Janhit Pratishathan Vidyaylay

17/09/2026

आई… हे नुसते नाव नाही, तर प्रत्येकाच्या आयुष्याचा आधार आहे. तिच्या अस्तित्वामुळेच आपण आज जग पाहतो, तिच्या मायेच्या सावलीतच आपलं बालपण फुलतं. तिचं प्रेम हे न बोलता समजणाऱ्या भावना आहे आणि तिचा त्याग हा शब्दांच्या पलिकडचा असतो. गुरूवार दि. १० सप्टेंबर २०२६ रोजी जनहित प्रतिष्ठानच्या प्राथमिक व माध्यमिक विद्यालयात बालभवन विभागात 'मातृदिन' अतिशय आनंदमय वातावरणात साजरा करण्यात आला. मातृदिनाचे औचित्य साधून विद्यार्थ्यांनी आई पालकांचे पाद्यपूजन केले. आई पालक व विद्यार्थ्यांनी मिळून गीत , कविता नाटुकले सादरीकरण केले. तसेच सर्व आई पालक व विद्यार्थ्यांना खाऊ वाटप करून कार्यक्रम संपन्न झाला.

17/09/2026

जनहित प्रतिष्ठानच्या विद्यालयातील विद्यार्थ्यांचे डायमंड टॅलेंट सर्च स्पर्धा परीक्षेत घवघवीत यश.
बारामती- शै. वर्ष २०२५-२६ मध्ये घेण्यात आलेल्या राज्यस्तरीय डायमंड टॅलेंट सर्च स्पर्धा परीक्षेत जनहित प्रतिष्ठानच्या प्राथमिक व माध्यमिक विदयालयाच्या विद्यार्थ्यांनी घवघवीत यश मिळवले आहे. यामध्ये विदयालयातून ४९ विद्यार्थी परीक्षेत सहभागी झाले होते. त्यामधून चि. शिवकेश राकेश शहाणे (इ.१ली), चि. प्रभास सत्यजित घाडगे (इ.२री) व कु. रिदीप्ता अमरसिंह मारकड (इ.४थी) या तीन विद्यार्थ्यांची इस्रो अंतराळ प्रदर्शन भेट अभ्यास दौऱ्यासाठी निवड झाली आहे.तसेच इ.१ली ते इ.४थी तील एकूण १० विद्यार्थ्यांना केंद्रस्तरीय शिष्यवृत्ती प्राप्त झाली आहे. यामध्ये छोटा गट मधून कु. यशश्री अमोल नरुटे (सुवर्णपदक),इ.१ली मधून कु.सान्वी सचिन भोसले (उत्तेजनार्थ), चि.शिवकेश राकेश शहाणे (सुवर्णपदक), इ.२री मधून चि.साहस अमोल नरुटे (तृतीय), कु. अन्वी अतुल बाचल (उत्तेजनार्थ), चि.प्रभास सत्यजित घाडगे (उत्तेजनार्थ), इ.३री मधून कु.आराध्या सुनील होळकर (द्वितीय), कु.सान्वी साहिल शहा (सुवर्णपदक) व इ.४ थी मधून कु.रिदीप्ता अमरसिंह मारकड (प्रथम), चि. रितेश राहुल वाघमारे (सुवर्णपदक) यांचा समावेश होतो. या सर्व गुणवंत व स्पर्धा परीक्षेस बसलेल्या सर्व विद्यार्थ्यांचा पारितोषिक वितरण समारंभ विद्यालयात मोठ्या उत्साहात संपन्न झाला. यावेळी सन्मान चिन्ह व प्रशस्तीपत्रक देऊन प्रमुख पाहुणे व उपस्थित मान्यवर यांच्या हस्ते विद्यार्थ्यांना गौरविण्यात आले. प्रास्ताविकात विद्यालयाचे मुख्याध्यापक श्री. अतुल कुटे यांनी या स्पर्धेविषयी माहिती सांगून स्पर्धात्मक युगाविषयी विद्यार्थी व पालक यांच्याशी संवाद साधला. सदर कार्यक्रमासाठी प्रमुख पाहुणे म्हणून मा.श्री.दीपक चव्हाण सर (जिल्हा समन्वयक,डायमंड टॅलेंट सर्च परीक्षा) हे उपस्थित होते त्यांनी विविध स्पर्धा परीक्षांमध्ये सहभाग घेऊन यश संपादन करावे असा यशाचा मार्ग सांगितला तसेच कार्यक्रमाचे अध्यक्ष म्हणून विद्यालयाचे सेवाजेष्ठ शिक्षक श्री.अजित रेवडे हे उपस्थित होते त्यांनी त्यांच्या मनोगतात सर्व बक्षीस पात्र विद्यार्थ्यांचे कौतुक करून पुढील स्पर्धा परीक्षांसाठी शुभेच्छा दिल्या. या सर्व विद्यार्थ्यांचे संस्थेचे अध्यक्ष मा.श्री. किशोर कानिटकर, कार्याध्यक्ष समन्वयक मा. श्री. किशोर शिवरकर, उपाध्यक्ष (प्राथमिक) मा.श्री. किरण शहा (वाडीकर), उपाध्यक्ष (गुरुकुल) प्रा.मा.श्री. हृषीकेश घारे (सर), सचिव प्रा.मा.श्री. सतीश गायकवाड (सर), खजिनदार मा.श्री. सतीश धोकटे व सर्व संचालक, गुरुकुलचे आचार्य श्री. हनुमंत दुधाळ, मुख्याध्यापक श्री. अतुल कुटे, बालभवन प्रमुख श्री. निलेश भोंडवे, आणि विद्यालायातील सर्व शिक्षक, शिक्षकेतर कर्मचारी व पालक या सर्वांनी कौतुक केले. या कार्यक्रमाचे सूत्रसंचलन विद्यालयाचे शिक्षक आयर्नमॅन श्री. अजिंक्य साळी तर आभार शिक्षिका सौ. सोनाली खटके यांनी मानले.

14/08/2026

जनहित प्रतिष्ठान विद्यालयामध्ये सलग २० वर्षे ९ ऑगस्ट क्रांतीदिनानिमित्त आंतरशालेय वक्तृत्व स्पर्धेचे आयोजन

बारामती – बुधवार दि. १२ ऑगस्ट २०२६ रोजी जनहित प्रतिष्ठान विद्यालयामध्ये आंतरशालेय वक्तृत्व स्पर्धेचे आयोजन करण्यात आले. सदर स्पर्धा ९ ऑगस्ट क्रांतीदिनानिमित्त विद्यालयामध्ये दरवर्षी आयोजित करण्यात येते. सदर स्पर्धेचे परीक्षण मा. सौ. अपर्णा चौधरी व मा. श्री. प्रकाश खोत , मा.श्री संतोष जगताप , मा.श्री बाळासो भोसले सर यांनी केले. छोटा गट ( इ. ५ वी ते इ. ७ वी ) व मोठा गट (इ. ८ वी ते इ. १० वी ) या दोन गटात सदर स्पर्धा घेण्यात आली. स्पर्धेतील छोटा गट विषय - सामर्थ्य मातृभाषेचे , योद्धा संन्यासी-स्वामी विवेकानंद, राजगड ते रायगड – स्वराज्याची वाटचाल, माझा आवडता क्रांतीकारक, भ्रष्टाचारमुक्त भारत प्रत्येक नागरिकांची भूमिका व मोठा गट विषय – शिवचरित्र :- संस्काराचा धडा , कृत्रिम बुद्धिमत्ता भविष्य वेध, स्वातंत्र्य मिळवले........स्वाभिमानाचे काय? , क्रांतीकारकांची शौर्यगाथा, विकसित भारत २०४७ : युवकांची भूमिका इत्यादी होते.
छोट्या गटामध्ये प्रथम क्रमांक- कु. श्रीजा शिरीष गावडे विदया प्रतिष्ठान इंग्रजी माध्यम शाळा , बारामती. हिने मिळविला. द्वितीय क्रमांक- कु. शर्वरी संजय चौधर विदया प्रतिष्ठान न्यू इंग्लीश शाळा.विद्यानगरी बारामती, तृतीय क्रमांक- कु. मुग्धा वसंत कणसे व कु. प्रतिष्ठा सागर झेंडे वर्धमान विदयालय वालचंदनगर, यांनी मिळविला तसेच उत्तेजनार्थ बक्षीस- कु. ओवी योगेश इंदुलकर , जनहित प्रतिष्ठानचे प्राथमिक व माध्यमिक विदयालय बारामती व कु. स्वरांजली तात्याराम माने की एज्युकेशन विदयालय गुणवडी बारामती . यांनी मिळविला.
मोठ्या गटामध्ये प्रथम क्रमांक- चि.धम्मदिप नानासो आढाव शाहू हायस्कूल, बारामती हिने मिळविला. द्वितीय क्रमांक- चि.स्वरीत पंकज अहिरे अनेकांत इंग्लिश मिडीयम स्कूल, बारामती. व तृतीय क्रमांक– कु. ईश्वरी शरद मोरे - श्री भैरवनाथ जनसेवा विदयालय उंडवडी,बारामती हिने मिळविला तसेच उत्तेजनार्थ बक्षीस- कु. विरजा विजय निलाखे शारदाबाई पवार विद्यानिकेतन शारदानगर , बारामती हिने मिळवीला. विद्यालयाने दिलेल्या विविध विषयांवर विद्यार्थ्यांनी वक्तृत्व सादर केले. तालुक्यातून व ग्रामीण भागातून अनेक शाळांनी उस्फुर्त सहभाग नोंदविला. सदर स्पर्धेचे नियोजन स्पर्धा प्रमुख विद्यालयाचे शिक्षक श्री. अजितआर्य रेवडे, शिक्षिका सौ. कांचन काकडे , सौ. समृद्धी जाधव, सौ. हेमा सावंत व अन्य सर्व शिक्षक , शिक्षकेतर कर्मचारी यांनी करून स्पर्धा यशस्वी केली.
संस्थेचे सचिव मा. श्री. सतिश गायकवाड सर यांचेतर्फे छोटा गट रोख पारितोषिक प्रथम क्रमांकासाठी ₹ ५००/- द्वितीय क्रमांकासाठी ₹ ३००/- तृतीय क्रमांकासाठी ₹ २००/- तसेच संस्थेचे उपाध्यक्ष मा. श्री. हृषीकेश घारे सर यांचेतर्फे मोठा गट रोख पारितोषिक प्रथम क्रमांकासाठी ₹ १०००/- द्वितीय क्रमांकासाठी ₹ ७००/- व तृतीय क्रमांकासाठी ₹ ५००/- बक्षीस देण्यात आले.
सर्व सहभागी विद्यार्थ्यांना विद्यालाकडून सहभाग प्रमाणपत्र, विजेत्या विद्यार्थ्यांना व शाळांना बक्षीस म्हणून ट्रॉफी व प्रमाणपत्र तसेच उत्तेजनार्थ विजेत्या विद्यार्थ्यांना पुस्तक मा. परीक्षक व संस्थेचे उपाध्यक्ष मा. श्री, हृषीकेश घारे संस्थचे मा. सचिव श्री सतिश गायकवाड, , मुख्याध्यापक यांच्या हस्ते बक्षीस देऊन गौरविण्यात आले. मा. परीक्षक, संस्थेचे अध्यक्ष श्री किशोर कानिटकर कार्याध्यक्ष श्री. किशोर शिवरकर संस्थेचे उपाध्यक्ष, मा.सचिव मा. खजिनदार व सर्व संचालक, मा. आचार्य , मा. मुख्याधापक , मा. बालभवन प्रमुख यांनी विद्यार्थ्यांचे कौतुक व मार्गदर्शन केले.

18/07/2026

जनहित प्रतिष्ठानच्या विद्यालयातील विद्यार्थ्यांचे
मंथन प्रज्ञाशोध स्पर्धा परीक्षेत घवघवीत यश.
बारामती- शै. वर्ष २०२५-२६ मध्ये घेण्यात आलेल्या मंथन राज्यस्तरीय प्रज्ञाशोध स्पर्धा परीक्षेत जनहित प्रतिष्ठानच्या प्राथमिक व माध्यमिक विदयालयाच्या विद्यार्थ्यांनी घवघवीत यश मिळवले आहे. यामध्ये विदयालयातून १५० विद्यार्थी परीक्षेत सहभागी झाले होते. त्यामधून इ.१ली ते इ.४ थी तील एकूण ७ विद्यार्थ्यांना केंद्रस्तरीय शिष्यवृत्ती प्राप्त झाली आहे. यामध्ये इ.१ली मधून चि.वेदांत रविकिरण सुतार (केंद्रात प्रथम), इ.२री मधून चि.अथर्व तुषार बांदल (जिल्हयात चौथा व राज्यात नववा), चि.निहार निलेश वाबळे (केंद्रात प्रथम), चि.प्रभास सत्यजित घाडगे (केंद्रात तृतीय), चि.अधिराज हनुमंत बेलदार (केंद्रात तृतीय), इ.३री मधून चि. ध्रुव विवेक जोशी (केंद्रात तृतीय) व इ.४ थी मधून चि. संस्कार नितीन दळवे (केंद्रात तृतीय) यांचा समावेश होतो. या सर्व गुणवंत व स्पर्धा परीक्षेस बसलेल्या सर्व विद्यार्थ्यांचा पारितोषिक वितरण समारंभ विद्यालयात मोठ्या उत्साहात संपन्न झाला. यावेळी सन्मान चिन्ह व प्रशस्तीपत्रक देऊन प्रमुख पाहुणे व संस्थेच्या मान्यवर संचालकांच्या हस्ते विद्यार्थ्यांना गौरविण्यात आले. प्रास्ताविकात विद्यालयाचे मुख्याध्यापक श्री. अतुल कुटे यांनी या स्पर्धेविषयी माहिती सांगून स्पर्धात्मक युगाविषयी विद्यार्थी व पालक यांच्याशी संवाद साधला. सदर कार्यक्रमासाठी प्रमुख पाहुणे म्हणून विद्यालयाची स्नातक विद्यार्थिनी कु. पूजा प्रकाश घाडगे (महाराष्ट्र पोलीस) या उपस्थित होत्या त्यांनी आपल्या शाळेतील आठवणी यावेळी विद्यार्थ्यांसमोर मांडल्या तसेच विद्यार्थ्यांना कठोर परिश्रम आणि मेहनतीने यश संपादन करता येते असा यशाचा मार्ग सांगितला तसेच प्रमुख अतिथी म्हणून मा. श्री. अनिलजी सावळेपाटील (वार्ताहर, दैनिक पुढारी वृत्तपत्र) हे उपस्थित होते. त्यांनी त्यांच्या मनोगतातून मुलांना वेगवेगळ्या विषयांवर सोप्या शब्दांत उदाहरणे देत मार्गदर्शन केले यावेळी बारामती तालुका मंथन प्रज्ञाशोध स्पर्धा परीक्षा समन्वयक मा. सौ. वैशाली धापटे या उपस्थित होत्या त्यांनी सर्व बक्षीसपात्र विदयार्थ्यांचे कौतुक केले. कार्यक्रमाचे अध्यक्ष म्हणून संस्थेचे सचिव प्रा.मा.श्री. सतीश गायकवाड (सर) हे उपस्थित होते त्यांनी त्यांच्या मनोगतात सर्व बक्षीस पात्र विद्यार्थ्यांचे कौतुक करून पुढील स्पर्धा परीक्षांसाठी शुभेच्छा दिल्या. तसेच उपाध्यक्ष (प्राथमिक) मा.श्री. किरण शहा (वाडीकर) , प्रतिष्ठानचे उपाध्यक्ष मा. श्री. अविनाश बिराजदार , संचालक मा. श्री धनंजय क्षीरसागर , विद्यालयाची
स्नातक विद्यार्थिनी राज्यस्तरीय कबड्डी खेळाडू कु. गौरी बबन सावंत इत्यादी
मान्यवर , पालक व विद्यार्थी उपस्थित होते. या सर्व विद्यार्थ्यांचे संस्थेचे अध्यक्ष मा.श्री. किशोर कानिटकर, कार्याध्यक्ष समन्वयक मा. श्री. किशोर शिवरकर, उपाध्यक्ष (प्राथमिक) मा.श्री. किरण शहा (वाडीकर), उपाध्यक्ष (गुरुकुल) प्रा.मा.श्री. हृषीकेश घारे (सर), सचिव प्रा.मा.श्री. सतीश गायकवाड (सर), खजिनदार मा.श्री. सतीश धोकटे व सर्व संचालक, गुरुकुलचे आचार्य श्री. हनुमंत दुधाळ, मुख्याध्यापक श्री. अतुल कुटे, बालभवन प्रमुख श्री. निलेश भोंडवे, आणि विद्यालायातील सर्व शिक्षक, शिक्षकेतर कर्मचारी व पालक या सर्वांनी कौतुक केले. या कार्यक्रमाचे सूत्रसंचलन विद्यालयाचे शिक्षक आयर्नमॅन श्री. अजिंक्य साळी तर आभार शिक्षिका सौ. सोनाली खटके यांनी मानले.

01/05/2026

"जनहित प्रतिष्ठानचे प्राथमिक व माध्यमिक विद्यालयात" १ मे महाराष्ट्र दिनानिमित्त
ध्वजारोहणाचा कार्यक्रम उत्साहात संपन्न झाला.

28/03/2026

जनहित प्रतिष्ठानच्या प्राथमिक विद्यालयात जनहित प्रज्ञाशोध परीक्षा या नावाने घेतल्या जाणाऱ्या स्पर्धेचे बक्षीस वितरण आज रोजी संपन्न झाले. सन्मानचिन्ह व प्रशस्तीपत्रक देऊन प्रमुख पाहुणे व संस्थेच्या मान्यवर संचालकांच्या हस्ते विद्यार्थ्यांना गौरविण्यात आले.
सदर कार्यक्रमासाठी प्रमुख पाहुणे म्हणून मा. उत्कर्षा माणिक खेडकर (मंडल कृषी अधिकारी, महाराष्ट्र शासन) या उपस्थित होत्या त्यांनी विदयार्थ्यांना स्पर्धा परीक्षेचे महत्त्व सांगितले. विशेष म्हणजे प्रमुख पाहुणे विद्यालयाची माजी विद्यार्थिनी असून स्पर्धा परीक्षांच्या माध्यमातूनच शासकीय कृषी सेवेत नियुक्त झालेली आहे. तसेच प्रमुख अतिथी म्हणून मा.सौ. शिवानीताई अभिजीत देवकाते (जिल्हा परिषद सदस्य, पुणे) यांनी त्यांच्या मनोगतात बक्षीस पात्र विद्यार्थ्यांचे कौतुक करून भावी वाटचालीसाठी शुभेच्छा दिल्या. संस्थेचे उपाध्यक्ष (गुरुकुल) मा. श्री. प्रा. हृषिकेश घारे (सर) यांनी विद्यार्थी व पालक यांचे अभिनंदन करून नवीन राष्ट्रीय शैक्षणिक धोरणाबाबत माहिती दिली.
या सर्व विद्यार्थ्यांचे संस्थेचे अध्यक्ष मा. श्री. किशोर कानिटकर, कार्याध्यक्ष समन्वयक मा. श्री. किशोर शिवरकर, उपाध्यक्ष (प्राथमिक) मा.श्री. किरण शहा (वाडीकर), उपाध्यक्ष (गुरुकुल) मा.श्री.प्रा. हृषीकेश घारे (सर), सचिव मा.श्री.प्रा. सतीश गायकवाड (सर), खजिनदार मा. श्री. सतीश धोकटे व सर्व संचालक मंडळ तसेच आचार्य श्री. हनुमंत दुधाळ, मुख्याध्यापक श्री. अतुल कुटे, बालभवन प्रमुख श्री. निलेश भोंडवे, सर्व शिक्षक, शिक्षकेतर कर्मचारी व पालक सर्वांनी कौतुक केले. या कार्यक्रमाचे सूत्रसंचलन सौ. भाग्यश्री ननवरे तर आभार कु. श्रध्दा कडाळे यांनी मानले.

03/03/2026

होळी हा फाल्गुन पौर्णिमेला साजरा केला जाणारा रंगांचा, प्रेमाचा आणि वाईटावर चांगल्याच्या विजयाचा लोकप्रिय सण आहे. याला 'हुताशनी महोत्सव' असेही म्हणतात. होळीच्या पूर्वसंध्येला 'होलिका दहन' (वाईटाचा नाश) आणि दुसऱ्या दिवशी रंगांची उधळण (धुलिवंदन) केली जाते, जी वसंत ऋतूचे स्वागत करते.

28/02/2026

19/02/2026

जनहित प्रतिष्ठानचे प्राथमिक व माध्यमिक विद्यालयात गुरुवार दि. १९ फेब्रुवारी २०२६ रोजी शिवजयंती उत्साहात साजरी करण्यात आली. सदर कार्यक्रमाचे प्रमुख पाहुणे प्रा.मा. श्री. मानाजी मारुती गावडे (निवृत्त प्राध्यापक टी.सी. कॉलेज, बारामती) होते. त्यांनी छत्रपती शिवरायांचा जीवनपट व कार्य-कर्तृत्व विद्यार्थ्यांसमोर उलगडून सांगितले. शिवजयंती उत्सवानिमित्त संस्थेचे उपाध्यक्ष (प्राथमिक) मा.श्री. किरण शहा, सचिव प्रा.मा.श्री. सतीश गायकवाड (सर) व सर्व संचालक, शिक्षक, शिक्षकेतर कर्मचारी व विद्यार्थी उपस्थित होते.

16/02/2026

पंचकोशाधारित गुरुकुलचे प्रणेते वंदनीय वा. ना. अभ्यंकर तथा भाऊ यांच्या स्मृतिदिनानिमित्त विनम्र अभिवादन...
त्यांचे जीवनकार्य सदैव प्रेरणादायी राहील! शिक्षणासाठी निरपेक्ष सेवा करणारे ऋषीतुल्य व्यक्तिमत्व वा. ना. अभ्यंकर तथा भाऊ!🙏🙏