C + Kitchen

唔經唔覺，原來用咗小美(Thermomix)一年。

諗返轉頭，其實原來2011年喺英國實習嗰陣時已經識佢，不過嗰陣時廚房師傅好少攞嚟用。

去到疫情期間，原本諗住可以買部機器用嚟幫助自己嘅生意出品穩定 - 然後順便做埋顧問推廣吓賺吓外快，不過當時真係太多其他必須要嘅開支，所以又擱置咗。

跟住估唔到，喺2025年嘅2月14號，美善品官方竟然發佈全新機型TM7 - 一個史無前例嘅升級，告別咗經典嘅設計，換來更大嘅觸控屏幕，更加安靜嘅摩打同埋更多性能！

呢個時候我就知道係時候入手啦！
當然，喺香港當時要買確實係唔容易嘅（同樣做顧問賣機都係）。

用咗一年，我覺得可以分享吓優點同缺點。

優點：
1）摩打喺低速之下真係好靜 - 直程以為冇開機！
2）可以開蓋煮嘢，比起以前嘅型號一定要冚住個蓋，開蓋烹飪模式摩打器唔會轉嘅，所以唔怕食物會飛濺出嚟。
3）高溫模式（160度），終於唔再係局限於指定食譜，係一個獨立分割出嚟嘅功能。
4）底座接口由五個升級到六個，代表將來有升級嘅可能性，你買嘅家電，唔再係一部單一功能嘅機器。
5）屏幕更大更清晰，升級到10吋今次。
6）Cookidoo食譜網嘅引導式烹飪真係好方便，基本上跟住撳就可以 - 而且都基本上大部份食譜都好食。
7）至於如果唔想俾錢買食譜網，手動模式你識玩其實都好好用。
8）內建清潔模式確係幫到手，超方便。
9）內建電子磅，唔使再秤嚟秤去。
10）新蒸鍋大咗45%，由鵝蛋形設計改為長方形設計。

嗱，我份人好坦白嘅，缺點都要講。

缺點：
1）唔平。
如果唔係買水貨，行貨係真係貴嘅，因為香港要跟返星加坡嗰邊嘅定價，要接近兩萬蚊。
2）主鍋容量冇升級，都係2.2公升。
一家四五口基本上冇問題，不過好似我屋企咁有時阿媽要煮埋阿哥阿嫂同姪仔，即係七個人，有機會需要煮兩次。
3）成也Touch Screen 敗也 Touch Screen。
以前舊型號有一個實體按鍵，揀完時間，溫度，速度之後一轉啟動。
依家，用晒Touch Screen，冇咗實體按鍵嗰種「確定性」。

好老實，所有家電都有優缺點，學一個台灣專門介紹房地產嘅YouTuber話齋：冇十全十美嘅樓，只有最啱你嘅樓。

家庭電器都一樣。

所以如果心思思有興趣嘅，真係私訊我，約我做個免費嘅產品示範 - 當見識吓智能家電可以去到一個乜嘢位，順便食吓嘢囉！

#小美 #美善品香港 #用後感

感謝朋朋邀請同安排，為薄餅工作坊作事前考察和學習。

從意大利直送薄餅爐並同時提供新鮮水耕香草，確實為市面少有。

有興趣歡迎去數碼港搵佢哋！

返到屋企，打開爐頭，睇住緩緩上升嘅炊煙同埋聞住食材綜合嘅香味，為返工返到心力交瘁嘅自己進行一場治療。

諗到家人食到呢煲紅酒燴牛面頰，面上開心幸福嘅表情，煩躁嘅心彷彿冷靜落嚟。

遇到爛人爛事既然改變唔到，唯有改變心態。
爛人爛事，我出盡全力祝福妳！

👀好多以為 Cooven 只是另一部氣炸鍋...直到佢哋發現佢竟然做到：

🍗 烘烤全雞
🍞 烘焙酸種麵包
🥩 完美烤煎牛排
🍓 製作自製水果乾
🍕 焗香脆披薩

而且，呢啲都只係啱啱開始 ✨
因為 Cooven 的設計初衷從來唔係「單一用途」。

佢係一套完整的智慧烹飪系統，徹底改變你對廚房的體驗❤️
記低優惠碼：hk016cwong，Cooven官網買機即減$700！

或者...係時候重新定義你對廚房家電嘅認知👀