Université Publique du Sud Aux Cayes-UPSAC

[ACTIVITÉS 2]

📻✨ UPSAC EN RÉTRO 2026 : Retour aux sources, cap sur l’excellence ! ✨📻

La promotion JUSTA NOVA vous invite à vivre une expérience unique à travers UPSAC en Rétro – Old School, une immersion dans l’ambiance des années 80-90 où culture, histoire, divertissement et esprit universitaire se rencontrent.

🗓 Date : 12 juin 2026
🕙 Heure : 10h00 AM
📍 Lieu : UPSAC, Campus Laborde

Au programme :
🎶 Rara traditionnel
🎧 Animation DJ
👔 Défilé rétro
🎭 Théâtre
🍛 Exposition de mets créoles
📸 Découverte et valorisation de notre patrimoine culturel

Sortez vos plus belles tenues vintage et rejoignez-nous pour une journée riche en couleurs, en souvenirs et en convivialité.

🎟 Admission : 250 Gourdes

UPSAC en Rétro 2026 : une célébration de notre identité, de notre culture et de notre héritage.

🎙️📼✨

[AKTIVITE 1]

Inivèsite Piblik Sid nan Okay kontan anonse w nan jou ki ap vandredi 12 jen 2026 la, l ap resevwa final rejyonal blòk sid aktivite Inivèsite Piblik Depatmantal yo. Ap genyen 2 gwo aktivite :

1️⃣ Final Tounwa Foutbòl ki opoze " UPSAC kont UPNip"
🕖 8 è - 10 zè nan maten

2️⃣ Final konkou elokans lan ki ap opoze "UPGA kont UPNip"

🕚 11 zè nan maten- 1 è apremidi

Inivèsite a ap kontan resevwa w nan aktivite sa yo.

Inivèsite Piblik Sid nan Okay(IPSOK) kontan anonse, jodi vandredi 22 me 2026 la Etidyan Joseph Wilvy Louis soutni premye menwa kreyòl nan Fakilte Syans Jiridik e dezyèm memwa kreyòl nan inivèsite a.

Wilvy te soutni sijè : Dwa lengwistik Jistisyab yo devan lajistis nan peyi a : ka Jistisyab yo nan jiridiksyon Tribinal premye enstans Okay la, 2022-2024

Devan yon Jiri ki genyen :
▫️Mèt Anthony Gédeon , Dwayen FSJ a, prezidan jiri a.
▫️Pwofesè Pierre-Michel Laguerre, vis Rektè Rechèch nan Inivèsite a, Lektè kritik.
▫️Pwofesè Jean Ronald Rigeaud, avoka nan jiridiksyon okay la, Pwofesè nan inivèsite a, direktè memwa.

Apre evalyasyon jiri a, yo dakò aksepte travay la e yo bay Joseph Wilvy Louis nòt 85/100. Kounyeya, li se yon lisansye nan dwa.

[NOTE DE SYMPATHIE]

Le Secrétariat Général de l’Université Publique du Sud Aux Cayes (UPSAC) a appris avec une profonde tristesse le départ tragique de l’étudiant JEAN-CHARLES Berthoo Juliano Gassendy, étudiant en première année à la Faculté des Sciences Juridiques (FSJ), survenu le 19 mai 2026.

Cette disparition prématurée affecte douloureusement l’ensemble de la communauté universitaire, particulièrement la Faculté des Sciences Juridiques, qui perd un jeune étudiant porteur d’espérance et animé par l’ambition noble d’embrasser la profession d’avocat, en cette date hautement symbolique commémorative de la Journée des avocats.

En cette circonstance profondément éprouvante, l’UPSAC exprime ses sincères et attristées sympathies à sa famille biologique, à ses proches, à ses amis, ainsi qu’au Décanat de la Faculté des Sciences Juridiques.

Le Secrétariat Général s’associe au deuil qui frappe la communauté universitaire et invite chacun à garder en mémoire le passage de ce jeune étudiant dont les aspirations académiques et professionnelles demeureront un témoignage de courage et d’espérance.
Que sa mémoire demeure vivante au sein de notre institution.

Les Cayes, le 22 mai 2026

[Retou sou Imaj]

Nan dat ki te vandredi 8 me 2026 la, tankou sa te anonse, Inivèsite Piblik Sid nan Okay te gen plezi akeyi lansman konkou elokans Inivèsite Piblik Depatmantal yo pou blòk Sid la.

Pou lanse jounen an, apre yo te fin chante IM Nasyonal peyi a, Sekretè Jeneral la, madam Jeanette P. Charles te pran lapawòl pou l swete byenvini ak tout delagasyon yo nan depatman sid la. Apre li, responsab vi etidyan yo, mesye Pierre Guerson Gervais te esplike ansanm aktivite IPD yo mete sou pye pandan aktivite 20 lane a. Pou fini ak premye pati aktivite a, Rektè Inivèsite Piblik Sid nan Okay la, mesye Jules Édouard (Ph.D) te pran lapawòl pou l montre jan li satisfè e kontan wè Inivèsite Piblik Depatmantal yo ap avanse chak jou pou pi devan.

Dezyèm pati aktivite a te chita sou konkou elokans lan. Li te genyen de tou ladan li.

▫️Nan premye tou a :

🔸️UPSEJ vs UPNip = Viktwa UPNip

🔸️UPSAC vs UPGA =Viktwa UPGA

▫️Nan dezyèm tou a

🔸️UPGA vs UPSEJ = Viktwa UPSEJ

🔸️UPNip vs UPSAC = Viktwa UPNip pa fòfè.

Apre tout analiz ki fèt sou match yo se ekip UPNip lan ak ekip UPGA ki pral fè final pou rejyon sid la nan sa ki gen pou wè ak konkou elokans lan.

Responsab Inivèsite yo te kontan wè youn lòt nivo talan ki genyen andedan IPD yo e ki bon lavni ki ka louvri sou peyi a si yo jwenn bon jan ankadreman.

NB : 1) imaj sa yo konsène sèlman jounen 8 me 2026 la.

2) Yon Afich ap pibliye ak plis detay sou aktivite sila.

Kredi foto : Jephté Simy + SA KAP FET OKAY

[Retou sou Imaj]

Nan jou ki te lendi 27 avril 2026 la, Rektè Inivèsite Piblik Sid nan Okay la, Jules Édouard (Ph.D) te lanse kou pratik yo, sou direksyon madam Jose Edlène, nan " École Hôtelière et Touristique du Sud (EHTSAC) .

Pou okazyon an, Rektè a nan diskou li wete chapo l pou l remèsi doktè Jean-Claude ak tout ekip li pou gwo jefò yo fè pou yo kapab ede l mete kanpe byen djanm yon lekòl otèlri ak touristik nan sid peyi a. Li salye tou, bon travay pwofesè Mikène Simillien ak pwofesè Prospère Dumé ap fè nan lekòl la.

Apre Rektè a te fin pale, Vis Rektè Akademik la Jean Luckner Timogène (Ph.D) te pran lapawòl pou l felisite Dr Jean-Claude ak etidyan yo pou angajman yo te pran pou konkretize pwojè sila. Li fè konprann se yon gwo pa ki fèt e li espere lekòl la ap kontinye sou menm pa.

Sekretè Jeneral la, madam Jeanette Pierre Charles te pran lapawòl tou, li di satisfaksyon l e montre jan li kontan wè etidyan yo ak inifòm chèf yo byen bèl sou yo. Li mande yo pou yo kiltive sans pwofesyonèl menm jan sa ye nan " City University of New York (CUNY)" ki se patnè prensipal Inivèsite Piblik Sid nan Okay nan kad pwojè sila.

Dènye etap la se madam Jose Edlène ki te fè l, li te verifye tout materyèl yo, li te gade fason tout dispozitif pedagojik yo ye epi li louvri kou pratik yo ofisyèl.

Nonsèlman jounen sa make lansman aktivite pratik yo nan EHTSAC, li make tou angajman Inivèsite Piblik Sid nan Okay pou genyen fòmasyon kalite k ap bay andedan peyi a. Inivèsite a angaje l pou l travay pou peyi a nan devlope potansyèl ki genyen lakay chak pitit tè a, li angaje l nan chemen pou bay fòmasyon kalite.

Inivèsite Piblik Sid nan Okay enfòme e envite gran piblik la nan kolonn aktivite k ap fèt pou selebre 20 lane egzistans Inivèsite Piblik Depatmantal yo (IPD), vandredi 8 ak samdi 9 me 2026 sou kanpis Labòd la, depi l fè 8 è nan maten pou rive 5 è nan apremidi. Rasanbleman sa ap fèt nan lide pou make koumansman selebrasyon 20 lane egzistans Inivèsite Depatmantal yo (IPD) k ap bout nan mwa jiyè.

- Nan vandredi 8 me 2026 : rektè yo ap ouvè selebrasyon an. Apre diskou rektè yo, se ap lansman konkou elokans lan. Chak inivèsite gen yon ekip ki reprezante l e ki opoze ak yon lòt ekip.

- Nan samdi 9 me 2026 : ap gen yon tounwa foutbòl ki ap opoze ekip IPD yo ant yo.

Inivèsite Piblik Depatmantal yo se 20 lane aksyon, se 20 lane angajman andedan depatman yo pou devlope potansyèl ki lakay chak grenn pitit tè sa nan lide pou Ayiti ofri yon demen miyò.

🥳🥳bon 20 lane🥳🥳🥳🥳🥳🥳🥳🥳🥳🥳🥳bon 20 lane 🥳🥳bon 20 lane 🥳🥳 bon 20 lane 🥳🥳🥳 bon 20 lane🥳🥳🥳🥳🥳🥳bon 20 lane 🥳🥳🥳