15-16 CFSS Nominated Student Council Cabinet no.2
15-16 年度中華基金中學學生會2號候選?
14/09/2015
Artifice提提您，話咁快又到各大學嘅入學資訊日啦，與其坐喺度得個諗字，不如趁呢幾日約埋三五知己去各間院校行吓問吓睇吓，高中嘅同學可以去打探吓你自己心儀學系嘅收生要求，當然唔係指講咗等於無講嘅3322(中、英文科考獲等級三或以上及數學科、通識科考獲二級或上)啦，最好打聽吓嗰個學系以往取錄學生喺文憑試各科目考獲嘅分數中位數，到時放榜收到成績嘅時候都可以衡量一吓自己到底符唔符合嗰個學系嘅收生要求，咁就唔會咁徬徨失措啦。
另外初中嘅同學都唔代表你哋無需要關注大學嘅入學資訊日喎，我哋建議各位初中嘅同學都可以去了解吓大學到底係咩一回事，去發掘吓自己想讀啲乜嘢專業，去考慮吓將來投身嘅職業同你心儀嗰科嘅關係，希望各位中基人都可以搵到自己想讀嘅科，亦都祝我哋應屆文憑試考生可以順利入到自己想入嘅大學啦！
11/09/2015
讀書辛唔辛苦呀？想放鬆下心情 又唔想絞盡腦汁諗去邊到挽 不妨參加下觀星camp呀! 訓係草地 一望上天就有無數嘅星星 又可以同朋友知己一齊欣賞 最重要係有我地artifice陪住你地呀！等星星嘅時候又可以一齊傾下計 我地真係好想了解下你地 有咩意見都可以同我地講架 我地會盡力幫你地每一位爭取 最後 有興趣參加嘅同學 記得投我地一票啦
We are Artifice!
