Palpung Riglam Kyedtsal School

10/05/2026

30/03/2026

ཀྱཻ། རིགས་ཀྱི་བུ་རྣམས། ཡོན་ཏན་ཐམས་ཅད་ཀྱི་གཞི་མ་དམ་པའི་ཆོས་ཐེག་པ་ཆེན་པོ་འདི་ཉིད་སྡོམ་པ་གསུམ་ལས་བྱུང་བས། དཀོན་མཆོག་གསུམ་ལ་སྐྱབས་སུ་སོང་ སོགས་ཐེག་པ་ཐམས་ཅད་ཀྱི་འཇུག་སྒོ་སྐྱབས་འགྲོའི་སྡོམ་པ་འབོགས་དགོས་པར་གསུངས་པས། ད་རེ་གཟའ་སྐར་དགེ་བའི་་ཉིན་བསྟན་པའི་བདག་པོ་༧བྱམས་མགོན་རྡོ་རྗེ་འཆང་ཆེན་པོ་མཆོག་གིས། གདན་སའི་རབ་ཏུ་བྱུང་བའི་སློབ་མ་གསར་བུ་བ་རྣམས་ལ་སྐྱབས་འགྲོ་སྡོམ་པ་འབོགས་ཆོག་ལེགས་པར་བསྩལ་གནང་མ་ཚད། གཙུག་ཕུད་བྲེགས། གོས་ངུར་སྨིག་རུ་བརྗེས་པ་དང་། སྐྱ་མིང་ནས་ཆོས་མིང་དུ་བརྗེས་པ་སོགས་སྔོན་གྱི་མཐོང་རྒྱུན་ཕྱག་བཞེས་ལྟར་མཛད་གནང་བ་དང་། ཆོས་མིང་འདོགས་ཚུལ་ལ་ཡང་། རྒྱ་གར་ན་ཉན་ཐོས་སྡེ་པ་བཅོ་བརྒྱད་སོ་སོའི་མིང་ལ་དྲངས་ནས་འདོགས་སྲོལ་དང་། ཨོ་རྒྱན་རིན་པོ་ཆེ་ཡིས་ལུང་བསྟན་བཀའ་རྒྱ་མ་ལས། “པདྨ་“ལ་དྲངས་ནས་འདོགས་པ་ལེགས་པར་གསུངས་པ་དང་། གངས་ཅན་ལྗོངས་སུ་སློབ་དཔོན་སོ་སོའི་མཁན་པོའི་མཚན་ལ་དྲངས་ནས་འདོགས་སྲོལ་ལྟར། སྐྱབས་གཅིག་འཁོར་ལོ་མགོན་པོ་༧བྱམས་མགོན་རྡོ་རྗེ་མཆོག་གི་འདུལ་བའི་མཁན་པོ། དཔལ་རྒྱལ་བའི་དབང་པོ་སངས་རྒྱས་ཀརྨ་པ་བཅུ་དྲུག་དཔལ་ལྡན་རང་བྱུང་རིག་པའི་རྡོ་རྗེ་མཆོག་གིས་མགོན་པོ་གང་ཉིད་ལ་ “དཔལ་ལྡན་” ཞེས་མཚན་གྱི་ཅོད་པན་དབུར་གསོལ་གནང་བ་དེ་བཞིན། གདན་སའི་སློབ་མ་གསར་བཞུགས་པ་རྣམས་ལའང་། བྱིན་རླབས་ཀྱི་མཚན་ཁ་མ་ཉམས་པའི་སྐལ་ལྡན་སློབ་མ་རྣམས་ལ་“དཔལ་ལྡན་” ཆེ་གེ་མོ་ཞེས་མཚན་གསོལ་གནང་བར་མཛད་པ་ནི་བཀྲ་ཤིས་པའི་དགེ་མཚན་དུ་སྣང་ངོ་།།

26/03/2026

༄༅། ། དཔལ་སྤུངས་གཞི་རིམ་སློབ་གྲྭའི་སློབ་མ་རྣམས་ལ་གདན་སའི་མཆོག་སྤྲུལ་སྐྱབས་རྗེ་ཁྱུང་པོ་རྒྱལ་སྟོན་རིན་པོ་ཆེ་མཆོག་ནས་ད་ལམ་ལས་དོན་འདིའི་ཐོག་བཀའ་སློབ་ལམ་སྟོན་དང་འགྲོ་གྲོན་ཆང་ཚང་བཀའ་དྲིན་ཆེན་པོ་གཟིགས་སྐྱོང་གནང་བ་དང་། ཚན་རིག་དགེ་རྒན་ཆེན་མོ་Morgen མཆོག་ནས་ཀྱང་སློབ་ཕྲུག་རྣམས་ལ་ཚན་རིག་གི་ཤེས་བྱ་ནུས་པ་གོང་མཐོར་གཏོང་ཐབས་སུ་ལག་ལེན་དམར་ཁྲིད་ལོ་ལྟར་ཕུལ་བཞིན་ཡོད་པ། ད་ལོ་ཡང་དུས་ཡུན་ཐུང་ངུ་གཅིག་གི་ནང་རྫས་འགྱུར་ལག་ལེན་གྱིས་དངོས་པོའི་རང་བཞིན་འགྱུར་བ་མིག་ལམ་དུ་ཉམས་སུ་མྱོང་རྒྱུ་ཡོད་པ། དེ་བཞིན་དགེ་རྒན་རྣམས་ལ་སློབ་ཁྲིད་ཀྱི་ཐབས་ལམ་མིག་སྟོན། སློབ་མ་རྣམས་མཉམ་ལས་ཀྱིས་ནུས་པའི་ཤེས་བྱ་སྦྱོང་ཐབས་སོགས་ལམ་སྟོན་བཀའ་དྲིན་ལེགས་པར་ཐོབ་པའི་རིན་པོ་ཆེ་མཆོག་དང་དགེ་རྒན་ཆེན་མོ་རྣམས་གཉིས་ལ་སློབ་གྲྭའི་དགེ་ལས་ཐུན་མོང་ནས་བཀའ་དྲིན་བླ་མེད་དུ་ཆེ་ཞུ།།

08/03/2026

༄། །ཡེ་ལོ་༢༠༢༦ ལོའི་གཞི་རིམ་སློབ་གྲྭ་རིག་ལམ་སྐྱེད་ཚལ་གྱི་འཛིན་གྲྭ་དབུ་མ་མཛུགས་གོང་རྒྱུན་ལྡན་ལྟར་སྣ་སེལ་རིམ་འགྲོ་སྒྲུབ་རྒྱུ་དང། ཁྱད་པར་དུ་བསྟན་པའི་བདག་པོ་༧བྱམས་མགོན་རྡོ་རྗེ་འཆང་མཆོག་གི་སྐུ་ཚེ་ཞབས་བརྟན། གཞི་བྱེས་གདན་ས་དཔལ་སྤུངས་མགོན་མ་ལགས་དང་བཅས་པའི་འདུས་པ་རྒྱ་མཚོའི་མཛད་བཟང་ཡར་ཟླ་ལྟར་རྒྱས་པ་སོགས་ཀྱི་ཆེད་གདན་སའི་བླ་བྲང་ནས་གསོལ་འདེབས་ཞུ་དོན་ལྟར་ཞབས་རིམ་ལེགས་གྲུབ་བྱུང་བ་དགེ་བའི་ཉིན་ནོ།།

17/02/2026

23/01/2026

གདན་སའི་གཞི་རིམ་སློབ་གྲྭར་དགེ་རྒན་ས་མིག་གསལ་བསྒྲགས།

23/03/2025

༄༅། །རབ་གནས་ཤིང་སྦྲུལ་རྟ་ཟླའི་ཚེས་༢༢ གཟའ་སྐར་དགེ་བའི་ཉིན། གདན་ས་དཔལ་སྤུངས་ཤེས་རབ་རྣམ་པར་རྒྱལ་བའི་གླིང་གི་གཞི་རིམ་སློབ་གྲྭ་རིག་ལམ་སྐྱེད་ཚལ་གྱི་ལོ་གསར་པའི་སློབ་གྲྭ་དབུ་འཛུགས་དང་། ཡེ་ལོ་༢༠༢༤ ལོ་འཁོར་ཡིག་རྒྱུགས་རྩེར་སོན་རྣམས་ལ་བྱ་དགའ་གསོལ་རས་བསྩལ་བའི་རྟེན་འབྲེལ་མཛད་སྒོའི་ཐོག གདན་སའི་མཆོག་སྤྲུལ་གཏེར་སྟོན་སྐུ་ཕྲེང་བདུན་པ་༧སྐྱབས་རྗེ་ཡོངས་དགེ་མི་འགྱུར་རིན་པོ་ཆེ་མཆོག་ཚོགས་མགོན་དུ་བཀའ་དྲིན་བསྐྱངས་པ་མ་ཟད། ཡིག་རྒྱུགས་ཨང་སོན་པའི་སློབ་མ་རྣམས་ལ་བྱ་དགའ་བསྩལ་གནང་སྦྲགས། སློབ་ཕྲུག་ཡོངས་ལ་ཐུགས་བརྩེ་གཟིགས་ཆེན་པོའི་ངང་ལམ་བསླབ་པ་གསུམ་དང་འབྲེལ་བའི་བླང་དོར་བཀའ་སློབ་དང་། སློབ་མའི་བློ་དང་འཚམས་པའི་སྒོམ་ཁྲིད་བསྩལ་གནང་མཛད་པའི་བསྐལ་བཟང་གི་སྦྲང་ཆར་བབ་པའི་ཉིན་མོ་ཡིན།།

20/03/2025

ཞབས་རིམ་རྣམས་འཇུག་ལེགས་པར་ཟིན།

16/03/2025

༄༅། །ཡེ་ལོ་༢༥ ཟླ་༣ ཚེས་༡༧ ནས་ཉིན་གསུམ་གྱི་རིང་དཔལ་སྤུངས་གཞི་རིམ་སློབ་གྲྭའི་ཚོགས་ཁང་དུ་རྒྱལ་བསྟན་ཕྱོགས་ཀུན་ཏུ་དར་ཞིང་འགྲོ་ཀུན་བདེ་སྐྱིད་དཔལ་ལ་རོལ་བ་དང་། གཞིས་བྱེས་དཔལ་སྤུངས་གདན་ས་མགོན་མ་ལག་དང་བཅས་པ་འཁོར་ལོ་གསུམ་གྱི་མཛད་བཟང་ཡར་ཟླ་བཞིན་རྒྱས། ཁྱད་པར་དུ་རང་ཅག་རྣམས་ཀྱི་མེ་ཏོག་སིལ་མ་གང་ལ་ཕོག་པའི་ལྷ་སྐལ་༧སྐྱབས་གཅིག་འཁོར་ལོའི་མགོན་པོ་༧བྱམས་མགོན་རྡོ་རྗེ་འཆང་མཆོག་གཙོས་བསྟན་འཛིན་གྱི་སྐྱེས་ཆེན་རྣམས་སྐུ་ཚེ་བསྐལ་བརྒྱར་བཞུགས་ཤིང་རྣམ་དཀར་ཐུགས་ཀྱི་བཞེད་དགོངས་ཐམས་ཅད་འབད་མེད་ལྷུན་གྲུབ་ཡོང་ཆེད་དཔལ་སྤུངས་བླ་བྲང་ནས་ཇི་ལྟར་གསོལ་འདེབས་བཞིན་སློབ་གྲྭའི་དགེ་ལས་དང་སློབ་མ་ཐུན་མོང་ནས་འཇམ་དཔལ་མཚན་བརྗོད་གྲངས་གསོག་དང་འཇམ་དཔལ་སྨྲ་སེང་། གུ་རུ་གསོལ་འདེབས། ཚེ་ལྷ་རྣམ་གསུམ་གཙོས་པའི་སངས་རྒྱས་དང་བྱང་སེམས་རྣམས་ཀྱི་མཚན་སྔགས་ཁག་ཁྲི་ཚོ་ལས་བརྒལ་བ་གསོག་སྒྲུབ་གནང་རྒྱུ་ལགས་ན་དེ་དེ་བཞིན་ཡོང་བའི་སྨོན་ལམ་ཞུ།།