夠薑子 呂校長 l 貓貓校監 l

夠薑子 呂校長 l 貓貓校監 l 夠薑子 呂校長

尖子教學家，名校升學策略師，人稱「貓貓校監」。曾為跨媒體傳媒文化人及學校校監。她在英國和澳洲升學的見解獨到，不少名人向她取經。

一個震撼媽媽界別嘅新聞你會點揀？
19/08/2026

一個震撼媽媽界別嘅新聞
你會點揀？

以前出街怕俾人搶銀包，偷電話……依家唔出街揸實個電話隨時銀包啲錢都會冇 #實名制電話卡個意思喺邊度？
19/08/2026

以前出街怕俾人搶銀包，偷電話……依家唔出街揸實個電話隨時銀包啲錢都會冇

#實名制電話卡個意思喺邊度？

我唔係好敢提起隻藏獒咬死比熊嘅事情，實在太令人傷心，所以我都係講返呢件事……一個14歲孩子，涉嫌傷害一隻由同學託付照顧、只有8個月大的貓。案件仍在調查，我無意在事情未有定論之前審判任何一個孩子。如果一個孩子成長到十幾歲，仍然未懂得對一個比...
18/08/2026

我唔係好敢提起隻藏獒咬死比熊嘅事情，實在太令人傷心，所以我都係講返呢件事……

一個14歲孩子，涉嫌傷害一隻由同學託付照顧、只有8個月大的貓。案件仍在調查，我無意在事情未有定論之前審判任何一個孩子。

如果一個孩子成長到十幾歲，仍然未懂得對一個比自己弱小、無能力反抗的生命產生憐憫，我們的教育，到底在哪一個位置出了問題？

我在天主教學校長大。身邊很多同學其實沒有宗教信仰，但回想當年的校園，我很深刻的一件事是——「愛人」並不只是一句校訓，而是一種每天都在發生的教育。

今天，每間學校都說重視德育；每個家長都說重視家教。

但我們的社會，卻愈來愈習慣用另一套標準衡量孩子：

成績幾多？入邊間學校？有幾多證書？識幾多樣技能？贏過幾多人？

學校亦有自己的 KPI、排名、收生、升學數字。

我們很努力教孩子如何成為一個有競爭力的人，但有沒有同樣努力教他們，如何成為一個有感受的人？

心理學其實一直提醒我們：同理心不是孩子長大後自然會突然出現的東西，它需要在關係之中不斷學習和練習。

Harvard Center on the Developing Child 的研究指出，孩子與有愛、會回應他的成年人之間持續的互動，是建立日後社交及情緒能力的重要基礎。CASEL 的社交情緒學習（SEL）框架亦把「理解及同理別人」以及「作出負責任、關懷他人的決定」，直接視為教育的重要能力。(Harvard Child Development Center⁠)

所以出了這種事，我不想只問：

「這個孩子怎麼了？」

我更想問：

家庭、學校和我們整個社會，有沒有一些責任？

解決方法其實不一定是再加一堂「德育課」。

可能是父母看到孩子欺負小動物、取笑弱者時，不要只說「細路仔係咁㗎啦」；

可能是老師處理欺凌時，不只是記缺點，而是讓孩子真正理解：「如果你是對方，你會有甚麼感受？」；

可能是學校除了獎勵第一名，也公開欣賞那個願意幫助同學、保護弱小、承認錯誤的孩子；

亦可能是我們大人自己首先示範——怎樣對待侍應、工友、老人、動物，以及一個對自己沒有任何利用價值的人。

因為孩子最後學到的，往往不是我們嘴裏說甚麼，而是他每天看見我們怎樣做人。

教育如果最後只培養出一個識考試、識競爭、識贏的人，卻沒有教懂他面對一個比自己弱小的生命時懂得停手、懂得心痛——

那不叫教育成功。

我仍然相信，知識很重要，能力很重要，競爭力亦很重要。

但教育最基本的一條底線，始終應該是：

先學識做人，再學識贏。

18/08/2026

《中女食驗室｜韓國飯卷篇 🇰🇷》

今次我會畀整體 ★★★★☆ 4/5。最大優點係 20g蛋白質＋5g脂肪＋9g纖維；扣一粒星主要因為 53g 碳水同 600mg 鈉，而且「椰菜花糙米」容易令人第一眼以為係低碳食品。

踏入中年之後，我發現人生有兩樣嘢同步創新高：

第一，對食物嘅要求。
第二，脂肪比例。😂

偏偏年紀越大，個人反而越為食。

所以我而家成日周圍搵一啲——好食、方便、高蛋白質，又唔使自己搞餐懵嘅懶人食品。

今次《中女食驗室》試呢個韓國 Cauliflower Brown Rice Gimbap（平時食壽司嘅，我都好少讀呢個字開頭仲以為佢係Kimbap - 真係唔係所有韓國嘢都有kimchi)

今次是燒牛肉味

做法非常適合懶人：基本上零廚藝要求。😂

但睇真啲營養標籤，又幾有驚喜：

成盒319卡路里
蛋白質20g
脂肪只有5g
膳食纖維9g

不過大家唔好好似我最初咁，以為係蒟蒻米、冇乜澱粉——原來佢真係有糙米㗎！😂
所以成盒其實有 53g碳水化合物，另外鈉就有 600mg。

不過如果當佢係完整一餐，我覺得個營養比例仍然幾唔錯：

唔使煮、幾好食、有20g蛋白質，而且脂肪唔高。

對於我呢啲又想食、又想懶、又要同脂肪比例搏鬥嘅中女，的確幾啱。😂

🧪 中女食驗報告

好食度　　★★★★☆
營養值　　★★★★☆
方便度　　★★★★★
性價比　　★★★★☆(懶人視覺)

綜合評分：★★★★☆ 4/5

食驗結果：可以入貨。😋

不知所謂，不知廉恥這位內地男性，成日假扮家長……
17/08/2026

不知所謂，不知廉恥
這位內地男性，成日假扮家長……

17/08/2026

暑假前應該玩到盡，還是鬧到爆？

暑假就嚟完，我發現好多家庭每年去到呢個時候，都會出現一個好得意嘅現象。

暑假頭，爸爸媽媽通常都好豪氣：

「放暑假咋嘛！俾佢玩啦！」
「夜少少瞓有咩所謂？」
「打多陣機啦，難得放假！」
「去旅行啦！食啦！玩啦！」

跟住去到八月中、八月尾，家長突然醒覺：

「弊！就嚟開學！」

然後成個人突然變咗教官：

「仲打機？」
「幾點呀仲未瞓？」
「暑期作業做晒未？」
「英文溫咗未？」
「你返學點算呀？！」

最慘係個小朋友心諗：

「吓？前兩個禮拜唔係你叫我玩盡啲咩？」

所以好多時，暑假尾親子關係突然「鬧到爆」，未必係小朋友突然曳咗，而係我哋大人由 Holiday Mode 一夜之間轉咗做 School Mode，但係期望小朋友都可以一秒轉台。

其實唔使。

如果距離開學仲有一兩個星期，我反而建議大家做三樣嘢。

第一，唔好突然全面禁玩。

每日照俾佢有得玩，不過慢慢將瞓覺、起身時間拉返早。今日早15分鐘，過兩日再早15分鐘，個身體容易適應好多。

第二，每日只恢復一小段「要做嘢嘅時間」。

唔使突然由零變成每日溫三個鐘書。可能朝早30分鐘睇書、執書包、做少少練習，做完就繼續享受暑假。

第三，亦係我覺得最重要

唔好將暑假最後嗰幾日，變成一場「追數大會」。

「你成個暑假學咗啲乜？」
「點解人哋已經溫晒書？」
「早知就唔俾你玩咁多！」

其實暑假本來就係俾小朋友休息。

所以最後呢段時間，我哋要做嘅唔係突然收緊晒所有嘢，而係幫佢慢慢由「暑假模式」行返去「返學模式」。

玩，繼續玩。
但個鐘，就慢慢校返準。

咁開學嗰朝，至少唔使全家一齊崩潰。😂

專業咨詢熱線 WhatsApp +852 9808 2027

能夠安排到優質貓糧 Hill’s Pet Nutrition HK 香港希爾思寵物營養品 比 愛貓日子Love Cats Everyday並非我個人嘅力量，最多都可以講係我個人有小小魅力🤪🤪但係都唔夠嗰班可愛嘅貓咪嘅吸引力，令到身邊人大力出...
14/08/2026

能夠安排到優質貓糧 Hill’s Pet Nutrition HK 香港希爾思寵物營養品 比 愛貓日子Love Cats Everyday並非我個人嘅力量，最多都可以講係我個人有小小魅力🤪🤪

但係都唔夠嗰班可愛嘅貓咪嘅吸引力，令到身邊人大力出手。

#支持領養堅拒購買

Happy Friday

隔日就有一個……其實真係好煩其實佢哋平時呃埋呃埋咁多錢，借啲錢出嚟俾我攞去做善事都好呀
13/08/2026

隔日就有一個……其實真係好煩

其實佢哋平時呃埋呃埋咁多錢，借啲錢出嚟俾我攞去做善事都好呀

唔係人人都鍾意高床暖枕貓貓才是主子
10/08/2026

唔係人人都鍾意高床暖枕
貓貓才是主子


這位陳同學部份資料是用條簡體字……同埋佢呢張相係用咗劉鑾雄個樣放入AI整出嚟嘅我發現每次我喺佢哋講完第一句之後我就開始問佢借錢，然後佢哋就冇音訊同學關係到此為止
10/08/2026

這位陳同學部份資料是用條簡體字……
同埋佢呢張相係用咗劉鑾雄個樣放入AI整出嚟嘅

我發現每次我喺佢哋講完第一句之後我就開始問佢借錢，然後佢哋就冇音訊

同學關係到此為止

Address

Hong Kong

Telephone

+85298082027

Website

Alerts

Be the first to know and let us send you an email when 夠薑子 呂校長 l 貓貓校監 l posts news and promotions. Your email address will not be used for any other purpose, and you can unsubscribe at any time.

Shortcuts

Featured

Share

Category