01/12/2024
12月1日 · 世界愛滋病日
2024年世界愛滋病日主題為：
「Take the rights path: My health, my right!」
我嘅健康，我嘅權利！
每一個人都值得被尊重，愛滋病病毒感染者亦不例外。我哋應該用平常心對待，而非以異樣眼光看待。同時，保護自己亦係保護他人，記得定期進行愛滋病抗體測試，了解自己嘅健康狀況！
愛滋病 (AIDS)，全名「後天免疫缺乏症」，係由 HIV (人類免疫缺乏病毒) 引起嘅疾病。HIV會攻擊人體免疫系統中嘅T4細胞，令身體對抗疾病嘅能力大幅削弱。當免疫系統無法抵禦一般健康人唔會受影響嘅感染時，就可能進一步發展為愛滋病。
🩸但愛滋病並非無法治療！
只要及早發現並接受有效治療，可將血液中病毒載量降低至不可檢測嘅水平。當病毒載量持續「測不到」，愛滋病病毒就無法傳播。這亦即係 U=U —— 測不到 = 傳不到。
例如，2016年發表嘅 PARTNER1研究，追蹤548對異性戀同340對男同志伴侶，進行為期三年嘅調查。當愛滋病陽性伴侶接受高效藥物治療（俗稱「雞尾酒療法」）並保持病毒載量為不可檢測，另一伴侶為陰性時，即使經歷超過58,000次無保護嘅性行為，愛滋病病毒傳播率仍為 零。
（資料來源：香港愛滋病醫學會）
同土土一齊可以攜手對抗歧視，消除恐懼，同時關心身邊每一個人。喺今日，響應世界愛滋病日嘅同時，記得傳遞呢份關懷同支持！❤️
#世界愛滋病日
#測不到傳不到
