autismilee 香港自閉症專業治療中心

10/09/2026

小朋友成日將玩具車排到整整齊齊，
係咪就代表有自閉症傾向？🤔

答案係：單靠排列物件，判斷唔到。

一般發展嘅小朋友都可能覺得分類、排序好有趣，例如將同色積木放埋一齊、將動物公仔由高排到矮，或者幫玩具車排隊泊車。排列物件亦可以係探索規律嘅一種玩法。

家長可以再留意以下情況：

1️⃣ 係其中一種玩法，定經常只接受呢種玩法？
每次都用同一方式排列，對方向、次序或距離有固定要求，亦較少自發嘗試其他玩法。

2️⃣ 排列一有改變，係咪特別難適應？
例如有人移動一架車，小朋友一定要即刻放返原位、反覆調整，甚至反應強烈，好難繼續其他活動。

3️⃣ 有冇其他重覆或固定模式？
例如反覆開門閂門、轉動車輪、重複同一句說話或聲音、拍手、搖晃身體等。

4️⃣ 有冇影響日常參與？
例如想同人一齊玩，但較難接受其他人加入；玩具位置稍為改變，就感到焦急或難以繼續玩。

自閉症需要綜合觀察小朋友嘅社交溝通、互動、行為模式同整體發展，唔可以單憑「鍾意排列物件」作判斷。

如果重覆性行為已經影響生活或同人相處，就值得了解小朋友背後嘅需要。

ABA會按小朋友嘅能力同反應，逐步幫助佢：

🌱 增加彈性，練習適應小改變同轉換活動
🧸 擴展玩法，由熟悉興趣慢慢加入新玩法
🤝 建立社交技巧，練習輪流、合作同一齊玩

⭐ ABA個人化訓練｜一星期試堂優惠7折
可彈性選擇 2堂／3堂／5堂

認可ABA治療師｜資深BCBA監督｜彈性選擇堂數

📩 DM「試堂」／WhatsApp 5448 5438
了解如何幫助小朋友更自在地學習、遊玩及參與生活。

#自閉症 #重覆性行為 #排列玩具

08/09/2026

✋🏻 由於幼兒仲未發展好精細動作（例如手指力量、手眼協調）， 太早揸筆寫字可能會令佢覺得辛苦、挫敗， 甚至影響寫字姿勢同手部發展。

建議家長可以透過日常生活同遊戲， 先幫助幼兒打好基礎。

揸筆寫字涉及手部力量、手眼協調、手指控制，以及身體嘅穩定。呢啲能力，可以喺日常遊戲中逐步練習 🌱

今次整理咗12個小遊戲，家長可以按小朋友嘅能力同興趣揀嚟玩👇

🖐️ 手部力量及力度控制
搓捏泥膠｜按壓衣夾｜用滴管運水

👀 手眼協調
練習扣鈕｜練習剪紙｜鈕扣拼圖

🤏 手指靈活度及雙手配合
雙手撕紙｜穿繩｜貼貼紙

🚲 身體平衡及協調
爬木架｜騎平衡車｜踢球

每個活動都可以同時運用多種能力，唔使一次過玩晒，亦唔需要一開始就做到好精準。

例如剪紙可以先由剪一刀開始；鈕扣拼圖可以先自由擺放，再慢慢嘗試簡單圖案。俾小朋友有機會自己試、享受過程，就係好好嘅開始💛

準備寫字可以由遊戲開始，配合自由塗鴉、畫線同畫形狀，逐步累積經驗，唔使急住要求幼兒寫字。

⚠️ 活動須由成人陪同，按孩子能力選擇合適材料。避免使用可能放入口中嘅細小物件；剪紙、攀爬及平衡車活動要使用合適器材，並喺安全空間進行。

📌 收藏呢篇，下次想同小朋友玩時就有靈感！
Follow ，了解更多幼兒發展資訊！

#幼兒發展 #寫前準備 #小肌肉訓練 #精細動作 #手眼協調 #手指靈活度 #大肌肉發展 #親子遊戲 #香港家長 #幼兒學習

06/09/2026

對 ADHD 小朋友嚟講，真正困難嘅地方，未必係「唔明規矩」，而係由 「我知道」變成「我當下做到」 呢一步。

例如：
知道唔可以衝出去，但衝動已經快一步；
知道要排隊、要等老師叫，但「等待」本身已經好考驗控制；
知道玩鉛筆會被記名，但眼前嘅刺激係即時，後果卻要遲啲先發生；
一次過要記住好多規則，仲要專心、抗干擾、記住步驟，負荷亦會愈來愈大。

所以從表面睇，可能好似「故意違規」、「鍾意對抗」，但背後有機會涉及：
🏃 控制衝動較困難
⏳ 等待較吃力
🧠 多步驟指令負荷較大
📣 容易受環境干擾
💢 情緒升高後更難自我控制

要改善情況，重要係先了解：
小朋友究竟卡喺邊一步？

再透過清晰提示、分拆步驟、即時回饋，同真實情境練習，逐步幫小朋友建立跟從規則、自我控制同學校適應能力。

🌱 「種子計劃」ABA體驗週
5日｜每天2.5小時個人化 ABA 訓練
由第一堂開始了解小朋友喺理解指令、專注、等待、情緒及行為控制方面嘅需要，再按實際表現調整訓練方向。

📩 DM / WhatsApp「種子」
了解體驗週時間及詳情

Research references：
Willcutt et al. (2005)
van der Oord & Tripp (2020)
Kasper et al. (2012)
Shaw et al. (2014)

#專注力不足過度活躍症 #守規矩 #特殊教育需要 #香港家長

03/09/2026

autismilee 旗下樂程基金會autismilee foundation 送出迪士尼門票畀SEN家庭🥰🥰(共100張),

記得去 Autismilee Foundation 專頁/IG 完成以下步驟呀!

1️⃣ 追蹤 foundation FB 或 IG Autismilee Foundation

2️⃣ 按讚，分享autismilee foundation送出迪士尼門票貼文 ，並標誌autismilee foundation

3️⃣ 於該貼文留言回答問題：「你最想陪孩子在迪士尼體驗什麼無壓力時刻？」

再填寫網上登記表格就可以加入抽籤喇🥰

🎃【迪士尼萬聖節 SEN 家庭同樂日 ✨ 門票抽籤登記開始！】

十月哈囉喂快到了🎃 樂程基金會（autismilee Foundation）非常榮幸再次獲得 香港迪士尼樂園 | Hong Kong Disneyland 捐贈門票，希望能帶領 SEN 小朋友及家人，一起走進樂園體驗最奇妙、無壓力的萬聖節！

今年我們繼續以「抽籤形式」分配名額，讓每位有需要的家庭都有平等機會入園狂歡！👻

🎈 活動詳情：
活動日期： 2026 年 10 月 11 日（星期日）
門票名額： 共 100 張（每組家庭最多可申請 4 張，3歲以下幼童無需申請門票）
抽籤機制： 如報名人數超出限額，將統一以抽籤方式分配
行政費用： 確定中籤後，每張門票收取 HK$20 行政費 (例：獲批 3 張門票總費用為 HK$60；未中籤者無須繳交任何費用)

📝 簡單 3 步即可參加抽籤：
1️⃣ 追蹤 本專頁 FB 或 IG Autismilee Foundation
2️⃣ 按讚，分享 本則貼文 ，並標誌我們
3️⃣ 留言 回答問題：「你最想陪孩子在迪士尼體驗什麼無壓力時刻？」

完成以上步驟後，請即點擊 https://forms.gle/X7dENuhA1MEigdr88 或掃描海報 QR Code 填寫網上登記表格！

🗓️ 重要日程：
* 網上報名截止： 2026 年 9 月 20 日（23:59）
* 中籤結果公佈： 2026 年 9 月 28 日或之前，將以 WhatsApp / 電郵個別通知中籤家庭繳款及確認名額。

讓我們一起在這個十月，與 #樂程基金會 ，米奇和一班迪士尼惡人共度一個難忘的哈囉威！🌈💙

#迪士尼門票 #萬聖節2026 #免費門票

03/09/2026

🎒 一到校門，小朋友就喊住攬實你、唔肯放手？

小朋友面對陌生環境，同重要照顧者分開時，暫時未建立足夠嘅安全感而感到焦慮係好正常嘅。

面對返學分離焦慮，家長可以試吓：

1️⃣ 提前用故事、相片，幫小朋友做好心理準備
2️⃣ 一齊預演返學同道別嘅情境
3️⃣ 日常安排短暫分離，慢慢延長時間
4️⃣ 讓小朋友帶一件熟悉嘅安撫物返學
5️⃣ 道別時保持簡短、清晰、一致，避免偷偷離開或反覆折返

目標係透過穩定、可預計嘅安排，逐步建立安全感。💛

年幼小朋友喺開學初期出現分離不安並唔少見；但如果情況持續4星期或以上、程度明顯超出同齡小朋友，或者已經影響返學、參與活動及日常生活，就值得進一步了解同尋求專業評估。

點樣分辨「正常適應」同「需要進一步支援」？

💬 留言「分離焦慮」
了解家長需要留意嘅7個訊號。

記得收藏呢個帖文，亦可以分享俾身邊正經歷開學適應期嘅家長。📩

#分離焦慮 #開學 #幼兒教育

01/09/2026

屋企／中心訓練做到，開學後返到真實課室，仲做唔做到？🤔

部分 ASD／自閉症小朋友學習一項能力時，可能會較依賴當時嘅特定線索，例如熟悉嘅治療師、固定嘅指令講法、安靜環境、大人提醒，或者熟悉嘅活動流程。

所以，小朋友喺平時嘅訓練中「做得到」，未必代表換咗人物、地方或情境後，都能夠即時運用。

家長可以留意以下6個觀察位：

1️⃣ 換咗人，仲跟唔跟到指令？
2️⃣ 換咗地方，仲表達到需要？
3️⃣ 換咗講法，仲明唔明白？
4️⃣ 周圍有干擾，仲留意到指令？
5️⃣ 冇人提醒，仲識唔識主動運用？
6️⃣ 活動流程有改變，仲調整到？

幫助小朋友將同一項能力運用喺不同人物、地方及情況中，就係 ABA 常提及嘅「泛化」（generalisation）。

而真實學校課堂仲會有：

👥 全班指令及多人同場
🔊 聲音與環境干擾
💬 不同老師嘅說話方式
🔄 快速轉堂及活動轉換
🤝 難以預計嘅同學反應
⚡ 各種突發情況

部分 ASD 小朋友可能已經學識跟從指令、主動求助、表達需要或情緒調節技巧，但去到課室嘅某個環節，仍然會「卡住咗」，需要有人提示佢將學過嘅方法用出嚟。

影子老師可以喺真實校園環境中：

✓ 找出小朋友未能順利運用能力嘅環節
✓ 困難出現時提供適切提示及引導
✓ 協助將 ABA 訓練中學過嘅技巧帶入課堂
✓ 將校園觀察帶返個人訓練繼續跟進
✓ 隨能力提升，逐步減少提示及支援

影子老師嘅目標唔係長期代替小朋友處理問題，而係協助佢逐步適應課堂、回應老師、與同學互動，並更獨立咁參與校園生活。🌱

📩 WhatsApp／DM「影子」
了解 autismilee 影子老師及校園支援服務

#自閉症 #自閉症支援 # #泛化 #影子老師

28/08/2026

小朋友爭玩具時，大人第一時間點樣回應，可能會影響衝突慢慢降溫，定係繼續升級。

就讓我哋從ABA、兒童發展及心理學角度，整理小朋友發生衝突時，家長可以記住嘅5個提醒👇🏻

1️⃣ 情緒升級前介入

捉緊玩具、不斷重複說話、提高聲線或者愈行愈近，都可能係小朋友情緒升級嘅訊號。

呢個時候拉開距離、重申輪流規則、提示點樣表達或提供等待選擇，更有機會避免衝突升級。

ABA重視「事前預防」（proactive），而唔係等問題發生後先反應（reactive）。

2️⃣ 家長先穩住自己

見到小朋友被搶玩具，家長感到緊張或憤怒好自然。但如果大人嘅聲線同情緒都一齊升級，小朋友可能會更難平靜。

「共同調節」（co-regulation）就係小朋友先借助大人穩定嘅語氣、清楚嘅界線同一致嘅回應，慢慢回復平靜，再逐步建立自己調節情緒嘅能力。

3️⃣ 衝突最初30秒，先確保安全

當小朋友已經拉扯、推撞或大叫，第一步唔係追問「邊個搶先」，而係：

✓ 暫時拉開雙方
✓ 收起或暫停玩具
✓ 等大家平靜後，再了解經過

4️⃣ 爭玩具背後，可能涉及6項能力

表面上只係爭一件玩具，背後可能涉及等待、輪流、表達需要、接受被拒絕、理解別人嘅想法，以及尋求協助。

呢啲能力都需要時間發展，亦需要大人逐步示範同陪小朋友練習。

5️⃣ 大人都在示範小朋友下一次點做

面對分歧時，大人選擇提高聲線同指責，定係先停一停、講清楚需要、聆聽對方同尋求協助，小朋友都可能睇在眼內。

呢個觀點符合社會學習理論中「觀察學習」（observational learning）嘅概念：小朋友會透過觀察別人點樣做，以及行為帶來咩結果，逐步建立自己嘅回應方法。

當大人能夠提早介入、穩定處理，再教小朋友等待、表達、解難同求助，每次衝突都可以變成一次學習機會。

📌 儲存呢5個提醒
下次處理小朋友衝突時，由「確保安全＋協助降溫」開始。

#兒童心理學 #共同調節 #情緒調節 #親子教育 #小朋友社交
33秒

27/08/2026

當家長收到老師電話：「小朋友今日上堂唔合作，或者同同學發生衝突……」家長最心急嘅，往往係自己唔知道當時究竟發生咗咩事，同埋點幫佢。

但小朋友出現情緒或行為之前，可能已經「卡住」咗一段時間：

聽唔明老師要求、未能適應流程改變、與同學出現誤會……如果當下未能讓別人知道自己遇到咩困難、需要咩協助，問題可能持續，情緒負荷亦可能逐步累積。

識得求助，亦唔單止係識講一句「幫我」。

小朋友需要逐步學習：

🔎 察覺自己遇到困難
💭 先嘗試自己處理
👀 找到合適嘅老師或成人
💬 清楚說明情況
🙋 提出需要咩幫助
🔄 對方唔明白時再次表達

影子老師可以喺真實校園情境中，留意小朋友容易「卡住」嘅時刻，在情緒升級前提供合適提示，引導小朋友向老師或同學表達；再隨住能力提升，逐步減少協助。

目標唔係代小朋友解決每一個困難，而係讓佢慢慢學識：

「我遇到咩問題？」
「我可以搵邊個幫忙？」
「我可以點樣表達需要？」

📩 DM「影子」
了解 autismilee 影子老師服務

#影子老師 #自閉症 #特殊教育需要

25/08/2026

對ASD小朋友而言，同一個情緒崩潰(meltdown)，背後原因可以完全唔同。

例如，可能同以下因素有關：

🔊 感官刺激太強
環境太嘈、太光、太多人，或者多種刺激同時出現。

😴 睡眠不足／睡眠不穩定
當身體已經疲倦，日間調節情緒同承受挫折可能變得更困難。

🔄 突然轉變及不確定感
流程改變、活動突然結束，或者唔知道之後會發生咩事，都可能令壓力增加。

💬 聽唔明／表達唔到需要
當小朋友未能理解要求，亦未能表達「幫我」、「唔要」或「我想休息」，壓力可能透過行為表達出嚟。

所以，面對「崩潰」，與其只問：
「點樣可以令佢即刻停？」

更值得了解嘅係：

🔎 之前發生咗咩？
🔎 邊類情境最容易令佢過載？
🔎 係理解、表達、轉換，定係多項負荷已經逐步累積？
🔎 可以點樣幫佢建立更有效嘅應對方法？

🌱 「種子計劃」ABA體驗週
由第一堂開始，從小朋友嘅溝通、理解、情緒及行為情境入手，了解咩情況最容易令佢過載，再按需要提供更合適嘅支援。

📩 DM「種子」了解ABA體驗週
📱 WhatsApp：54485438

#自閉症 #情緒調節 #應用行為分析 #特殊教育需要 #家長支援

23/08/2026

想小朋友開學後，更容易聽明老師指令，再跟住一步步做？🎒

面對老師一句入面有幾個步驟、課室有人講嘢同走動、又要小朋友停低自己想做嘅事去完成要求，背後同時涉及唔同能力。

開學前，家長可以先留意小朋友：

👂 理解指令
單一步驟做到，但兩步、三步就容易漏咗其中一部分嗎？

👀 專注與回應
聽到要求後，可以維持注意並作出回應嗎？

🏫 面對環境干擾
安靜時做到，但有人講嘢、有玩具，或者換一個人講就容易分心嗎？

💡 學習動機
鍾意嘅活動好快開始，但收拾、坐低、轉活動就容易拖延或做到一半停低嗎？

如果家長觀察到佢喺邊個位「卡住咗」，以下係一啲針對性嘅改善方向：

理解能力？
👉 可以由簡單、單一步驟指令開始，配合示範或視覺提示，再逐步增加指令長度同複雜程度。

專注力？
👉 可以先減少同一時間要留意嘅資訊，確認小朋友望到、聽到，再慢慢延長專注及回應時間。

環境干擾？
👉 可以由安靜、少干擾嘅環境開始，再逐步加入聲音、其他人、距離等變化，慢慢提升適應能力。

學習動機？
👉 可以將任務拆細、增加成功機會，配合小朋友有興趣嘅活動、選擇及即時鼓勵，令佢更願意開始同完成。

如果已經試過提醒、練習、拆細指令，但仍然唔肯定應該從邊度開始，可以考慮：

🌱 種子計劃｜ABA 體驗週
從實際活動了解小朋友嘅理解、專注、跟從要求及學習參與，再按表現調整訓練方向。

🎒 影子老師｜校園支援
喺真實校園情境觀察小朋友較容易卡住嘅位置，按需要提供提示及支援，並隨能力提升逐步減少介入。

📩 DM / WhatsApp「支援」
了解小朋友較適合邊種支援
WhatsApp：54485438