Meow Kitchen

【 玩意情人節晚餐 】

今晚係Crossover嘅玩意【 蒸 x 燒 】，加上有一個小型抽氣機，雖然外觀比較似玩具，但的確有實際Function，真係做到抽煙效果！(當然個燒板都係小型板！）而蒸爐只需要買個同火鍋尺寸一樣嘅蒸籠放上，蓋上火鍋本身個蓋，就完全做到餐廳蒸鍋嘅效果。蒸煮時間大致如下：
【海鮮類】
1. 元貝、貴妃蚌、赤貝等貝殼類食材 (3分鐘）
2. 蝦 （5分鐘）
3. 原隻蟹 （10分鐘）
4. 龍躉肉件、魚類切件 （6分鐘）*不建議切片
【肉類】
1. 雞件 / 雞翼（6分鐘）* 今晚貓記用咗腐乳醃雞件，相當美味
2. 牛肉片（1-2分鐘）
3. 豬腩片（6分鐘）
【 蔬菜類】
1. 西洋菜、菜心等菜類 （3分鐘）
2. 粟米、南瓜或瓜類（6分鐘）
3. 蘿蔔 （8分鐘）

😻希望大家喜歡！

#晚餐 #家常菜 #食譜 #美食 #香港 #湯

貓記星期六整咗個“不得了”晚餐，十個菜各有Signature，例如個煲仔飯要煎香脆咗啲餐肉粒先放入去， 加埋欖菜非常合襯！個喇沙湯用鮮椰漿令到香辣發揮得更加淋漓盡致！ Medium rare嘅和牛，用咗一個特別嘅蘑菇，係黑松露嘅宗親嘅新鮮蘑菇做咗個汁，Perfect! 朋友們最鍾意嘅五香豬腩炒蓮藕， 今次就連皮處理，多咗一重口感！ 焦糖燉蛋布甸就連哥斯貓都可以畀到兩個表情，用咗個新嘅自創方法，令到布甸更加香滑.... 慢慢再同大家分享今次嘅食譜!

【不得了貓宴】
1. 粟米魚肚羹
2. 温泉蛋牛油果芒果沙律
3. 牡丹蝦兩食
4. 蒜醬烤雞
5. 蘑菇和牛
6. 五香腩蓮藕片
7. 泰式明爐烏頭
8. 喇沙片頭大蜆
9. 欖菜餐肉蠟味煲仔飯
10. 焦糖燉蛋布甸

【 日式芝麻蟹柳雜菜鍋 】 完美賣相簡易煮

好多朋友仔煮日式雜菜鍋嘅時候，難以擺放得如日本餐廳般精美，主要係因為當湯底煮滾後，放食材入鍋中時，因水滾而令食材再鍋中翻滾移動，再加上溫度高而難以整齊排放好！其實秘訣好簡單，先在鍋中排好食材，才倒入湯底加蓋煮5分鐘，精美的日式雜菜鍋立刻呈現眼前，簡單又方便，立刻跟大家分享做法！喵！😻

【 日式芝麻蟹柳雜菜鍋 】4人份

準備材料：
1. 娃娃菜 2棵
2. 金菇 1包
3. 蟹柳 8條
4. 鮮冬菇 8隻
5. 粟米芯 1包
6. 嫩豆腐 1盒
7. 豆皮 1包 (日式超市有售)
8. 日式芝麻豆乳湯底 1包 (日式超市有售)
9. 鹽 半茶匙
10. 糖 半茶匙

做法:
1. 娃娃菜洗乾淨切段，粟米芯及金菇洗乾淨備用
2. 鮮冬菇用刀以V字式花紋 (選擇性)
3. 豆皮切成一開三
4. 先把娃娃菜、金菇、蟹柳、鮮冬菇、粟米芯、嫩豆腐、豆皮、整齊排放好於鍋中
5. 於鍋邊倒入湯底，再加入鹽同糖於湯中，蓋上鍋蓋，以中慢火煮滾後，轉細火滾5分鐘，即成

【 日式芝麻蟹柳雜菜鍋 】 網上食譜: https://bit.ly/3EPYfhS

Meow Kitchen 更多食譜: www.meowkitchen.net

#晚餐 #家常菜 #食譜 #美食 #香港 #湯

【 2小時速煮8道和風晚宴 】

Meow Kitchen 嘅朋友仔好嗎 ? Chef Meow 早一排忙著新project嘅工作， 加上疫情，還是謹守公民責任，聚會也稍等一等！終於...等到放寬了！可以好好與朋友一聚... 亦因為時間間關係, 所以準備了一頓以2小時製作8道速煮和風晚宴！ 如果大家冇太多時間，但又要準備一個豐富的晚宴，可以參考下！❣ 大家今次最喜愛邊個菜式呢？ 稍後Meow會同大家分享食譜！ 大家要幸福! 健康! 快樂！😻

【速煮和風晚宴】
1. 蘿蔔洋蔥菜湯
2. 和牛鴛鴦卵丼
3. 日式芝麻蟹柳雜菜鍋
4. 燒汁雞串
5. 唐揚炸雞配芒果沙律
6. 叉燒烏冬
7. 黑豚帶子壽喜燒
8. 玉桂提子蘋果金寶

Meow Meow Christmas! 終於等到一年一度哥斯貓最鍾意嘅節日啦，佢呢三日一定會瘋狂食、瘋狂玩、瘋狂瞓！ 係呢度哥斯貓同Chef Meow 先祝大家有一個溫馨快樂嘅聖誕節! 聖誕快樂! 😻

【 燉啤梨雪糕啫喱 】 聖誕甜品之選

仲有兩日就到聖誕節啦，今次想同大家分享一個充滿節日氣氛嘅甜品！ 製作簡單而且賣相非常精美，加上啤梨嘅滋潤，配合啫喱及雪糕互相襯托著，剛好為聖誕大餐帶來一點清新！如果大家喜歡呢個食譜嘅話，就click入： https://bit.ly/3qm6KdD

更多食譜: www.meowkitchen.net

準備材料:
1. 啤梨 6個
2. 冰糖 200g
3. 自選口味啫喱 1盒
4. 自選雪糕 適量
5. 即食罐頭荔枝 12粒
6. 水 600ml
7. 迷迭香 1棵

做法:
1. 用滾水開好啫喱粉後放入小杯中，再加入2粒荔枝雪至凝固
2. 啤梨去皮，在鍋中放入水及冰糖煮滾後，放入啤梨以中火煮20分鐘， 熄火焗十分鐘後取出放涼
3. 在啫喱杯上加入雪糕，燉啤梨放在頂上， 最後以迷迭香裝飾，即成

每到大時大節，Meow Kitchen 嘅booking越嚟越多， 今次又諗咗個新嘅Fushion菜【芒果東坡肉】， 朋友們讚不絕口，非常喜愛！ 充滿芒果香甜嘅東坡肉，軟淋適中， 加上以果香的清新減膩，合襯得天衣無縫！ 另外一個【乳酪紅酒牛肋粒粉仔】，又是一個很新鮮的組合！大家會喜歡這些菜式嗎？ 先同大家分享一下昨晚嘅餐單！🥰

Meow Kitchen 晚宴:
1) 清酒煮蜆
2) 法式燒豬鞍
3) 芒果東坡肉
4) 星洲炒蟹多士
5) 乳酪紅酒牛肋粒粉仔
6) 潤腸芥蘭苗
7) 荷葉鴛鴦蒜蒸海蝦
8) 辣汁白酒煮日本赤螺
甜品： 芒果布甸

【 椰青蛋白蒸龍蝦 】 三種材料做出五星級大廚出品

“冬大過年”！ 一家人齊齊整整享受一個溫馨嘅晚宴， 好多朋友仔都會喜歡選擇海鮮，作為做節嘅食材，今次同大家分享十分鮮甜嘅龍蝦食譜，鮮甜的龍蝦肉飄著陣陣的椰香，滑滑的蛋白夾雜著椰青的清甜，實在令人回味無窮！ 非常簡單嘅食材同烹調方法，連調味料都唔需要加，就可以做出五星級大廚嘅出品！如果大家喜歡呢個食譜嘅話，就click入：https://bit.ly/3sdNUYY

更多食譜：www.meowkitchen.net

【菠蘿芬達一字骨】 只需燉煮1小時, 就等於慢煮8小時效果! 很神奇呢！

Chef Meow 用一個方法可以令到一字骨係一個小時之內，入口即溶，果味香濃！ 方法其實很簡單，在醃製的時候加一些黑醋！另外， 在燜煮過程的一小時內，慢火轉大火的時間控制得好，就可以做到離骨的效果！ 如果大家喜歡呢個食譜嘅話，就click入：https://bit.ly/3EYFFDx

更多食譜：www.meowkitchen.net

Meow 為慶祝一對朋友的新婚， 佢哋創作了一個獨特嘅菜式【 菠蘿芬達一字骨】， 祝他們甜蜜一生！ 另外麻辣烤雞都十分惹味，香而不辣！ 紅燒牛肋條更是朋友讚不絕口！ 用了一個特別的方法製作香茅辣酒東風螺， 令到東風螺肉香滑之餘，湯汁都非常美味！ 另外一個可愛的菜式就是用香港最地道的食材：豆豉鯪魚、潤腸、餐肉製作一個港式煲仔飯，又覺得天衣無縫呵！ 大家喜歡這色這些菜色嗎？ 喜歡的話，下星期跟大家分享！😻

1. 麻辣烤雞
2. 紅燒牛肋條
3. 菠蘿芬達一字骨
4. 芒果沙律
5. 荷葉蒜片大蝦蒸粉絲
6. 香茅辣酒東風螺
7. 欖菜肉鬆豆腐餃子羹
8. 豆豉鯪魚膶腸脆餐肉粒煲仔飯

【 玫瑰荔枝Parma Ham】 簡單到不得了！

聖誕就嚟到喇， 頭盤最好用啲又靚又簡單嘅菜式招呼朋友， 呢一個超簡單嘅製作，不用任何烹調，不需加任何調味，只需要用現成材料就可以做到一個精美嘅菜式， 而且味道合拍得天衣無縫！ 如果喜歡呢個食譜嘅話，就click入： https://bit.ly/3CDCT57

更多食譜: www.meowkitchen.net

準備材料:
1. 罐頭荔枝 1罐 （一般超級市場有售）
2. Parma Ham 15片

做法:
1. 罐頭荔枝隔水後抹乾， 捲在Parma Ham內，即成

Meow Kitchen Meow Kitchen 的 Chef Meow喜歡分享創意無限的菜式, 包括 Fusion 新派菜、傳統菜式變奏版、中菜西煮...等，同時亦會分享世界各地之精彩美食!