16/05/2026
« Federasyon an salye chak moun kap li mesaj sa a, e adrese pi sensè remèsiman li bay tout ekip yo, jwèz yo, jwè yo, fanatik, staf teknik yo ansanm ak tout lekol ki te patisipe nan chanpyona sa a.
Avèk pasyon nou, lespri fair-play nou ak angajman nou, nou fè sezon sa a tounen yon eksperyans ekstraòdinè, ni sou plan espòtif ni sou plan imen. Chak match, chak efò ak chak moman nou te pataje ansanm te kontribye pou fè pasyon nou pou foutbòl la briye pi plis toujou.
Nou salye tou travay remakab abit yo, antrenè yo, dirijan yo ansanm ak tout moun ki te travay nan lonbraj kou nan solèy pou asire bon dewoulman konpetisyon an.
Foutbòl la rasanble, enspire epi ini, e nou se pi bèl egzanp sa.
Felisitasyon ak tout moun pou devouman nou ak lespri ekip nou.
Viv espò a, viv foutbòl la ! ⚽🏆 »
Mèsi
_Isnord SAINT LOTH, Responsab espò_
