Kannamwar Vidyalaya,Arvi Dist.Wardha

28/02/2026

*🔬राष्ट्रीय विज्ञान दिनानिमित्याने–Grand Science Expo 2026 | कन्नमवार विद्यालय, आर्वी*
*आज दिनांक 28 फेब्रुवारी 2026, राष्ट्रीय विज्ञान दिनाचे औचित्य साधून कन्नमवार विद्यालय, आर्वी येथे सकाळी 10 वाजता भव्य Grand Science Expo 2026 विज्ञान प्रदर्शन उत्साहात संपन्न झाले. विज्ञानाची जिज्ञासा, प्रयोगशीलता आणि सर्जनशीलता विद्यार्थ्यांच्या कृतीतून साकारलेले हे प्रदर्शन प्रेरणादायी ठरले.*
*कार्यक्रमाच्या अध्यक्षस्थानी विद्यालयाचे मुख्याध्यापक आदरणीय रेवतकर सर तर प्रमुख उपस्थितीमध्ये पर्यवेक्षक ठाकूर सर तसेच विद्यालयाचे माजी विद्यार्थी व “The U-Turn” या पुस्तकाचे लेखक, India’s Top 50 New Author Award साठी नामांकन प्राप्त आनंद खोपे यांची मान्यवर उपस्थिती लाभली.*
*प्रारंभी मान्यवरांचे पुष्पगुच्छ देऊन स्वागत करण्यात आले. त्यानंतर विज्ञान प्रदर्शनाचे उद्घाटन करण्यात आले. इयत्ता 5 वी ते 9 वी मधील एकूण 35 विद्यार्थ्यांनी विविध वैज्ञानिक संकल्पनांवर आधारित सुंदर प्रतिकृती सादर केल्या. ऊर्जा, पर्यावरण, कृषी, अवकाश, तंत्रज्ञान यांसारख्या विषयांवर आधारित मॉडेल्स पाहून उपस्थित विद्यार्थी व शिक्षक मंत्रमुग्ध झाले.*
*याप्रसंगी सत्कार समारंभ आयोजित करण्यात आला. विद्यालयाचा अभिमान असलेले माजी विद्यार्थी लेखक आनंद खोपे यांचा त्यांच्या साहित्यिक यशाबद्दल शाल व पुष्पगुच्छ देऊन सत्कार करण्यात आला. तसेच इयत्ता 8 वी अ ची कु. श्रावस्ती रामेश्वर मेश्राम हिने NMMS परीक्षा उत्तीर्ण केल्याबद्दल तिचाही गौरव करण्यात आला.दोघांचाही सन्मान रेवतकर सर व ठाकूर सर यांच्या हस्ते करण्यात आला.*
*कार्यक्रमात उपस्थित सर्व शिक्षक व शिक्षिका तसेच शिक्षकेत्तर कर्मचारी यांनी विद्यार्थ्यांच्या वैज्ञानिक दृष्टिकोनाचे कौतुक केले.सौ डॉली राणा ठाकूर यांनी याप्रसंगी उपस्थित राहून आपल्या भावना व्यक्त केल्या, व विद्यार्थ्यांचे कौतुक केले,विज्ञान मॉडेल परीक्षण खंडाईत सर व निनावे मॅडम यांनी केले. फलक लेखन घोटकर सर यांनी आकर्षक पद्धतीने साकारले.सर्व शिक्षक-कर्मचारी व विद्यार्थ्यांचा सहभाग उल्लेखनीय होता.*
*या संपूर्ण कार्यक्रमाचे संयोजन श्री गुजरकर सर यांनी अत्यंत नियोजनबद्ध व प्रभावीपणे केले तसेच त्यांनीच कार्यक्रमाचे उत्कृष्ट संचालन केले. सर्व सहकाऱ्यांच्या सहकार्याने कार्यक्रम यशस्वीरीत्या पार पडला.*
*राष्ट्रीय विज्ञान दिनानिमित्त आयोजित हे विज्ञान प्रदर्शन विद्यार्थ्यांमध्ये वैज्ञानिक विचार, नवोन्मेष आणि जिज्ञासेची प्रेरणा जागवणारे ठरले.*
*कन्नमवार विद्यालय, आर्वी – विज्ञानप्रेरित उद्याचा सक्षम पाया. ✨🔬*

03/06/2023

2022-23 या शैक्षणिक सत्रात 10 वी मध्ये 90.40 टक्के गुण घेवुन सर्वप्रथम येणारी कु जान्हवी घोडेस्वार हिचे अभिनंदन करतांना.

31/05/2020

कन्नमवार विद्यालय , महाराणा प्रताप वार्ड आर्वी , जि. वर्धा.
शैक्षणिक सत्र २०२०- २०२१ करिता वर्ग पाचवी ते दहावी पर्यंत ऑनलाईन प्रवेश चालू आहे.
https://docs.google.com/forms/d/e/1FAIpQLSfEd-6uWlsrPbru4MVCmSyTMbDi1Zsb1lwa153k5C6shZ25Jg/viewform
विद्यार्थीच्या प्रवेशासाठी वरील लिंक वर जाऊन ऑनलाइन फॉर्म भरून घ्यावा.
शाळा सुरू होण्यापूर्वी शाळेत येऊन आपला प्रवेश निश्चित करून घ्यावा.
अधिक माहितीसाठी खालील दिलेल्या क्रमांकावर संबंधित कर्मचाऱ्यांशी आपण संपर्क साधू शकता.

मराठी व सेमी ‍‍‍‍इंग्लिश माध्यम साठी
१) सौ . प्रमीला कन्नाके ( मु. कन्नमवार वि.आर्वी )
8830084179

२) सौ अंजली घारड ( Supervisior)
9890479599

३) श्री अशीष गुजरकर सर ( स़. शिक्षक)
8087902105

४) श्री विलास बोरगमवार सर ( स़. शिक्षक)
9028532922

उर्दु माध्यम साठी

१) मो़ समीर सर (स़. शिक्षक)
9371151770

२) श्री ‍‍इकबाल सर
9765870675

३) श्री ‍‍सै. नदीम सर
9764673407

Admission Form : 2020- 2021 New Session

15/08/2018

भारतीय स्वातंत्र्याचा 72 वा वर्धापनदिन साजरा करताना.

22/07/2018

Inspirational speech..

04/04/2018

उपेक्षित सालगडी ते आयएएस मुलाचा बाप : कहाणी जिद्दीची
----------------------------------------------------
विष्णू औटी ज्यांनी upsc परीक्षेत यश मिळवले त्यांचा डोळ्यात पाणी आणणारा संघर्ष वाचा त्यांच्याच शब्दात. विष्णू औटी सध्या जळगाव ला सहायक विक्रीकर आयुक्त आहेत.

१० मे २०१६, केंद्रीय लोकसेवा आयोगाचा निकाल जाहीर झाला आणि तीन वर्षे चालू असलेली मेहनत फळास आली. हि बातमी प्रथम मी पत्नी सौ. सविता, वडील ज्यांना मी नाना म्हणतो, आणि माझे शिक्षक श्री. हारदे सर आणि इतर मित्रांना कळवली.

नानांना हि बातमी फोनवर सांगितली आणि ती ऐकून त्यांना फोनवर बोलताच येईना. ते फक्त “देवा, तू फार चांगले केले, चांगले झाले, माझा भाऊ (मला ते भाऊ म्हणतात.) कलेक्टरची परीक्षा पास झाला.” एवढेच ते फोनवर रडत रडत बोलत होते. “तू फार मोठे काम केले” असे ते बोलत होते. त्यांना हि बातमी आईला सांगा असे सांगितले. (आईला ऐकू येत नसल्याने फोनवर बोलू शकत नाही.)

नानांचा जीवन प्रवास हा एक धगधगता जीवन प्रवास आहे. लहानपणी अपघातात डोळ्यांना लागल्याने अंधत्व आलेल्या नानांनी १९७०-७२ च्या दुष्काळात वडील, पत्नी, दोन मुले गमावली. पुन्हा दुसरे लग्न करून त्यांनी आपला संसार सावरण्याचा प्रयत्न केला. परिसरात कितीतरी लोकांकडे शेतमजूर काम केले, सालगडी म्हणून काम केले. अंध असलेला माझा बाप आणि बहिरी असलेली माझी आई परिसरातील रिकामटेकड्या लोकांसाठी टिंगलटवाळीचा विषय होता. माझी आजी, तीन बहिणी, आणि आम्ही दोघे भाऊ व आई वडील असे आमचे कुटुंब होते. खाणारी तोंडे कमी व्हावी म्हणून जमेल तशी तिघा बहिणींची लग्ने करून दिली. घरामध्ये फक्त मी एकटा शिकलो.

नाना आणि बाई (म्हणजे माझी आई) रोज मजुरीने जात आणि रोज जे काही मिळेल त्यात संध्याकाळी चूल पेटवण्याची तरतूद करत. पिठाच्या गिरणीमध्ये खाली पडलेले पीठ रोज आणून त्याच्या भाकरी करून खायचो. ते पीठ आणण्याची जबाबदारी माझी होती. कारण घरापासून तीन किलोमीटर असलेल्या गावात ती पिठाची गिरणी होती. आणि मी तिथेच ५ वी ते ७ वी शाळा शिकत होतो. संध्याकाळी शाळा सुटल्यावर पीठ घ्यायला मी जायचो. गिरणी मालक घरची परिस्थिती त्याला माहित असल्याने इतर लोकांपेक्षा १ रुपया कमी भावाने ते पीठ द्यायचा. “आंधळ्याचा आशीर्वाद मला कुठे हि कामाला येईल”, असे तो सांगायचा. रोज २ किंवा ३ किलो पीठ मिळायचे. कधी कधी वीज नसल्याने गिरणी बंद असायची. पीठ नसायचे. माझी घरी सर्व जण वाट पाहत असायचे. मी डोक्यावर पीठाचे गाठोडे घेवून येताना लांबून दिसलो कि चूल पेटवण्याची तयारी सुरु केली जायची. पीठ नसेल तर वालाच्या (राजमा) घुगऱ्या शिजवून खायचो. कधी कधी पीठ कमी असे, त्यातच जमतील तेवढ्या भाकरी बाई करायची. आम्हा पोरांना ती आधी खावू घालायची. नंतर नाना आणि बाई जेवण करायचे. आता लक्षात येतंय कि अर्धी भाकर असली तरी नाना पोट भरले असे का म्हणायचे, किंवा बाई आठवड्यातून तीन-तीन उपवास का करायची. तिला तर कोणताही देव धर्म करण्याची आवड नाही. पण उपवासाच्या नावाखाली तेवढ्याच भाकरी कमी लागतात असे ती म्हणायची. नाना म्हणायचे, “आपण पडलेले पीठ खावून जगतो, त्याची आठवण ठेव, हे दिवस कायम नसतात. आयुष्यात असे काही कर, सारे जग तुमचे काम पाहून हेवा करू लागले पाहिजे.” छप्पर असलेल्या झोपडीत अशा किती तरी रात्री उपाशी पोटी गेल्या असतील, त्याची गणती नाही. पण अशा वेळी उपाशीपोटी रॉकेलच्या चिमणीच्या उजेडात अभ्यास करण्यास नाना आणि बाई अभ्यास करण्यास नेहमी प्रोत्साहन देत. पुस्तके हि तुमचे आयुष्य बदलून टाकतील, असे ते सांगायचे.

परिसरात असे एकही घर नाही, ज्या ठिकाणी नानांनी पडतील ती कामे केली नसतील. पण आपल्या अंधत्वाचे प्रदर्शन मांडून भिक मागितली नाही कि स्वाभिमान गमावला नाही. दिसत नसल्याने किती तरी वेळा काम करताना नानाला हाता-पायाला जखमा होत. पण त्याला पर्याय नव्हता. दिव्यांग असलेल्या नाना आणि बाईने लोकांच्या चेष्टा, टिंगल टवाळी या गोष्टींकडे लक्ष न देता परिश्रम करत राहण्याची शिकवण दिली.

मी ७ वी पास झालो, पाच किमी दूर असलेल्या भैरवनाथ विद्यालय पुणेवाडी येथे मी प्रवेश घेतला. पुढे शिकवणे किंवा खर्च करणे शक्य नव्हते. नानांनी पहिल्या दिवशी शाळेच्या मुख्याध्यापकांना सांगितले कि याला मी तुमच्या हवाली करत आहे. याला फक्त मी शाळेत पाठवीत जाईल. शाळेच्या व्यवस्थापणाने आणि शिक्षकांनी पुढच्या सर्व शिक्षणाची जबाबदारी घेतली. वह्या, पुस्तके, कपडे शाळेने पुरवले. शिक्षक ड्रेससाठी घेत असलेले कापड माझा टेलरिंगचे काम करणारा चुलतभाऊ फुकट शिवून द्यायचा. कधी कधी जेवणाचा डबा नसायचा, तेव्हा शिक्षक आपल्या डब्यातील अर्धी भाकरी मोडून द्यायचे. विना वेतन काम करणाऱ्या या शिक्षकांनी मला कुटुंबातील घटक बनवले. कधी कधी वर्गातील मुले- मुली जेवणाचा डबा पुरवायची. काही मित्र जुने कपडे देत असत. या शाळेतील शिक्षक माझ्यासाठी फार मोठे उर्जास्रोत बनले.

मला स्वतःला कमी ऐकू येते. त्यामुळे रोज शिक्षण घेताना वर्गातील इतर मुलांनी आणि मुलींनी अभ्यासासाठी जी मदत केली त्याला तोड नाही. माझा अभ्यास मागे राहणार नाही याची त्यांनी सतत काळजी घेतली.

माझ्या ११ वी, १२ वी आणि डी. एड. च्या शिक्षणासाठी या शिक्षकांनी आणि माझे आते भाऊ श्री. पोपट हांडे यांनी मदत केली. डी.एड.ला असतानाच माझे लग्न झाले. मला जि.प. अहमदनगर च्या जामखेड तालुक्यातील पिंपळगाव उंडा या ठिकाणी नोकरी मिळाली. तिथे मी सकाळी साडे आठ पासून संध्याकाळी सहा पर्यंत शाळेत काम करायचो. शाळेतील सहकारी खूप चांगले होते. त्यांनी मला स्पर्धा परीक्षा देण्यासाठी प्रेरित केले. त्यासाठी मुक्त विद्यापीठातून बी. ए. केले. नंतर माझी श्रीगोंदा तालुक्यात बदली झाली. माळवाडी (अजनुज) या ठिकाणी काम करताना तेथील सहकारी शिक्षक मला स्पर्धा परीक्षा देण्यासाठी प्रोत्साहन देत होते. तेथे मी पहिल्या प्रयत्नात एमपीएससी परीक्षा पास झालो आणि सध्या जळगाव येथे सहायक विक्रीकर आयुक्त म्हणून मी काम करत आहे.

२०१३ पासून मी युपीएससी परीक्षा देण्याची तयारी सुरु केली. या परीक्षेची तयारी मी स्वतः घरी जळगाव येथे केली. मी कुठे हि क्लास लावला नाही. माझे मित्र श्री. विजय कुलांगे आयएएस आणि श्री. समाधान महाजन, सहायक विक्रीकर आयुक्त, नाशिक यांनी याबाबत सतत प्रोत्साहन आणि मार्गदर्शन केले. हा माझा सलग पूर्व, मुख्य परीक्षा, आणि मुलाखतीचा तिसरा प्रयत्न होता. युपीएससीच्या परीक्षा तंत्रास आणि निवड पध्दतीस देवू तेवढी दाद हि कमीच पडेल. आपल्यात काहीतरी विशेष आणि प्रशासन चालवण्याची कुवत असल्याशिवाय आणि ती येईपर्यंत आपण पुढे जावू शकत नाही. म्हणून माझ्यासारख्या सालगड्याच्या आणि शेतमजुराच्या मुलाला धोलपुर हाऊसच्या गेटमधून सलग तीन वेळा मुलाखतीसाठी जाण्याची संधी मिळाली, कि ज्यासाठी लाखो मुले रात्रंदिवस मेहनत करतात. माझ्या कार्यालयातील वरिष्ठ अधिकारी, सहकारी यांचे अतिशय मोलाचे सहकार्य लाभले.

या सर्व प्रवासात पत्नी सौ. सविता आणि मुले चि. अश्विन आणि कु. तनुजा यांनी यांनी स्वतः च्या इच्छा, आकांक्षा यांना मुरड घातली आणि मला सतत अभ्यास करण्यास साह्य केले. आयुष्यातील विविध संकटे आणि अडचणी, दोन वेळा युपीएससी नापास होण्याचा धक्का पचवणे तिच्याशिवाय शक्य नव्हते. या तिघांच्या सहकार्याशिवाय माझा हा प्रवास पूर्ण झाला नसता. निकाल जाहीर झाल्यावर पत्नी आणि मुले हरखून गेली आहेत. सर्वत्र अभिनंदनाचा होणारा वर्षाव आणि कौतुक आणि त्यांच्या डोळ्यांतून दिसते आहे.

नानाला तर आकाश ठेंगणे झाले आहे. येणाऱ्या- जाणार्या प्रत्येक व्यक्तीला ते माझा भाऊ कलेक्टर झाला असे सांगतात. पेपरात येणाऱ्या माझ्या फोटोला किंवा बातमीला ते पाहू शकत नाहीत. पण लोकांकडून ऐकून त्यांना खूप आनंद होतो आहे. सालगडी म्हणून काम केलेल्या नानांना माझा पोरगा कलेक्टर झाला हे सांगताना दृष्टी गमावून पांढऱ्या पडलेल्या डोळ्यांतील पाणी रोखता येत नाही. आई हे कौतुक ऐकू शकत नाही, पण पेपरातील फोटो पाहून ती हरखून जाते. कौतुकाने तिच्या डोळ्यातून पाणी येते. आयुष्यातील मिळवलेले यश पाहून ते कृतकृत्य झाले आहेत. निरक्षर असलेले माझे भाऊ बहिणी वर्तमानपत्रातील फोटोकडे फक्त पाहतात. त्यात काय लिहिले हे त्यांना वाचता येत नसले तरी त्यातील मजकूर काय असेल या कल्पनेने ते भारावले आहेत. नेहमी चांगल्या गोष्टींचा पाठलाग करण्याची प्रेरणा देणारे आणि प्रतिकूल परिस्थितीत टिकून राहण्याची अंगभूत आदिम शक्ती असणारे असे हे माझे जगावेगळे आई वडील आणि कुटुंबीय आहेत. त्यांच्या या संघर्षमय आयुष्याला माझा सलाम.

- श्री. विष्णू हरिभाऊ औटी
सहायक विक्रीकर आयुक्त
UPSC 2015 रँक १०६४
-------------------------------------------------------------------------------
चला घडवूया साक्षर, संपन्न आणि समृद्ध महाराष्ट्र “नवी अर्थक्रांती” सोबत
लाईक करा : facebook.com/naviarthkranti

#विष्णूऔटी #कलेक्टर #आयएएस Vishnu Auti

👉 स्टार्टअपसाठी सर्व मदत- .co
📚 उद्योगविषयक पुस्तकं
👉 मोफत व्यवसाय मार्गदर्शन
🎯 मिशन : १ लाख उद्योजक
👇 ⁣पुस्तकं, वेबसाईट, WhatsApp ग्रुप
heylink.me/Naviarthkranti

24/02/2018

Inspirational story..,

29/12/2017

*How to join NDA (National Defence Academy)?*
तयारी एन.डी.ए ची…!!!

(ही माहिती जास्तीत जास्त मराठी विद्यार्थी आणि पालकांपर्यंत पोहोचण्यासाठी शेअर करा. जेणेकरून महाराष्ट्रातील अधिकाधिक तरुणांना लष्करात अधिकारी होण्याबद्दल माहिती मिळेल.

देशासाठी काहीही करण्यासाठी आजची तरुण पिढी तयार आहे. देशाच्या संरक्षणासाठी आणि सन्मानासाठी काहीतरी करुन दाखवण्याची उर्मी या तरुणांमध्ये असते. मग देशाचे संरक्षण करण्याबरोबरच एक अत्युच्च प्रतीची जीवनशैली जगण्याचा सर्वोत्तम पर्याय म्हणजे भारतीय सैन्यदलांत म्हणजेच लष्कर, नौदल किंवा हवाई दलात अधिकारी होणे…!!! आज संपूर्ण भारतातील लाखो तरुण भारतीय सैन्यदलांत अधिकारी होण्याचं स्वप्नं उराशी बाळगून असतात. आणि संपूर्ण देशही सर्व प्रकारच्या आपत्कालीन स्थितीमध्ये आपल्या संरक्षणदलांच्या भरवश्यावर निश्चिंत असतात. मग तो एखादा अतिरेकी हल्ला असो किवां देशाने नुकताच अनुभवलेला चेन्नई सारखा महापूर असो किंवा ढासळलेली कायदा व सुरक्षा स्थिती असो…. कोणत्याही आपत्कालीन स्थितीमध्ये एकदा का लष्कराने तेथील स्थितिचा ताबा घेतला की सर्वसामान्य नागरिकांच्या मनात सुरक्षेची भावना निर्माण होते.

भारतीय संरक्षण दले देखील वेळोवेळी आपल्या देशातील तरुणांना लष्करी अधिकारी होण्याची संधी देत असतात. आज आपण आंतरराष्ट्रीय पातळीवर ख्याती प्राप्त संस्था "राष्ट्रीय संरक्षण प्रबोधिनी" म्हणजेच "National Defence Academy (NDA) / एन.डी.ए." च्या पात्रता, निवड प्रक्रिया व निवड झाल्यानंतरचे प्रशिक्षण या बद्दल माहिती पाहणार आहोत. भारतीय लष्कर, नौदल व हवाई दलात अधिकारी होण्याची पूर्व तयारी संरक्षण मंत्रालयाच्या अखत्यारीत असलेल्या एन.डी.ए., खडकवासला, पूणे येथे करवून घेतली जाते.

*पात्रता:*
*शैक्षणिक पात्रता:*
एन.डी.ए. मध्ये दाखल होतांना उमेदवार १२वी उत्तीर्ण असायला हवा. अर्ज करण्यासाठी विद्यार्थी १२वीत शिकत असावा अथवा १२वी उत्तीर्ण असावा. एन.डी.ए. च्या आर्मी शाखेसाठी उमेदवार १२वी च्या कला, विज्ञान किंवा वाणिज्य शाखेचा असावा. आणि हवाई दल व नौदल शाखेसाठी उमेदवारने १२वी ला गणित व भौतिकशास्त्र (Maths आणि Physics) हे विषय घेतलेले असावे.

*वयोमर्यादा:*
एन.डी.ए मध्ये दाखल होतांना उमेदवारांचे वय - साडे सोळा ते साडे एकोणीस (Sixteen and Half to Nineteen and Half) दरम्यान असावे.

*निवड प्रक्रिया:*
एन.डी.ए मध्ये दाखल होण्याचा एकमेव मार्ग म्हणजे केंद्रीय लोकसेवा आयोगा मार्फत घेतली जाणारी प्रवेश परीक्षा व त्यानंतर होणारी सर्व्हिसेस सिलेक्शन बोर्ड (SSB) मुलाखत उत्तीर्ण करणे हा होय.

*प्रवेश परीक्षा:*
एन.डी.ए ची प्रवेश परीक्षा वर्षातून दोनदा, एप्रिल व सप्टेंबर महिन्यात घेतली जाते. यासाठी महाराष्ट्रात मुंबई व नागपूर हे दोन केंद्र असतात. या परीक्षेसाठी दोन पेपर्स असतात त्यात पहिला पेपर गणित (३०० गुण) व दुसरा पेपर सामान्य अध्ययनाचा (६०० गुण) असतो. एकूण ९०० गुणांची परीक्षा होते. या दोन्ही पेपर्ससाठी प्रत्येकी अडीच तासांची वेळ असते. संपूर्ण परीक्षा ही बहुपर्यायी स्वरूपाची असते. दोन्ही पेपर्स हे एकाच दिवशी घेतले जातात. गणित या विषयासाठी इ. ११वी व १२वी चा अभ्यासक्रम असतो तर सामान्य अध्ययन या पेपर मध्ये इंग्रजी, फिजिक्स, केमिस्ट्री, इतिहास, भूगोल, बायोलॉजी, भारतीय राज्यघटना व चालू घडामोडी इत्यादी विषय सामाविष्ट असतात. परीक्षा झाल्यानंतर साधारणता तीन महिन्यांनी निकाल जाहीर केला जातो. जे उमेदवार लेखी परीक्षा उत्तीर्ण होतात त्यांना सर्व्हिसेस सिलेक्शन बोर्ड (SSB) मार्फत मुलाखती साठी बोलावले जाते.

*सर्व्हिसेस सिलेक्शन बोर्ड (SSB) मुलाखत:*
भारतीय सैन्यदलांत अधिकारी होऊ इच्छिणार्या सर्व तरुणांना ही मुलाखत उत्तीर्ण होणे अनिवार्य असते. या मुलाखतीचे वैशिष्ट्य म्हणजे ही मुलाखत ५ दिवस चालते. मुलाखत दोन टप्यांत घेतली जाते.

*पहिला टप्पा:*
या टप्यास स्क्रिनिंग टेस्ट असेही म्हणतात. यात बुद्धिमत्ता चाचणी, दाखवलेल्या चित्रावरून गोष्ट लिहिणे व त्या चित्रावर गटचर्चा करणे यांचा समावेश असतो. जे उमेदवार पहिल्या टप्यात उत्तीर्ण होतात त्यांनाच दुसर्या टप्यासाठी प्रवेश मिळतो. बाकीचे उमेदवार त्याच वेळी निवड प्रक्रियेतून बाहेर पडतात.

*दुसरा टप्पा:*
या टप्यात उमेदवारांच्या मानसशास्त्रीय चाचण्या, ग्रुप टास्क्स (Group Tasks) व वैयक्तिक मुलाखत यांचा समावेश असतो. मानसशास्त्रीय चाचण्यांमध्ये दिलेल्या चित्रांवरून गोष्ट लिहिणे, दिलेल्या शब्दांवरून वाक्य तयार करणे. दिलेल्या विविध परिस्थितींमधून मार्ग कसा काढणार हे लिहिणे तसेच स्वत:बद्दलचे मत लिहिणे या लेखी चाचण्यांचा समावेश असतो. ग्रुप टास्क्स मध्ये विविध प्रकारच्या सांघिक व वैयक्तिक चाचण्या घेतल्या जातात. यात उमेदवार विविध अडथळे एक संघ म्हणून कसे पार करतात हे पाहिले जाते. तसेच उमेदवार एक संघ नायक म्हणून कश्याप्रकारे काम करतो हे देखील पाहिले जाते. याच बरोबर येथे गट चर्चांचाही समावेश असतो. या सर्व गट चर्चा इंग्रजी मध्ये होतात. वैयक्तिक चाचण्यांमध्ये दिलेल्या विषयांमधील एका विषयावर तीन मिनिटे भाषण करणे, तसेच जमिनीवरचे विविध अडथळे तीन मिनिटात पार करणे अशा चाचण्यांचा समावेश असतो. हवाई दलात वैमानिक होऊ इच्छिणार्या उमेदवारांची Pilot Aptitude Battery Test (PABT) ही आणखी एक चाचणी होते.
मुलाखतीच्या शेवटच्या दिवशी म्हणजेच पाचव्या दिवशी निकाल जाहीर केला जातो. जे उमेदवार मुलाखत उत्तीर्ण झाले असतील त्यांची पुढील काही दिवस वैद्यकीय चाचणी घेतली जाते. यानंतर एक अंतिम गुणवत्ता यादी प्रकाशित करून अंतिम निवड झालेल्या उमेदवारांना एन.डी.ए च्या आर्मी, नौदल किंवा हवाई दल या शाखांत आपल्या आवडीनुसार आणि अंतिम गुणवत्ता यादीतील स्थानानुसार प्रवेश दिला जातो.

*एन.डी.ए. मधील प्रशिक्षण:*
एन.डी.ए. मधील प्रशिक्षण कालावधी हा बी. एस. सी. तीन तर बी. ई. चार वर्षांचा असतो. येथे विद्यार्थी आपल्या पदवी अभ्यासक्रमाबरोबरच खडतर शारीरिक व मिलिटरीचे प्रशिक्षणही पूर्ण करतात. एन.डी.ए. मधील बी. एस. सी. चा तीन वर्षांचा कालावधी हा सहा टर्म मध्ये विभागलेला असतो तर बी. ई. 8 टर्म मध्ये.
येथील प्रशिक्षणात ७०% भर अभ्यासावर तर ३०% भर हा शारीरिक प्रशिक्षणावर असतो. येथे प्रवेश मिळालेल्या विद्यार्थ्यांची विविध स्क्वाड्रन्स मधे विभागणी केली जाते. हे स्क्वाड्रन्स हेच पुढील तीन वर्ष या विद्यार्थ्यांचे घर असते. प्रशिक्षणात विद्यार्थ्यांची नियमितपणे परेड, पोहणे, विविध खेळांची तयारी करवून घेतली जाते. या प्रशिक्षणात येथे दाखल झालेल्या सर्व विद्यार्थ्यांचे एका १२वी पास विद्यार्थ्यामधून भविष्यातील लष्करी अधिकार्यामधे रुपांतर केले जाते. एन.डी.ए. चे तीन / चार वर्षांचे प्रशिक्षण यशस्वीरित्या पूर्ण केलेले कॅडेट्स आणखी एक वर्षाचे प्रशिक्षण पूर्ण झाले की आर्मी, नौदल किंवा हवाई दलात अधिकारी होतात. एन.डी.ए. च्या माजी विद्यार्थ्यांनी पुढे जाऊन अधिकारी पदावर काम करत असतांना नेहमीच आपल्या देशाची व त्यांना घडविलेल्या प्रशिक्षण संस्थेची मान आणि शान उंचावली आहे. या संस्थेने आजवर देशाला दिलेल्या हजारो दर्जेदार अधिकार्यांपैकी अनेक अधिकार्यांना त्यांनी दाखविलेल्या अतुलनीय शौर्या बद्दल विविध शौर्य पुरस्कारांनी गौरविण्यात आले आहे. भारताचे पहिले अंतराळवीर स्क्वाड्रन्स लीडर राकेश शर्मा (अशोक चक्र) हे देखील एन.डी.ए. च्या ३५व्या तुकडीचे विद्यार्थी होते. १२वी नंतर करिअर करण्यासाठी एन.डी.ए. हा सर्वोत्तम पर्याय आहे.

*सैन्यदलांत अधिकारी होण्याचे फायदे:*
एक सैन्य अधिकारी म्हणून काम करत असतांना तरुणांना विविधतेने नटलेला आपला संपूर्ण देश पहाण्याची तसेच कामानिमित्त विदेशात जाण्याचीही संधी मिळते. सर्व प्रकारचे साहसी खेळ उदा. पैरा जंपींग, रिव्हर राफ्टींग, स्कुबा डायव्हिंग, रोप क्लायंबींग, ट्रेकिंग, बर्फावरील स्किईंग तसेच रायफल शुटींग, हॉर्स रायडींग, गोल्फ, पोलो, हॉकी, फुटबॉल व इतर सर्व खेळ खेळण्याची संधी मिळते.
सातव्या वेतन आयोगा नुसार दरमहा पगारा व्यतिरिक्त इतर भत्ते, रहाण्यासाठी क्वार्टर्स, सी.एस.डी. कॅन्टिनची सुविधा, पेन्शन तसेच वर्षात भरपूर रजा, अभ्यासासाठी पगारी रजा, देश पातळीवर नावाजलेल्या मैनेजमेंट कॉलेज मध्ये उच्च शिक्षण घेण्यासाठी राखीव जागा इ. सुविधा मिळतात. येथील अधिकार्यांना जगातील नवीन तंत्रज्ञान हाताळण्याची संधी मिळते. अतिप्रगत बंदुका, नौदलातील लढाऊ जहाजे, पाणबुडी तसेच हेलीकॉप्टर व ध्वनिपेक्षाही वेगाने उडणारे लढाऊ विमाने चालविण्याची संधी मिळते. सर्वात महत्वाचे म्हणजे येथे काम करण्याचे समाधान मिळते.

*अर्ज कधी करावे:*
जून मध्ये १२वी ला प्रवेश घेणारे तसेच १२वी उत्तीर्ण होणारे विद्यार्थी जून महिन्यात एन.डी.ए. च्या प्रवेश परीक्षेसाठी ऑनलाइन अर्ज करू शकतात. त्यांची एन.डी.ए. प्रवेशासाठी परीक्षा दि. सप्टेंबर मध्ये घेण्यात येईल. या विद्यार्थ्यांनी आपली ११वीची किंवा १२वी ची परीक्षा झाल्यानंतर लगेच मे महिन्यापासून एन.डी.ए. च्या प्रवेश परीक्षेची आणि मुलाखतीची अंतिम तयारी सुरु करायला हवी. यंदा १२वीला शिकत असलेल्या ज्या विद्यार्थ्यांनी एन.डी.ए. साठी अर्ज केला आहे त्यांची प्रवेश परीक्षा एप्रिल मध्ये घेण्यात येइल. या विद्याथ्यांना १२वी ची परीक्षा झाल्यानंतर जो वेळ मिळेल त्याचा उपयोग त्यांनी एन.डी.ए. च्या तयारीसाठी करावा.

*शालेय विद्यार्थ्यांसाठी:*
सध्या शालेय शिक्षण घेत असलेले विद्यार्थी पुढील मार्गांनी एन.डी.ए. मध्ये दाखल होऊ शकतात.

एन.डी.ए प्रवेश परीक्षा व मुलाखतीची तयारी करवून घेण्यासाठी शासनाने विविध संस्थांची स्थापना केलेली आहे. या काही दर्जेदार शिक्षण देणार्या सर्वोत्तम संस्थापैकी काही संस्थांची थोडक्यात माहिती:

१. *सैनिक स्कूल, सातारा: ५वी व ८वी च्या विद्यार्थांसाठी:*
येथे विद्यार्थ्यांना इ. ६वी व ९वी साठी प्रवेश देण्यात येतो. येथे विद्यार्थी १२वी पर्यंत शिक्षण घेतात. येथे १२वी च्या अभ्यासाबरोबरच एन.डी.ए. प्रवेश परीक्षा व मुलाखतीची तयारी करवून घेतली जाते. येथील प्रवेशासाठी प्रवेश परीक्षा दरवर्षी जानेवारी महिन्यात घेण्यात येते. अर्ज करण्यासाठी इ. ५वी व ८वी मध्ये शिकत असलेले विद्यार्थी पात्र असतात. अधिक माहिती *www.sainiksatara.org* या संकेतस्थळावर उपलब्ध आहे.

२. *राष्ट्रीय इंडीयन मिलिटरी कॉलेज (RIMC), डेहराडून:* ६वी व ७वी च्या विद्यार्थांसाठी:
येथे विद्यार्थ्यांना इ. ८वी साठी प्रवेश देण्यात येतो. येथे विद्यार्थी १२वी पर्यंत शिक्षण घेतात. येथे १२वी च्या अभ्यासाबरोबरच एन.डी.ए. प्रवेश परीक्षा व मुलाखतीची तयारी करवून घेतली जाते. अर्ज करण्यासाठी इ. ६वी व ७वी मध्ये शिकत असलेले विद्यार्थी पात्र असतात. येथील प्रवेशासाठी प्रवेश परीक्षा वर्षातून दोन वेळेस, जून व डिसेंबर महिन्यात घेतली जाते. अधिक माहिती *www.rimc.gov.in* या संकेतस्थळावर उपलब्ध आहे.

३. *सर्व्हिसेस प्रिपरेटरी इंस्टिट्यूट (SPI), औरंगाबाद: १०वी च्या विद्यार्थ्यांसाठी:*
या संस्थेची स्थापना महाराष्ट्र शासनाने केवळ महाराष्ट्रीयन मुलांसाठी केली गेलेली आहे. येथे विद्यार्थ्यांना इ. ११वी साठी प्रवेश देण्यात येतो. येथे विद्यार्थी १२वी पर्यंत शिक्षण घेतात. येथे ११वी व १२वी च्या अभ्यासाबरोबरच एन.डी.ए. प्रवेश परीक्षा व मुलाखतीची तयारी करवून घेतली जाते. आजवर या संस्थेने देशाला ४०० पेक्षा अधिक सैन्याधिकारी दिले आहेत. या संस्थेसाठी १०वीत शिकत असलेल्या मुलांकडून (पुरुष उमेदवार) अर्ज मागविण्यात येत आहेत. अर्ज करण्यासाठी विद्यार्थ्यांनी दि. २८ फेब्रुवारी पर्यंत आपले अर्ज संस्थेमध्ये पाठवावे. प्रवेश अर्ज व परीक्षा फी भरण्यासाठीचे बँकेचे चलन *www.spiaurangabad.com* या संकेतस्थळावर उपलब्ध आहेत. येथील प्रवेशासाठी प्रवेश परीक्षा व मुलाखत एप्रिल व मे मध्ये घेण्यात येईल.

अनेक पालकांची आपल्या पाल्याला एन.डी.ए. मध्ये पाठविण्याची इच्छा असते. परंतु योग्य मार्ग माहीत नसल्यामुळे त्यांचे पाल्य एन.डी.ए. प्रवेशास मुकतात. बर्याच पालकांचा असा गैरसमज असतो की एन.डी.ए ला जाण्यासाठी घोडसवारी, रायफल शुटींग जमणे किंवा जिमला जाणे आवशक आहे. परंतु वरील माहिती वरून आपल्या लक्षात येईल की एन.डी.ए. च्या लेखी परीक्षेसाठी ११वी व १२वी च्या अभ्यासाला अनन्यसाधारण महत्व आहे. तसेच मुलाखत उत्तीर्ण करण्यासाठी इंग्रजी भाषेवर प्रभुत्व मिळवून एखादा सांघिक खेळ खेळून आपले नेतृत्व गुण विकसित करणे आवश्यक आहे. विद्यार्थ्यांनी रोज थोडावेळ मैदानात जाऊन व्यायाम केला किंवा नियमितपणे मैदानात एखादा सांघिक खेळ खेळला तरीही असे विद्यार्थी एन.डी.ए. निवडी मधील सर्व शारीरिक चाचण्या पूर्ण करू शकतात. एक गोष्ट मुद्दाम नमूद करावीशी वाटते की एन.डी.ए. ला निवड झालेले बरेचशे विद्यार्थी हे सर्वसाधारण कुटुंबातील तसेच कोणत्याही प्रकारची लष्करी पार्श्वभूमी नसलेली असतात. एन.डी.ए. मध्ये फक्त लष्करी अधिकार्यांचेच मुले सिलेक्ट होतात हा देखील एक गैरसमज अथवा न्यूनगंड आहे. गुगल वर थोडा शोध घेतला की लक्षात येईल की एका सर्वसाधारण रिक्षा चालकाचा मुलगा, शेतकर्याचा मुलगा, प्राथमिक शिक्षकाचा मुलगा, पोलिस हवालदाराचा मुलगा असे बिगर लष्करी पार्श्वभूमी असलेले असंख्य मुले एन.डी.ए. मध्ये दाखल होऊन आज लष्करात अधिकारी पदाच्या मोठ्या हुद्यावर आहेत. तेव्हा विद्यार्थी मित्रांनो, निर्णय घ्या, एन.डी.ए. ला जाण्याचे आपले ध्येय्य निश्चित करा आणि लागा तयारीला....👍
🇮🇳जयहिंद 👋👮🏼

Sainik school in India, Sainik School Satara, Sainik School in Maharashtra, Army School, NDA, Defense academy,Sainik School,Sainik Schools society, Sainik satara,Satara

16/11/2017

06/11/2017

Inspirational story # # #👍

10/09/2017

Must read # # #👍

Varanasi girl Artika Shukla, 25, cracked prestigious Civil Services Exam and one of the toughest exams and made her city proud by securing fourth rank in