Happy Reactive Dogs 開心「曳」毛孩

How to choose a dog trainer - part 3

最近網上瘋傳咗一段片。內容係疑似一位 trainer 採用咗較為激進既手法，去教導一隻幼犬而引來各方面既抨擊。其實喺任何情況下，凌空吊高一隻狗或者採用 alpha roll 既方法反𨍭狗狗，及按佢喺地上使其就範，呢啲都係一啲危險及過時既訓練方式。科學亦已經證明咗呢啲方法不但有機會整傷狗狗, 亦極有可能令犬隻對人類產生驚恐甚至長期失去信任... 最遺憾既係 trainer 之後發文，講條片只係訓練期間既一小部份鏡頭, 大家唔應該斷章取義。當時情況惡劣, 以佢 ”專業既判斷” 認為有需要用使用片中既控制手段…etc.

咁點解仍然有 trainer 採用呢啲方法，而主人在場見到又唔阻止？因為大眾對狗既行為知識都係一知半解。需知訓犬行業係一個 unregulated industry. 如果太家隨便相信街上所謂專業 dog trainer 既說話, 受到傷害既只會係自己既愛犬，嚴重既甚至會對佢哋留下永不磨滅嘅心理陰影。

我絕對相信香港大部分既訓犬人員心地不壞，如果唔愛狗既都唔會選擇呢個行業工作。但係最令人擔憂嘅係 trainer 自己都唔知道自己既教學方法有問題?！因為教佢位師父 /老師, 前輩, 同行大家都係咁做, 大家都自稱自己好專業, 而唔會去了解世界不斷進步中既動物行為研究及知識, 或者upgrade 自身既knowledge。佢哋一廂情願地認為普羅大眾狗主唔明白，都係狗主們冇知識 … 呢啲思維確實令人心寒。

我係非常反對‘試堂’ 呢樣東西。狗主上堂前應該先花時間去了解受聘 trainer 既 background, 訓犬理念，知識水平等，再決定係咪 engage 佢幫手。而唔係上門試咗睇下佢搞唔搞得掂先再算！

上過電視既，有名氣既，教狗多年，甚至經常開班授徒既 ... 都唔代表位 trainer 一定懂得教狗或了解狗狗嘅情緒問題。之前嘅文章都有提過，animal behaviour 係一門專業既學問。如果狗狗出現行為問題，主人們第一樣要做嘅係先了解行為背後嘅原因，有需要既可以搵熟讀犬隻行為既專家/trainer，而唔係搵‘馴犬師'，‘訓犬員’。

Written by Fred
Photo credit: Dog Decoder

https://www.instagram.com/p/DVqV1NJk08b/?igsh=dm50OTNxcHVpamNp



#正向訓練

How to choose a dog trainer - part 2

上回講到，如果當狗主確立咗訓練目的，係為咗幫助狗狗既行為問題: 例如分離焦慮，護食，對陌生人，物件或犬隻高敏等等 ... 咁當然係去搵一個擁有豐富動物行為知識既 trainer。正確嚟講係搵一個 training & behaviour consultant，而並非一個只懂專注服從訓練既 obedience trainer.

大家要明白一個道理，服從訓練確實係可以提升 impulse control. 但係即使狗狗有良好既 impulse control 亦未必能夠改善佢既問題行為。Reactivity 例如驚恐，過分興奮，緊張失控，甚至攻擊，好多時都係狗狗出現咗非自願性嘅情緒問題。再聽話再服從既狗狗，情緒失控過咗臨界點既時候，學懂既服從訓練根本幫唔到佢控制自己。無論狗狗既 obedience training 服從訓練係以獎勵或懲罰方式學返嚟亦都無補於事！

你哋搵既 trainer 係咪懂得動物行為？能夠正確為你解讀狗狗既身體語言？會同你分析狗狗嘅臨界點？可以提供清晰嘅指引，循步漸進 systematic 咁教導狗主替狗狗減壓及減敏？（而唔係同你講毫無科學根據既主人地位，如何成為狗老大，或者提供高壓式既行為糾正，逼使狗狗就犯）待續。

Written by Fred
https://www.instagram.com/p/DTz4MGgCZsB/?igsh=MXM4YWQ2YzZwYWlkMg==

#正向訓練 #犬隻訓練 #犬隻行為

How to choose a dog trainer - part 1

一直好想寫呢個topic. 究竟如何中肯地教導大家選擇合適既Dog Trainer呢? 外國有無數呢類文章, 我只要揀一篇翻譯成中文, 就已經搞掂. 仲因為自己唔係原創者, 亦可以免除不必要嘅抨擊, 因為只係翻譯, 依書直說. 但我心目中係想寫一篇適用於香港, 有本土特色嘅文章. 希望大家睇完之後, 會幫到狗主們反思究竟選擇嘅Trainer係咪真係幫到自己嘅狗狗.

第一個問題一定要問自己點解要搵Dog trainer? 因為狗狗出現行為問題？ 想狗狗喺幼犬時期做社會化? 自己冇時間教導, 想搵專業人士代勞? 希望狗狗接觸 dog sports, 例如 agility, scent work, canine freestyle, 甚至將來參加比賽? 首先要搞清楚訓練目的先至可以搵啱老師。

因為我本身係鑽研狗狗行為, 著重於 behaviour analysis & modification, 所以會以動物知識及狗狗行為方面去選擇合適嘅 trainers. 如果你嘅狗狗係高敏, reactive to 某D情境, 人物, 陌生狗隻, 快速移動嘅物件例如汽車, 聲音等等⋯⋯ 你需要嘅一定係一位擁有行為知識, 能夠正確 analyse 你家狗狗出現嘅問題, 同懂得教導你如何去處理及有效減少狗狗嘅壓力. （留意番我並冇提到 training 或者訓練呢啲字眼). 高敏狗狗第一步需要嘅唔係訓練, 係主人了解狗狗嘅需要!

正向訓練係咪一定就最好? 香港嘅正向訓練師係咪最幫到手？我會喺往後嘅文章再分享.
Written by Fred

#正向訓練 #犬隻訓練 #犬隻行為

LEASH HANDLING SKILLS FOR REACTIVE DOGS - training & discussion
敏感狗狗 - 拖繩管理研討班

Date: Sat, 7 Feb 2026 (2:30 - 4:00pm)

Venue: Amiko AquaWalk
火炭穗禾路1號4號舖 （入口位於山尾街）

Fee: $300 per person

與狗狗鬆繩散步，係每一位狗主生活上最基本及重要既活動之一。 如果狗狗經常性扯繩，leash reactive 甚至敏感，狗衝 ... etc. 不但會影響主人們溜狗既體驗同生活質素，嚴重既甚至會影響狗狗本身同佢周邊路人既安全。

如果你既狗狗係 reactive 甚至 aggressive dogs, 有效地利用拖繩去管理環境更加係狗主們必須學懂既一環。我希望將自己多年既狗繩運用技巧，相關既知識與及照顧暫託狗狗既經驗，同大家分享與高敏狗同行嘅竅門同技術。

Key features:

同市面上一般既狗狗拖繩訓練班絕不相同

- 不着重控制狗狗。利用科學化嘅方法讓狗狗與人類開心隨行；
- 探討狗狗扯繩既原因同應對方法；
- 有效既風險管理及拖繩技巧與 reactive dogs 同行；
- 拖繩工具上既應用，推介嘅品牌通常香港寵物店都買唔到；
- Long line 既正確運用方法；
- 分享本人多年管理 reactive 以及帶有攻擊性狗狗既經驗。

Remarks: 我會帶埋自己嘅狗狗到場作示範。參加者唔需要帶自己嘅狗嚟，只需要帶備一條自己常用既拖繩就可以。Recommended leash: 2米長扁身拖繩。

Note: 有興趣嘅參加者麻煩 PM我

https://www.instagram.com/freddie_forcefree_dog_training?igsh=MWdtbmlzaGFlcWozcg%3D%3D&utm_source=qr

為咗一個IG post, 為咗影一張相，可以去到幾盡？你知道如果狗狗有以下嘅表情 - whale eye (鯨眼），ears pinned back (耳朵向後傾到），lip licking (舔嘴唇），avoiding gaze (迴避目光) - 其實即係佢哋感到有壓力？

10年前，我曾經遇過有訓犬師不懂觀察狗狗受壓嘅表情，但10年後的今天係AI 年代，我竟然聽到有狗主見到呢啲表情，仲讚狗狗cute！🫠 😨 就係因為人嘅無知，所以怪責狗狗喺毫無先兆下襲擊人、狗？

https://www.instagram.com/reel/DEadhPKTNce/?igsh=MXc1aGdqam9ocnVueA==

One of the most frequent questions we’re asked is: Can Border Collies and kids live harmoniously together? The answer isn’t a simple yes or no - it depends on our efforts to manage and teach. Border Collies are driven by an instinct to control movement - kids, with their quick movements and unpredictable energy, and noise can easily trigger those instincts which can lead to nipping, chasing, herding, and frustration. That’s why management is key: - Create clear physical and emotional boundaries for both your dog and your child. - Teach children how to interact respectfully - no forced cuddles, chasing, teasing or invading your dog’s space. - Advocate for your Border Collie’s comfort and their need to herd - Acknowledge that they need space and time away from a stressful situation, and provide an appropriate outlet for their herding instincts. If you'd like a free starter guide on BTF herding games + a practical management guide - link is in the bio for both! There are entire specialties dedicated to fostering harmony between dogs and kids. But the foundation is always the same: Guidance, respect, and understanding. With the right mindset and effort, Border Collies and children can grow up together as wonderful companions ❤️

公主，如果你唔係一隻極之敏感既狗狗。以你人見人愛嘅外貌，車見車載既性格，相信一早已經俾人領養咗，唔會留喺狗場咁多年！我好慶幸能夠得到你嘅寵幸，成為你其中一位信任既人。不單只比我摸，每次我到狗場你都會衝上樓梯迎接我！

我亦好榮幸能夠親手將你由狗場帶到你最愛嘅主人身邊 ❤️你嘅晚年有自己既家，亦有人咁愛護同照顧你，都算係不枉此狗生。因為與你既相識，Audrey 亦教識咗我好多嘢。令我對 reactive dogs 有不一樣嘅體會。令我決心去努力學習, 幫助更多嘅狗狗。

RIP Audrey 🌈 run free

#唐狗其實好可愛 #唐狗也是寶

獸醫是否動物行為專家？

首先要講聲本文並非針對或 badmouth 任何獸醫 veterinarian。本人認識嘅獸醫，絕大部份都係專業，有愛心，盡心盡力幫助小動物同佢哋嘅主人。

但係大家一定要清楚一個事實；一般 veterinarian 同 veterinary behaviorist 係唔同。絕大部份嘅動物診所，註場既係晋通 regular veterinarian. 而佢哋修讀既獸醫課程裏面，係唔需要 attend 任何動物行為課程 （any class in animal behaviour). 換句話講，除非某位獸醫會自己主動去學習狗狗行為，基本上佢哋喺呢方面既知識同一般狗主係冇分別。

我遇見過唔少個案，獸醫本身可能係一番好意，比意見狗主們教佢哋點樣去 manage 甚至訓練狗狗。亦基於佢哋既專業 status, 好多狗主信以為真, 照板煮碗，但最後有可能係害咗狗狗！

"Well-meaning vets who "think" they know, but don't, can do serious damage to a dog's mental health."

以下係一啲真實個案例子。獸醫出發點可能並非惡意，但明顯地並不了解狗狗行為：

1. 小狗入到診所見到獸醫，就露齒咆哮。獸醫立刻示範只要抱起狗狗令佢動彈不得。然後大聲指住佢塊面大聲講 No! 只要顯示其主人地位，狗狗就會乖乖就範；

2. 狗狗入到診所夾起尾巴瑟縮一角，但獸醫同姑娘直覺認為狗狗樣子善良，唔會咬人。未經狗主同意就立刻將狗抱起，將佢放喺枱上面檢查其口腔；

3. 狗狗疑似太活躍，獸醫覺得狗狗冇 discipline 需要入學校進行服從訓練。推薦狗主去一間出名以強逼手法訓練狗狗嘅學校寄宿一個月。狗主因為覺得係獸醫推薦，所以間學校應該係信得過。但結果 ...

以上既內容並非針對某啲行業，而係希望提醒大家要好好保護自己既敏感毛孩。一般獸醫亦未必真正了解 reactive dogs. 大家應該專注問返佢哋關於狗狗健康上嘅問題。

For example, 如果你係學生遇上數學問題，都會走去問數學老師啦。斷估你都唔會走去問英文老師啩？道理其實係一樣。

Written by Fred

保護你的狗狗; 要懂得向人類 say NO!

如果有 “專業”既訓犬師, 獸醫, 寵物美容師甚至其他 animal care professionals 對你既狗狗要求, 或進行一啲你覺得唔 comfort 既訓練或 treatment … 作為狗主嘅你係絕對有權拒絕! 請記住你旣狗狗唔識得講嘢. 好多時候佢嘅福祉就係倚賴你 (狗主, his protector)既呵護.

雖然專業人士理論上係應該 well-educated, 但如果對方嘅動作令到你覺得唔舒服, 你係絕對應該同 handle 緊你隻狗狗嗰位仁兄清楚溝通一下. 點解覺得對方嘅動作會令到你擔心狗狗受傷害?

Be assertive! 如果對方嘅解釋唔能夠令你安心, 你係應該立即停止對方嘅動作, 冷靜咁帶狗狗離開現場! 一位真正嘅 professional 係應該懂得尊重你嘅決定 (即使大家嘅諗法有分歧).

{以上既 extract 係取材自 Pat Miller, CBCC-KA, CPDT-KA 喺 Whole Dog Journal 既一篇文章}

往後嘅posts, 我會嘗試探討一下香港狗狗服務行業入面, 大家係咪都有足夠嘅知識了解狗狗行為？

Written by Fred

⁉️很多人看過我家毛孩的IG就會問為什麼我可以帶牠到那麼多的地方，牠不是dog reactive 嗎？牠現在「完全沒事了，正常過來了嗎？」當然，牠比9年前進步了很多，但相信不是你們想像的”perfect dog”! 我亦沒有要求牠要perfect! 我只會形容牠是dog selective！跟我一樣，選擇性交朋友（難道你不是嗎？😜)! 還有，我比以前更了解牠，更會看狗狗的身體語言，更明白牠吠叫只是提醒大家牠正在找安全的空間，我要怎樣令牠有安全感。這一切都造就他的改變。

🌻 想分享以下的決策樹（decision tree），就是多年來我用來決定會否帶毛孩去一個新環境、新場合用的！希望對任何毛孩的家長都會有幫助。

Written by Ada

🙌🏻

I saw this and thought it was a perfect morning to share this reminder. All dogs are good dogs, even the naughty ones 😇 Do you have a dog that struggles with any of these traits? Being a responsible pet owner means you know your dogs "triggers" and you keep others and your dog safe by not putting them in unsafe situations. Let's share our experiences in the comments to normalize some dogs don't like everything and that's okay! #responsiblepetownership #dogs #alldogsaregooddogs

近年工作繁忙, 已比較少在這專頁寫嘢. 但幾年過去，仍然覺得香港有好多狗主，及非狗主們對 reactive dogs 甚多誤解. 最近同我位老師食飯, 佢亦鼓勵我有時間應該寫返啲嘢, 提供一啲有用資訊俾大家.

所以我決定重新出發, 不定期分享一啲資訊及 knowledge 俾大家, 希望幫助到更多狗主. 作為一位 reactive dog 既主人並不容易, 好多時都需要有強大既心臟! 所以希望呢個 page 會比較著重狗主們既情緒支援. Technical 既嘢例如訓練方面, 市場上已經有好多, (如果狗主真係有 training 需要, 麻煩私訊比我會較為合適).

最後希望大家將呢個 page 分享比其他狗主. 因為當大家有咗知識, 先會懂得分辦是非, 明白咩方法先係幫助到自己或者有需要既狗狗.

Written by Fred