15/04/2026
【致 2026 DSE 嘅你哋：主科完結，辛苦了】
呢一刻，相信大家都好想好好唞大啖氣——包括一直喺背後睇住你哋嘅我哋。😮💨
睇住你哋由一開始嘅迷惘，到慢慢掌握技巧，再到今日咬緊牙關行出試場……呢幾年大家一齊經歷過嘅高低起跌，絕對唔會白費，一定會喺生命某處有所得着。🌱
我知道，你哋而家一定好攰，身心俱疲。
「天將降大任於斯人也」。每一次覺得捱唔落去，其實都係為咗成就更加強大嘅自己。✨
如果真係覺得好攰，不如靜落嚟，回想吓自己當初點解要堅持落去？記唔記得喺課室入面，大家一齊操過幾多疊厚厚嘅 Past Paper？嗰啲密密麻麻嘅筆記、改完又改嘅錯處，全部都係你哋為咗未來奮鬥過嘅證明。📖
好好休息一陣，我哋又要再披甲上陣。⚔️
考完嘅科目已經成為歷史，無論考成點，過咗去就無得再改變。
請記住，我哋唯一可以掌握同改變嘅，係將來。
剩低嘅副科，無論條路仲有幾難行，我哋會繼續喺度陪住大家，行埋最後呢段路。
盡人事，安天命。
各位 DSE 戰友，共勉之。🫂
#海 #廢水的重要
