賽馬會成長「機」地

18/08/2026

【🔎友「機」寵物：深入「體驗式學習」——感受才是最深刻的記憶】

📚 喺講到「學習」嘅時候，大部分人都會聯想到「讀書」、「考試」📝，雖然呢啲都係「學習」嘅一部分，但並唔係全部，亦唔一定坐喺課室聽書先係最有效！賽馬會成長「機」地一直致力推廣「體驗式學習」 (Experiential Education)，呢種教育方式強調以學習者為中心，將抽象嘅概念轉化具體嘅生活經歷，與其直接講俾小朋友知個世界係點，不如等佢哋親身經歷世界嘅運作🌍，透過「體驗」嘅耳濡目染下，幫助小朋友學習之餘，更幫助佢哋全方位成長，並尋找專屬自己嘅人生軌跡💪🏻。

「體驗式學習」比起一般學習有咩唔同❓

💬 打破語言局限
有時透過語言，未必可以真正表達到意思，常言道「不能言傳，只能意會」💬，喺面對複雜嘅新知識、新概念，實際去體驗可能會俾口傳更加有效。以認識少數族裔為例，與其純粹於課堂上解釋咩叫少數族裔，不如讓小朋友親身同佢哋溝通、互相了解；引導學生親身體驗，親眼觀察，呢種經驗會幫助佢哋連結各種知識，幫助分清楚各種概念。

📖 將知識內化為本能
比起一般讀書考試，體驗式學習並唔要求小朋友「記住」知識，而係令佢哋喺探索過程中「發現」知識。當學生置身於真實情境，透過實踐去培養技能，呢啲學到嘅嘢會深深刻喺腦海入面，變成一種拎唔走、自然而然嘅直覺，更會令佢哋畢身受用❤️。

🔍 強調探索嘅過程
計劃非常重視學生嘅探索體驗，喺各種活動中並無「標準答案」，而且答案並唔最重要，重要嘅係小朋友喺接觸新事物時，點樣運用自己嘅感官去理解環境，每一份親身體會，都係呢棵幼苗嘅養分，幫助建構緊佢哋對世界嘅獨特認知，成為茁壯嘅參天大樹🌴！

👂🏻喺學習時如果只係「聽書」，好可能會「左耳入右耳出」，但喺「體驗式學習」中，知識唔再單係紙上談兵，與其急住畀小朋友標準答案，不如俾啲空間佢哋去親身感受、親身體驗、親身去學習啦！

⭐即刻Like賽馬會成長「機」地專頁緊貼我哋最新消息，同click入 jclaoh.hk 了解更多計劃詳情啦！

12/08/2026

【友「機」寵物：人生冒險GPS－培養「使命感」】

如果將人生比喻成一場冒險，「使命感」就係你嘅GPS，幫助你導航去到目的地。「使命感」簡單嚟講，就係要令佢哋知道「我想做啲嘢」、「原來我都可以做到」嘅一種感覺，將佢重視嘅人、事、物連繫；當小朋友明白學習唔單係為考試，而係同未來生活掛勾嘅時候，對佢嚟講，學習嘅意義可能已經截然不同，當佢發現自己有能力去解決問題，令世界變得更好時，就可以點燃佢內心嘅使命感，令佢哋更熱衷於學習之中！

平時喺教導小朋友嘅時候，經常會教「點樣做」或者「做啲乜」，但大家有冇發現，當小朋友搵唔到個原因，唔知「點解要做」，就好容易令動力消減，就好似做功課、溫書，佢哋會覺得煩，覺得悶，寧願去玩，甚至覺得學習只係一種負擔。其實呢份「點解要做」就係指「使命感」。

要教導小朋友「使命感」，重點在於將「學習」與「改變世界」掛勾。我哋可以嘗試引導孩子去思考一啲宏觀嘅問題，例如問佢哋「如果你學識咗寫程式，你可唔可以設計一個App去幫助小動物？」或者「如果你識多幾種語言，係咪可以將你嘅想法傳遞俾更多唔同國家嘅人？」。當孩子發現自己所學嘅嘢可以「令世界變得更好」，佢哋對自己嘅身份認同會更強，亦會更有自發性去探索未知。

參考資料來源：William Damon (Stanford University)《The Path to Purpose》

🏫賽馬會成長「機」地將會透過各種活動、線上線下遊戲等方式，幫助小朋友發展「使命感」，並透過360全人成長報告📝，令老師、家人可以了解小朋友係呢個範疇嘅表現，記得繼續留意我哋喇，了解更多「使命感」嘅概念同雞蛋仔嘅故事喇！

⭐即刻Like賽馬會成長「機」地Facebook專頁緊貼我哋最新消息，同click入 jclaoh.hk 了解更多計劃詳情啦！

05/08/2026

【友「機」寵物百科大圖鑑 － 雞蛋仔🥚第二階段】

最後一位友「機」寵物，代表「使命感」嘅「雞蛋仔」🥚喺見到其他夥伴相繼進化後，終於都成功踏入第二階段喇！喺佢身上，似乎可以睇得出佢並唔係一隻普通嘅「雞」...

雞蛋仔雖然仍然唔太理解自己嘅身世，更唔知道自己進化之後會變成啲咩😵‍💫，更有時會因為唔確定自己嘅定位而感到迷茫同焦慮，但隨著成長，雞蛋仔慢慢意識到自己與眾不同嘅特質，並透過唔同嘅方法主動去尋找自己嘅定位，逐漸變得越嚟越有安全感同自信 💪🏻！

🏫賽馬會成長「機」地將會透過各種活動、線上線下遊戲等方式，幫助小朋友發展佢哋嘅「使命感」，令佢哋吸收同應用更多新信息，透過360全人成長報告📝令老師、家人可以了解小朋友係呢個範疇嘅表現，想知道「雞蛋仔」會成長同進化成點同埋其他友「機」寵物？記得繼續留意我哋喇！

⭐即刻Like賽馬會成長「機」地Facebook緊貼我哋最新消息，同click入 jclaoh.hk 了解更多計劃詳情啦！

21/07/2026

【友「機」寵物：領導力的五種特質🏆】

當小朋友喺學校返到屋企，好開心咁同家長分享自己擔任「班長」、「組長」職務嘅時候，家長們應該俾啲乜嘢建議佢🤔？係教佢要管理所有組員，再幫佢地安排工作？其實一個真正嘅領袖並唔需要好似一個單向作出指令嘅「老闆」，反而係發揮影響力，將整組人凝聚並作出行動，由零開始完成任務💪🏻！

身為小組嘅領袖，又應該有咩特質，去幫助小組取得成功呢？

⭐勇於表達意見嘅「自信」
當啱啱分好組時，大家可能都會對個Project毫無頭緒，當面面相覷時，組長應該帶頭分享想法打破僵局，拋磚引玉，帶動成組嘅討論氣氛。

💬如實反映進度嘅「誠實」
當Project進行嘅時候，小組成員好可能只會向組長匯報進度，甚至係私下講自己嘅意見，呢個時候組長應如實反映同溝通，喺透明環境下建立信任。

⏱️於時限內作決定嘅「果斷」
討論開會最驚「無限Loop」，負責任嘅組長應該根據時間作出適當調度，安排議程，係時限內同團隊作出決定，避免大家喺小細節上過份糾纏，確Project on time！

🧠不受外界騷擾嘅「專注」
當討論或開會時，最忌就係分心，組長應該以身作則，盡量唔被其他外在因素騷擾，維持團隊嘅集中力同專注。

🔥鼓勵踴躍分享嘅「團結」
一個好領袖係要令全組人都團結一致，如果有同學平時比較靜，可以主動邀請分享佢嘅想法，話唔明隨時幫成組人解決好多難題！當組員感受到被重視嘅時候，團隊嘅凝聚力就會越嚟越強，每個難關都可以順利齊齊度過！

🏫賽馬會成長「機」地將會透過各種活動、線上線下遊戲等方式，幫助小朋友發展佢哋嘅「領導力」，令佢哋吸收同應用更多新資訊，透過360全人成長報告📝令老師、家人可以了解小朋友喺呢個範疇嘅表現，想知道「暈陀陀」會成長同進化成點同埋其他友「機」寵物？記得繼續留意我哋喇！

⭐即刻Like賽馬會成長「機」地專頁緊貼我哋最新消息，同click入 jclaoh.hk 了解更多計劃詳情啦！

*來源：綜合參考「領導特質論 (Trait Theory)」及現代管理學關於軟實力 (Soft Skills) 之應用原則

17/07/2026

【從校園農場到專業廚房：愛心由一粒士多啤梨種子萌芽🌱】

大家知唔知，為老人家設計甜品，要花幾多心思呢？

甜品對於一般人嚟講係一件好平常嘅事，但對老人家嚟講可能係一個負擔🥺 #祖堯天主教小學 嘅小五學生發現到老人家唔食甜品，唔單只因為攝取精製糖容易引發血糖波動，更因為有咀嚼同吞嚥嘅難題！

🍓「所有事，都由一粒士多啤梨種子發生...」

學整甜品之前，佢哋先由材料入手。呢班小五學生喺學年年頭開始呢個旅程，喺張潤興博士嘅帶領下，先展開咗探索植物生長之旅。🌱由了解泥土嘅酸鹼值，到親手喺學校生態園種植甜美嘅士多啤梨，甚至將第一批收成再送畀校工們！

校園農場嘅體驗令學生明白每一個食物得來不易，藉此機會答謝身邊一直為我哋服務嘅人。而下一步，同學仔就由小農夫化身成小廚師，親自設計餐單兼煮畀長者，將呢份愛心延續 🥰

🧑🏻‍🍳「我哋想設計適合長者嘅甜品！」

同學仔去到 #香港西廚學院 學習如何製作一款適合老人家嘅甜品——意式奶凍配士多啤梨醬。奶凍選用嘅材料別具心思，包括：高鈣牛奶及稀少糖，而口感更加係適宜不方便大口咀嚼嘅人士🥛

喺Eric Sir嘅專業同耐心指導下，學生明白到稀少糖不單只稀有，更適合糖尿病患者，唔會導致血糖飆升！簡單嘅食材，背後係唔簡單嘅同理心。各位學生都好快上手，熟練咁製作出屬於自己嘅奶凍，連老師們都食到讚不絕口！🍮

📌 「由種子到餐桌：係烹飪，更係生命教育」

奶凍嘅製作旅程，同學仔用小小嘅雙手證明：只要有同理心，小學生都可以運用專業知識，為社會上有需要嘅人帶嚟溫暖。

由一粒種子萌芽，到最後溫暖長者嘅心房，學生學識嘅係比烹飪更珍貴的——關懷與愛 ❤️

⭐即刻Follow賽馬會成長「機」地專頁緊貼我哋最新消息，同click入 jclaoh.hk 了解更多計劃詳情啦！

10/07/2026

【友「機」寵物百科大圖鑑 － 暈陀陀☁️第二階段】

喺經過「大頭妹」、「電紙仔」同「三毛仔」嘅進化後，今次進化嘅當然係第四位友「機」寵物，代表「領導力」同「協作力」嘅「暈陀陀」☁️，終於由一條「蛇」蛻變成一條「龍」🐉！

雖然暈陀陀以前非常冒失同大頭蝦，需要其他人去照顧同幫助，但佢仍然保持佢嘅活力💪🏻！雖然佢喺成長後情緒起伏較大，一時就開開心心咁周圍同小朋友玩，但過一陣可能就見到佢不知所措咁去求助，希望佢會繼續成長，繼續學識點樣飛行、搵嘢食、同其他小龍合作，成為一個可靠嘅領袖🥰！

🏫賽馬會成長「機」地將會透過各種活動、線上線下遊戲等方式，幫助小朋友發展佢哋嘅「領導力及協作力」，令佢哋學識同其他人相處同合作，透過360全人成長報告📝令老師、家人可以了解小朋友係呢個範疇嘅表現，想知道「暈陀陀」嘅其他進化階段？記得繼續留意我哋喇！

⭐即刻Follow賽馬會成長「機」地專頁緊貼我哋最新消息，同click入 jclaoh.hk 了解更多計劃詳情啦！

26/06/2026

11/06/2026

【二十一世紀教育論壇2026 —— 重塑教育未來：全球轉向到本地實踐】圓滿落幕！✨🧡

衷心感謝超過300位校長、老師、社創界夥伴同家長親臨支持！🎤 更要特別鳴謝60多位嘉賓的無私分享，帶領大家探討點樣激發教學創新，陪伴下一代學生成為無懼挑戰嘅「創變者」！

🧠 先嚟回顧一下主題演講精華：
🎓 李子建教授：人口下跌與AI時代下，教育界需創造更大空間推動具人文關懷與倫理價值的教育；
🌱 Prof. Thomas Hatch：教育變革無法一步登天，必須「由小做起」，逐步引入微小改變以成就平衡教育；
💬 盧志文先生：帶來「問對」概念，鼓勵師生善用AI進行深度來回發問，真正實踐「因材施教」；
🌍 Prof. Andreas Schleicher：強調AI應扮演輔助角色提升效率，而非取代學生的思考、書寫與人際互動。

幾位專家嘅全球前瞻視野，正正為我哋激活咗本地實踐嘅創新思維！要「重塑教育未來」，有賴當日一眾教育同行者將這些思維養分帶回本地學校與課室，共同邁向「全球轉向到本地實踐」嘅教育新里程！

📢 當日錯過咗精彩嘅分組特色課室？定係想重溫工作坊嘅收穫？我哋之後將會陸續出Post Share唔同場次嘅重點回顧，大家記得Mark實我哋專頁，密切留意啦！👀

04/06/2026

【🔎 友「機」寵物：AI 時代下的教育變革——教師如何轉型？】

當知識因為 AI 飛速發展而變得唾手可得、當報告、分析喺短時間內就可以生成，各位教育界嘅同工不得不面對一個核心問題：「老師嘅角色定位應該係啲咩？」6月6日喺天主教慈幼會伍少梅中學舉辦嘅《21世紀教育論壇2026》將以「重塑教育未來：全球轉向到本地實踐」為題，深度探討教育嘅本質，並邀請同工們聚焦於「轉化教師：從內容教學轉型為問題導向學習（Problem-Based Learning, PBL）的引導者」主題，與大家交流近年來嘅心得，有興趣嘅同工報名參加喇！

💡 從「教內容」到「教問題」：點樣令學習真正發生？
經濟合作暨發展組織 (OECD) 報告指出，生成式 AI 雖然能提升表面上嘅表現，但卻未必可以讓接收資訊嘅持份者深化同理解。當學生將思考「外判」俾 AI 工具，長遠嚟講唔單止會削弱認知能力，更會產生依賴感，因此，教育嘅關鍵唔再只係教導知識，而係點樣幫助學生喺真實中全方位成長，要達至呢個目的，老師嘅轉型需要迫在眉睫：

1️⃣教師轉型 -從「授課者」變成「引導者」
AI 可以生成答案，但教師負責提出值得追問嘅問題；AI 可以提供資訊，但教師負責引導學生辨識真偽、進行價值反思，教師唔再單單係知識傳遞者，更係學習情境嘅設計者，係陪伴學生創新實踐嘅引領者。

2️⃣問題導向引導：從「課室」走到「真實世界」
問題導向學習（PBL）嘅核心唔在於讓學生完成一個項目，而係令學生從真實問題入手，經歷觀察、提問、探索、修正嘅過程，與世界連結，唔再為考試而學，而係為「解決問題」而學習，涵蓋人與人之間，人與自己之間，人與大自然，甚至超自然之間嘅問題，令學習更有深度與持久度。

🌟教育的本質 -「生命影響生命」
喺數位浪潮下，如果只係追求更新工具，而忽略價值觀建構，教育將會失去方法。相反，教師們如果可以透過科技堅守人本立場，就可以喺變局中搵到新嘅定位，而呢種教學革新，唔只係方式上嘅改變，更係信念同價值觀嘅選擇，幫助新一代面對新社會嘅複雜挑戰！

━━━━ 活動詳情 ━━━━
📅 6月6日（六）｜📍天主教慈幼會伍少梅中學｜⏱ 09:00 - 18:00
👥 對象｜教育界、社創界、各界夥伴、家長
💬 費用｜免費

立即報名： https://tinyurl.com/3urar9uv

⭐即刻Follow賽馬會成長「機」地專頁緊貼我哋最新消息，同click入 jclaoh.hk 了解更多計劃詳情啦！

04/06/2026

【🔎友「機」寵物：學生21世紀技能－由被動學習走向主動解難】

根據經濟合作暨發展組織 (OECD) 嘅學生能力國際評估計劃 (PISA)數據顯示，香港學生雖然喺數學、科學等學業成績名列前茅💯，但「快樂感」卻明顯低於國際平均水平📉。當世界經濟論壇（WEF）提出「教育4.0」框架，強調創新能力同全球公民意識時，我哋係咪仲停留喺「搵標準答案」嘅被動學習模式？6月6日喺天主教慈幼會伍少梅中學舉辦嘅《21世紀教育論壇2026》將邀請不同嘅同工，分享點樣喺呢個大科技時代重構各樣課程架構，包括跨學科與整全課程設計、點樣幫學生由內容走向能力建構等，齊齊交流分享尋找適合新世代學生嘅方案，有興趣嘅同工們即刻報名參加啦！

//「教育不應只回答『學生學了多少』，更要回應『學生是否願意繼續學』、『是否懂得面對真實世界的問題』。」//

根據OECD的PISA評估及WEF《未來學校》白皮書，我哋整理出將學生由「被動學習者」轉化為「主動解難者」嘅實踐關鍵，而賽馬會成長「機」地計劃正正係呢種方向嘅具體實踐：

1️⃣實踐性解難能力
傳統課堂中所教導嘅解難能力較為抽象，學生只可以單靠理論層面去思考，反而應面對真實意見、資源限制及方案可行性，從而體會世界「無完美答案」嘅真相。

2️⃣深層同理心與共情
透過帶領學生走入社區，從體驗同反思社會需要，用「同理心」去思考如何解決問題，例如有學校以動物教育，讓學生學習生命價值、共情能力，將抽象概念轉化為行動。

3️⃣判斷力與負責任的選擇
21世紀學生技能嘅核心，唔單止在於知識應用或批判思考，更係應教育佢哋於限制之中作出負責任選擇嘅能力，當學生學識問「邊個會受影響？代價由邊個承擔？」去評估時，佢哋已經由被動學習者，開始漸漸成為主動嘅問題理解者同回應者。

4️⃣創新思維與靈活性
據國際研究顯示，學業成就同創新表現往往成反比關係，結果並唔係否定學術成績嘅重要性，而係提醒大家，當教育過度集中於分數而忽略感受，學生或會成為高效嘅「應試者」，但卻未必可以成為具有靈活創意思維嘅解難者。

5️⃣協作與溝通能力
傳統課題甚少講求互動，學生未必有充足嘅時間去學習如何表達；但當學生接觸社區人士，並進行互動時，解難能力唔再係一種抽象能力，而係一種可視，喺現實中可以透過不斷調整、協商同嘗試嘅過程，喺訓練解難能力時同時學習如何自我表達。

6️⃣ 全球公民意識
WEF提出嘅「教育4.0全球框架」中，全球公民意識亦係重中之重，教育學生理解個人行動對全球發展嘅影響，以服務社區作為整體學習脈絡，更可以建立學生對社會嘅使命感。

━━━━ 活動詳情 ━━━━
📅 6月6日（六）｜📍天主教慈幼會伍少梅中學｜⏱ 09:00 - 18:00
👥 對象｜教育界、社創界、各界夥伴、家長
💬 費用｜免費

立即報名： https://tinyurl.com/3urar9uv

延伸閱讀：
灼見名家《培養學生21世紀技能：由被動學習走向主動解難者》
https://www.master-insight.com/article/47406
謝思熹（賽馬會成長「機」地計劃總監及首席培訓師）
黃顯華（香港中文大學課程與教學學系客座教授）

⭐即刻Follow賽馬會成長「機」地專頁緊貼我哋最新消息，同click入 jclaoh.hk 了解更多計劃詳情啦！