滾續達人

【遇事問AI？要識得揀啱工具🔎】

而家AI咁方便，無論喺工作以至點樣氹另一半，都可以搵AI獻計。咁你喺MPF投資上遇到問題又會唔會問AI呢？坊間AI工具琳瑯滿目，都唔知邊啲先係可靠🤔關乎緊你未來嘅退休儲備，識揀一定係揀官方嘅AI工具啦~

積金局最近推出咗🆕「 」，係利用GenAI科技，專門解答一啲同MPF投資有關嘅疑問。唔止咁，呢個AI仲係：
✔️官方認證：提供可靠、中立嘅MPF投資同退休策劃資訊
✔️識得針對性分析：唔同一般嘅搜尋器，呢個AI助手會跟據你嘅問題提供度身訂造嘅專屬答案
✔️由淺入深：將繁複嘅MPF資訊，變成簡單易明嘅對話，針對較複雜嘅概念，會以簡潔易明嘅圖解，協助大家快速理解重點。

立即試用「積金投資教育AI助手」喇：https://tinyurl.com/ytxv5mne

#滾續達人 #官方認證

【世上無難事，管理話咁易⁉ 】

一講到檢討MPF投資組合，覺得係時候要做但係就缺乏動力🫠，會唔會係因為唔知點著手去做呢？咁就要認識下：周年權益報表📑，透過呢份報表，你可以掌握你MPF嘅投資狀況：
📌帳戶資產增減摘要：睇下戶口嘅總額，同埋今年嘅增減
📌基金分佈：一眼睇晒你嘅基金選擇同分布
📌自帳戶開立起賺蝕：追蹤基金表現同你嘅資產累積進度

依家你仲可以喺自己個「積金易」(eMPF) 帳戶入面下載周年權益報表，無論係查閱最新結餘，定係轉換基金，只要登入自己個帳戶，一個account搞掂晒，方便又快捷！如果你仲未有eMPF帳戶，快啲去註冊啦 💪 https://tinyurl.com/mveueytj

#滾續達人 #續個傾心事 #積金易 #定期檢討強積金投資 #周年權益報表

【DIS解謎系列(5)💡】

一旦揀咗「預設投資策略」投資，日後可否改變主意🧭？

當然可以～如果覺得預設投資策略唔再符合你嘅退休目標🎯，你可以隨時轉換你嘅投資組合！

不過要提提你，強積金屬於長線投資，唔好因為短期嘅價格波動而貿然轉換基金；而喺轉換前，亦都要考慮埋你嘅承受風險能力呀🤔！

#滾續達人

【旅行已經成為生活一部分！✈️】

「又飛喇？」去旅行叉下電，係普遍香港打工仔嘅回魂術🔋！早前一個網上調查發現，受訪者嘅家庭開支入面，大概有23%都係同旅遊有關。既然呢個開支佔家庭支出成四分一💸，當然要納入家庭財務策劃當中 ── 設立家庭「旅遊基金」！

執行好簡單，例如你家庭採用「631 法則」📊 ：即係將收入分為 60% 生活費、30% 儲蓄理財、10% 風險規劃的話，就可以試下調節成5：4：1，減少生活開支，再將10％旅遊基金納入儲蓄理財。開始之前，不妨準備埋以下事項：

設定目標同金額⏰ ：將年度或未來嘅家庭旅遊計劃，計算出預計開支(如交通、住宿、餐飲等)，最好初步預計埋出發日期，因為旺季同淡季嘅機票同酒店價格可以相差好大。
獨立帳戶📁：開設獨立嘅銀行子帳戶，每月從收入中儲起固定比例去呢個帳戶，避免同緊急預備金或日常開支混淆。

介紹埋⭐樂享退休GPS⭐手機app畀大家：利用app入面嘅「收支管理」記帳功能，紀錄低每個月嘅個人或者家庭收支狀況，仲可以設定儲蓄目標，方便隨時掌握儲錢進度。快啲download試下喇：https://tinyurl.com/5dm66mwj

#滾續達人 #旅遊基金 #每個月儲少少 #輕鬆實行 #續語有話

【中場檢討，等下半年做得更好🏓！】

去到呢個月份意味著我哋已經進入下半年啦🗓️～年中嚟個財務檢討，係幫助自己修正同實現下半年目標嘅黃金時刻 ── 你可以檢視過去半年嘅財務狀況📊，包括收支、儲蓄、債務同埋投資表現等，確保財務計劃仲係符合你嘅需要同埋向緊正確方向進發！

MPF投資同樣都需要定期檢討💡，你可以登入你嘅「積金易」帳戶，參考你份周年權益報表，了解過去一年你嘅MPF投資狀況：包括帳戶資產變化、基金投資分布、自帳戶開立起賺蝕同收支，檢討一下投資組合喺咪符合你嘅需要同埋配合你嘅退休計劃，同埋有無需要調整。

仲未有「積金易」帳戶? 快啲去呢度登記：https://tinyurl.com/2wxjkktk

#滾續達人 #續語有話 #積金易平台 #定期檢討強積金投資 #周年權益報表

【DIS解謎系列(4)】

眨下眼，嚟到DIS解謎系列嘅第四集！有好多朋友仔想知道，係咪無論選擇邊一間受託人嘅DIS，大家嘅回報都會係一樣🤔？

唔係。雖然每個MPF計劃下嘅DIS都採取相同嘅投資策略同埋設定類似嘅投資目標。但係基於以下嘅因素，大家嘅投資回報會有所不同：
💡唔同嘅受託人，佢哋嘅基金經理喺資產配置細節同執行上會有啲唔同，會導致回報率有差異；
💡每個DIS計劃下嘅收費水平同開支都略有唔同；
💡即使喺同一個DIS計劃下，由於每個計劃成員嘅年齡都唔同，代表大家按年齡調整投資組合嘅時間都會唔一樣，所以喺同一年嘅投資回報都會唔同。

#滾續達人 #預設投資