22/08/2026
ગ્રંથપાલની ડાયરીએથી ......
શીર્ષક : *સુંદરતા પર ઉઝરડા*
સુંદરતાને બગડવાનું તો કોઈ આપણા પાસેથી શીખે !
વાત એમ હતી કે લાયબ્રેરીની મેમ્બરશીપ ધરાવનારને ઘરે એક બેન આવ્યા હશે તેઓએ મેજ પર પુસ્તક જોયું અને તેઓ તેમની પાસેથી ખુબ જ આગ્રહ કરી પુસ્તક લઇ ગયા. પણ મહિના સુધી એ પુસ્તક પાછુ ન આવતા એ ભલા માણસ એ બેનને ત્યાં ગયા અને પુસ્તક પાછુ લઇ આવ્યા અને સીધું જ લાયબ્રેરીમાં જમા કરાવવા આવ્યા.
લાયબ્રેરીના કાઉન્ટર પર જમા કરતી વખતે પુસ્તક ખોલીને જોયું તો પુસ્તક જોયું તો આખે આખા પુસ્તકમાં underline કરેલી હતી !
આવું કેમ થયું ? એ પ્રશ્નના ઉત્તરમાં એ મેમ્બર્સનો એવો બચાવ હતો કે ફલાણી વ્યકિતને આપેલું અને તેઓએ underline કરી હતી. તેઓએ એ પણ સુજાન્ય દાખવ્યું કે “તમે આ પુસ્તક પણ લઇ લો અને આવું બીજું નવું પુસ્તક મંગાવી લો એના નાણા હું ચૂકવી દઉં છુ ! પણ અમે એવું ન કર્યું અને કહ્યું કે “ પુસ્તકની જાળવણી કરવાની વાચક સભ્યની પણ એટલી જ ફરજ હોય છે આથી ભવિષ્યમાં આવું ફરી ના થાય એની કાળજી રાખશો’
.થોડા મહિના પછી એ લીટા કરનાર વ્યક્તિને મળવાનું થયું ત્યારે એમને પુસ્તકમાં લીટા કરવાનું કારણ પૂછ્યું તો તેઓએ જરાય ગંભીર થયા વિના ગર્વ સાથે હસતા હસતા જવાબ આપ્યો કે “ લીટા કરવાથી અન્ય વાચકનું ધ્યાન ફક્ત એ મહત્વની લાઈન પર જ જાય ! એટલા માટે !!!” પણ તેઓ એ ના સમજ્યા કે આ પુસ્તક લાયબ્રેરીનું છે અને લાઈન કરવી એ પુસ્તકનું સૌન્દર્ય બગડવાનું કૃત્ય ગણાય!
વાક્ય સારું લાગે તો એને ડાયરીમાં ઉતારી લો પણ underline ન કરો ...વિનંતી છે !
*પ્રસ્તુત વિડીઓમાં underline કરવા વિશેની વિનંતી છે પુસ્તકમાં પડેલા ઉઝરડાની પીડા છે*
ગ્રંથપાલ,
કે જે ચોકસી પબ્લિક લાયબ્રેરી,
ભરૂચ
