120 theatre - The Box That Heals Your Heart

由「我」開始，通過音樂同Hologram，傳遞到「你」所在之處。

120劇場點嚟？

話說我哋有一份功課，每位同學喺課程討論區share一首歌，講吓首歌嘅寓意同對佢地嘅意義。明明係交咗就有分嘅功課，點知大部份同學都寫咗好多，好認真。就連班入面大部份平日甚少提自己心事嘅理科男同學都寫出好多令人感動嘅說話…真係鐵漢柔情啊…之後仲有同學留言，然後因為呢份功課而識到同好。
於是我哋發現，講到大家中意嘅歌，其實好多人都願意敞開心扉分享佢同呢首歌嘅關係。睇到裡面每位同學寫嘅內容，先知道原來我哋每個人日日睇落開開心心，其實面對過、甚至面對緊好多煩惱。當中可能有升學問題、家庭問題、人際關係問題。曾經被呢D問題壓得抖唔到氣，甚至懷疑自己到底捱唔捱得過。然而喺漆黑之中我地從音樂得到過力量，歌詞好似講中我哋心聲咁，令我哋有種「呢個世界入面我並唔係孤軍作戰」嘅感覺。無論係被背後滾來嘅大石追住向前跑，定係追隨前方嘅光明，或者只係無原因地閉上雙眼向前狂奔，到察覺時竟然已經捱過左。
咁啱當時正值好多自殺事件，令大家都好壓抑…「我想令世界作出改變。」即使我哋知道我哋嘅力量係幾微小。於是我哋由呢120首歌出發，由零開始，想將力量傳遞俾你哋。
冇嘢係捱唔過咖。唔好放棄。