14/04/2023
*ਵਿਸਾਖੀ ਦੇ ਪੁਰਬ / ਖਾਲਸਾ ਸਾਜਨਾ ਦਿਵਸ ਦੀਆਂ ਲੱਖ-ਲੱਖ ਵਧਾਈਆਂ*
ਵਿਸਾਖੀ ਦਾ ਸਬੰਧ ਸਾਡੀ ਸ਼ਾਹਰਗ ਨਾਲ ਹੈ - ਸਾਡੀ ਜ਼ਿੰਦਗੀ ਨਾਲ ਹੈ – ਸਾਡੀ ਹੌਂਦ ਨਾਲ ਹੈ – ੧੩ ਅਪ੍ਰੈਲ ੧੬੯੯ ਵਾਲੇ ਦਿਨ ਬਾਪੂ ਗੁਰੂ ਗੋਬਿੰਦ ਸਿੰਘ ਜੀ ਅਨੰਦਪੁਰ ਸਾਹਿਬ ਵਿਖੇ ਇਕ ਬੇਮਿਸਾਲ ਵਿਸ਼ਾਲ ਇੱਕਠ ਦਾ ਆਯੋਜਨ ਕਰਦੇ ਹਨ – ਦੇਸ਼ ਦੇ ਕੋਨੇ-ਕੋਨੇ ਤੋਂ ਗੁਰੂ ਨਾਨਕ ਨਾਮ ਲੇਵਾ ਲੋਕ ਸੰਗਤ ਰੂਪ ਵਿਚ ਪਹੁੰਚਦੇ ਹਨ – ਇਸ ਦਿਨ ਖਾਲਸੇ ਦੀ ਸਾਜਨਾ ਹੁੰਦੀ ਹੈ - ਪੰਜ ਪਿਆਰਿਆਂ ਦੀ ਚੋਣ ਹੁੰਦੀ ਹੈ – ਪੰਜ ਸਿੰਘਾਂ ਤੋਂ ਗੁਰੂ ਬਾਪੂ ਜੀ ਖੰਡੇ ਦੀ ਪਾਹੁਲ ਦੀ ਯਾਚਨਾ ਕਰਦੇ ਹਨ – ਆਪੇ ਗੁਰ ਚੇਲਾ ਕਹਿਲਾਉਂਦੇ ਹਨ - ਇਕ ਨਵੀਂ ਕਮਿਊਨ ਦੀ ਸਥਾਪਨਾ ਹੁੰਦੀ ਹੈ, ਜਿਸ ਵਿਚ ਕੋਈ ਵੱਡਾ ਨਹੀਂ, ਕੋਈ ਛੋਟਾ ਨਹੀਂ, ਸਾਰੇ ਬਰਾਬਰ ਨੇ, ਹਮ-ਰੁਤਬਾ ਨੇ, ਜਾਤ-ਪਾਤ ਦਾ ਖਾਤਮਾ ਹੁੰਦਾ ਹੈ, ਰੰਗ ਮਜ਼ਹਬ ਦਾ ਭੇਦਭਾਵ ਮੁੱਕਦਾ ਹੈ – ਸੰਗਤ ਖਾਲਸਾ ਰੂਪ ਹੋ ਜਾਂਦੀ ਹੈ - ਜ਼ੁਲਮ ਖਿਲਾਫ ਸਦੀਵੀ ਸੰਘਰਸ਼ ਦਾ ਬਿਗਲ ਵੱਜ ਜਾਂਦਾ ਹੈ – ਇਸ ਸੰਘਰਸ਼ ਵਿਚ ਮਾਤਾ ਗੁਜਰੀ ਜੀ, ਚਾਰ ਸਾਹਿਬਜ਼ਾਦੇ ਸ਼ਹੀਦੀਆਂ ਪ੍ਰਾਪਤ ਕਰ ਜਾਂਦੇ ਨੇ – ਸਾਹਿਬਾਂ ਦੀਆਂ ਅੱਖਾਂ ਦੀ ਨਮੀਂ, ਅੱਥਰੂ ਰੂਪ ਵਿਚ ਪ੍ਰਗਟ ਨਹੀਂ ਹੁੰਦੀ – ਮੁਖਾਰਬਿੰਦ ਤੇ ਸ਼ੁਕਰਾਨੇ ਦੇ ਭਾਵ ਹੀ ਰਹਿੰਦੇ ਨੇ।
ਸਾਹਿਬਾਂ ਦੇ ਸਾਡੇ ‘ਤੇ ਅਣਗਿਣਤ ਉਪਕਾਰ ਹਨ, ਬਖਸ਼ਿਸ਼ਾਂ ਹਨ, ਰਹਿਮਤਾਂ ਹਨ। ਆਦਿ ਗਰੰਥ (ਸ੍ਰੀ ਗੁਰੂ ਗਰੰਥ ਸਾਹਿਬ) ਦੀ ਪੁਨਰ ਸੰਪਾਦਨਾ ਅਤੇ ਸ਼ਬਦ ਗੁਰੂ ਨੂੰ ਗੁਰਿਆਈ ਸੌਂਪਣਾ ਉਨ੍ਹਾਂ ਦੇ ਮਹਾਨਤਮ ਉਪਕਾਰ ਹਨ।
ਸਾਹਿਬਾਂ ਵੱਲੋਂ ਲਗਾਈ ਸੰਘਰਸ਼ ਦੀ ਜਾਗ ਹੀ ਸੀ ਜਿਸ ਨੇ ਦਿੱਲੀ ਦੀਆਂ ਬਰੂਹਾਂ ਉੱਤੇ ਪੰਜਾਬ –ਹਰਿਆਣਾ-ਪੱਛਮੀ ਉਤਰ ਪ੍ਰਦੇਸ਼ ਦੇ ਕਿਰਤੀਆਂ ਨੂੰ ਸੰਘਰਸ਼ ਲਈ ਪ੍ਰੇਰਿਆ ਅਤੇ ਫਤਹਿ ਹਾਸਲ ਦਵਾਈ।
ਆਓ ਅੱਜ ਦੇ ਦਿਨ ਸਾਹਿਬਾਂ ਦੇ ਦਿਖਾਏ ਹੋਏ ਰਸਤੇ 'ਤੇ ਚੱਲਣ ਦਾ ਪਰਣ ਦੁਹਰਾਈਏ - ਜਾਤਪਾਤ ਦੀਆਂ ਵੰਡੀਆਂ ਨੂੰ ਦੂਰ ਕਰੀਏ - ਨਾ ਜ਼ੁਲਮ ਸਹੀਏ ਅਤੇ ਨਾ ਜ਼ੁਲਮ ਕਰੀਏ - ਸਰਬੱਤ ਦੇ ਭਲੇ ਦੇ ਗੁਰੂ ਆਸ਼ੇ ਅਨੁਸਾਰ ਜ਼ਿੰਦਗੀ ਬਤੀਤ ਕਰੀਏ।
ਸੱਚੇ ਪਾਤਸ਼ਾਹ ਸਾਡੇ ਤੇ ਮਿਹਰ ਦੀ ਨਦਰ ਬਣਾਈ ਰੱਖਣ
(ਨੋਟ: ਇਸ ਪੋਸਟ ਨਾਲ ਦਿੱਤੀ ਫੋਟੋ ਕਾਲਪਨਿਕ ਹੈ)
