24/04/2025
فيه نساء كثير بشوفهن يوميًا – ذكيات، شغوفات، مبدعات –
بس لما نحكي عن "شو بتحلمي تعملي؟"
يطلع معاها جملة مؤلمة:
"بس أنا ما بستاهل"
أو:
"مين أنا علشان أطلب راحة؟"
أو:
"حاسه حاله مدلله اذا بحكي عن احلامي"
فيه كأنّه صوت داخلي بيقول:
"لازم أتعب، أعاني، أشتغل شغل بكرهه،
علشان أستاهل شوية أمان أو استقرار."
وهاد صوت طبيعي لانو اغلبنا كبرنا على مفهوم
الشغل هو المحل اللي بجيب مصاري ومش بالضرورة
يكون ممتع.
بس مش بالضرورة تكملي حياتك بهاد الشعور.
حقك تقومي كل يوم بشغف وتشوق وبشعور انجاز.
حقك تكوني راضيه عن حياتك.
