിതം), ഫോൺ നമ്പർ എന്നിവ 8089318990 എന്ന നമ്പറിൽ വാട്സാപ് സന്ദേശമായി അയയ്ക്കുക. രജിസ്ട്രേഷൻ സൗജന്യമാണ്.
വിവരങ്ങൾക്ക് 9539555123, 9539269539 എന്ന നമ്പറിൽ ബന്ധപ്പെടുക.
