autismilee 香港自閉症專業治療中心

💛「一致性」對 ASD 小朋友好重要。
相信好多家長都聽過呢句說話。

當學校、屋企同治療團隊朝同一方向努力時，小朋友往往更容易理解規則、建立習慣同學習新技能。

但現實中，
👩 媽媽有媽媽嘅諗法
👨 爸爸有爸爸嘅考慮
👵 長輩有長輩嘅經驗
👩🏽‍🍳 工人姐姐又有自己習慣

於是就會出現：
💭「媽媽話唔得，爸爸又話得。」
💭「今日星期五算啦。」
💭「見到佢喊就心軟。」

其實，每個人都係為小朋友好。💛
只係每個人嘅背景、經驗同想法都唔同，要所有人喺每個情況下都用同一套方法，往往比想像中困難。

如果你正為此感到困擾，我哋想同你講：
🌱 唔需要一開始就追求 100% 一致。

比起要求全家人用完全一樣嘅方法，
更重要嘅係大家有共同方向。
例如：

👏 約定當小朋友跟到指令時，大家都即時稱讚
📋 約定出門前都跟同一張視覺流程卡

由一啲較容易做到一致嘅小地方開始，慢慢建立家庭成員之間嘅合作。

一步一步嚟，往往比一次過想統一所有規矩更容易成功。

💛 家長們，你哋又覺得最難做到一致嘅係邊方面？

1️⃣ 行為處理方法
2️⃣ 對小朋友嘅期望
3️⃣ 指令嘅方式同內容
4️⃣ 日常生活流程
5️⃣ 其他 (歡迎留言分享)

歡迎喺留言區投票同我哋分享。

ASD 小朋友唔係唔鍾意同人玩。💛

有時只係未知道：
👉 點樣加入？
👉 第一個步驟係咩？
👉 同人玩原來可以咁有趣!

好多家長都試過帶小朋友去公園、 參加聚會、 報名活動，但最後發現：
小朋友可能仍然係自己一個玩、睇自己有興趣嘅嘢、或者只係留意自己嘅世界。

其實，群體生活同其他技能一樣，
都需要學習同練習。

今次同大家分享 4 個方法：
🌱 用小朋友有興趣嘅主題做橋樑
🌱 觀察同適當介入
🌱 將成功經驗放大
🌱 製造機會反覆練習

當小朋友慢慢累積：

✨ 同人互動嘅經驗
✨ 成功參與嘅經驗
✨ 被接納嘅經驗

佢哋就會開始發現：

💛 原來同人一齊玩都可以好有趣。

而呢個亦正正係我哋 Summer Camp 重視嘅地方。

我哋嘅 ABA 治療師會喺活動過程中：

✅ 用興趣帶領學習
✅ 協助小朋友參與活動
✅ 透過提示及示範建立能力
✅ 喺遇到困難時即時支援
✅ 幫助小朋友累積成功經驗，慢慢變得更獨立

我哋希望小朋友唔止係「參加咗活動」，而係真正投入同享受✨

📩 DM「夏天」了解 autismilee Summer Camp 詳情

【《應用行為分析（ABA）家長講座》圓滿舉行！】

感謝將軍澳培智學校邀請 autismilee 與家長們一同交流學習 💛

今次講座主要分享 ABA（應用行為分析）嘅基本理念，以及如何透過科學化、系統化嘅教學方法，幫助SEN小朋友提升學習能力同日常生活技能。

活動期間，家長們都非常投入，積極提出自己喺育兒過程中遇到嘅困難同疑問，一齊探討如何將 ABA 策略融入日常生活當中。

我哋亦特別安排家長專屬諮詢機會，為有需要嘅家庭提供更個人化支援，希望透過具體建議、教學示範及行為管理策略，協助家長喺屋企更有信心支援小朋友成長。

💛 我哋相信：

每個行為背後都有原因，
每個SEN小朋友都值得被理解。

autismilee 一直希望透過社區教育、家長講座及專業分享，提升公眾對特殊教育需要（SEN）及神經多樣性（Neurodiversity）嘅認識，讓更多家庭得到適切支援。

再次感謝將軍澳培智學校及所有參與嘅家長。

期待未來繼續與學校及社區攜手同行，為SEN小朋友創造更友善、更包容嘅成長環境 🌱✨

🏫 普通幼稚園 vs 主流融合班

SEN 小朋友適合邊一種環境？💭

「融合班同普通幼稚園有咩分別？」
「融合班嘅支援有咩唔同？」

對部分 SEN 小朋友嚟講，返學嘅真正挑戰係課堂入面嘅：

▪️ 遇到困難時點樣獲得支援
▪️ 情緒爆發時點樣調節
▪️ 同同學互動時點樣參與
▪️ 跟隨課堂要求及流程

喺普通幼稚園，老師需要照顧全班小朋友，
未必可以長時間提供個別支援。

而喺 Pods × autismilee 主流融合班，

🦋 ABA導師會喺課堂中提供即時支援

✅ 即時調整教學方法
✅ 分析行為背後原因
✅ 引導社交互動
✅ 提供視覺提示及清晰流程
✅ 幫助小朋友重新投入課堂

同時，每月由 BCBA 督導進行家長會談，一齊了解小朋友嘅：

📈 學習進度
👥 社交發展
💬 課堂表現
🌱 行為及情緒狀況

並共同訂立下一階段目標及家居實踐策略，讓學校與家庭保持一致方向。💛

🌱 每個小朋友都有唔同需要，最重要係要搵到最適合佢現階段發展需要嘅環境。

📩 想了解小朋友是否適合主流融合班？
話畀我哋知你小朋友嘅情況，我哋一齊為佢訂下計劃同目標，陪住你哋一齊行。

升小一，最緊張嘅好多時反而係家長。

「佢坐唔坐到咁耐？」
「聽唔聽得明老師指令？」
「轉堂、排隊、寫手冊會唔會跟唔到？」
「返學會唔會成日喊？」

其實，對部分 ASD 小朋友嚟講，升小一唔單止係換一間學校，而係要同時間面對新嘅環境、 同學、課程、節奏
同規則。

當一般小朋友慢慢透過觀察同模仿去適應時，部分 ASD 小朋友可能因為：

🧩 處理大量環境資訊
🧩 適應轉變
🧩 理解社交規則
🧩 感官調節
🧩 跟上群體節奏

而令適應過程變得更具挑戰。

其實，家長可以試嘗試提早將小學嘅元素帶入屋企，等小朋友先熟悉，例如:

1️⃣ 建立固定早上流程
2️⃣ 練習坐定及跟課堂節奏
3️⃣ 提前練習轉活動
_______________________________________

如果你希望小朋友可以進一步喺模擬小一課堂環境中練習：

🏫 小組上堂
🔔 轉堂流程
👂 聽指令與等待
👥 同學互動
📚 不同課堂形式

autismilee 小一預備班可以幫助小朋友循序漸進熟悉小學生活模式，為升小一做好準備。🌱

📩 歡迎 DM 我哋索取「小一預備班」詳情。

📈 點解出生率下降，
被診斷 ADHD 嘅小朋友反而愈來愈多？

一項分析全球 135 個國家、1996–2019 年數據嘅大型研究發現：
🌍 全球 ADHD 診斷率自 1990 年代持續上升，而且唔只係歐美，
亞洲、拉丁美洲等地都見到類似趨勢。

研究指出，呢個現象唔單止同「醫學診斷」本身有關，亦同全球社會對兒童發展觀念轉變有關。

近幾十年，社會開始愈來愈重視：

💛 小朋友情緒健康
📚 學習表現
👥 社交能力
🧠 心理健康
🌱 個別差異與需要

以前可能被認為：
「曳」
「無家教」
「懶散」
「坐唔定」

而家則更傾向理解為：
👉 可能有神經發展上嘅需要（neurodevelopmental needs）。

同時，WHO、UNICEF 以及國際醫療健康組織持續推廣：
✨ ADHD 係一種神經發展狀況，
而唔係單純「唔聽話」或者「冇紀律」。

當意識提高後：

✅ 家長更願意求助
✅ 學校更願意轉介
✅ 偏見慢慢減少
✅ 社會更接受評估與支援

研究亦提出，當家庭子女人數減少，
家長通常會更仔細觀察孩子發展，
更早察覺社交、情緒同學習上嘅困難，亦更願意尋求專業意見。

所以：
以前可能係：
「小朋友獨自面對成長中嘅困難」

而家：
💛 更容易被發現與支援。

「被發現」
有時正正代表：
🌱 終於有人開始理解孩子嘅困難。

作為特殊教育工作者，我哋希望每一位 SEN 小朋友，都唔需要再因為「被誤解」而獨自承受困難。

因為對佢哋嚟講：
✨ 被理解，
往往就係改變嘅開始。

📩 如果你嘅小朋友喺：
專注力 / 情緒調節 / 社交互動 / 學習適應 / 行為管理方面需要支援，

我哋嘅 ABA 專業團隊 💛
歡迎同你一齊了解孩子需要，
陪伴孩子慢慢成長。

「未行過嘅路都仲好啲，但如果係平時行開嗰條路突然改咗，就會好大反應。」

第一次見迪迪（化名）媽媽時，佢咁同我哋講。💭

有一次放學返屋企，因為附近整路，要改行另一條街返屋企。
迪迪即刻情緒崩潰，瞓咗喺地下喊。

媽媽想抱佢，但抱唔起；想安撫佢，但佢已經完全聽唔入耳。

最後，只可以一路氹、一路拉，先勉強返到屋企。
*
對部分自閉症小朋友而言，「改變」帶來嘅壓力，可能比大人想像中更大。
「改變」代表嘅係對未知嘅焦慮、對常規被打亂嘅不安同埋對失去預期感嘅壓力。

呢種情況下，唔可以一下子就要求佢「即刻接受改變」。
而係先由最細微嘅改變開始，將返屋企條路拆成5個小部分，一步一步建立成功經驗。🌱

因為迪迪好鍾意車，我哋亦設計咗以「車」作為動機嘅獎勵系統 🚗，當佢願意行完指定路段、接受少少改變，就可以得到同車有關嘅獎勵或活動。

一開始，整個過程主要由 ABA 治療師帶領，我哋會揀少人啲時間、較容易離開嘅位置練習，同埋由迪迪較配合嘅治療師開始帶，慢慢建立安全感同適應能力。

而家，迪迪已經可以由治療師同媽媽一齊完成大部分路段。💛

*
面對固執、情緒爆發、抗拒改變，
好多時只係因為小朋友暫時未有足夠能力去面對焦慮同轉變。

透過循序漸進嘅 ABA 支援、合適嘅強化系統同真實情境練習，
小朋友其實係有機會慢慢建立適應能力。✨

如果你小朋友都正面對類似情況，
歡迎 DM / WhatsApp 我哋傾下，等我哋幫你諗出更適合孩子嘅方法。💛

#自閉症 #情緒調節 #固執行為 #特殊教育 #兒童發展 #自閉症支援 #升小一準備 #適應能力 #香港家長

好多家長搵 ABA (應用行為分析) 訓練時，目光通常放喺「依家嘅進步」。但更關鍵嘅係：今日嘅決定，點樣影響佢 3 年後入讀主流學校 (Mainstream) 嘅適應力。

🌈 每個小朋友嘅發展路徑都唔一樣，重點係配合佢當下嘅能力同需要。

有啲小朋友會先透過「1:1 訓練」建立基礎技能，
有啲小朋友就適合喺「貼近主流嘅小組環境」入面，逐步練習過渡同適應。

當小朋友開始由訓練走向更接近主流學校嘅日常環境，過渡型支援就變得更加重要。

Pods × autismilee ABA 主流融合班
著重喺 2–6 歲黃金期，同步建立技能同過渡能力，等小朋友喺貼近主流嘅環境中預先練習：

✔️ 喺干擾下維持專注​
✔️ 唔洗靠貼身提示都跟到常規​
✔️ 應對活動變動​
✔️ 觀察同時模仿同輩社交​

3 年後，佢唔係突然被推入一個全新環境，而係帶住一路累積落嚟、練習過嘅適應能力，同自信去返學 🎒✨

早期介入 (Early Intervention) 係基礎，「有計劃嘅過渡」更加係減低家長焦慮、增加小朋友自信心嘅關鍵！

💬 你最擔心小朋友未來喺課室遇到咩挑戰？​
歡迎分享你小朋友嘅狀況 (例如：轉活動發脾氣、跟唔上節奏、唔識社交)，我哋一齊為小朋友做好預備！

#主流過渡 #早期介入​ #融合教育 #自閉症家長

返主流唔只係要「坐得定」，喺課室入面，小朋友更需要「校園友善能力」去融入社交同學習！

即刻 Check 下小朋友有冇呢 5 個技能：

1️⃣ 聽到指示識回應 👂🏻
老師嗌「望住前面」或「執嘢」時，小朋友識唔識即時俾反應？

2️⃣ 輪流等候夠冷靜 ⏳
排隊或等老師派嘢時，可唔可以維持情緒穩定？

3️⃣ 活動過渡順暢 🔄
由玩轉去上堂，會唔會因為變動而崩潰？

4️⃣ 識得主動求助 🙋🏻‍♂️🙋🏻‍♀️
遇到困難或想去洗手間時，識唔識用語言或手勢話俾老師知？

5️⃣ 識得觀察同伴 👀
會唔會睇下同學做緊咩，從而調整自己行為，跟上課室步伐？

如果小朋友仲係「未到位」，可能係因為佢哋需要一個可以真實練習社交反應嘅地方。

🦋 Pods × autismilee ABA 主流融合班
我哋嘅目標唔係要小朋友變成「機械人」咁坐定定，而係透過課堂設計提升能力：

✔️ 透過真實環境：適應主流學校步伐。
✔️ 即時行為支援：ABA 導師適時提示，建立自信。
✔️ 數據化進度：用客觀紀錄分析進度，唔係靠估。

想知點樣幫小朋友補足弱項？
📩 立即 DM 我哋：小朋友年齡 + 最想加強嘅部分
等我哋話你知點樣逐步幫佢做好準備！

#主流銜接 #融合教育 #自閉症支援