大嶼山東涌“華生蜂場”Wah Sun Apiary in Tung Chung, Lantau Island

攝於“華生蜂場等“ 2025年，大家好！👋🐶我是一隻被咪咪「師母」領養回蜂場的狗仔，之前俾人遺棄在海邊，獨自流浪海邊兩天，當時我只得兩個月大的Baby，俾義工姨姨救起，住咗義工姨姨家隔離、打針、杜蟲，住咗一個月，再送到蜂場居住。
٩( ^3^ )۶

請支持領養代替購買，懇請！行出第一步伸出援手，俾機會給每一隻小動物、昆蟲等，有一個生存的機會。😍

說說小故事：牠四個月內成長經歷
救回蜂場的時候牠很乖乖，可能太細隻啦，感覺佢有備受人愛的感覺，阿妹又買咗好多狗仔玩具俾佢玩、嘢食及用具，好快亦訓練倒佢識得在尿兜大小便，時常帶着歡笑聲，住得很開心，食得開心，和其牠大狗相處融洽。
當牠越來越大變得懂事及好惡，不知什麼原因唔係好識分主人定外人，一唔鐘意喜歡咬人，不知道是否真咬定假咬，撲過嚟咬妳咁，時常懷疑係咪遺傳獵狗的基因。牠是一隻很聰明的狗仔，好識聽人講嘢，但阿妹教咗佢好耐都攪唔掂。

阿哥送到蜂場的時候，阿妹拍片俾我睇時，我已經問妹：個身側邊為何有三個表面毛似俾人用煙焫傷遺留的痕跡，妹：似係。這一刻我們開始已經懷疑牠之前被人虐待過，逃走去到海邊，並不是遺棄。

終於等到暑假喇！我們一家可以有時間帶阿仔返蜂場玩。由我教學生咁去常試教佢，經三日時間已經KO咗佢。
嗯嗯⋯方法其實每個人都可以做到係要有耐性、信任及愛心等。
第一天，用嘢食去氹佢及傾偈，因為我俾佢知我係邊個熟咗我先。「阿妹：我之前用嘢食都攬佢唔掂，仲要天時暑熱著晒厚嘅長衫長褲入去餵佢及清潔。」
第二天，一發惡咬網就大聲說：No啊及睇指令，佢即刻放口。這個時候要同佢傾偈教人仔咁：請嘢你食係主人要乖乖聽話唔可以咬人，但唔係個個請嘢你食就係叫主人，要日日在屋企裡面見先係主人啊！唔好人人請嘢你食就食啊會死死，牠好似人仔咁乖乖坐下聆聽你的訓話，訓話過後，我：Sit姐姐請嘢你食。佢好鐘意我：俾葉葉玩🍃佢係咬咬玩。

第三天，重覆以上訓練，阿妹話佢最鍾意食新鮮黃皮，出面狗仔屋隔離有幾棵，我每天和牠說：你等等，姐姐摘黃皮皮俾你食先吖。佢每天乖乖坐着等我去種子後給牠吃，就係咁簡單，佢已經好乖乖了。之後我同妹帶佢去新車場玩及互動，我：去拎波波返嚟吖就有嘢食，佢識聽指令拿回來有嘢食奬。哈哈⋯⋯我第一次同佢親身接觸，冇再咬人，仲走來走去玩得好開心添！其實狗仔同人一樣會感受倒你們對佢的愛。😘

#大嶼山東涌華生蜂場
#華生蜂場蜂仔
#華生蜂場新添小成員添樂

攝於“華生蜂場等“ 2025年8月24日🐝

利用「蜂蠟」的天然資源，循環再用環保DIY溶「蜂蠟」的過程，「蜂蠟」又稱蜜蜂的「巢脾」啫牠門的屋企，蜜蜂巢是六角形的。而天然的人工「巢礎」亦可利用蜂蠟，用壓機壓成六角形片狀，幫助蜂仔建巢脾，建出嚟的脾會整齊靚仔啲。而利用棄置出來的蜂蠟，用心製作不但可以製造食品、手工藝、化妝品等之外有很大的價值及用途。 ٩(๑•◡-๑)۶

今次我帶大家嚟睇吓莫師傅及LÖÜIE DIY啦，莫師傅就製作溶蠟的過程，之後再交給LÖÜIE過幾天回家，延伸製作彩虹蠟燭玻璃杯、蠟燭雕花裝飾品等的手工藝。🌈🥃🐝🥞

「蜂蠟」主要成分是脂肪酸和酯，以下等莫師傅來教教大家溶蠟的過程，附上影片每個步驟供大家參考，只要用少少時間很容易學懂。

更新：21-9-2025
LÖÜIE自家製：蜂蠟雕花蠟燭
環保材料：蜂蠟、膠樽、棉線（吃完糭子不要棉線）
等乾過後除去膠樽，睇吓LÖÜIE雕什麼公仔先。🐶🐰🦊🐽🐸🦁🐯🐼🫢

更新9-12-202
LÖÜIE雕其它公仔，有六角形太陽🌞、蝴蝶🦋、花🌼😜

#大嶼山東涌華生蜂場
#華生蜂場蜂仔
#華生蜂場蜂仔彩虹蠟燭玻璃杯及蠟燭雕花裝飾品手工藝