賽馬會成長「機」地

【🔎友「機」寵物教育城：21世紀校長—從行政管理到「社創教育家」🏫】

面對充滿未知數的未來，校長作為學校的領頭人，應當如何自處，點樣自我提升、整合各方資源，成為具前瞻性嘅社創教育家？6月6日喺天主教慈幼會伍少梅中學舉辦嘅《21世紀教育論壇2026》將邀請到十位本地學校校長，分享佢哋喺學校嘅個案經驗，更有十位來自內地嘅校長遠道而來，一齊交流分享，各位教育夥伴有興趣就即刻報名參加啦！

//「在高度不確定的未來，教育若要守住公平、韌性與公共價值，學校必須主動改變，而非等待改變，而校長正是那個關鍵的行動者。」//

面對人工智能重塑世界嘅世代，我哋仲可唔可以用20世紀嘅管理思維，去回應21世紀嘅教育現實？當青少年心理健康、社會流動等問題交織，學校嘅角色其實早已超越單純嘅學術傳遞，而校長則係當中嘅關鍵執行者。
我哋參考咗多位教育實踐家嘅經驗📋，提煉出「社創教育家型校長」嘅三大核心轉化路徑，由內而外重新定義學校喺社群中嘅定位，回應未來教育所面臨嘅挑戰：

1️⃣校長角色再概念化：成為社創教育家
校長由處理行政轉化為具備前瞻視野嘅行動者，並於制度限制中重新配置資源，例如有校長以2037年為題，引導師生想像未來面貌，從而反思現行課程同校園經驗是否足夠，並於現有制度框架下，以公共價值為核心，推動具實驗精神嘅教育改革。

2️⃣ 學校功能轉化：打造學生「機會樞紐 (Opportunity Hub)」
對於基層或弱勢學生，🏫學校係生命中最穩定、最可信任而且最有可能連結外部資源嘅制度性場域。校長及管理團隊應運用整合能力，將學校由「知識傳遞機構」轉化為「機會樞紐」，例如有學校與長者中心合作，以理解高齡化社會需要，亦有學校為社區創作心理健康宣傳橫額，提醒市民關注情緒健康，成為社區嘅連結者同實踐者。

3️⃣ 實踐路徑轉型：夾縫式變革
變革並唔可能一步到位，而係喺策略願景規劃下，將零散行動整合為大方向，於昕有制度框架中逐步重構可能性，例如有學校最初以聯合國可持續發展目標 (SDGs)中嘅單一目標為起點，逃步延伸至全校層級嘅校本課程，並進一步影響校園營運，朝向「零碳學校」嘅大願景邁進。

━━━━ 活動詳情 ━━━━
📅日期｜2026年6月6日（星期六）
⏱時間｜上午9時至下午6時
📍地點｜天主教慈幼會伍少梅中學
🌍對象｜香港教育工作者、社創界人士、教育界夥伴、家長
💰費用｜免費

立即報名： https://tinyurl.com/3urar9uv

延伸閱讀：
灼見名家《21世紀校長：具前瞻與整合能力的社創教育家》
https://www.master-insight.com/article/47805
謝思熹（賽馬會成長「機」地計劃總監及首席培訓師）
黃顯華（香港中文大學課程與教學學系客座教授）

⭐即刻Follow賽馬會成長「機」地專頁緊貼我哋最新消息，同click入 jclaoh.hk 了解更多計劃詳情啦！

🌟【誠邀出席｜二十一世紀教育論壇2026 -重塑教育未來：全球轉向到本地實踐】

━━━━ 6月6日 📣 二十一世紀教育論壇2026 📣 ━━━━

本年論壇將以「重塑教育未來：全球轉向到本地實踐」為題🌍，探討如何促進教學者轉型為「創變者」，將真實世界的問題帶入課堂；並聚焦如何將零散的創新制度化，將校園實踐提升至全球視野，為未來的教育發展開啟新篇章💡適逢迎來論壇五週年紀念，更將於論壇發佈新書《重塑教育未來：全球轉向到本地實踐》，集結逾40位教育創變者的分享，深度記錄將全球教育趨勢轉化為本地校園行動方案的過程，同工們萬勿錯過，立即報名參加！

⟡ 活動亮點 ⟡
⭐由香港教育大學校長李子建教授, JP 以及經濟合作暨發展組織教育與技能總監Prof. Andreas Schleicher擔任主題演講嘉賓

⭐新教育研究院名譽院長、新教育基金會理事長盧志文教授及哥倫比亞大學師範學院頂尖教育學者 Prof. Thomas Hatch擔任圓桌對談嘉賓，分享中西方教育理念及實踐，促進教育工作者的互學互鑑

⭐由實踐老師、校長、大學教授等講者分享真實校園轉型案例，帶領參與者分析實踐中的難題與成功關鍵

⭐參觀OECD Project Infinity的唯一香港學校代表－天主教慈幼會伍少梅中學，透過實地視察與交流，讓參與者親身感受未來教育的真實樣貌

⟡ 論壇規模 ⟡
今年將預計有50位本地及國際學者、教育工作者分享，設兩場主題演講、一場圓桌對談、十六場對話交流、工作坊和體驗活動；
主題涵蓋四個層面——四大校園願景、創新實踐（課堂）、校本創變（學校）及系統轉型（教育）。

⟡ 活動詳情 ⟡
📅日期｜2026年6月6日（星期六）
⏱時間｜上午9時至下午6時
📍地點｜天主教慈幼會伍少梅中學
🌍對象｜香港教育工作者、社創界人士、教育界夥伴、家長
💰費用｜免費
🔗報名連結｜ https://tinyurl.com/3urar9uv

⭐即刻Follow賽馬會成長「機」地專頁緊貼我哋最新消息，同click入 jclaoh.hk 了解更多計劃詳情啦！

【科技唔係冰冷嘅代碼，係一份溫暖人心嘅同理心 ❤️】

「點解過馬路嘅時候，坐輪椅嘅婆婆會咁緊張嘅？」🤔
「點樣先可以令大家更愛護校園嘅植物？」🌱

呢啲問題，唔係大人嘅課題，而係 樂善堂梁黃蕙芳紀念學校lstlwwfms 一班小發明家嘅創作起點。

喺早前嘅成果分享展，我哋睇到嘅唔止係AI產物，而係一份份「科技向善」嘅實踐。學生嘅創意並非憑空想像，而係源自對社會嘅深刻觀察：

💡 由「看見」到「改善」：同理心嘅實踐

《轉角守護者》：同學親身走入社區，聽見長者對街角死角位嘅恐懼。佢哋諗嘅唔係「技術點寫」，而係「點樣令婆婆行得安心」👩🏻‍🦼‍➡️
《AI 植物守護神》：因為想令校園更有生氣，同學賦予植物「情緒」，令科技變成溝通嘅橋樑🌿

🚀 定義「科技向善校園」：由被動使用到主動創造

梁黃蕙芳作為「科技向善校園」嘅示範學校，正正體現咗教育嘅未來：
1️⃣ 裝備未來能力：透過Vibe Coding同自研ID卡系統，學生唔再只係玩App嘅人，而係能夠親手建構工具、提升學習質素嘅「產品架構師」
2️⃣ 社會責任：引導學生思考科技對唔同群體（如長者）嘅影響，將科技視為促進公共福祉嘅途徑
3️⃣ 智慧社區：將STEAM由一堂課，變為改善生活、創造具韌性社區嘅生活方式

正如許敏詩校長所講：「未來最成功的孩子，不是最擅長操作AI的那一個，而是最懂得運用 AI 服務社會、創造真實價值的那一個。」

科技唔係教育嘅終點，而係通往更美好世界嘅門戶。呢班小小 Changemakers 已經用行動話畀我哋聽：當AI遇上同理心，力量係可以無限大（INFINITY）！♾️

想知更多呢班小學生嘅idea同學校理念？即刻去睇：https://tinyurl.com/ytpp6kx2

⭐即刻Follow賽馬會成長「機」地專頁緊貼我哋最新消息，同click入 jclaoh.hk 了解更多計劃詳情啦！

【小學生如何靠「五天挑戰」變身文化大使？ 👣｜亞小社區文化祭：由心出發的共融之旅 🌍】

想教識小朋友「同理心」同「共融」概念，唔止透過知識吸收就可以，仲要畀佢哋親身體驗！繼舊年大受好評嘅「同理周」之後， 循道衞理聯合教會亞斯理衞理小學 Asbury Methodist Primary School 今年決定規模升級，變成一場為期五日、跨越界限嘅「亞小社區文化祭」！🚀 今次唔單止係一場活動，更係一場由解鎖主題、深入認識到落手設計成果嘅「全方位成長挑戰」

呢五日入面，全校唔同年級都有專屬任務，最初同學需要了解主題：
👵 P1-P2【長者情懷】：由變身「小長者」體驗生活不便，到真正走入老友記屋企探訪、玩遊戲。小朋友學識咗點樣體貼長輩嘅需要。
🔍 P3-P4【荔景觀察家】：行出校園漫步社區大街小巷，用新角度重新發掘平時忽略咗嘅美景
🕌 P5-P6【多元文化與規劃】：高年級挑戰更加深入！由走訪清真寺、試食南亞小食，到落區研究建築風格做埋「社區規劃師」，學習平衡唔同群體嘅需要

最令人驚喜嘅係第三、四日嘅「轉化」過程！大家唔係玩完就算，而係要將觀察所得，透過學習規劃地區圖覽、研究阿拉伯文，甚至用情境辯論去理解唔同持份者嘅難處👁️。喺成長「機」地嘅導師帶領下，大家腦力震盪，將「社創」點子變成一個個好玩又有教育意義嘅攤位💡

嚟到最後一日「成果發表日」，見到班小朋友變身「文化大使」，由最初對陌生文化一知半解，到而家可以「如數家珍」咁介紹共融理念，呢份自信同蛻變，令在場嘅老師同家長都好鼓舞！✨

「共融」唔係一個名詞，而係一種行動。呢五日雖然完結咗，但同理心嘅種子已經喺亞小同學心中萌芽🌱。只要我哋喺日常生活中多觀察、多感受，每個人都可以係推動社會進步嘅力量！💪

⭐即刻Follow賽馬會成長「機」地專頁緊貼我哋最新消息，同click入 jclaoh.hk 了解更多計劃詳情啦！

【🔎友「機」寵物教育城：💡實行創意，最重要「試當真」？】

小朋友嘅想法總係天馬行空☁️，但「創意」並唔係指一個喺腦海中閃過嘅念頭咁簡單；真正嘅創意💡，除咗要諗可行性之外，更係一種透過實踐磨練出嚟嘅習慣同方法。要幫助小朋友訓練佢嘅創意思維，其中一樣就係強調「試當真」精神，教導佢哋點將一個抽象嘅計劃變成現實，由計劃到原型，將想像具現化。

透過「原型」（Prototype）學識落實創意：

✨ 將「想法」變成「實物」
小朋友腦入面有無窮無盡嘅怪念頭，與其叫佢哋坐定定諗，不如鼓勵佢哋用🧩積木、紙皮甚至廢紙整一個「原型」出嚟。無論係紙上草圖定係簡單嘅模型，透過動手做，佢哋會學習將抽象嘅想像具現化，亦會思考其中嘅可行性！

✨ 由「驚錯」變「試錯」
傳統教育嘅考試測驗有大量嘅「正確」答案✅，容易令小朋友驚「答錯」，但創意嘅核心在於「試錯」，當小朋友喺製作過程發現問題，佢哋會自行去分析、調整，比起考試測試，呢種「錯誤」反而成為佢哋變通能力成長嘅養分！

✨不斷「試當真」
落實創意需要經過不斷重複嘅測試、修改、再測試，可以有效咁訓練小朋友嘅耐性同邏輯思維，當佢哋最終整到一個滿意嘅成果時，嗰份成功感話唔定會遠超過買玩具俾佢㗎！

🏫賽馬會成長「機」地將會透過各種活動、線上線下遊戲等方式，幫助小朋友發展佢哋嘅「創意思維」，令佢哋吸收同應用更多新信息，透過360全人成長報告📝令老師、家人可以了解小朋友係呢個範疇嘅表現，記得繼續留意我哋喇，了解更多「創意思維」嘅概念同三毛仔嘅故事喇！

⭐即刻Follow賽馬會成長「機」地專頁緊貼我哋最新消息，同click入 jclaoh.hk 了解更多計劃詳情啦！

【友「機」寵物百科大圖鑑 － 三毛仔💡第二階段】

繼大頭妹同電紙仔都進化後，代表💡「創意思維」嘅三毛仔都要進化喇！

三毛仔本來就善於觀察周遭事物，喺進化之後，佢對週遭事物有更加強烈嘅好奇心和破壞欲，更鍾意搵機會去進行惡作劇同挑戰各種規則，思考嘅方式會更靈活多變🧠，跳出框框🖼️，更擅長利用自己嘅聰明才智去達成目的🎯！

雖然三毛仔睇落好鍾意打鬧、惡作劇，但呢個其實係佢同小朋友互動同交朋友嘅方式，當小朋友可以理解佢嘅行為時，佢就會更加依賴同信任對方❤️！就好似佢嘅創意思維終於遇到知音一樣。同三毛仔一齊用更開放嘅視野去睇呢個世界！

🏫賽馬會成長「機」地將會透過各種活動、線上線下遊戲等方式，幫助小朋友發展佢哋嘅「創意思維」，令佢哋吸收同應用更多新信息，透過360全人成長報告📝令老師、家人可以了解小朋友係呢個範疇嘅表現，想知道「三毛仔」會成長同進化成點同埋其他友「機」寵物？記得繼續留意我哋喇！

⭐即刻Follow賽馬會成長「機」地Instagram緊貼我哋最新消息，同click入 jclaoh.hk 了解更多計劃詳情啦！

【🔎友「機」寵物教育城：咩叫創新變革思維？教育者需要咩未來素養❓】

作為家長或教育者，我哋經常思考點樣裝備小朋友去面對未來🧐，但其實我哋自己嘅思維模式先係最關鍵嘅起點⭐。經濟合作暨發展組織（OECD） 指出，未來嘅教育者必須具備「成長心態」，喺日常教育實踐中不斷磨練出開放、靈活且創新嘅思維模式🧠。

具備變革思維嘅教育者，會相信能力係可以透過努力同學習嚟發展，唔會被固定思維限制🔒。面對挑戰時，佢哋會優先思考解決方案而唔係抱怨困難，並保持好奇心同學習熱忱，跟上時代發展嘅步伐。更重要嘅係，佢哋擁有實驗精神，勇於嘗試新方法，並喺失敗中學習改進，同時願意同他人協作，共同面對複雜嘅教育挑戰🤩。

要將呢種心態轉化為行動，可以由四個面向入手：
1️⃣課堂設計：將使命感融入教學
設計同現實生活接軌嘅活動，唔好只係讀書，要幫學生發現自己嘅潛能，建立支持佢哋長遠發展嘅評估方式。

2️⃣師生關係：建立深度連結
做學生嘅引導者而唔係權威者。透過分享自己嘅故事，建立基於信任同尊重嘅關係，真誠關心佢哋嘅全面成長。

3️⃣專業成長：深化素養
主動學習新理論，同同事分享經驗。每日反思：「今日嘅教學有冇可以做得更好嘅地方？」

4️⃣社會參與：擴展影響力
走出課室，同家長建立夥伴關係，參與社區協作，甚至為有益學生嘅政策發聲，成為教育創新嘅倡導者。

❤️創新變革唔係一朝一夕嘅事，一齊由今日開始，用更開放嘅心去擁抱各種改變，同下一代齊齊進步啦！

⭐即刻Follow賽馬會成長「機」地專頁緊貼我哋最新消息，同click入 jclaoh.hk 了解更多計劃詳情啦！

【🔎友「機」寵物教育城：「創意」與「創笨」的一線之差】

🎨「創意」對於新一代學生嚟講可以話係必修嘅課題之一，要幫助小朋友發展創意思維🧠，除咗要訓練同滿足佢哋嘅「好奇心」之外，有時候仲要因應佢哋天馬行空嘅諗法，去引導同幫助佢哋思考現實嘅可行性，以免喺探索過程中陷入「創笨」嘅誤區🚫。

就好似以「太陽能電筒」為例🔦，雖然呢個電筒可以透過吸收陽光去發光☀️，但無法喺黑暗中提供效能，就係典型本末倒置嘅「創笨」例子之一，創新如果無法「落地」執行，或者達唔到預期效果，就會變成一種失敗嘗試❌。

📝要避免「創笨」，我哋必須明白絕大部分成功嘅產品或服務都唔係「無中生有」。真正嘅創新往往建立喺固有經驗同實踐之上，我哋唔能夠完全拋棄舊有嘅根基，反而要學識點樣將現有嘅嘢進行整合、轉化同應用，而家長、老師等教育者正正扮演引導者嘅角色，就好似「太陽能電筒」咁，當小朋友諗到呢啲創意時，不妨可以問佢哋多一句✅「咁佢實際上可以有咩用？點樣可以執行到？」，又或者係俾少少建議「加個儲電池，令佢可以儲陽光，係黑暗中都可以用到好似好啲喎！」💡，令佢哋嘅創意可以實行，而非空談，大大加強佢哋嘅自信心，引領佢哋茁壯成長！

🏫賽馬會成長「機」地將會透過各種活動、線上線下遊戲等方式，幫助小朋友發展佢哋嘅「好奇心」，令佢哋吸收同應用更多新信息，透過360全人成長報告📝令老師、家人可以了解小朋友係呢個範疇嘅表現，記得繼續留意我哋喇，了解更多「好奇心」嘅概念同電紙仔嘅故事喇！

⭐即刻Follow賽馬會成長「機」地專頁緊貼我哋最新消息，同click入 jclaoh.hk 了解更多計劃詳情啦！

【友「機」寵物百科大圖鑑 － 電紙仔⚡第二階段】

喺見到大頭妹進化之後，第二位要進入第二階段嘅友「機」寵物就係代表「好奇心」嘅電紙仔⚡！

身為一個📱電子宅宅，電紙仔嘅情感豐富而且敏感，好容易受到他人情緒影響，雖然佢內向又沉靜，但其實佢經常自己對事物充滿「好奇心」，經常對自我充滿疑問，雖然有時會憂慮產生，但隨住見聞增多，電紙仔逐漸學識擺脫內心疑惑同恐懼，慢慢搵到屬於自己嘅定位📍！

要令電紙仔更有安全感同自信，最重要喺給予適當嘅引導同回應，就好似小朋友喺發展「好奇心」嘅時候，家長老師們都可以用一種開放嘅心態💬，一齊挑戰同嘗試新事物，獲得寶貴經驗嚟幫助成長！

🏫賽馬會成長「機」地將會透過各種活動、線上線下遊戲等方式，幫助小朋友發展佢哋嘅「好奇心」，令佢哋吸收同應用更多新信息，透過360全人成長報告📝令老師、家人可以了解小朋友係呢個範疇嘅表現，想知道「電紙仔」會成長同進化成點同埋其他友「機」寵物？記得繼續留意我哋喇！

⭐即刻Follow賽馬會成長「機」地專頁緊貼我哋最新消息，同click入 jclaoh.hk 了解更多計劃詳情啦！

【🔎友「機」寵物教育城：💬「同理心」點「講」先至明？】

早前同大家分享過「同理心」、「同情心」嘅分別❤️，雖然箇中道理對於成年人嚟講唔難理解，但當要向小朋友解釋時，點樣可以將呢種抽象而又複雜嘅情感「講」俾佢哋知💬？

其實教導同理心最有效嘅方法並唔係單靠「講道理」，而係需要透過「第一身體驗」，先可以親自感受，將呢種抽象嘅概念轉化成深刻嘅記憶🧠；家長同老師們當喺同小朋友討論到「同理心」時，不妨安排一個簡單嘅小遊戲，去「實驗」一下小朋友當前階段嘅同理心程度，例如輕輕用布條綁起小朋友雙手🤲🏻，模擬受傷或行動不便嘅情況，再請佢哋挑戰一啲日常任務：打開水樽飲水、扣好衫鈕等，呢啲平日睇落非常簡單嘅動作，喺受限時會變得困難，令小朋友可以直觀地感受嗰種無助😵‍💫

喺完成體驗後，各位家長同教師記得必需要引導小朋友思考🧠，唔好「玩完就算」，適當問下小朋友過程中嘅感受，問吓如果係生活見到朋友有呢種困難，應該點做等，循序漸進，小朋友慢慢就會學識換位思考，將同理心化為具體行動，成為一個既貼心又溫暖嘅人💞

🏫賽馬會成長「機」地將會透過各種活動、線上線下遊戲等方式，幫助小朋友發展「同理心」，並透過360全人成長報告📝，令老師、家人可以了解小朋友係呢個範疇嘅表現，記得繼續留意我哋喇，了解更多「同理心」嘅概念同大頭妹嘅故事喇！

⭐即刻Follow賽馬會成長「機」地專頁緊貼我哋最新消息，同click入 jclaoh.hk 了解更多計劃詳情啦！