28/04/2023
DILEMA INDIT KAPASANTREN
Gogoda nu di hadapi antum pikeun balik deui kapasantren teh beurat,
1. Gogoda kacanduan hape, khusu' maen game, nepika biasa gadang tengah peuting, bahkan wani noler-noler sholat, kari-kari di pasantren mah teu di menangkeun mawa hape teh
2. Gogoda bobogohan, komo keur reresepna Tetelponan, Chatan jeng lawan jenis, anu mana eta teh can tangtu pijodoheun, sedengkeun waktu libur tereh beak
3. Gogoda ti kolot sorangan, nempo kolot geringan, katambah kolot laporan keur hese ngala duit, hal ieu anu matak beurat indit ka pondok
4. Gogoda ti babaturan, pedah nempo balad geus sukses, geus boga penghasilan sorangan, padahal tanyakeun ka balad ente anu gawe, saenyana di gawe can pas waktuna mah leuwih cape, sabab pangalaman jeng umur can saimbang
5. Gogoda ti keluarga pedah umur geus kolot, masantren geus lila, tapi can boga gawe, can nikah wae, ulah sok riweuh! nu ngatur jodo mah Allah lain omongan keluarga,
6. Gogoda hoream nalar, hoream ngaji, hoream di atur, hayangna bebas jiga manuk piit,
Waspadalah, buka hatena, sing sadar kana tujuan hirup, mulyakeun hirup ku ilmu jeng amalna, tong ereun ngaji, Bismillah berangkat deui ka pasantren ka medan perjuangan
