珊瑚學院 Coral Academy

【環境及自然保育基金資助 育養珊瑚校園計劃2026-2027 網上簡介會】

由香港中文大學生命科學學院珊瑚學院主辦嘅「環境及自然保育基金資助 育養珊瑚校園計劃」將會喺2026-2027年度繼續舉行！🙌🏻

為咗令各位未曾參加過計劃嘅學校老師更清楚了解有關育養珊瑚校園計劃2026-2027嘅詳情，我哋將會喺正式開始接受申請之前舉行網上簡介會，畀各位有興趣新參與計劃嘅老師了解喺學校內育養珊瑚所需嘅設備及資源，老師如有任何查詢，亦可以喺簡介會上提出，以便我哋即場為大家解答。

以下係育養珊瑚校園計劃2026-2027網上簡介會嘅詳情：

日期：5月22日（五）
時間：17:00-18:00
形式：ZOOM
對象：過往未參與過計劃，並有興趣申請參與來年計劃嘅本地小學或中學教職員

有興趣參與是次簡介會嘅教職員可以喺5月21日23:59前填妥以下表格，確認報名成功後，珊瑚學院會於5月22日早上將簡介會嘅ZOOM鏈結經電郵發出俾各教職員。

網上簡介會報名表格鏈結：
https://forms.gle/LL61L1HP2XkfCYKu7

請留意，以上表格只供報名參與於5月22日舉行之網上簡介會，並非正式申請參與育養珊瑚校園計劃2026-2027之表格，我哋會喺網上簡介會後再公佈正式申請參與計劃之詳情。請大家密切留意我哋嘅Facebook同Instagram！

www.coralacademy.hk

Let‘s explore our amazing underwater life of Hong Kong!
—————————————
We LEARN . We LOVE . We CONSERVE
—————————————
#育養珊瑚校園計劃2026-2027 #珊瑚學院 #中大生命科學學院 #中大理學院 #珊瑚 #珊瑚修復 #氣候行動 #水下生物 #環境及自然保育基金資助 #環保友

[招募 #印洲塘海岸公園 魚類及珊瑚生態調查小組隊長]

🎉 因應首屆海下灣海岸公園公民科學家計劃的成功經驗，珊瑚學院和漁農自然護理署（漁護署）即將於印洲塘海岸公園再度推出全新一屆【公民科學家計劃】，並將於26年3至11月期間聯同本計劃的專家、小組隊長及公眾公民科學家於印洲塘進行潮間帶、珊瑚及魚類的生態調查。 🎉 早前潮間帶調查嘅小組隊長以及公眾調查已經順利進行當中，依家就輪到魚類及珊瑚生態調查喇！

我哋誠邀對海洋科學及保育研究充滿熱誠的公眾參與，一同為香港海洋生態出一分力，並成為魚類及珊瑚調查的小組隊長😎🥳！經過一連串訓練及考核後，將帶領公民科學家進行科研調查。

🔥報名截止日期：2026年5月21日 23:59（入選者將於5月26日或之前收到面試通知）
🔥詳情及報名表格：https://forms.gle/9Zgs3b9r1DPaF7dN8

🤓查詢：
電郵 [email protected]


www.coralacademy.hk

Let‘s explore our amazing underwater life in Hong Kong!
—————————————
We LEARN . We LOVE . We CONSERVE
—————————————

#珊瑚學院 中大生命科學學院 CUHKScience 中大理學院 珊瑚 corals 珊瑚修復 印洲塘海岸公園 公民科學家計劃

AFCD x Coral Academy 印洲塘海岸公園公民科學家計劃 -小組隊長 招募 (第二期: 2026年5-11月) 計劃背景： 印洲塘海岸公園的漁業資源一向豐富。此處的兩個重要生態環境（紅樹林及珊瑚群落）是幼魚及其他海洋生物幼體的孕育場。 由珊瑚學院和漁農自然護理署(漁護署)共同推出的「印洲塘海岸公園公民科學家計劃」，.....

【環境及自然保育基金資助 育養珊瑚校園計劃 2025-2026 到校珊瑚修復講座】

環境及自然保育基金資助 育養珊瑚校園計劃旨在提高參與學校嘅同學對本地珊瑚修復工作及海洋保育嘅認識同關注，計劃除咗提供機會俾學生親身育養本地珊瑚，亦希望將珊瑚保育嘅訊息宣揚俾更多其他校內同學🙌🏻📚

日前，珊瑚學院到訪已連續七年參與計劃嘅沙田循道衛理中學，為逾百位中四級同學舉行珊瑚修復講座💬透過到校講座，讓更多同學得以認識珊瑚及了解珊瑚學院嘅珊瑚修復科研成果，更鼓勵同學喺日常生活中建立環保小習慣，為保護海洋環境及珊瑚出一分力！🪸🌊

www.coralacademy.hk

Let‘s explore our amazing underwater life of Hong Kong!
—————————————
We LEARN . We LOVE . We CONSERVE
—————————————
#育養珊瑚校園計劃2025-2026 #珊瑚學院 #中大生命科學學院 #中大理學院 #珊瑚 #珊瑚修復 #氣候行動 #水下生物 #環境及自然保育基金資助 #環保友 #沙田循道衛理中學

【OceanXplorer 研究團隊及同學到訪香港中文大學】

上星期日，嚟自 OceanXplorer 嘅研究團隊以及同學到訪香港中文大學，同中大一眾海洋研究學者交流，珊瑚學院好開心可以參與其中🙌🏻更有幸可以藉此機會向佢哋介紹珊瑚學院現時採用嘅其中一種珊瑚修復方式——「微切割及融合技術」🪸

珊瑚學院會收集喺野外掉落、存活率相對較低嘅珊瑚碎塊，帶返去中大李福善海洋科學研究中心育養，以期讓碎塊回復健康，及後再將佢哋放返落大海，以修復吐露港嘅珊瑚群落。但由於部份珊瑚嘅生長速度較慢，例如生長形態為團塊形或亞團塊形嘅扁腦珊瑚及濱珊瑚，佢哋緩慢嘅生長速度成為咗目前珊瑚生態系統修復嘅樽頸位。

為咗解決珊瑚生長速度緩慢嘅樽頸，以提供結構複雜嘅棲息地，促進生物多樣性，珊瑚學院採用咗「微切割及融合技術」，將喺野外收集所得嘅珊瑚切割成體積較細嘅珊瑚微碎塊，先將佢哋固定喺六角形底座，等佢哋長大至較大嘅體積之後，就會將佢哋固定到半球體狀嘅人工珊瑚模組之上，令佢哋可以生長同融合成體積更大嘅珊瑚群體！以此技術修復嘅珊瑚，僅以一年嘅時間，就可長大成野外珊瑚耗費九至十年先長成嘅體積，令珊瑚學院可以更有效嘅方式修復吐露港嘅珊瑚群落💪🏻

珊瑚學院喺上星期日特意安排，令 OceanXplorer 嘅研究團隊以及同學可以親身體驗到將珊瑚微碎塊，及喺珊瑚學院實驗室培育出世同長大嘅珊瑚BB固定喺六角形底座上嘅步驟，祝福呢啲珊瑚微碎塊同珊瑚BB可以快高長大，未來為修復吐露港嘅珊瑚群落出一分力！🪸

#珊瑚學院 #中大生命科學學院 #中大理學院 #珊瑚 #珊瑚修復 #微切割及融合技術

【環境及自然保育基金資助 育養珊瑚校園計劃 2025-2026 到校學生技術工作坊】

喺2025-2026年度，我哋有7間學校新加入參與育養珊瑚校園計劃🏫連同繼續參與嘅另外20間曾參加計劃學校，合共有27間中小學嘅同學有機會喺今個學年親身體驗及參與珊瑚修復工作！

珊瑚學院團隊早前已經到訪新參與計劃嘅學校，並舉行咗學生育養珊瑚技術工作坊，透過講解同分組練習，向育養珊瑚團隊同學詳細介紹育養珊瑚嘅注意事項、如何量度珊瑚健康同生長狀況，以及進行育養珊瑚缸水質測試嘅步驟，確保同學掌握日常照料珊瑚嘅要領🪸✍🏻

完成到校學生技術工作坊之後，本來掉落喺大海、存活率較低嘅珊瑚碎塊已經被妥善安置喺各學校新設置嘅育養珊瑚缸內，由育養珊瑚團隊老師及同學一齊合力培育同監察🙌🏻期待佢哋喺學校內健康成長，待他日回歸大海，為修復吐露港嘅珊瑚群落出一分力💪🏻

www.coralacademy.hk

Let‘s explore our amazing underwater life of Hong Kong!
—————————————
We LEARN . We LOVE . We CONSERVE
—————————————
#育養珊瑚校園計劃2025-2026 #環境及自然保育基金資助 #環保友 #珊瑚學院 #中大生命科學學院 #中大理學院 #珊瑚修復

【印洲塘海岸公園公民科學家計劃（第一期）🔥展開招募】

#印洲塘海岸公園公民科學家計劃 又嚟喇！🤩

早前一班小組隊長已經進行咗特訓，準備好喺4-5月帶領公眾喺印洲塘海岸公園進行潮間帶生態調查！

對海洋科學同保育研究有興趣嘅你，就一定要把握機會參加今次公民科學家活動，一齊為科研出一分力🌊！ 📝調查中所得到嘅數據同資料，都有助漁護署進一步保護印洲塘海岸公園嘅生態環境㗎☺️！

🔥報名截止日期：
2026年3月23日（或額滿即止）

✍🏻報名表格：
https://forms.gle/4cX3Tkt9HY8x5Nwn9

🔍查詢：
電郵：[email protected]


Let’s explore our amazing underwater life of Hong Kong!
—————————————
We LEARN . We LOVE . We CONSERVE
—————————————

#漁護署 #珊瑚學院 CUHK cuhksls 中大生命科學學院 CUHKScience 中大理學院 印洲塘 海岸公園 marinepark 公民科學家 citizenscientist 珊瑚 corals 珊瑚修復 CoralRestoration MarineConservation Ecology 生物多樣性 Biodiversity

【《第十五屆全國海洋知識競賽香港區選拔賽決賽暨頒獎典禮》電視特輯】

由崔佩怡博士 Dr. Apple Chui 擔任評判之一嘅「第十五屆全國海洋知識競賽香港區選拔賽總決賽」已經喺一月完滿結束，香港電台特意為是次總決賽製作電視特輯，將精彩紛呈嘅比賽盛況呈現喺大家眼前🏅

香港電台仲邀請咗主辦單位代表同專家接受訪談，令大家可以更加清楚了解比賽嘅宗旨同喺香港推動海洋教育嘅進程🙌🏻

《第十五屆全國海洋知識競賽香港區選拔賽決賽暨頒獎典禮》電視特輯將於聽日（2月28號）傍晚6點半喺港台電視31播出，有興趣嘅朋友記得準時收睇喇！

www.coralacademy.hk

Let‘s explore our amazing underwater life of Hong Kong!
—————————————
We LEARN . We LOVE . We CONSERVE
—————————————
#珊瑚學院 #中大生命科學學院 #中大理學院 #珊瑚 #第15屆全國海洋知識競賽香港區選拔賽

【馬年大吉！🐴】

農曆新年將至，珊瑚學院同屬於海龍魚科嘅黃海馬一齊祝大家馬年快樂、馬到功成、風「珊」水起！㊗️🪸

大家可能都知道，海馬係由雄性負責孵化卵嘅獨特魚類，但你又知唔知道，原來海馬仲有一個好犀利嘅特徵——佢哋能夠隨著環境改變身體嘅顏色，產生保護色效果，輕鬆隱藏喺海草或珊瑚之中！令佢每日都可以出入平安👍🏻🙌🏻

www.coralacademy.hk

Let‘s explore our amazing underwater life of Hong Kong!
—————————————
We LEARN . We LOVE . We CONSERVE
—————————————
#珊瑚學院 #中大生命科學學院 #中大理學院 #珊瑚修復