GDMadgulkar Highschool &Jr.College

28/05/2024

🌹🌹अभिनंदन🌹 अभिनंदन🌹🌹 अभिनंदन🌹🌹
*गदिमा हायस्कूल व पद्म. वसंतदादा पाटील ज्यूनि.कॉलेज माडगुळेचे एस.एस.सी बोर्ड परीक्षेत घवघवीत यश...*
फेब्रुवारी मार्च 2024 साठी घेण्यात आलेल्या एस.एस. सी बोर्ड परीक्षेचा निकाल आज दिनांक 27 मे 2024 रोजी जाहीर झाला असून, या परीक्षेत गदिमा हायस्कूल व पद्म. वसंतदादा पाटील ज्यूनि.कॉलेज माडगुळे येथील ज्युनिअर कॉलेजच्या विद्यार्थ्यांनी घवघवीत यश संपादन केले आहे. एस. एस. सी चा निकाल *98.27 टक्के* लागला आहे.🌷 यशस्वी विद्यार्थी खालील प्रमाणे.🪷🌾
**1 )कु. नांगरे तन्वी रावसाहेब 89.80% प्रथम* (सेमी इंग्लिश)
*2) *गवळी ओम उत्तम 89.20% द्वितीय* (सेमी इंग्लिश)
*3)* *कु. बाबर प्राची विजय 88.80 तृतीय** (सेमी इंग्लिश)
*4) कु.चव्हाण विद्या पोपट* *88.60%* (सेमी इंग्लिश)
4) कु *.चव्हाण वैष्णवी पोपट* *88.60* (सेमी इंग्लिश)
5 *) कु . श्रुती त्रिंबक कंड्रे 86.20* *(सेमी इंग्लिश )*
6) *कु.श्रेयसी शरद* *चव्हाण-पाटील 86.00 (सेमी* *इंग्लिश)*
7 *) कु.सानिया नवनाथ दयाळ* *85.60 (सेमी इंग्लिश)*
8 *) कु.अदिती दिगंबर तळे* *81.00 (सेमी इंग्लिश)*
9) *कु.सुमित वसंत सरगर* *80.00 (सेमी इंग्लिश)* *
*10) कु.रिया प्रकाश नसले* *79.00* (सेमी इंग्लिश)*
परीक्षेला एकूण 58 विद्यार्थी बसले होते त्यापैकी *57* विद्यार्थी पास झाले.
यामध्ये *डिस्टिंक्शन श्रेणीत *22* विद्यार्थी पास झाले असून* *प्रथम श्रेणीत 22 विद्यार्थी* पास झाले.
विद्यालयातील सर्व यशस्वी विद्यार्थ्यांचे संस्थेचे अध्यक्ष मा. श्री अजित चव्हाण सर व विद्यालयाचे प्राचार्य मा. श्री आर.पी. पाटील सर, यांनी विद्यालयातील 10 वी ला शिकवणाऱ्या सर्व स्टाफचे, यशस्वी विद्यार्थ्यांचे ,मनस्वी हार्दिक अभिनंदन करून पुढील शिक्षणासाठी शुभेच्छा दिल्या.💐💐💐

20/04/2024

गदिमा हायस्कूल व ज्यु कॉलेज माडगुळे चे एनएमएमएस परीक्षेत घवघवीत यश...

10/04/2024

गदिमा हायस्कूल व ज्यु कॉलेज माडगुळे चे नवोदय व एन एम एम एस परीक्षेत घवघवीत यश..

07/01/2024

सस्नेह निमंत्रण
आपणास कळविण्यास आनंद वाटतो की, गदिमा हायस्कूल व ज्युनिअर कॉलेज माडगुळे तालुका आटपाडी या आपल्या प्रशालेचा सन 2023- 24 शैक्षणिक वर्षाचा वार्षिक संमेलनानिमित्त आयोजित पारितोषिक वितरण समारंभ व सांस्कृतिक कार्यक्रम आपण सोमवार दिनांक 8/01/2024 रोजी साजरा करीत आहोत तरी आपणा सर्वांची उपस्थिती प्रार्थनीय आहे.
कळावे,
मुख्याध्यापक गदिमा हायस्कूल व ज्युनिअर कॉलेज माडगुळे.

09/12/2023

बामनाच्या पत्र्यावर...!

'बनगरवाडी'वर अमोल पालेकरांनी सिनेमा केला, तेव्हा मी नुकताच पत्रकारितेत आलो होतो. या चित्रपटावर मी काही लिहावं, असं तेव्हाचे 'सकाळ'चे संपादक विजय कुवळेकरांनी सुचवलं. त्या निमित्ताने व्यंकटेश माडगूळकरांना पहिल्यांदा भेटलो. तोवर त्यांचं काही काही वाचलेलं. मी शाळेत असताना आप्पा-आक्कू मराठी साहित्यात बाहेरून एम.ए. करत होते. त्यांच्या अभ्यासात माडगूळकर होते. 'माणदेशी माणसं' होतं. आक्कू स्वयंपाक करताना तिला खूपदा वाचून दाखवले होते. त्या पुस्तकातल्या प्रतिमा तशाच तयार झालेल्या.

'मुलाण्याचा बकस' आपल्याला कधीतरी भेटेल, असं वाटत राहायचं. 'कुठे आहे हा देश?', असं मी आक्कूला विचारायचो. एकदा शालेय वक्तृत्व स्पर्धेच्या निमित्ताने मंगळवेढ्याला गेलो होतो. तेव्हा आप्पांनी तो सांगोल्याजवळचा परिसर एसटीमधून दाखवला आणि सांगितलं की हाच तो माणदेश! हा तर आपल्या गावासारखाच आहे, असं वाटू लागलं. मग आपल्याच गावात मी झेल्या शोधू लागलो आणि बिटाकाकाही. प्रत्येक माणसाची गोष्ट असते, हे मला त्यामुळं समजलं. प्रत्येक गाव हाही एक देश असतो, हेही लक्षात आलं. जसं या विश्वात अनेक आकाशगंगा आहेत आणि सूर्यमालाही, तसंच या देशात खूप देश आहेत, ही समज येत गेली. मग माणसं न्याहाळू लागलो. सगळ्या रंगांसह माणसांना भेटू लागलो. स्वतःमधले रंगही मग लक्षात येऊ लागले. माडगूळकर त्याशिवायही भेटत गेलेच. 'सत्तांतर' ही त्यांची कादंबरी जास्त आवडली. पण, 'माणदेशी माणसं' मात्र मनात कोरली गेली.

पुढं आयुष्यात गदिमा आले. शाळेत असताना दादानं गीतरामायण ऐकवलेलं. ते अगदी कानात राहिलं.

स्वये श्रीरामप्रभु ऐकती
कुश लव रामायण गाती
कुमार दोघे एक वयाचे
सजीव पुतळे रघुरायाचे
पुत्र सांगती चरित पित्याचे
ज्योतीने तेजाची आरती

हे अगदी तोंडपाठ झालेलं. टीव्हीवर 'रामायण' सुरू झालं, तेव्हा मी शाळेतच होतो. पण, 'गीतरामायण' त्यापूर्वी ऐकलेलं. त्या प्रतिमांचा ठसा अगदी खोल होता. मग गदिमांचं 'चैत्रबन' हातात आलं आणि इतरही. त्यांचं आत्मचरित्र वाचताना पुन्हा एकदा माणदेशानं खुणावलं. गदिमा हा माणूस एवढा थोर की त्याचे शब्द आपण उसने घेत आहोत, हेही अनेकदा समजत नाही, एवढे ते जनमानसात आहेत! 'उद्धवा, अजब तुझे सरकार' अशा शीर्षकाचा अग्रलेख 'तेव्हा' लिहिणार्‍या अनेक संपादकांना गदिमांचं हे गाणं ठाऊकही नसतं. 'या चिमण्यांनो परत फिरा रे'सारखी अशी अनेक गाणी सांगता येतील. सिनेमे तर किती थोर दिले गदिमांनी!

गदिमा नि व्यंकटेश माडगूळकरांच्या लेखनात त्यांचा परिसर दिसतो, त्यांचं माडगूळे हे गाव दिसतं.
हे गाव पाहायची उत्सुकता किती दिवसांपासून होती. तो योग नव्हता येत. योगेश्वरमुळेच तो येणार असावा!

परवा तो अगदी सहज आला.
पिंपरी-चिंचवड कार्यालयात बैठकीसाठी गेलो होतो, तेव्हा पुढच्या बैठकीची तारीख आमचे व्यवस्थापक मयूर केमसे यांनी विचारली. मी म्हटलं, "पुढच्या आठवड्यात आटपाडीत आहे, तिकडून आलो की करू." शेजारीच योगेश्वर माडगूळकर होते. ते आमचे वरिष्ठ उपसंपादक. योगेश्वर हे गदिमांचे सख्खे पुतणे. ते म्हटले, "सर, जाताय तर बामणाच्या पत्र्यावर जा!" बामणाचा पत्रा म्हणजे माडगूळकरांचं घर. पूर्वी गावात ओळख अशी असे- बामणाचा रम्या, चांभाराची फुलाबाई, पाटलाचा शंकर वगैरे. अख्ख्या गावात बामणाचं एक घर. पत्र्याचं घर. त्यामुळं त्याची ओळख 'बामणाचा पत्रा'. खरं म्हणजे, 'बामनाचा पत्रा'!

जाण्याची कल्पना भारी होती. पण जमेल का, असा प्रश्न होता. एवढा वेळ देता येईल का, असा मुख्य प्रश्न होता. आमच्या पिंपरी-चिंचवड आवृत्तीचे संपादकीय प्रमुख श्रीनिवास नागे शेजारी होतेच. ते मूळचे सांगलीकर. "सर, तुम्ही ते बघायलाच पायजेल. तो सगळा परिसरच भारीय!", असं त्यांनी त्यांच्या खास निकाल दिल्याच्या टोनमध्ये सांगितल्यावर आमचा दौरा पक्का झाला.

पुण्यातून मी, श्रीनिवास आणि आमचे ज्येष्ठ मित्र निवृत्त पोलीस उपअधीक्षक प्रकाश शिशुपाल निघालो. सारथी अशोक सज्ज होता. योगेश्वर आधीच गेले होते. पलूसजवळ वाझरला माझा एक कार्यक्रम होता. कॉम्रेड मारूती शिरतोडे आपल्या आई-वडिलांच्या स्मृत्यर्थ दरवर्षी 'श्रमप्रतिष्ठा पुरस्कार' देतात. मी प्रमुख वक्ता होतो. सन्मित्र कॉम्रेड धनाजी गुरव, कॉम्रेड नजुबाई गावित यांना हा पुरस्कार मिळणार होता. डॉ. बाबुराव गुरव, संपत पवार, डॉ. अमोल पवार, आमदार अरूण लाड, क्रांतिसिंह नाना पाटलांचे नातू ॲड. सुभाषबापू पाटील असे दिग्गज होते. तो कार्यक्रम जोरदार झाला. मग आम्ही निघालो.

विट्याजवळ आम्हाला अवकाळी पावसानं गाठलं. भीती होती की, बामणाचा पत्रा बघता येईल का नीट? तिथंही पाऊस असेल तर? फोन केला. सुदैवाने तिकडे अजिबात पाऊस नव्हता. अंधार पडत होता. तरीही त्या परिसराजवळ गेलो आणि सगळ्या ओळखीच्या खुणा दिसू लागल्या. मुलाणकी गाव आलं. हेच ते. इथला तो मुलाण्याचा बकस. घरी आलो. गदिमा आणि व्यंकटेश माडगूळकरांनी जिथं बैठक मारून पुष्कळ लिहिलं, त्या बैठकीच्या खोलीत क्षणभर बसलो. कुठंही गेले तरी हे दोन्ही भाऊ दीर्घ लिहायला इथं यायचे.

तिथं रमलेलो असतानाच सहदेव आणि महादेव रामोशी या बापलेकांनी हाक मारली. महादेव हा बापू रामोश्याचा मुलगा. बापू नाईक आठवला 'माणदेशी माणसं'मधला.

कुलकर्णी अर्थात माडगूळकर हे गावातलं एकमेव ब्राह्मण घर. त्यांना ती जमीन मिळाली. तो पाव हिस्सा मिळाला, म्हणून त्या भागाला गावकरी 'पाव' असंही म्हणतात. कुलकर्ण्यांच्या सोबतीला मात्र सगळ्या जातींचे लोक. बापू रामोशी हा माडगूळकरांच्या जिवाभावाचा सोबती. हेच घर आता त्यांची शेती बघतं. बापूंचा पणतू आता शिकतोय आणि त्याला डॉक्टर व्हायचंय. दोन्ही माडगूळकर बंधू अट्टल मांसाहारी आणि एकूणच रसिक! महादेव रामोशी स्वतः मात्र शाकाहारी. पण, चुलीवर शाकाहारी आणि मांसाहारीही भोजन बनवण्यात वाकबगार. त्यांच्याकडे ती फरशी कुर्‍हाड दिसली. आमची रात्री मैफल जमली. योगेश्वरचे थोरले भाऊ मुक्तेश्वर माडगूळकर आता आटपाडीचे गटविकास अधिकारी आहेत. तेही सोबत होते. जेवण म्हणजे कहर. जोडीला अर्थातच...! माडगूळकरांचा 'तो' वारसा मात्र या दोन्ही बंधूंनी जपलेला नाही. त्यामुळे आमच्यावरच ती जबाबदारी होती! रात्र छान रंगत गेली.

दुसर्‍या दिवशी गावात गेलो. अवघं गाव गदिमामय. आपण गदिमांचा वारसा सांगतो, याची प्रत्येकाला जाण. तोच अभिमान. गदिमांच्या एका कवितेत उल्लेख आहे -
"इथे जन्मती जाती जमाती सुखे नांदण्यास"
त्यात गावातल्या जातीय सलोख्याचा उल्लेख आहे. गावातला पीर मुसलमानांचा, पण त्याची पूजापाठ वगैरे करतात गावातले कुलकर्णी. योगेश्वरला विचारल्यावर तो आम्हाला तिकडे घेऊन गेला. ग्रामदेवतेला साक्षी ठेऊन लिहिणारे गदिमा! त्या खंडोबाचे दर्शनही घेतले. तिथल्या चिंचा पोटभर खाल्ल्या.

मग आटपाडीत आलो. आटपाडीचं वैशिष्ट्य आहे. भारतात स्वतंत्र झालेलं हे पहिलं गाव. औंध संस्थानात हे गाव होतं. तिथले संस्थानिक भवानराव पंतप्रतिनिधी हे गांधीवादी. त्यांना मॉरिस फ्रीडमन नावाचा थोर माणूस भेटला. हा पोलंडचा. ज्यू. तो गांधींच्या आश्रमात राहिला. पूर्ण बदलला. एवढा की त्याने 'स्वामी भारतानंद' असे नाव धारण केले. तो पंतप्रतिनिधींना म्हणाला, "सत्ता आपल्या हातात एकवटण्यात कसला आनंद? लोकांना सत्ता देऊन टाका." मग या संस्थानिकाने आपले संस्थान स्वतंत्र केले. १९३८मध्ये आटपाडी आणि तो परिसर स्वतंत्र झाला. पुढे या परिसराने नाना पाटील, जीडी बापू लाड अशा क्रांतिकारकांना आश्रय दिला!

गावं तर स्वतंत्र झालीच. एवढेच नाही, तर त्यांनी कैद्यांनाही मुक्त केले. तुरूंगात डांबण्याऐवजी 'ओपन जेल' सुरू केले. 'स्वतंत्रपूर' अशी कैद्यांची वसाहत आजही आहे. अपवाद वगळता गुन्हेगारही अनेकदा 'बळी' असतात. अशा कैद्यांना तिथे ठेवले जात असे. त्यांना जमीन दिली जात असे. ती त्यांनी कसायची. स्वतःचा उदरनिर्वाह करायचा. शिवाय, संस्थानाच्या उत्पन्नातही भर. 'दो ऑंखे बारा हाथ' या सिनेमाची कथा-पटकथा गदिमांनी त्यावरूनच लिहिली. हा तुरूंग पाहिला. आजही तो कसाबसा सुरू आहे. तिथला बाळकृष्ण नावाचा जन्मठेपेचा कैदी भेटला. तो जमीन कसत होता. लवकरच त्याची सुटका होणार आहे. त्यामुळे तो आनंदात होता. १४ वर्षांनंतर तो घरी जाणार होता. रागाच्या भरात एकाला जोरात ढकलले आणि दगडावर डोके आपटून तो मृत्युमुखी पडला. हा अडकला!

आटपाडी हा परिसरच भारी आहे. स्थानिक पत्रकार मित्र भेटले. ते सांगत होते. सोन्याचे गाळप करणारे कुशल कलावंत इथे आहेत. त्यामुळे देशभर या परिसरातले लोक आहेत. पैसाही आलाय त्यामुळेच. नागनाथ नायकवडींसारख्या संघर्षयोद्ध्यांमुळे पाणीही आलंय. बरीच समृद्धी दिसू लागली आहे. रात्री आटपाडीत व्याख्यान होतं. राजेंद्र खरात आणि समाधान ऐवळे या आंबेडकरी चळवळीतल्या मित्रांच्या पाठपुराव्यानं खूप वर्षांनी आटपाडीला गेलो. हजारेक ग्रामस्थ मनापासून दोन तास भाषण ऐकताहेत, हा अनुभव भारी होता!

उपजिल्हाधिकारी असलेला नीलप्रसाद चव्हाण हा वर्गमित्र. तो आता नागपुरात असतो. त्याच्या आईचं दर्शन घेतलं. सन्मित्र राजीव खांडेकरांचं हेच गाव. त्यांचे वर्गमित्र भेटले. आमदार गोपीचंद पडळकर इथलेच. त्यांचे थोरले बंधू ब्रह्मानंद आवर्जून भेटायला आले. शंकरराव खरातांचे नातेवाइक भेटले. गोरख जरे आणि राजेंद्र ऐवळे या वर्गमित्रांनी रात्री 'महेश डायनिंग हॉल'मध्ये मस्त पाहुणचार केला.

गंमत म्हणजे, गावात जिकडं तिकडं पोस्टर्स दिसत होती. गावातल्या यात्रेच्या निमित्ताने जनावरांचा बाजार भरला होता. सगळीकडे एका 'सेलेब्रिटी' बोकडाचे फोटो झळकत होते.
त्या बोकडाची किंमत होती अवघी सव्वा कोटी रूपये!

- संजय आवटे

02/09/2023

मॉडर्न एज्युकेशन सोसायटी आटपाडी चे ग.दि.मा हायस्कूल व ज्यू.कॉलेज माडगूळे या प्रशालेचा तालुकास्तरीय 14 वर्ष वयोगटातील मुलींचा खो-खो स्पर्धेमध्ये द्वितीय क्रमांक आल्याबद्दल हार्दिक अभिनंदन💐
मॉडर्न एज्युकेशन सोसायटी आटपाडी चे अध्यक्ष
माननीय अजित तुकाराम चव्हाण सर व ग दि मा हायस्कूलचे मुख्याध्यापक आर पी पाटील सर तसेच प्रशालेतील सर्व शिक्षक, शिक्षकेतर कर्मचारी यांच्याकडून सर्व विद्यार्थ्यांचे हार्दिक अभिनंदन💐💐💐💐💐

01/09/2023

मॉडर्न एज्युकेशन चे ग.दि.मा हायस्कूल व ज्यू.कॉलेज माडगूळे या प्रशालेचा तालुकास्तरीय खो-खो स्पर्धेमध्ये प्रथम क्रमांक येऊन जिल्हास्तरीय होणाऱ्या स्पर्धेसाठी निवड झाल्याबद्दल हार्दिक अभिनंदन💐
मॉडर्न एज्युकेशन सोसायटीचे अध्यक्ष
माननीय अजित तुकाराम चव्हाण सर व ग दि मा हायस्कूलचे मुख्याध्यापक आर पी पाटील सर तसेच प्रशालेतील सर्व शिक्षक, शिक्षकेतर कर्मचारी यांच्याकडून सर्व विद्यार्थ्यांचे हार्दिक अभिनंदन💐💐💐💐💐

27/07/2023

मॉडर्न एज्युकेशन सोसायटी आटपाडी चे संस्थापक आदरणीय प्रा. टी. ए.चव्हाण साहेब यांच्या पत्नी आदरणीय गोकुळाबाई तुकाराम चव्हाण (आईसाहेब) व मॉडर्न एज्युकेशन सोसायटी चे अध्यक्ष आदरणीय अजित चव्हाण सर यांच्या मातोश्री यांचे अल्पशा आजाराने निधन झाले.त्यांना भावपूर्ण श्रद्धांजली त्यांच्या मृतात्म्यास चिरशांती लाभो हीच ईश्वर चरणी प्रार्थना..

28/06/2023

🌹गदिमा हायस्कूल व ज्यु कॉलेज माडगुळे येथे आज आषाढी एकादशी निमित्त शिक्षणाची वारी अर्थात वारकरी दिंडी सोहळ्याचे आयोजन करण्यात आले होते. 🌹🌹
यावेळी दिघंची चे ह.भ.प.सचिन कुंभार महाराज उपस्थित होते.कार्यक्रमाची सुरूवात विद्यालयाचे प्राचार्य आर.पी. पाटील सर यांनी पाहुण्यांचा फेटा शाल श्रीफळ देऊन सत्कार करून केला.यानंतर फेरी काढण्यात आली.विद्यालयाच्या प्रांगणात रिंगण सोहळा पार पडला.यावेळी सर्व विद्यार्थी शिक्षक उपस्थित होते.यावेळी फुगडी तसेच विविध खेळ यावेळी खेळण्यात आले.फुगडी मध्ये विशेषतः मॅडम यांनी सहभाग नोंदविला. यावेळी ज्ञानोबा माऊली तुकाराम, जय जय राम कृष्ण हरी या नामाचा जयघोष करीत दिंडी सोहळा पार पडला.शेवटी सर्व विद्यार्थ्यांना जेवणाचे आयोजन करण्यात आले होते कार्यक्रमाचे निवेदन किशोर चांदणे सर यांनी केले

28/06/2023

28/06/2023

गदिमा हायस्कूल व ज्यु कॉलेज माडगुळे येथे आज आषाढी एकादशी निमित्त शिक्षणाची वारी अर्थात वारकरी दिंडी सोहळ्याचे आयोजन करण्यात आले होते.

14/06/2023

सौ. अरुणा शरद चव्हाण-पाटील

*शाळा*

उन्हाळ्याच्या सुट्टीतली
संपली धम्माल मस्ती
वेद लागले शाळेचे
लागली अभ्यासाची धास्ती

नवा वर्ग, नवी पुस्तक
गणवेश नवा,नवे दप्तर
वास दरवळे चहुकडे
आहे हे सुगंधी अत्तर

भेटतात जुनेच मित्र
पुन्हा एकदा नव्याने
ऋणानुबंध जुळतात
मैत्रीच्या या धाग्याने

शाळेच्या या प्रांगणात
पाऊले पडती नव्या दमाने
स्वप्नांना लावून पंख
झेपावती नव्या उमेदीने

रानोमाळ फिरणारे मन
बंदिस्त झाले शाळेत
नव्या कोऱ्या पाठीवरती
हात बसु लागले गिरवत

घंटा लागली खणखणु
भिंती झाल्या बोलक्या
झाडाच्या फांद्याही
आशीर्वादासाठी वाकल्या

गुरु शिष्याच्या या नात्याला
गुंफले जाते पुन्हा नव्याने
ज्ञानरूपी या वेलीला
बहर येतो फुले कळयाने

ज्ञानाच्या या मंदिरात
पाखरे होतात गोळा
खुणावती पुन्हा नव्याने
चिमुकल्यांना ही शाळा