09/09/2014
寶血會上智英文書院2014-2015年度學生會投票日將於明天舉行，意味著2013-2014年度sparkle學生會即將卸任，完成上學年的使命。Sparkle在此感謝每一位同學於去年投下信任票，令我們有機會在上學年為大家服務，為學校出一分力。明天是一個很重要的日子，大家需選擇一個代表學校的學生會內閣。有見及此，我們分別於昨天及今天向兩個候選內閣提出最後的疑問，一方面令同學釋除疑慮，一方面令同學對其政鋼有更深入的了解，並於明天投下手中的一票。
經過昨日的consultation，我們看到很多同學對學生會候選內閣仍然有不少疑問，我們因此綜合了不少同學的意見，希望係我地任期完結之前，再次作為同學既橋樑，反映大家關心既問題。
內閣1 The Sailors 的問題
1. 首先，有關杯麵既問題，你哋可以點解決熱水供應既問題呢？根據往年經驗，由於SA office位置有限，可能最多淨係可以放到兩個熱水壼，當冬天同時售賣熱飲同杯麵既時候，係吾係真係可以有足夠熱水既供應？你地今日話過售賣杯麵既數目會有上限，請問數目係幾多？喺時間同埋人手方面你地既安排係點呢？
2. 其次，貴閣大力推廣rittersport牌子的朱古力，但以上年SA的經驗，此牌子的朱古力極易溶，因此她們出售過一個月後已經沒有再入貨。而今年我們亦因rittersport貨源問題而拒入，原因是此朱古力不設送貨服務，要members親身提貨，造成麻煩。你們會否有解決方案或轉售其他產品？
3. 另外，teelocker既活動過於商業化，對同學係吾係真係有好處呢？ig的活動亦過於商業化，我地本來亦有提供ig優惠，但最後與校方商討後決定取消。若繼續沿用此方案你們如何確保ig shop的安全性問題，例如私隱問題？實行方面有咩安排？
4. 另外其實你地嘅year plan同今年大致相同，唔知有無啲更創新嘅event，為同學迎來新而美好既一年呢? 仲有個staff appreciation week你地話要改善今年嘅活動 唔知你地有咩新嘅idea呢同點確保學校每一個staff都參與呢？例如校工同science lab technicians？或者你地會唔會考慮逐步擴闊參與既職員呢？
5. 再者，makeup course亦有運行上的問題。雖貴閣已定導師，但以你們所指導師只有一名，F.6一級若180人，若大部份同學參加，是否導師與同學進行1對100的教學？另外若多人參加，場地亦是一個重要問題，如何讓如此多人於同一地點一起上課？建議先考慮運行及場地上的詳情。
6. 今日AGM見到貴閣有promote tote bags同索袋,亦有見到board前面既意見箱裝滿左有sailors logo既紙，而且貴閣更曾派發過膠timetable、school calender、遠航須知。但據我地所知,每個cabinet只有港幣$400作promotion fee.想問下你地為左準備今次既AGM究竟花費左幾多錢? 相信由貴閣組成到今日AGM既筆費用已經完全超出左預算。希望貴閣可以仔細考慮支出問題，妥善運用SA既支金。
7. 另外關於皮革班的問題，之前我地亦有嘗試開辦皮革班，但得悉一塊皮革亦花費不少錢，亦有不少用具的問題出現。首先，請問你們所指的30到40元是否只是導師的費用？整皮革製品的用具是否由貴閣提供？能否確保到時候成功開辦皮革班的時候不會超出原來提出的金額？
8. 再者，貴閣於proposal內提出了不少聯校活動，但我們得悉不少內閣仍未選定，若到最後對方不能當選，貴閣是否有什麼補救方案？
9. 有關f6 phocus攝影問題。貴閣今天承諾會嘗試把2小時的拍攝時間延長。然而，每一年blessing的攝影時間已不算太長，若全體f6同學參與，拍攝將於哪段時間進行？另外，是次服務將如何收費？是否只需參加者繳費？如果揾人黎set場既同係鋪頭影有咩分別？可唔可以留低有關學校既回憶或者影返課室，special room等背景？
10. 我地有少少建議：從今日既consultation，我地留意到貴閣比較偏重於external functions。我地認為你地可以衡量一下internal同external functons既重要性同比重，畢竟sa既宗旨係為全校同學提供服務，所以焦點應該投放落internal functions。
11. 另外不少同學反映貴閣的president甚少參與今天的agm，大家希望可以更進一步認識貴閣的靈魂人物，希望proposed president於今日起可更積極參與，畢竟這一職需要肩負很重的使命及責任，以帶領貴閣甚至全校同學。
內閣2 Star Atlas 的問題
1. 貴閣的proposal內大部份都寫上待定，例如courses的導師，地點等等。如果未定好詳情的話是否可以確保課程和活動會舉辦？
2. 滋味軒小息的人流不斷，貴閣的proposal內提及要增加食物既選擇，想必會引來更多同學排隊。你們有否想過如何解決排長隊的問題？
3. 再者，貴閣於proposal內提出了不少聯校活動，但我們得悉不少內閣仍未選定，若到最後對方不能當選，貴閣是否有什麼補救方案？
4. 貴閣提到會改善Secret Angel既送信系統，方案既詳情會是怎樣？
5. Consultation的時候，有指貴閣抄襲make up course及life journey centre的活動。可否就以上説法作解釋？
6. 貴閣曾提出於Annual Flower Market內出售即制雲形棉花糖。請問棉花糖機是否由SA購買？若由SA購買，使用一次後便要放置於SA Office，問題是Office沒有太大的空間以及會引致昆蟲，請問貴閣是否有解決方案？另外，貴閣對棉花糖製作過程是否了解？熟悉程度有多高？若缺乏棉花糖製作的經驗，貴閣又如何保證flower market當天在不影響其他環節的前提下，兼顧這方面的運作？而且，棉花糖的銷售量很難預算，若供不應求或滯銷，你們會如何解決？
7. 貴閣提及到會應同學要求，售賣多款文具。然而，如何能確保各款文具的銷量理想，不積存？SA又能否容納數量及種類繁多的貨物？
8. 皮革班方面，貴閣承諾每堂會教整一個完整既製品。然而，製造皮革製品需時較長，普遍需要三小時或以上，更需連續的手部動作，會有痛楚的情況。貴閣的預算會唔會過於樂觀？或會否有改動？
9. grad package方面，公仔和紀念冊既種類繁多，貴閣如何確保所售賣既係f6 graduates想買既？會否考慮預購以確保無餘貨？能否有上智的特色，又能迎合graduates既口味而又價錢合理？鮮花運載有什麼安排？
若同學想知道更多內閣的詳情，請大家把握機會勿切留意內閣的ig或fb，她們將將作出最後解答！歡迎大家comment於此post或於2個內閣的page內留言。望各位同學於明天的election day能將神聖的一票投給有誠信,有代表性的學生會內閣。
