炒散王x配音日記

16/08/2026

08/07/2026

［兩日共十個鐘配音班］
要連續咁多個鐘對住班學生，而令佢哋唔悶，需要跳脫一般思維嘅課程設計，今次老師同學生都好鍾意，好有成功感，記錄分享吓。

第一日上午：配第一段片/行業介紹
第一日下午：發聲理論/用歌詞教粵語拼音/聲母韻母控制
第二日上午：戲劇練習/變聲技巧
第二日下午：最終成果錄音/混音技術

期間預備咗大量戲劇遊戲，學生坐到悶就立即起身玩一陣。咁好嘅課程暫時只有一間學校享受到，實在浪費，唔知有冇多啲機構想感受吓呢😏

#配音工作坊

29/05/2026

有完成咗一個學期嘅配音班，今次嘗試咗唔同嘅新教學方法。相中係最後一堂，分組用ipad錄低同學自己嘅二創配音，學生學以致用之餘又玩得高興。
之前其中一堂要學生嘗試用ai配音，從中學習到ai嘅應用方式，同時又感受到ai同真人配音嘅分別，易重新思考未來ai世界裏面，人類應該擔當嘅角色。
#配音工作坊 #入校配音班

29/11/2025

十分感謝南豐紗廠世界之約邀請我嚟擺「切返好個人生活祭」市集。
一直都有擺市集嘅念頭，但未諗通配音/聲線保養可以變成乜產品喺市集賣。收到今次邀請，令我叮一聲諗到呢個「50蚊10分鐘諮詢」，好適合啲覺得聲線有少少問題，但未知乜原因，又未想花大錢正式處理嘅人。
今個星期六日（25年11月29-30日、12點至7點），嚟南豐紗廠「砌返好個人生活祭」一樓搵我啦。

十分榮幸可以參與南豐紗廠「世界之約｜砌返好個人生活祭」市集，做呢個同大家一齊「砌返好個人」嘅小實驗。🧵

一直都有諗住擺市集，不過都仲緊張緊：「配音同聲線保養可以變成啲乜，先至真係幫到人？」直到收到今次邀請，先叮一聲諗到——「50蚊10分鐘聲線諮詢」。呢個format，最啱俾你：
- 覺得把聲好似有啲唔對路，但又講唔出問題係乜
- 未必ready一次過投資好大筆錢上堂／做訓練
- 想有人客觀聽一聽你把聲，同你一齊拆解同整理建議

今個星期六日（11月29–30日），中午12點至7點，喺荃灣南豐紗廠一樓「砌返好個人生活祭」市集入面搵到我。
如果你都想試下由「唔知出咩事」去到「終於知道下一步可以點樣做」，過嚟坐10分鐘，比自己同把聲一個check-in。

你哋又有冇乜聲線疑難？留言講吓吧。

#聲線問題 配音

25/11/2025

［炒散王x配音日記］正式改名做［展晴配音教育］喇！
我哋會更努力推廣入校配音班，不過都會同以前一樣，繼續分享我作為配音員/slasher 嘅有趣事。
希望大家繼續關注，一齊幫手推動粵語配音多元化。
#配音

02/06/2025

之前曾經用一間學校搞咗個全校遊走實體劇本殺。
因為咁有學校搵我團隊為佢哋度身訂造劇本殺劇本，去幫助學生體驗負責任態度嘅重要，今日去學校present 個劇本。
#劇本殺

15/05/2025

用配音教普通話學生粵語真係好有意義。
今次遇到一句「今次慘喇」，大部份學生都講「更次橙喇」，兩個錯音都係發生喺同一個問題，顯示一個普通話冇嘅口部動作。
你估唔估到係乜動作？

#入校配音班 #配音班 #粵語

19/03/2025

［用配音班教粵語］
教一間中學配音班，大部份同學嚟自普通話家庭。其中配一句係：「小心呀老野！」
但嗰位同學講咗：「小心呀老爺！」
我即時捉緊機會教粵語音調，但叫佢哋投票，居然大部份同學覺得講「老爺」先啱，理由係劇中兩人係爺孫關係。
於是我再問「阿爺」同「老爺」嘅分別，之後佢哋就明白我之前講乜了。

教廣東話要教嘅原來唔單止讀音。

#配音班 #粵語 #廣東話