15/02/2023
《與前世情人的天堂對話》 2023更新版
豬仔預產期本來就是二月十四情人節，儘管最後遲了兩天，仔註定是媽一世的情人。今天是豬仔十二歲生日，豬媽陪了公公婆婆返香港，第一年沒有在一起過。隔岸舊文重po兼有最新彩蛋在後頭，掛住傻更更的五歲小臭豬。
豬仔：媽媽，我第日上咗天堂之後會唔會落返嚟㗎？
豬媽：如果你想就可以囉。
豬仔：咁要點樣呀.......
點擊全文: https://www.facebook.com/100088715846179/posts/pfbid0363ZgSzMdTTfkxuv1K8nFcrgbX1ibnH9xavh1S1WCBSWV6hSQ1QKv5qoyosEn7sGfl/
《與前世情人的天堂對話》 2023更新版
豬仔預產期本來就是二月十四情人節，儘管最後遲了兩天，仔註定是媽一世的情人。今天是豬仔十二歲生日，豬媽陪了公公婆婆返香港，第一年沒有在一起過。隔岸舊文重po兼有最新彩蛋在後頭，掛住傻更更的小臭豬。
(2016。香港。)
豬仔：媽媽，我第日上咗天堂之後會唔會落返嚟㗎？
豬媽：如果你想就可以囉。
豬仔：咁要點樣呀？
豬媽：你同天使講，叫佢幫你搵對啱嘅爸爸媽媽，咁就可以再坐彩虹穚落嚟囉。
豬仔：咁我可唔可以揾番你做媽媽？
豬媽：可以，你同天使講囉......但其實都可以揾其他媽媽嘅……
豬仔：但我淨係想搵你做媽媽喎.....其他媽媽唔識帶我返大地媽媽(Waldorf playgroup)同Uncle Danie(Forest Adventure)嘛！
豬媽：咁又係…但係我可能下世做男人喎。
豬仔：吓？會㗎咩？(驚愕mode)……咁你會唔會做英文或普通話媽媽㗎？
豬媽：都會㗎。
豬仔：吓？(又來嚇死寶寶mode)……但我唔識講呢啲話喎！
豬媽：都唔怕啦，你出世果陣都唔識講宜家啲話㗎啦。
豬仔：......咁我上到天堂，會唔會唔識同天使講要搵返你做媽媽㗎？
豬媽：天使乜話都識聽㗎，唔怕啦。
豬仔：.........咁如果有第二個BB早過我坐彩虹橋來搵你，咁點算呀？
豬媽：咁你咪做細佬囉？
豬仔：吓？ (扁咀兼沉思Mode)
(隔了半秒)
豬仔：媽媽，你鍾唔鍾意我呀?
豬媽：一時時啦......
豬仔：但我好鍾意你喎，雖然你麻麻地鍾意我。
(再隔了一會)
豬仔：媽媽，你同我一齊畫畫丫！
豬媽：畫咩呀？
豬仔：你幫我畫條彩虹同雲丫......我畫第啲嘢....
豬媽：哦......(被老點mode)
(再再隔多一會)
豬媽：你啲綠色蜜蜂好得意喎.....
豬仔：果啲係天使嚟㗎......天使透明㗎嘛.....
豬媽：哦!?.......(滴汗mode).....咁彩虹上幾個人仔邊個嚟㗎?
豬仔：宇宇、豆豆、開懷(佢同佢啲friend)......我畫埋你上去啦.....
豬媽：咁你爸爸呢?
豬仔：無呀.....
豬媽：咁下次預佢囉.....(得戚勝利mode).......
豬仔：我真係好鍾意呢張畫呀，見到條彩虹都想跳上去飛呀！
豬媽：係喎，我都好鍾意喎 (心諗，你下世再落嚟玩囉仔)
豬仔：媽媽，第時你死咗返天堂，我買個畫架鑲起呢幅畫掛上牆啦。
豬媽：……好……啦。(大吉利是mode)
轉眼隔了六年來到2023，久違了的小情人又回到媽媽身邊，此刻豬仔已經變了一個ABC少年，講英文仲叻過媽媽，終於學多一語旁身上到天堂都可以宇宙通行。為母臨離開墨爾本返香港前兩晚……
豬仔：Ma, I love you!
豬媽真心衰，明明已經冧爆仍然扮酷冷冷的問：Are you serious?
豬仔：Yes!
豬媽見好唔收仲得寸進尺：But I am so mean……
豬仔：Yes you are! But I still love you!
徹底融化了，秒速變臉回一句Ma Ma love you too! 以為已經得逞可以為所欲為，馬上飛撲欲索吻抽水，換來一個枕頭擋著臉。死𦧲之下才勉強爭取到一個隔空飛吻。
如斯境地，女人只能幽幽自艾，你明明以前唔係咁㗎，你變咗喇！
Yes你變咗喇，but mama still love you to the moon and back!
