07/12/2025
ରାଜ୍ୟ ଘରୋଇ ବିଦ୍ୟାଳୟ ଶିକ୍ଷା ଏବଂ କର୍ତ୍ତୃପକ୍ଷ ମହାସଂଘର ବୈଠକ ବ୍ରହ୍ମପୁରରେ ନୂତନ କାର୍ଯ୍ୟକର୍ତ୍ତା ଚୟନ ଓ ନୂତନ ଯୋଜନାରେ ଆଲୋଚନା
ବ୍ରହ୍ମପୁର, 7 ଡିସେମ୍ବର 2025:ଗଞ୍ଜାମ କଳା ପରିଷଦ ପରିସରରେ ଆଜି ରାଜ୍ୟ ଘରୋଇ ବିଦ୍ୟାଳୟ ଶିକ୍ଷା ଏବଂ କର୍ତ୍ତୃପକ୍ଷ ମହାସଂଘର ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା । ବୈଠକକୁ ସଭାପତି ଶ୍ରୀଯୁକ୍ତ ରଘୁନାଥ ସାହୁ ଅଧ୍ୟକ୍ଷତା କରିଥିଲେ। କାର୍ଯ୍ୟକାରି ସଭାପତି ପ୍ରଶାନ୍ତ ମହାପାତ୍ର ଓ ସଂଗଠନ ସମ୍ପାଦକ ଲକ୍ଷ୍ମଣ ରାଓ ଆଚାରୀ ବିଶେଷ ଉପସ୍ଥିତ ଥିଲେ। ସଭାପତି ଶ୍ରୀଯୁକ୍ତ ରଘୁନାଥ ସାହୁ ଉପସଭାପତି ଶ୍ରୀଯୁକ୍ତ ରାଜୁ ପାଢୀ,କାଯ୍ୟକାରୀ ସଭାପତି ଶ୍ରୀଯୁକ୍ତ ପ୍ରଶାନ୍ତ ମହାପାତ୍ର,ସାଧାରଣ ସଚିବ ଶ୍ରୀଯୁକ୍ତ ଅମ୍ବରିଶ ମିଶ୍ର,ସଂଗଠନ ସଂପାଦକ ଶ୍ରୀଯୁକ୍ତ ଲକ୍ଷ୍ମଣ ରାଓ ଆଚାରୀ,ଉପଦେଷୣ। ପୂର୍ବତନ ଏମ.ଲ.ଏ ସିମାଞ୍ଚଳ ବେହେରା,ଉପଦେଷ୍ଟା ଶ୍ରୀଯୁକ୍ତ ଶରତ କୁମାର ପଟ୍ଟନାୟକ,ସଭାପତି କଟକ ରେଞ୍ଜ ର ଶ୍ରୀଯୁକ୍ତ ଶରତ ଚନ୍ଦ୍ର ସାମନ୍ତ, ଉପଦେଷ୍ଟା ରଞ୍ଜନ ପୋଲ।ଇ ସନଡ କୁମାର ବେହେରା ରାଜ୍ୟର ବିଭିନ୍ନ ବ୍ଲକ ଓ ଜିଲ୍ଲାରୁ ଆସିଥିବା ସଦସ୍ୟମାନଙ୍କ ଅଂଶଗ୍ରହଣରେ ବୈଠକଟି ଉତ୍ସାହପୂର୍ଣ୍ଣ ପରିବେଶରେ ହୋଇଥିଲା। ବୈଠକର ପ୍ରଧାନ ଆକର୍ଷଣ ରହିଥିଲା—
✔️ ନୂତନ କାର୍ଯ୍ୟକର୍ତ୍ତା ଚୟନ
✔️ ସଂଘର ଭବିଷ୍ୟତ ଯୋଜନା ଓ ନୂତନ ଚିନ୍ତାଧାରା
✔️ ଶିକ୍ଷାର ଗୁଣୋନ୍ନତି ପାଇଁ ନୂତନ ପଦକ୍ଷେପ
ଏହି ବୈଠକରେ ଘରୋଇ ବିଦ୍ୟାଳୟ ସମ୍ପର୍କୀୟ ବିଭିନ୍ନ ସମସ୍ୟା ଓ ପ୍ରସ୍ତାବ ଉଠିଥିଲା। ଆଗାମୀ ଦିନରେ ସଂଘକୁ କିପରି ସୁଦୃଢ଼ କରିବାଯାଇପାରିବ ଓ ଶିକ୍ଷାକ୍ଷେତ୍ରରେ ଅଧିକ ପରିବର୍ତ୍ତନ ଆଣିବା ପାଇଁ କଣ କଣ ପଦକ୍ଷେପ ଗ୍ରହଣ କରାଯିବ—ସେଥିପାଇଁ ବିସ୍ତୃତ ଚର୍ଚ୍ଚା ହୋଇଥିଲା । ସଂଘ ପକ୍ଷରୁ କୁହାଯାଇଛି ଯେ, ଆଗାମୀ ଦିନରେ ଘରୋଇ ବିଦ୍ୟାଳୟ ବ୍ୟବସ୍ଥାକୁ ଆହୁରି ସୁଦୃଢ଼ କରିବା, ଶିକ୍ଷକ ଓ ଅଭିଭାବକଙ୍କ ମଧ୍ୟରେ ସମ୍ପର୍କ ବୃଦ୍ଧି କରିବା ଓ ଛାତ୍ରଛାତ୍ରୀଙ୍କ ସୁନ୍ଦର ଶିକ୍ଷା ପରିବେଶ ସୃଷ୍ଟି କରିବା —ଏହି ସବୁ ମହାସଙ୍ଘର ମୁଖ୍ୟ ଲକ୍ଷ୍ୟ ରହିବ।
